翠園 (德福廣場) (已結業)

呢日放假得閒, 知道我家兩老鐘意食中菜,就試下呢間粵菜餐廳吧.一睇門口裝修好有格調又堂皇,就知道佢收費都唔會係低檔.6點開晚飯市,我地準時到達,雖然冇訂位,不過因為人少少得3個,所以好快就比左枱我地.由於人少,而且我下午食到好飽,所以唔敢叫太多,只係鎖定目標點左佢地比較出名既小菜:鮑汁素珍菌呢個係餐前小食,所以份量唔係好多. 不過水準十分高,個鮑汁味道好濃厚,令幾款唔同既什菌都好入味,但絕對唔會咸,反之十分開胃.大家都有讚無彈,好快就清哂碟.爽脆海蜇頭海蜇頭每片都十分大,又飽滿.食落好爽,真係好脆.而芥末醬亦食得出係好野,好順喉. 呢味小食真係每次來都必點!!糯米炸釀鳳翼呢個真係一大驚喜! 一夾起巳經感覺到佢既皮好脆好薄!!外皮炸得好香好脆,但又一d都唔油膩.雞肉好嫩好滑,入面既糯米飯亦好惹味好黏口.而且一隻既size亦唔細,食左一隻都巳半飽了...蟹皇帶子炒鮮奶呢味又係水準十分高. 材料真係足到離哂譜,d蟹皇多到真係啖啖都有,帶子亦十分肥美,絕不是雪藏的. 炒鮮奶帶點奶騷味,但唔係話十分強烈,一般人都可以接受到. 3樣野加埋味道真係無可挑剔. 如果想味道更加濃,可以加埋面頭幾條金華火

在商場，酒樓食店大多是美心個D大BRAND旗下，依度都係美心黎，不過D野唔錯，可以十卜下。叫左個4人晚飯SET$500幾蚊。但因為3個人食，唔叫蒸魚改叫白肺湯。白肺湯好正! 每個人有兩碗半，有好多肉同雞爪。湯清味濃，無味精，飲得過!小菜尚算精緻。咕嚕肉無比肥肉，味道酸甜合味，有D鞋但可接受，不過唔脆。燒肉皮脆肉嫩，點少少糖，正!蚊班球，魚無甦味，入味，量多。宜家做緊客家菜THEME，有客家黃酒，就叫左一壺。原來你古月就龍山，好耐無飲過，仲有熱水座底溫酒，細心之作。

好久沒有一家四口看電影, 首先的就是謝謝文迪的勞力!看電影前先吃晚飯, 揀了這裡, 上次吃荃灣店是幾喜歡的, 是晚在九龍灣店又如何? 店子擺位闊落, 環境是幾好的.蝦籽香煎琵琶豆腐 $78: 8分, 琵琶豆腐煎得香口, 豆腐夠滑, 也有豆香, 面頭加上蝦籽, 豐富了味道. 一客八件, 轉眼媽媽已經完成本份吃完兩件, 看來也是得她歡心的一道菜.劉伶醉乳鴿 $88: 5分, 相對來講, 這客劉伶醉乳鴿就不是大家喜愛的菜色, 酒味是下得偏濃, 甚至是掩蓋了鴿肉的味道, 好像是吃來吃去都只有酒味. 鴿肉也嫌實了點.紅蔥頭走地雞 $78: 5分, 要半隻都好足夠, 如果要全隻就$148, 便宜一點. 這隻雞是圍村菜, 斬雞後再加上紅蔥頭同埋醬油. 這客雞, 不夠入味, 紅蔥頭同醬油都不太在雞肉上食到. 雞肉本身也不夠嫩滑.生煎菜肉包 $42: 5分, 等了好一會兒才上檯, 但就熱度不夠, 沒有平日吃生煎包的熱辣辣感覺. 皮厚了點, 裡面也沒有甚麼湯汁, 乾乾的, 還好餡料就不俗.整體食物水準一般. 想到這店的銅鑼灣分店是必比登, 究竟是否那邊的水準會高一點? 單計是晚試了三項大廚推介, 都有點不

定時都會帶同小友見見爺爺嫲嫲。若那天沒法抽空回家的話，就會到茶樓喝茶吃點心，給機會讓兩老逗着小友玩玩，由此便堆積下來就有不少午市茶局的飯聚吃評。看來是時候清理它們一下了......第一站來到德福廣場的"翠園"。作為城中其一人流數一數二的商場，要在週末在這兒求得一枱當然甚是困難，就算之前有打電話訂座，最後還是要等的....湊小友的責任就放心交給兩老，我倆就拿起筷子，專心吃東西。難得可以坐定定吃，當然便一口氣叫了多款點心....灼翡翠苗 ---- 差不多每次到美心轄下的酒樓喝茶時都會點的食物。老實說，自己有時也不知為何經常會叫它的，可能是喜歡它那獨有濃濃的草青味吧。當然，吃多一點菜蔬進肚，也是一件有利而無害之事....福建炒飯 ---- 人多時下單自然亂七八糟。正印點心未來，押尾的炒飯竟先端來。獻打得十分的濃厚，有點令人咯喉的感覺；幸好蝦粒、雞粒及瑤柱絲的份量蠻多的，也不錯...义燒腸皮偏厚一些，不過义燒粒是被塞滿於腸粉皮內的，同樣是以多料取勝。不講求好品質，只求飽肚的人，倒應是滿意....初時以為眼前的椒鹽魷魚鬚是會有一層金黃脆漿包着外面的香口作品，現在這做法當然令愛吃炸物的太太甚失望。

占美仔終都大個仔, 成家立室了.上黎呢度飲, 大家都好開心.菜色都係標準的席.燒味方面, 美心出品, 實有水準影慢d都影唔切~皮脆, 肉嫩.其他也很好, 唔太油, 一讚翅也不錯, 雖我支持環保, 但最後都食了...蒸魚, 炸雞都很有水準, 唔會過熟, 滑又多肉汁.甜品有水準我都食左3舊!白頭到老呀~飲過新袍茶, 索過周秀娜呀...

與朋友吃團年飯(共12人)，地點選擇在九龍灣，經大家投票決定食肆，結果是翠園。原先訂枱八點正，訂枱後，翠園來電說因當天訂枱太滿，可否改為七點半，於是我們的聚會便提早半小時。當天原來有筵席，晚飯散座的地方真的很小，可能我早於三星期前訂枱，所以位置比較理想，但它們的枱距離不算太貼。因年近歲晚，侍應們都主力推銷套餐，套餐有三款 $2488, $3588及 $4XXX。我們選擇了 $2488，包括茶價、加一、註明”果汁先生”橙汁兩渣、可樂雪碧各四罐。先來是乳豬拼盤，內有乳豬、燒鵝、油雞、急凍鮑片、海蜇，乳豬十分鬆化，其餘的味道也不錯。接著是翠肉瓜炒花枝片，這個份量頗大，翠肉瓜的稔度剛好。有一個很新款的菜式，名字記不清楚，一塊窩巴上有一隻大蝦仁，蝦仁上面有一粒腰果，再加上沙律醬及少許蟹籽。這個味道加上來很配，窩巴鬆脆。至於翅，這個就比較失色，一大個沙鍋，內有很多銀芽，一疏群翅，侍應把翅攪散連同銀芽放在碗中，這樣便使有些多翅、有些很少翅。而味道很一般。鮑魚菇菜苗，這個份量很多，這些菜苗，侍應說是溫室有機的，要很多才有這個份量。鮑魚菇很鮮甜，這些菜苗，我個人感覺很有"吃草feel"，味道還算不錯。炸

緣起「吃京菜好嗎？」心儀鹿鳴春已久的我向母親大人提議 。大人皺眉，「你姨媽不喜歡的啊……」「上海菜呢？」大人馬上反對，「小籠包？換我不喜歡囉！」「您愛吃壽司，日本菜總可以了吧？」大人嘆了一口氣，「唉──你姨媽不吃刺身的……」「潮州菜好不好？尖沙嘴有一家挺不錯……」大人猶豫，「潮州菜呀，你表妹好像……」噢，大人，您生日您說了算。「好吧，那就吃廣──東──菜！鳳城如何？」我開始自暴自棄。「太子那家嗎？很舊的樣子，不好！」甚麼很「舊」的樣子？人家可是老字號啊 ！我竭力維持語調平穩，「大榮華吧？德福附近，妹妹下班過去也方便。」「不想吃圍村菜啊！」感覺頭頂開始冒煙…… 最後，千錘百鍊，我們選擇了德福翠園。一星期前預訂，抵埗後還是要等。沒辦法，誰叫這幾天正值「做冬」日子？大概等了十多分鐘，終於入座。第一時間與表妹研究菜單 (長輩們總是讓「小朋友」點自己愛吃的，嘻 )：套餐不太吸引；散點、合意的小菜又寥寥可數……左拼右湊，終於點了三個頭盤七個小菜，喻意十全十美。 頭盤──胡麻茄子 ($ 38)、爽脆海蜇頭 ($ 38)、椒鹽脆豆腐 ($ 38)頭盤二冷一熱，味道皆不俗，三者以茄子最佳：入口冰涼的茄子

環境不錯，Service 也好。我哋order 蒜片一口牛柳($48)、杏香西檸軟雞($88)、小蔥魚羊鮮($78)和芋蓉珍珠露($16)。蒜片一口牛柳 - 牛柳很稔又有牛肉嘅香味，味道很好。杏香西檸軟雞 - 用杏仁片包住雞柳嚟炸，但唔夠脆，味道一般。小蔥魚羊鮮 - 有魚片和羊片，味道唔錯芋蓉珍珠露 - 有芋頭味但冇甜味，唔知係唔係唔記得落糖呢？HSBC 白金咭有88 折。

同表妹睇完樓.順便飲埋下午茶.諗住銅鑼灣嗰間幾好.就試下呢間,原來呢間係用點心紙,要order既.都無問題，既然已經坐低左。價錢如下：小點$12.中點$14.大點$16茶錢$6叫左D大路嘢.味道就一般.始終我都係鍾意銅鑼灣嗰間多D.可能晚上有宴會啦。原來3:30PM要last order都幾好坐可惜食得太趕.坐左一陣就走啦.

生日食好D!價錢同去飲一餐人情差唔多, 但有鮑魚魚翅食喎!幾好服務, 要乜有乜, 又冇HARD SELL我地, 叫我地食晒唔夠食先再叫.D送熱辣辣, 係果度D位逼D, 好FULL, 好彩有得BOOK位.

真係要激讚lee個四人半月鴨,海斑餐,全部都好好味呀,價錢又抵($398)SERVICE同環境都好好!頭盤:海蜇頭椒鹽豆腐-好好味呀!!!外脆內軟.非常惹味湯:蟹肉榆耳竹笙- 好好飲,唔會太杰主菜:半月鴨- 好味,不過冇咩肉海斑- 蒸得剛剛好,好嫰滑呀!!!花膠瑤柱浸茶苗- 非常正,好清但d上湯係好入味,瑤柱好"琳"包點:生煎包dessert:杏仁茶- 好味我地三個人食,因為唔會好油,所以都食得晒~呵呵~

今日母親節去咗翠園食飯，我哋十個人，其實都唔肚餓，所以都係散叫。因為佢哋啲套餐超貴，三千幾連加一酒水成四千蚊十二位（又翅又燕窩），自己人食飯唔駛咁豪啦。仲有我哋其實已經早一個星期訂位，但係張枱都係喺啲麻麻哋既位置，夾咗喺中間，可能母親節人多，所以啲枱同枱之間幾乎行唔過一個人，肥嗰啲都幾麻煩。另外，個部長千叮萬囑要我哋喺星期五前要去落訂，如果唔係留唔到枱，呢個都係第一次，都幾誇張！炸子雞半隻貴妃雞半隻龍蝦依麵一碟蛋白蝦仁炒飯花姿蝦仁時蔬鮑汁豆腐咕嚕肉浸時蔬干燒依麵兩碗白飯總括嚟講，除咗碟龍蝦依麵一碟之外，其它都幾好，啲雞尤其滑，但係比較多油，可能本身已經唔餓，再加埋啲餸都幾油，所以都食唔晒要打包。用匯豐卡找數有八八折，都幾好！未到九點就食完，但有啲枱已經吉咗，唔似其它酒樓會一枱接一枱仲有門口排住一大堆人。可能係咁，所以佢哋喺訂枱既時候都無講話要我哋八點半交枱之類。我諗可能係價錢既問題，佢哋唔似美心咁多人啦！有一點要提，佢哋個樓底比較低，所以人多起上嚟都好鬼嘈，根本就聽唔到對面位既人講嘢。所以閑日嚟無咩所謂，但大時大節就唔好喇。

上司請食飯, 一行十人一起吃中午飯, 十多廿個點心...燒賣, 排骨, 蝦餃 (蝦很大隻, 爽口), 腸粉包春卷 (類肉炸兩, 餡料更豐富, 只宜一件起兩件上), 叉燒腸 (叉燒無咩顏色), 川芎魚雲 (跟同事一起點時...看錯了, 以為是蒸的, 藥味濃), 灼菜心, 溫室苗 (略油, 但新鮮翠綠), 迷你蛋違仔 (一客六件, 剩係睇隻碟都好精緻), 叉燒包, 馬拉糕 (跟荃灣區的完全不一樣, 這個是傳統啡色的, 唔太甜, 質感不夠鬆軟, 油下得不多, 唔錯), 蛋白炒飯及古法炒河...兩個不是太吸引, 但也吃不下, 同事再叫了些甜品, 所有糖水也會跟上一件仔蔗汁糕, 吃了半件, 好清甜, 好好食! 焗西米布甸 (又"痴"了一小匙...甜了一點), 南北杏雪耳木瓜 (又係甜了些)整體服務不錯, 偷聽了...埋單約 $7xx, 每人七十幾, 吃得飽飽, 點心也做得不錯, 點解同荃灣食到的不同...? 不是同一集團的嗎?PS. 最後, 漏單了.....無緣品種"小心" - 流沙包!

Three dim sum posts in a row! (You can tell I LOVE dim sum)A friend and I decided to have a quick afternoon dim sum meal @ Jade Garden (翠園) on a Wednesday afternoon. We chose it mainly because it is conveniently located in the arcade. While other dim sum places like 美心 and 稻香 seemed to be still very crowded during afternoon, 翠園 was relatively quiet with only half of the tables full. We were sent straight to a large table and we placed our orders immediately.First came was a special-priced it

Good service compare with other chinese restaurant in kowloon Bay. Some signature dishes is good but less portion. Vegetables in hot pot - HKI$ 68 - very less portionSteamed fillet - Good HK$118BBQ Goose - Skins are crispy and hot - HK$78Meat Cake - So soDaily soup - okay Good envirnoment with parents and relatives gathering