翠華餐廳 (已結業)

XO 醬鮮蝦球撈麵走蔥，碗魚清湯係用個大杯裝住架，好得意呀 ﹗真係可以攞住隻杯飲，清香可口。賣相好靚，擺位得宜整齊，顏色鮮豔又吸引。幼麵質地爽口彈彈，撈左豉油同滷抽，好似食緊索索聲既豉油王炒麵咁呢，非常滿意，撈埋蝦球及原味 XO 醬就更加香口。掛住食，唔記得落撈辣椒油添，證明真係食得過。蝦球難得有鮮味又爽口，Good ﹗今晚翠華突然霖晒檔，無估到郭富城演唱會完左後，人群擁晒黎食野呢﹗水吧飲品、廚房食物都出得好慢，連廚房哥哥仔都要著住水鞋出黎幫手送飲品呢。我地一點都不趕時間，慢慢。享受歡樂時光，望多兩眼，呵呵。

咖喱牛腩飯招牌菜，必點，咖喱汁偏辣裡面的牛腩和牛筋分量都很多，牛腩燉的不夠爛，牛筋卻是軟軟的，很入味。魚四寶分別是墨魚丸，魚丸，魚豆腐魚餃，和紫菜，湯挺新鮮，味道還過得去，就是沒有太大的特色，墨魚丸比較好吃。

今日我同阿媽一起去翠華餐廳度食野，感覺到時間真係過得飛快啊，不知不覺就已經系2016年3月底啦。一年之計在於春。咖喱牛腩飯系我媽媽覺得尼個飯真係好岩佢胃口，翠華的咖喱牛腩飯的的確確系好好味，咖喱的味道比較濃鬱，而且咖喱好有越南風味，幾正宗下，牛腩的話都吸收了咖喱的味道，牛腩本身可能會系比較腥氣的，但係經過同咖喱的烹調之後就變得好軟而且入口覺得系精華，難怪阿媽成日無論去到邊度都鐘意食尼個飯。系翠華餐廳食野的時候我們一般都會習慣點翻杯奶茶，奶茶不會太甜，飯後飲好岩，覺得系飯後再飲翻杯奶茶真係人生一大享受呀。

翠華⋯其實好參差⋯真係視乎各間管理問題去斷定邊一間分店成功與失敗。位於加拿芬道嘅翠華，可能開業多年啦，定係管理層嘅鬆懈，一入店內已感到唔太乾淨嘅感覺，可能啱啱拖完地，環境空間濕氣較重嘅關係。餐牌邊位披邊，而且痴笠笠，好明顯冇乜點去做好清潔工作！座位上有食物殘渣⋯檯面亦痴笠笠，調味架明顯冇做好日常清潔！ 作為一間咁有名氣嘅上市大公司，可唔可以做返好啲個店面，最基本嘅乾淨要做好，尊重一下食客吧！不嬲都認為翠華名過於實，價格上偏貴，食物質素亦頗參差！ 一個魚片頭河下午茶可以賣到$42一份，貴！而味道上算可以，唔會太突出地話試完一啖會「嘩！」一聲好好味，中規中矩！魚片口感上的確幾爽彈，個湯都幾鮮甜，好重魚味！河粉就一般，略嫌煮過龍，太熟！ 跟茶熱奶茶好香滑，但個杯邊崩的！唔怕會𠝹到客人個嘴嗎？換個完整嘅杯有困難嗎？沙爹肥牛撈米配雲吞 沙爹味好濃，雲吞都大粒，浸住雲吞個湯亦唔錯，好濃嘅魚香味！ 由於係上市餐廳，價錢亦收得頗貴，自然對佢要求更高，希望清潔管理上作出改善，客人除了去食一間餐廳嘅食物，食個環境亦都好重要！

今天同朋友嚟翠華吃晚飯，時間有d早，唔算太多人，我哋點咗奶油豬，海南雞飯，豆芽炒肉絲兩面黃，凍奶茶；等咗幾分鐘，已經開始陸續上菜喇，比平常快咗喔！奶油豬同海南雞飯係翠華比較常點同受大眾歡迎；香香甜甜嘅煉奶加脆脆嘅烤面包，味道無得彈；海南雞飯嘅醬汁係特色，有甜有咸任君選擇口味，雞肉嫩滑，湯水也煲得比較入味；凍奶茶搭配煎得焦黃香脆嘅肉絲面都係一個唔錯嘅選擇，朋友食咗之后都贊不絕口；因為平時過嚟都係食飯比較多，聽完朋友咁講，我有機會都要試一試面食先得喇！

正值流感高峰期，我亦不幸中招，近日要回歸清淡飲食。是曰點了四寶米缐同招牌熱奶茶。四寶有魚旦，墨丸，魚腐同魚春卷 。估唔到此連鎖茶餐廳會有這樣好質數的魚丸！魚丸相當彈牙兼且有鮮魚味！正呀！墨丸也墨魚味十足，爽呀！最讚是魚腐同魚春卷，索曬湯汁，一咬魚鮮味加湯汁同時在口裏爆發。米線既滑且不會過林，湯頭是鮮魚湯底，清得嚟又鮮，喚醒左我病了的味雷。奶茶：奶香茶滑，比例剛剛好。茶有茶味之餘又唔澀，是高水準港式奶茶。推介！

在所有港式茶餐廳里，翠華餐廳大概是比較平價的餐廳了，裡面各種小吃也很美味。餐廳環境很衛生，所有東西擺放很齊整，客人多，但是講話都不大聲，比較安靜。一份炸雲吞，裡面有八九個雲吞，兩種味道。我中意的是菠菜鮮蝦味的雲吞，蝦肉很鮮嫩，菠菜也非常清香，很讚。同事倒是喜歡純蝦的雲吞。奶茶味道超級棒，就只有奶和茶，非常純正，味道上稍微苦一些。不過，很是喜歡。奶油豬的味道則比較普通，在其他店鋪食過的奶油豬，有的比這裡的更好食一些。這個店鋪是我常和同事，朋友去食的，以後還會去。

由於某人同我打賭輸左要請我食翻餐，地點時間佢安排，明明我贏佐點解唔系我話事去邊食既算喇，我大人有大量原諒佢喇。我如約黎到加拿芬道既翠華餐廳，哩間係我第一次黎，一入門口已經爆曬棚，好彩佢早黎到霸定位先。肚仔餓死喇，例牌叫番個奶油豬。奶油豬系切片麵包塗上煉奶入烤箱烤製，奶香深入麵包里，麵包甜香，外脆内軟，很簡單既料理，但很美味。最重點既係好快就可以上臺，啱曬肚空空既我。煉奶比較多，本人系好鐘意食甜食既，所以對於我黎講甜度啱啱好，如果唔太鐘情甜食既請慎點。奶茶都幾絲滑，奶味足，凍檸檬茶都唔錯，食完奶油豬飲番啖檸檬茶，甜膩感盡消，爽啊！咖喱牛腩飯：咖喱同飯系分開既，味道都幾好，好浓郁，有小小辣，感覺仲有一陣奶香味，牛腩好嫩，夠大舊，同大舊既薯仔襯翻，牛腩同薯仔都好入味。海南雞飯：雞肉係起骨既, 份量因為全部係雞胸肉既關係, 俾人既感覺好多, 雞肉味道還可以, 醬汁提供兩款-- 甜豉油同酸雞醬，個人比較喜歡甜豉油。翠華餐廳有咁多分店，係茶餐廳中產品都算過得去，光顧既人好多，服務員都好忙，但係系服務行業中，服務態度與食物同樣重要。如何令到美食加分？就是服務！

翠華餐廳一直都是很忙的樣子。早晨九點多鐘去，一樓已經爆滿，服務員帶去了二樓。周圍很乾淨的樣子，雖說很熱鬧，卻也不是沸沸揚揚的張揚。坐下，看到菜單，迫不及待點了幾個菜來嘗。以前喝茶還是以奶茶為主，如今嘗試了檸檬茶，既有茶的味道，又有檸檬本身的酸味。吃的比較油膩時，用這個茶來解膩最合適不過了。奶油豬其實是在麵包上面加了煉奶再烤製，食上去好美味，外面還是蘇蘇的感覺。不過，不可多食，容易膩。牛肉麵倒是很不錯的樣子。看上去很像泡麵的樣子，但是吃起來可以說非常勁道。在食牛肉麵，一定要加上辣醬，如此才是美味。這樣一頓飯，花費倒也不是很貴。總體感覺倒是不錯。下次找不到吃食，還會再次選擇此餐廳。

去了香港怎麽能不吃如此有名的翠華茶餐廳！所以來港第一天就吃了翠華,香港到處都可以看見翠華餐廳，也很知名，這家店因爲離我入住的酒店最近，所以選擇了這家，吃過一次晚餐，就茶餐廳來講，我覺得真的很不錯~晚餐來的時候有7、8點了，結果門口排著大隊，不過好在速度還比較快。點菜、上菜的速度都很快，餐點的口味卻沒有打折，很好吃！#秘制海南雞飯# 店外面就貼著主打這道菜，進來第一個就點了這個，果然好吃。雞很嫩、清單又有滋味，兩種蘸醬口味都好吃，個人喜歡黃色的酸口兒的，同行小夥伴超愛黑色甜醬油口味的，甚至一路上都說想買這種調料~~雞湯味超濃，裏面還有蔬菜。#皇牌馬來咖喱牛腩飯# 真是一大碗，好實惠！而且咖喱的味道很濃郁，牛肉很大塊卻好嚼，拌飯吃超級香！#翠華奶油豬# 烤的脆豬仔包，上面配煉乳，現烤的面包很酥脆，熱的煉乳都融化了，吃起來香甜可口~就是用手吃的時候煉乳汁搞得手黏黏糊糊的#至潮魚蛋片頭河# 這道菜翠華的廣告牌上最常見，特意點來吃，魚蛋、魚豆腐吃得出新鮮貨真，片頭河是切成大塊的河粉，這道菜清淡但是吃得出魚産品的鮮甜，喜歡。#鹿兒島風豬軟骨拼鮮蝦雲吞米線# 豬軟骨很嫩是燒制的，放在鮮蝦雲吞米線上，

今天午餐份量太少，所以放工馬上去搵食。來到附近的翠華，幸好能趕及下午茶餐的時段。點了茶餐A:至潮魚蛋片頭河 - 配茶酒食物呈上後，發現食物和以往對比有點不同。白色的潮州魚蛋和啡色片頭size細左。魚蛋片頭好似是啤出來的三角形，又扁又細又皺皮，不是以前的厚身彈彈魚片頭。白色潮州魚蛋呎寸縮水，幸好咬落仍彈牙。再到河粉。河粉份量十足，口感滑溜。湯底較少，還以為是河粉浸至發脹。但是湯底味道和以前大大不同了。沒有當初魚湯鮮甜的感覺，反而入口時，味道很淡, 但味蕾好似被炸開/熱辣辣。#湯底在放入口前，已在匙羹上吹凍，#這就並非湯底熱辣辣了! 完成河粉後，這種味蕾熱辣辣的感覺仍然持續喎!之後要飲好多水囉！ 大家明啦！餐飲-茶酒味道ok水準依舊。只是茶酒放涼後, 煉奶沉底, 飲前要攪一攪.個人感覺河粉唔多掂，之後要飲好多水,但俾面杯茶酒，拉勻比ok炸。

早排晚餐來到翠華食飯，等了20分鐘，終於有位了。這裹地方舒服，野食又唔差，當然價錢就是貴一點喇。2個人叫左2個飯同個奶油猪仔包咖喱牛腩飯咖喱汁味道很濃郁，口味比較重，鍾意食濃味道的實鍾意。而牛腩的份量也很多，又好淋，加上有咖喱汁伴飯，好快就食晒。海南雞飯海南雞皮嫩滑，D肉都好新鲜。冇雪藏味。另外酱料也不錯，兩種味都不太濃，剛剛好。奶油猪仔包面包烤得很脆，上面加了煉奶同小小牛油，好香及甜甜脆脆，每次黎都差唔多必食。 

茶記中我最愛翠華，因為乾淨衛生， 食物水準平均, 多選擇. 不過會比其他茶記貴小小. 今次叫左佢輕食類的鮮蝦菠菜餃（6隻）. 湯底係用魚湯，清得黎不淡口不油膩. 餃皮薄滑.蝦方面都幾好，唔會mui口. 蝦同豬係好朋友.歷史悠久做法既雲吞都係有蝦同豬，好食既一定要講蝦同豬既分量. 入面有少量豬肉同蝦作出配合，個人不愛太多豬肉的餃，所以呢個岩食.菠菜方面，佢同蝦都幾balance.滿意！愛健康同想食個light D既meal都可以叫呢個. 不過可能對男人或大食人士黎講不夠. 提外話：之前叫同一次其實都，有時菠菜會老,同豬肉多左，應該係人手包先會咁，有時比例同食物都有不當造之時, 可原諒.

收五點約了朋友尖東睇戲食少少野先。叫左個黑椒牛扒飯,牛扒好鬆軟，可能有用粉掩過黑椒汁少少辣好和味,個飯夠乾爽，撈黑椒汁更和味咖啡普普通通，奶稍多呢間座位無咁好坐.可能我今日坐圓枱同要搭枱。不過我喜歡呢度地方企理

通常半夜要食飯, 第一個反應都想到是翠華, 因為唔怕阻人收工, 又多選擇, 原本對翠華的食物質素唔會有太高要求, 但這次簡直是用難食來形容, 晚餐上寫明是西冷牛扒加配意粉, 結果說好的牛扒變了一堆肉, 意粉完全沒有味道, 問問店員, 為何西冷牛扒是一堆牛肉片, 店員說不知道,廚房怎樣煮他們不知的, 意粉完全沒有味道, 他很坦白說意粉就是沒味道的, 或者給你茄汁, 自行調味.坦白說, 以前翠華的食品算是茶餐廳類別水準以上,  但現時....... 還有自從商品說明條例生效後, 我相信這個晚餐絕對與事實不符.