翠華餐廳 (已結業)

話說尋日喺某間茶餐廳食到個完全唔合格嘅海南雞飯，唔開心左成晚，所以決定今晚去第二間茶餐廳再食海南雞飯，睇吓會唔會呢間做得好啲可以食返個令人滿足，令人開心嘅海南雞飯。今次揀咗翠華，話晒大集團，應該會有保證啲啦掛？果然，用料的確好啲，$70 一份，對得起個價，今餐我係滿意嘅。呢度海南雞雞肉算嫩滑，食落有雞味，皮爽口，癡住肉嘅肥膏唔多，去咗塊皮就啖啖肉。血管清理得好乾淨，雞肉雪白，海南雞來講處理得好！醬汁方面，酸甜辣醬好開胃，味道剛好，個人非常喜歡。甜豉油亦比較正宗，不會死甜，能吊出雞嘅鮮味。呢個海南雞飯，我係會再食嘅。

又到早餐時間，今次叫了雪菜肉絲米（蝦🦐米湯底）加奶茶。先到豬仔包。新鮮即整。好翠，再來奶茶，茶香奶滑，落一包糖剛剛好。飲了一口。滑。米粉到。先飲湯底。有蝦米🦐味。再食米粉，夠明幼細，肉絲都不錯，整體都好味。加小小辣油。好快就食清。因為太多大陸人。所以都食飽拿拿聲走

想食魚蛋粉。當然食翠華。44蚊包飲品。尖沙咀下午茶時間人不多。不用等位。熱奶茶。好快就到。茶熱奶正。香滑奶茶。再來魚蛋粉，先飲一淡湯。魚湯味。好飲，再加小小辣油。粉好滑，魚蛋又正。份量不算細份。不過男仕就未必夠飽。其實翠華下午茶餐仲有好多選擇。不過都是喜愛魚蛋粉

約了好友食早餐。要飲好飲奶茶，當然係翠華。11點仲有早餐時間。正。岩晒我呢類人。入到去。全部講國語🤦‍♀️全部都國語拉喼人。等了2分鐘後有位。當然叫了早餐a。通粉餐。先上火腿通。分量都算不錯。再來太陽蛋加腸。全部都即煎。好味。最後來到重點推介。熱奶奶。奶香茶濃。不錯不錯。今日試了一個非常滿足的早餐

On a recent trip to HK we happened to have a few meals at Tsui Wah actually and loved everything there . Be it going there during the day or a snack in the evening or even a post midnight meal after a couple of drinks . Everything was great . Now that we were back I was curious about a dessert we had there but have forgotten the name . If somebody could help us out would be great . Attaching the picture of the same .

晚上10:30，樓下嗰層冇吉檯，唯有去上層，上到去見到坐咗5-6檯人，全層唯一一個阿姐淨係顧住喺度食魚蛋，叫極佢都當人透明。Okay，等佢食完嗰幾粒魚蛋，先斯斯然咁行過嚟話上層閂咗，冇人做嘢！同佢講樓下冇檯，佢就當聽唔到就咁走咗去！最後行過去問佢係咪唔幫人落單，佢就話自己好忙，唔得閒！喂！你上面閂咗，阿姐你唔想做嘢，咪叫樓下同事幫人搵個位囉，唔係咁耍大牌嘛？我幫襯咗呢間翠華好耐，愈來愈失望。得嗰幾個做得比較耐嘅待應似啲樣，其餘嗰啲好似唔想做嘢咁，喺你面前行過都睇你唔到，聽你唔到咁！啲檯又成日痴笠笠！經過呢一次，唔使旨意我再去呢間翠華！可能佢哋都唔自在本地人幫襯，淨係想做大陸人生意吧！

去過中環翠華，尖沙咀呢間環境勁污糟，餐牌同枱面梳化痴立立，啲餐具都好污糟，嗌咗個焗豬，大家樂同普通茶記都好食過佢，我去太興起碼都乾淨啲，賣單95蚊，真心唔好食，中環嗰間應該好食同企理好多，呢間嘢不知所謂

當年翠華曾經是我的其中一間至愛餐廳，雖然以茶餐廳來說它是偏貴，但因為食物的水準也出眾，所以以往是心中至愛之一。但因為工作關係，已沒有去光顧了好幾年，直至上星期跟一位台灣朋友去試試，真的太差勁了，似乎翠華已經不再是香港人的茶餐廳，一)排隊的90%都是國內遊客，要排上20分鐘以上(如果食物OK當然值得，否則就覺得自己是蠢貨)二)我們被安排樓上位置，但發現樓上空枱多的是，難道就是你們排隊做勢？！三)叫伙計點餐，沒有回應……爱理不理的態度！四)點了魚蛋湯，咖哩牛腩麵和蛋白芥蘭炒飯，牛腩已經沒有以前的好吃，魚蛋ok, 蛋白炒飯出來已經是凍的，而且你來光顧要有耐性啊(等、等、等)，趕時間的千萬不要來！五)洗手間的馬桶全是蹲廁，我以為我跑回國內的餐廳了，這些設備攞明就是迎著國內同胞的方便！總括來說，吃翠華，就是吃網路的名氣，價錢是仍然的貴，但食物不再好吃了！！

話說今日要去拆駁髮兼整頭髮，咁就搞到餓餓地（午餐都冇食）咁去到尖沙咀見有時間想去食啲野先啦，費事一陣整太夜會餓嘛。入到翠華，下午茶時間，唔算多人，是但搵張枱坐低就叫野食。咁翠華不嬲價錢略貴，我叫左個餐蛋治烘底加杯凍檸茶，5，60$左右，諗住食少少就夠，點知一黎到我真係呆左超級大份囉大佬呀！睇相唔夠震撼呀，我食左一件咋！就已經飽飽地..（利申：唔係細食戈啲人）個三文治既蛋係超級厚，而且係好味唔會炒到好老咁，呢樣我又覺得的確係普通茶餐廳廿幾三十蚊既三文治都比唔上既。好食，我覺得價錢都算合理。杯凍檸茶甜度適當、唔會太澀或太甜下午茶去歎一歎都算唔錯。

今天放工後，先在公司附近Tea一Tea。三個基本茶餐已經不再吸引。黑松露滑蛋包，看來很大隻。但今天有化妝，不方便張大嘴巴享用這個巨包！發現有特色茶餐，看來好抵食，就試試這個茶餐吧！　　秋葵炒滑蛋　炒蛋唔夠滑，較老身，不過有秋葵滑潺潺的粘液，就可以扮滑蛋。配這細小精緻的牛油豬仔包也不錯，變成秋葵炒滑蛋牛油豬了！　　豬扒即食麵　　　豬扒，不是煎豬扒，而是油炸出來的黃金豬扒。單憑視覺，總覺得有點硬掘掘。炸豬扒有點硬，落刀要比Ｄ力。肉質不老，尚算有肉汁，但没有豬應有的豬肉味。大集團的貨色，心照。先將豬扒分件，再慢慢享用。　即食麵　　好邪惡的食物，既然選擇這個茶餐，就要夾硬食左佢。食即食麵要有儀態，以叉子卷起來享用，保証不會發出＜雪雪＞聲。味精湯底，好有出前丁丁的感覺。　　茶酒　　明明點了茶酒，但職員呈上的是普通招牌奶茶。真係無話可說了！　　　餐廳地面尚算乾淨，没有明顯垃圾，衛生ＯＫ。但很多遊客慕名光顧，好嘈吵果堆囉！因為太嘈吵，環境比低分。

食最普通的通粉餐，通粉過林😔 太陽蛋上枱是涼的，蛋太生還有些透明蛋液（蛋白末變白色）奶茶有些苦澀（只是早上10時，茶已過苦。 了）衛生差！地下好似潮濕一樣是滑的！枱面冇抹，有蚊滋！周邊的鏡、牆也是有點邋遢！經理更是⋯⋯算把啦😔太失望了

一直都好喜歡食呢間翠華的鹿兒島豬軟骨米線同凍奶茶。今日lunch 同同事兩個人一齊去食。本身有兩層，之前黎都唔使點等位，但今日唔知點解好多自由行遊客，需要等約十分鐘先有位。一坐低，即叫左每次黎都必食的鹿兒島豬軟骨魚蛋米缐同凍奶茶。雖然客人很多，但食物都黎得好快。豬軟骨保持水準，但湯底味道差咗，又唔夠熱，米線太淋，魚蛋完全唔彈牙，仲有D唔太新鮮的味道。好彩杯奶茶仲keep到。不過整體來說係差咗，有點失望，唔知係咪太多客，應付唔切先失準呢？

星期六的早上，返工前約埋同事一齊食早餐，受到近日電視劇集的影響，一於要去翠華食個早餐，順便嘆杯奶茶。尖沙咀翠華，可能係遊客區，一早去到都已經好多人，好彩仲搵到位坐，睇完餐牌，叫左個沙嗲牛肉麵，配炒蛋，牛油豬仔包，加杯熱奶茶。沙嗲牛肉麵，沙嗲味夠濃，而牛肉又淋又入味，炒蛋亦都好滑，豬仔包有牛油，烘得熱辣辣，香脆再加上牛油，變得特別好味，最後飲埋杯奶茶，茶味比奶味較濃，我個人幾鍾意這個茶和奶的比例，真係飲完會再番尋味。

今日天氣得十一度，凍冰冰又係藉口落街食個豐盛早餐，開個靚頭Good Morning 🌞要咗個D餐五香肉丁公仔麵配菠菜炒蛋、牛油豬仔、飲熱檸蜜茶❤️五香肉丁都好多份量，唔會好似有時其他茶餐廳得嗰兩三粒小家到死🤦‍♀️不過公仔麵稍微煮得耐咗⋯麵太軟身菠菜炒蛋一如既往咁好味，又唔會太鹹，炒蛋煮得剛剛好，我鍾意佢加啲菠菜喺炒蛋入面，令到份早餐「感覺」健康啲🤣豬仔熱辣辣，卜卜脆，無得輸😝本身我想叫熱菜蜜，不過原來翠華係無熱菜蜜🤦‍♀️侍應姐姐推薦我飲熱檸蜜水/熱檸蜜茶❤️真係無咩聽過熱檸蜜茶，即刻整杯黎試吓先😊最正係唔洗另外加錢❤️原理就係熱檸茶加上蜂蜜，又幾滋潤喎，呢幾日天氣凍飲就最適合不過👍

有一天中午想前往尖沙咀翠華餐廳，並選擇了碟頭式西炒飯作午餐。和一般西式炒飯一樣，以茄汁雞蛋炒熟飯，再以切香腸粒、洋蔥粒、紅蘿蔔粒及青豆作配料，再加上適量調味料鑊炒下，味道ok。