翡翠拉麵小籠包

营业中

休息中

由於很久沒有食上海菜，所以第一時間想到翡翠拉麵小籠包！以為六點左右去就不用等位，可是安排不太妥善，只是三至四人不用等位，二人就在門外呆等，明明店內有四人枱是未有人入座，不太明白為什麼不可以彈性調整？幸好落單及上菜也很快！第一道送上的是我的最愛「上海小龍包」，皮薄肉質鮮美！喝下美味的湯才一口吃下小龍包！第二道上的是原盅雲吞雞湯，比我心目中的size細了少少，而且沒有雞味只是濃濃的金華火腿味！雲吞不錯，雞胸肉就⋯上海炒年糕仍是保持水準蘿蔔絲酥餅做得十分好

今日放夜左，阿媽話費事煮直接一齊出去食。我更係好，又可以食好野la不過大家都唔想去咁遠，近近地係附近食，近期又想食小籠包於是去左翡翠拉麵小籠包到開餐。平日晚上都唔洗等位等好耐，如果星期六日就要等一陣la先嚟個冷菜鎮江肴肉$58-呢個係媽媽指定。份量適中，將d肉加湯汁雪成啫喱咁，味道唔錯。不過可能唔係人人啱四川擔擔麵(剪麵)$56-同阿媽一人一碗，我地都係擔擔麵既愛好者。拉麵唔錯，似係手拉麵，夠彈牙。加左啲芝麻同蔥好香。可惜冇以前咁好食，湯底冇咁濃。上海小籠包$38-今晚重點菜，小籠包皮薄餡靚，好多湯汁。呢到既小籠包有水準，唔錯。

睇完戲之後我哋就嚟咗呢間食啦~將軍澳分店都係第一次食~我哋就叫咗一個素食炒飯啦~同埋一碗擔擔麵唔辣嘅~怕辣就可以點唔辣~另外仲加多一籠小籠包~最後叫咗一碟雞絲粉皮~三樣嘢入面我諗我最鍾意食嘅都係小籠包皮薄又多汁~味道又啱啱好~真係好好食呀心入面好想叫多一籠大又驚食唔曬

好中意食上海菜既我。今晚要試下食呢一間。其實之前都係沙田食過，覺得好食，所以今晚同屋企人既冬至飯就食多次！我地大概7點去到，都要等位啦，但吾算等好耐，因為入枱都入得幾快🙂我地4個人坐半邊梳化位，都坐得幾舒服，吾會覺得太迫既，但個侍應已經同我地講快啲落單，而家要等30分鐘先有野食。甘我地就叫左以下食物。。。小籠包：必點啦！唉，忘記了影相。。一送上拎就食，sorry丫。。呢個小籠包個皮都算薄，入面有肉汁，好食上海炒年糕:無乜好特別，只係個人好中意年糕，所以每次都要點🤣松子魚：呢個好少少失望，因為炸得吾夠，油味有點重，個汁好酸。同魚既切法吾好，勁求其界幾下就算甘☹️失望！雲吞雞：湯頭不俗，雞有半隻，雲吞有6粒，份量4個人岩岩好，都可以一試擔擔麵：必點，好好食，夠麻香味，但略嫌有點辣，因為無得叫吾辣，我自己吾食得太辣。。但好食，麵條都q，吾係淋。最中意叫佢吾剪麵，一路食都無自己斷，好正😍8寶紫米飯甜品：第一次試，有驚喜，上面加左桂花汁，好夾但又吾會太甜。入面紫米夠香好食，值得一試！原本想加多個銀絲卷，個侍應姐姐吾俾我地落，話要等30分鐘喎，好耐喎！你地都食完啦，吾好加啦。☹️🙁我地話甘算囉，埋單就

是日一同四位成人加一個手抱 BB 連一架巨型 BB 車，服務員主動安排一張六人枱，份外感到窩心風味牛筋凍 $62，牛筋同牛腩比例恰當，好濃牛味，鹹淡適中，加上少少蒜蓉一齊食，味道更突出鎮江餚肉 $58，合格，保持水準宮廷醬茄子$48，原來是冷盤，不油不膩，茄子吸了醬汁一起吃，味道非常夾甜酸青瓜簾 $48，偏酸和鹹砂窩雲吞雞 $192，合格，雲吞菜肉比例適中，雞不肥蟹粉小籠包 $76，好濃蟹味，湯又鮮甜，包工好，完全可以整粒雲小籠包放入口中，一漏不漏，吃完不禁叫起來，正雪菜蝦仁炒飯 $88，不油，粒粒飯都有味，雪菜味香而不鹹，有驚喜

今日公司有事要去將軍澳做野，又到三點三當然要搵地方食下午茶！忽然間好想食小籠包，於是就一個人都照去幫襯《翡翠拉麵小籠包》。首先當然二話不說要叫小籠包啦！皮很薄而且柔韌有彈性，內裡的肉亦鮮甜多汁。趁著熱辣辣的時候不知不覺就把四隻吃完。無理由淨係要一籠小籠包，所以另外點了兩個小食。甜酸青瓜簾外型幾得意，把青瓜的表皮片了出來後卷成一卷卷，再配上甜甜酸酸的清爽醬汁非常好吃！陳醋西芹黑木耳，就有很濃郁的陳醋香味。西芹切成薄薄的一片所以口感不會過硬，再配上爽脆的黑木耳感覺非常清新。店內採用了大玻璃設計感覺非常光猛而且座位舒適令人有好舒服的感覺，下次一定會再來！

午飯時間來，叫左個上海粗炒，碟粗炒睇上去就好大一碟既，但成碟都係菜，D菜又硬！D面就占左1/3到，唔知道呢個粗炒係粗炒面定粗炒菜！以前食過都唔係咁！失望至極！唉

因為將軍澳唔多野食，所以就去試左依間翡翠拉麵小籠包。之前都有食過其他分店，相隔左好耐先再試，覺得水準大不如前先講下酸辣湯拉麵($63) 份量好夠，普通一個人食都夠飽。侍應都好細心咁問我地需唔需要剪麵方便食湯料都好足，惟一唔好既就係湯底過酸，食既時候只係得酸味冇左辣味同湯料帶出既味另外我地仲叫左一份雪菜毛豆百葉($68) 雖然本身食得依個餸都預左係淡味，不過真係太淡，所以我地要靠豆瓣醬黎吊味最後我地都叫左蘿蔔絲酥餅($38)可惜我唔記得影相需時大約十五分鐘先有，但酥皮好鬆化，餡料都好夠今餐不過不失，但價錢比一般既貴，如果同長輩黎食應該就比較適合

2個人去食，叫左碟炒飯，同小籠包，味到都不錯，是係都講服態度很差，重點係個經理，大聲無禮貌既語氣，目光好似殺左人咁惡，唉詳情真係吾想打出黎，總之吾會再去依間食，差差差

今個中午，突然好想食上海拉麵，就去咗翡翠拉麵小籠包店。叫咗個四川擔擔麵，因為怕佢太辣，所以叫咗個小辣。d拉麵煮得好彈牙，湯㡳帶甜，味道不錯，可能叫咗小辣，一啲辣的感覺也沒有，下次可久叫返正常辣度會更好味。朋友就叫咗碗酸辣湯拉麵，一上枱，一股濃郁嘅酸辣味湧上來，佢話勁辣及酸，吃完成身暖哂，嘴也有點麻了，佢真係上門拉麵連湯食晒。 當然亦有叫小小籠包，不過今日師傅教得麻麻地，一夾起就即刻穿咗，啲湯流晒係個籠度，有點掃興。

翡翠拉麵小籠包 (將軍澳分店)地址:將軍澳唐賢街9號PopCorn商場1樓F09號舖，港鐵站C出口左轉升降機上一層直行就係，晚市輪候嘅時間都較耐，建議早少少嚟等位，因為係集團經營，店員服務非常有禮貌及主動，及水準平均，跟其他分店沒有太大差別。我們一行六人點算了以下食品，上菜時間迅速，15分鐘內已經上晒所有菜，真係好有效率。★砂鍋雲吞雞 6人$180湯底香甜，雞肉嚡口，雲吞足料，一鍋夠6-7人享用★鎮江肴肉 $58 入口即溶的啫喱狀，每次必點，點醋食太正★醉豬手 $58 酒香味濃，豬手唔夠入味★四川口水雞 $62 沒有雞味，但係很滑，配埋醬汁冇得輸★南京鹽水鴨 $58 南京獨有特色，試過就會鍾意，鹹香出色★四喜烤麩 $54 醬油味濃，每次必點★上海小籠包6隻 $72 皮薄，餡料湯多，唔容易穿，每次必點，價錢略貴★上海排骨拉麵（剪面） $60 ★水煮牛肉拉麵（剪面） $66★四川淡淡拉麵 （剪面）$52 拉麵幼滑，軟硬適中，份量少 排骨炸得很香脆，火候夠； 水煮牛肉超濃味，牛肉滑及分量多； 四川味道香濃有濃郁的花生味，但係肉碎少★蒸素菜包三隻 $28味道清新，蔬菜

相信大家都是過呢間拉麵小籠包， 其實食物就真係冇乜特別，只係覺得服務同環境衛生上，都有一定保證。而且速度都算快，成個過程一個鐘就可以結帳啦！都算快㗎！菜肉包小籠包 紅燒牛肉麵蒸水餃

翡翠拉麵小籠包係我同屋企人都好鍾意嘅一間上海菜館呢度嘅小籠包好地道，皮薄得黎入面啲湯又唔會漏，每次黎都會叫兩籠。今次除左小籠包之外，我地仲叫左口水雞、雞絲粉皮、上海粗炒、菜肉雲吞同雪糕黑糯米。口水雞食落都幾辣，雞肉幾滑但係就冇咩雞味，不過不失。雞絲粉皮就好出色，花生醬同粉皮真係perfect match🖒食落真係有番左上海嘅感覺。上海粗炒都幾有煱氣，食落有少少甜甜地咁，好食呢度啲菜肉雲吞都係我每次必點，因為係香港好難搵到咁好味嘅菜肉雲吞，佢嘅雲吞皮非常薄，總之就係好好食喇

Took some tourists here because they were fed up with local and Cantonese food.The noodles impressed them the most because the noodles were fine with a good firmness to it and the broth was strong and it had a rich peanut taste.It was quite spicy so I will probably ask for it to be less spicy next time.The vegetable buns were soft and fluffy with deliciously chopped jade green vegetables and black fungus inside.

今天一家三口外出晚餐，提前在這餐廳拎位。由於時間尚早，客人不多。特地選了內堂的卡座。下單後，先到商場的洗手間清潔雙手，不久，各款美食就呈上來了！　小籠包　　這小籠包是餐廳招牌菜，每次到此用餐，都要來一籠。皮薄餡靚又多肉汁。美味薰魚　　這是首次食薰魚。原來是炸過的魚塊和甜甜的醬汁混合體。魚肉很鬆化，但依然濕潤，感覺不熱氣。自己食完一件又一件，真係好好味。下次除了小籠包，還要點這款小食。另外有蘿蔔絲酥餅，口水雞，拉麵。今晚很開心，再來每人一碗甜品。豆丁把芒果布甸琢碎，方便品嚐。生磨核桃露  自己想食堅果類的食物。口感滑溜的核桃露，帶著微微的甜味，不太膩，讓人意猶未盡。　不過，真係好飽了！離去之時，看到很多人在等候，幸好提前晚餐，避過晚市高峰期。