翁記上海館 (已結業)

朋友住慈雲山,探完佢之後就一齊落左街食飯,佢介紹左呢間食上海菜既下午茶真係好抵食炸饅頭配酸辣湯竟然都係$26,仲要份量好足個碗酸辣湯又足料又大碗咁既價錢出面完全唔會搵到囉!!酸辣湯微辣,入面有勁多木耳絲,冬菇,腐竹,誠意十足炸饅頭比一般大舊,點啲煉奶食,正到爆食上海野又點少得小籠包呢呢度既小籠包入面勁多汁夾起上黎都覺得有啲聚手記住小心入面啲湯好熱架川辣口水雞呢個真係好特別,口水雞竟然會落芝麻醬+辣醬可能係呢度既特別造法卦芝麻醬基本上配咩都係好食既而啲雞係好滑,所以整體幾好味但如果你係想食正完既口水雞,呢度就唔係啦!

翁記上海館依家上海菜嘅餐廳，位於慈雲山，位置雖然偏偏地，但勝在佢嘅菜式夠平，份大碟，性價比高，諗起食上海菜，絕對可以黎試下。-雞絲粉皮（$38）份量都幾大，麻醬嘅味道好香濃，粉皮質感滑而爽口，必食之選。花雕醉雞（$45）賣相唔係好靚，但食落雞非常入味，好香酒味，而且雞滑又香嫩。小籠包（$24/4隻）皮薄易咬開，入面嘅湯汁多到滿瀉，湯汁有香濃嘅肉汁味道，仲有少許油脂嘅香味，係口散開。寧波家常炒鱔絲（$68）好鐘意食味菜式，味道好似回鍋肉嘅醬料，食落香辣，而鱔絲亦都好新鮮，有魚鮮同甜味，口感亦都好爽口彈牙！

今天往慈雲山探朋友，不經不覺又到晚餐時間，朋友帶我去慈華里一間新開業冇耐的翁記上海館食，佢話尼間d食物平又幾好食，又吾洗加一和茶錢，餐廳不大，但都座無虛席，即管入去試試！酸辣拉麵、小籠包、豆漿：這是一個餐，價錢比散叫平，豆漿不會太甜，適合任何人飲，酸辣拉麵材料有豆腐絲、木耳絲、肉絲等，湯不會好辣。小籠包都有好多湯汁，套餐都好底食！竹笙火腿雲呑雞：湯底都好濃，因為加了火腿，所以都好鮮味，雞不是半隻上，而是切件的，方便客人食用，雲吞、竹笙和菜都因為和湯一齊食，所以亦帶鮮甜味！上海燻魚：老板說因為近街市，所以每日都可以買到新鮮生猛的鯇魚做燻魚，這魚是凍食，魚肉外層脆的，加上甜甜的醬汁，味道唔錯！鮮肉鍋貼：底部煎得好脆，餡料是鮮肉和菜，食時點少許醋，不會濟！香酥豆沙鍋餅：外層酥脆，夾著豆沙䤾料食，不錯的飯後甜品！

約左爺爺係慈雲山中心，陪佢去QB House剪頭髮，宜家啲10分鐘單剪都大行其道，服務好，話咁快就剪完！之後爺爺話屋企樓下開左間新既上海野叫我陪佢食，爺爺是上海人，上海野佢最岩！餐廳是新開的，不算很大，我地先叫左個獅子頭客飯，加$3有得配菜飯，獅子山我最中意就是啲汁，好濃好好味！菜用上白菜仔，菜不苦，唔好睇獅子頭成舊都係肉，但係用上了瘦豬肉，一點肥肉也沒有，菜飯好大碗，我諗係我平日食開Size既1倍，菜飯唔會「縮」亦無變黃，咁樣都係$43，真心覺得抵食！我地還叫左個細既酸辣湯，$38，諗住同爺爺一人一碗，一黎我地都O晒咀：咁大碗既？？我地即刻嗌個店員，原來細真係咁大碗，我地兩個人飲，每人要飲3，4碗，又再一次覺得：咁抵食既？我覺得味道不錯，偏辣，飲到第2碗已經有少少頂唔順（那邊廂爺爺飲得津津有味），配料有豆腐，豬肉，木耳等，酸味不多，反而辣味重，湯既質感都剛好，唔會太杰。甜品點可以無呢？播沙湯丸$22有6粒，每粒Size不大，拿起大約一個一蚊咁大粒，粉適中，不太多，唔會成粒湯丸「將」住晒啲粉，湯丸餡是芝麻，一咬都有少少爆漿，我同爺爺每人三粒，唔夠喉，叫多一客XD爺爺話呢間上水野真心好食

以前我很喜歡在香港吃上海菜，自從去完上海後，就覺得香港的不及上海般出色，價錢貴之餘，吃完又不怎麼深刻，最近在慈雲山發現新開的上海菜館，確實是這區的第一家上海菜，隱藏於大街小巷內店鋪雖然細小，但感覺簡潔俐落配木石製的桌椅子，有時候看餐牌又不知每道菜的樣子是否合自己心意，一張張食物圖片和餐牌貼在玻璃上，讓人清晰可見餐牌上亦有不同的早、午、下午餐和小菜客飯餐供選擇，並奉送豆漿或熱飲<<阿翁上海小籠包配四川擔擔麵>>擔擔麵湯頭濃郁，麵上鋪滿蔥粒、芝麻、肉碎、花生和榨菜，離遠已嗅到香濃的花生芝麻味，麵條比一般所吃到的擔擔幼麵條粗，麵條口感爽軟彈牙，份量亦比想像中多，差不多是兩個麵團的份量，整體味道不錯，若可加多少許咸和辣就更出色小籠包每個都很大顆，只是夾起都可看到滿滿湯汁在內，咬一口皮薄餡多，湯汁又多又濃，跟一般連鎖式的上海菜館的分別是這裡的小籠包外皮是人手搓成，連鎖式的上海菜館是用機製，所以各有口感不同，這裡所吃到的才是上海式的原汁原味<<香露醉雞菜飯>>醉雞和菜飯是分開上，醉雞滲滿酒香，入口不會太濃烈，肉質軟腍適中，雞肉份量多不

今日去了慈雲山見到呢間小店，食江南菜有寧波，上海，川辣菜色。餐牌多款式，如一人黎可試小籠包餐，一個麵一籠小籠湯包都係$48以下，全日都叫得，抵食，不過今晚同朋友見到太多菜色，所以散叫小菜，先黎冷盤叫了水晶肴肉$42，賣相晶瑩剔透，肉質鮮甜，唔會太咸肉味，唔需要點醋，會好食啲另一冷盤叫了川辣口水雞$45，原來係胡麻醬，有啲花生醬同花生粗粒，好惹味呀！少少微辣，雞肉好滑身，有好多件之後叫了阿翁上湯小籠包（4隻）$24，好大隻，一咬下好多湯汁，果然係店之招牌菜，而且好薄皮，肉質唔會膩口，輕點少少醋就可以，燻魚菜飯$40，客飯既菜色，相對比例大碟，份量似小菜咁大喎，抵食，燻魚肉質腍身，唔會乾，甜甜地餸菜飯不錯。另一小菜係寧波家常炒鱔絲$68，呢個有特色，寧波煮法係麻辣味道，鱔絲非常爽口，乾身，麻辣味濃，夠晒惹味，係出面食唔到的。仲有杭州尖椒，有啲辣有啲唔辣，同傳統銀絲鱔糊好不同，雖然呢度都有得叫，見店員剛才推介生煎包$24，再叫埋，果然冇介紹錯，肉汁鮮甜，唔膩，底有微脆，欣賞個包皮軟熟，帶點甜麵團味，最後叫埋甜品，係酒釀桂花芝麻湯圓$22，超好味，酒糟味香濃，陣陣清香桂花味，湯圓皮薄，芝麻餡香

今晚天寒地凍，落到街只想求其搵間餐廳充飢避寒，行到毓華街口望見這上海小店竟然人頭湧湧，一於試吓啦~坐底睇吓餐牌，價錢完全走大衆化，而且菜式亦多原先我order 8隻的，但店員很貼心溫馨提示我得兩個人叫住4隻先啦，唔夠先加！當上桌時發現原來係咁大隻的，唔怪之得啦一籠4大件, 都只係 24蚊, 幾抵食, 好大隻好多湯汁, 仲好熱添喎, 點醋食, 回味無窮水晶肴肉賣相不錯, 精瑩通透, 有咬口, 冇想像中咁林紅油抄手 望見好似好辣咁但一啲都唔辣, 總是被那香濃紅潤的汁料迷著酸辣湯 冇刺鼻嘅酸味， 材料足啖啖料, 非常開胃奶油津白 清甜嫩滑 多汁好甜美口水雞勁多麻醬， 辣椒油淋起面， 同食開嘅唔同，雞瘦唔肥擔擔麵湯汁濃郁， 好香花生味, 麵既掛湯能力高, 每口都係花生味, 口感幼滑好滿足的一餐，2人根本食唔哂，最後打包, 真係抵食既一餐, HEHE

今日中午打電話訂座，問明可以訂位，但準時七點前到也沒位，在店外等了二十分鐘，不停問是否沒位，最後得到回覆就是在店外開張枱，若要在外開枱，我也沒必要訂枱，對嗎？現在氣溫只是十多度加上有風，我們也不是想吃大排檔那種風味

比食評呃左去試食！一行三人點左三份一樣的小龍包套餐，一碗擔擔面，一龍有四個既小龍包，再加野飲。擔擔面好大個碗，聞落好香睇落個湯好似好濃，筷子一夾起，份量堅小，味道麻麻，湯不濃好水。小龍包正常，無咩特別...未試過可以一試，試過應該唔會再食！

某日睇雜誌，睇到介紹慈雲山小店美食。今日去朝聖，經過一間上海小館，細看門面頗為企理。奇怪為何雜誌没有介紹這間小店？ 細問店長，原來小店開張才三個月。難怪没有介紹到！ 部分小店畀人嘅感覺，通常衛生情況欠佳，但係呢間上海小店估唔到咁企理！價錢大眾化！ 咪以為收費平，出品一定事事但但，今次我點咗阿翁上湯小籠包配四川擔擔麵另加一杯食品。只需HKD 44 就食到。 性價比極高！ 擔擔麵一啲都唔覺得油膩！ 極為清爽！小籠包一咬落口，皮薄多汁，口感一流！ 下次必定再去幫襯！ 聽聞這間店喺不久將來再喺附近開多一間，超期待！