翡翠拉麵小籠包

营业中

休息中

朋友喺呢頭附近放工，睇咗呢個商場咁多間嘅餐廳，最後揀咗翡翠拉麵小籠包，入到去先知原來佢係做埋潮州菜，但梗係食返佢老本行，上海野啦😛其實已經好多年冇食，因為之前覺得水準好似下降左，同埋上海嘢其實都好多選擇，有陣時都想食返啲小店，感覺好似傳統啲😂今次反而覺得口水雞係有啲意料之外，口水雞其實最重要應該都係個醬汁，佢醬汁好惹味，又夠辣，只係雞件略嫌凍咗少少，否則應該更好味 ！上海炒年糕就真係一般，香港仔天龍樓做得更好！而小籠包就更加一般般，出面有好多做得更好，唔知道係師傅問題定係因為連鎖式嘅問題？到最後原本想叫高力豆沙， 9:10叫，話賣晒，咁就算啦😅😅😅

今次到朋友想食上海菜， 就黎到呢間都唔少人排隊既餐廳啦！大約等左三個字左右有位，餐廳都尚算安靜既！菜肉雲吞麵朋友點左呢個雲吞麵， 雲吞既數量都算多同埋都幾大隻！皮唔算好薄，但都唔會厚好唔好味既！不過不失啦！個湯底幾清，面底都有彈性同唔太粉！煎蠔餅煎蠔煎食到一半先記得影相有少少油膩，不過好多蠔仔係入面，都算香既！椒鹽九肚魚呢個炸野就一般般，九肚魚好細好細條，雖然量好多，但就炸粉比較厚檸檬薏米水食咁多炸野，飲番杯檸檬意米水就可以清一清熱同refresh番晒！都唔錯嫁

本身我是個潮州人, 見到原來翡翠小籠包也有一些分店做埋潮州小廚, 所以好想帶家人去試下, 食得潮州菜必食係潮州蠔格,即蠔餅, 邊位好酥脆, 中間唔多粉漿, 多蠔仔肉, 唔錯, 始終呢間係上海菜館, 所以見到餐牌有超多選擇, 有不同的上海菜式都相當吸引, 午餐都好抵食, 不過今日來到想叫特色菜, 必叫小籠包, 不過湯汁比想像中少, 另外見到有火腿烤雙坊, 因唔係間間上海菜館都有得食, 所以見到雖然要$168較貴, 但都忍唔住要叫, 有蜜汁同金華火腿夾住脆皮的腐皮同爽口青瓜，好食呀。其實潮州菜式都好多選擇，下次要再來試。

今日係popcorn既翡翠小籠包拉麵做午餐。我叫左個擔擔麵，個湯底咁耐以來都沒咩改變。濃濃的花口味及辣度一如以往適中，麵就硬度適中，口感煙靱唔剪麵自己咬都幾難搞。鎮江排骨，好惹味啖啖肉之余有d軟骨。個汁黏稠度剛剛好又醒胃！最後一定會叫佢個小籠包，一口咬落去真係有啖湯必出來。性價比高，質素永遠keep到。

晚飯叫左兩個一人餐，一個餸+一個飯+一款小食。兩個餐分別係：宮保雞丁+兩隻小籠包+白飯 ($68)麻婆豆腐+兩隻鍋貼+白飯 ($68)額外加左個芥蘭($15)兩個餸都好惹味。宮保雞丁有好多腰果，雞肉都唔少👍🏻 麻婆豆腐都好食。兩個餸份量都唔少，啱晒送飯！小籠包同埋鍋貼就拎到番屋企凍左少少。上網order左去攞，好方便！成餐總共$151，有埋小食其實都幾抵食。知道之後一人餐會加到$88一位就無咁抵食喇！

之前與朋友光顧了两次，朋友説質量比其它分店差。但為方便，今年就试试盆菜，誰知…八百多元的盆菜，竟然蝦的肉是＂梅＂的，萝卜是酸的🤦‍♀️，為安全只好將這两样全送垃圾桶。其它的也没甚么好，味精亦重。只能説，一次就夠，不會再買吧！🤨

翡翠拉麵小籠包茶位$9，收加一#鎮江排骨 $68炆到好淋好入味，甜甜地幾好味～不錯#金銀蛋浸時蔬 $78選了津白，菜湯清甜～食下菜😂健康一點#小籠包 #上海小籠包 $42@4 件小籠包皮薄餡靚，有少量灌湯，不錯。建議自己咬個口先吸灌湯再吃#四川擔擔麵 $63少少辣喉嚨🤣淡淡花生味ᶘ ᵒᴥᵒᶅ個人口味評分：7/10#food #hkfood #hkfoodstagram #hkfoodpic #hkfoods #hkigfood #foodiehk #yummy #delicious #foodie #hkfoodie #hkfoodieblogger #hkfoodies #黑貓食好西 #翡翠拉麵小籠包

想食上海菜，又吾想專登搭車去到九龍城食🥢簡左間集團式上海菜食，集團式餐廳簡邊間分店都差吾多😂依間分店食飯吾會坐到好迫月、算寬敞分店餐廳推薦餐牌冷盤：醉雞雞整得滑入味，肉質吾會太硬或無味道小籠包有點，感覺無乜特別另點左黃金蝦、擔擔麵🍜黃金蝦整得ok，擔擔麵醬汁有點咸，如果醬汁改良下吾錯😅服務員主動有禮貌，客人落單叫野食，吾會等好耐覆單清晰、茶煲加水主動吾洗叫加水整體晚餐算吾錯，平民價錢間中食下👌🏻

為左維持晚市生意，食店都紛紛推出外賣優惠去拉客，呢間都唔例外自選1人餐，價錢由小菜$68至手工拉麵 ($58)，仲有精裝前菜及點心任選1款，飲品就要另加!小菜選擇都幾多樣化，仲要係大路款式，一定有款岩口味，今晚叫左客京蔥爆牛肉 ($68)，有菜又有肉，醬汁夠惹味，份量仲相當對眼喎跟白飯一碗，京蔥配牛肉再呷一口飯，食到京蔥嘅甜味，而牛肉厚薄適中又夠大件，肉質都幾滑，唔會食到有梳打粉味，用黎送飯至岩!而呢客百步香蔥油餅，一個切成4份方便進食，外層係酥餅，入面包住香蔥餡，唔係普通一塊煎香嘅蔥油餅，點少少豆辦醬食仲好味!咁嘅價錢有主食加點心，味道同堂食無太大落差，回頭率偏高!

而家日頭咁鬼熱加上晚市禁堂食，所以特登去商場嘆下冷氣和順道吃個堂食 lunch。平時去慣德福分店，呢間分店味道5錯。今次試下 popcorn 分店，呢間係拉麵小籠包和潮州小廚合併，可以試下潮州嘢。之前睇過食評話潮州5多掂，今日我親身體驗下先。大約12點去到，無乜人。侍應安排坐係玻璃門旁邊，望住出面藍天白雲，見到幾棵幼樹搖曳，加上灼熱既太陽，真係令我有昏睡既感覺。侍應一樣地勤快，有禮貌。今日叫咗5樣食物：1. 小籠包：熱度不算高，可整隻放入口。正因為5太熱，我覺得無咗小籠包既香氣。2. 紅油抄手：我覺得餡料味道偏淡，真的要靠辣椒油來添味3. 菜肉雲吞湯拉麵：麵質好，但湯底又係淡味咗d4. 潮州蠔烙：蠔仔算肥美，係烹調手法和粉漿太炸和韌，跟平常吃的蠔烙相差大，質感麻麻5. 普寧豆醬雞：失望，完全無豆醬味，似油雞多d下次都係去返德福分店吃，因為佢d 潮州嘢真係麻麻，而且其他味道偏淡。

這天叫外送，選擇了翡翠拉麵小籠包。落單後，食物大約半小時就送達。叫了兩個拉麵餐，都是菜肉雲吞湯拉麵、陳醋西芹黑木耳。菜肉雲吞和拉麵，送到來的時候都是涼了。 湯 只是微暖，近乎全涼。菜肉雲吞很大隻，比一般的台式水餃更大隻。雲吞皮厚薄適中，餡料很多，味道一般。拉麵軟硬度適中，很煙韌。 麵條比較粗身，不算是幼麵。 雖然涼了，還好是不會黏得太實而難鬆開。 可能因為涼了的關係，聞到有陣怪味，猜想是麵條的味道吧!陳醋西芹黑木耳幾乎看不到有西芹，應該是少許的芹菜而已。木耳很多，醋味濃，但吃後有點口渴。我的餐加錢要了上海小籠包。小籠包是用紙盒盛著，一盒四隻。只是半小時就已經完全涼了。 沒有拌醋來吃都夠味，肉味濃卻不鹹。 因為涼了，相信肉汁或多或少都凝住了， 所以沒有流出來。涼了的小籠包皮一點也不韌。通常涼了的食物，口感或味道多會大打折扣，但這小籠包令我覺得意外。相信剛蒸好的時候更加好味😋! 一向都覺得翡翠拉麵小籠包的食物是不錯的。但令我不解的是，只是半小時，食物已涼了九成。涼了的小籠包還算好吃，但涼了的菜肉雲吞湯拉麵就不好吃了! 下次叫外送不會再叫這店的湯拉麵。 不過也可以嘗試，自己把湯翻熱，相信會好

一家人今晚來將軍澳Popcorn商場的翡翠拉麵小籠包食晚飯，幸她時間尚早，不用等位已經入座，今次都是餐廳裝修後第一次過來，地方環境比之前更整潔企理。餐廳有落地玻璃窗，自然的陽光引入餐廳內，感覺舒適又精神，而餐廳的燈光柔和晤會太刺眼，而氣氛都好熱鬧。我們被安排坐半卡位的位置，店員很有效率地送上餐牌及四杯熱的普洱茶，因應現時疲情持續，店方都有給客人膠的杯蓋，門外都有搓手液給客人消毒雙手，眼見店員把食物送上客人時都有加上食身蓋，衞生方面都做足。正在看餐牌時，店員主動走過來熱誠介紹下是日優惠的推廣，她們介紹了一個有50%of f 的餐牌，一至二人同行可以選擇一個半價菜式，而今晚我們有4個人，所以可以選擇兩個。另外是晚有優惠價$18 的燉湯(每位上)，今晚的燉湯是「沙參玉竹雪耳豬骨湯」，可以滋陰潤肺及生津護膚。對抗病情當然要增強身體的免疫能力，最後我們點4 個燉湯。先介紹下個燉湯，每盅的燉湯都好夠熱，湯料十足，有玉竹、馬碲、豬骨、雪耳，湯水味道澴郁，不過有少許過鹹，整體味道都算可以接受。店中除了上海菜式，更有潮州菜式選擇，食物種類真是多元化，令我產生選擇困難症，家人始終較偏愛上海菜，點菜後所有食

🍙等待時間：平日收工夜晚六點幾直入不用等阿🍔室內環境： 係pop corn商場入面，裝修風格舒適有中國特式🍰服務質素：貼心同滿意由細到大我都勁爆中意小籠包，呢間算係我係香港認為數一數二小籠包好食架，要評價小籠包既質素可以由基本三方面出發：皮、肉、湯。 皮方面，呢間做得簿之餘並唔係一夾就穿，依然有彈性。輕咬開小籠包會發現湯已經四湧而來，細嘗味道，很是香濃開胃。而俾入面既豬肉餡份量岩岩好，亦吸滿湯汁，整體係揾唔到缺點。🔹總括來講：我個人甚至鍾意呢間多個鼎泰豐，另外私心推介食得辣嘅朋友可以紅油抄手，yummy and 🌶

今晚一行九人黎到將軍澳Popcorn ，見到剛剛裝修完嘅翡翠拉麵小籠包，大約六點鐘，不用排隊可直接入座。先點個6人套餐，再散叫其他食物。即時入會送利是封之餘，仲有一碟滷水墨魚片唔使一陣，全店已坐無虛席1. 鹵水墨魚(免費)，墨魚肉彈牙。2. 招牌鹵水鵝片(6人套餐)，鵝肉夠入味，連豆腐同樣入味，出色3. 花雕醉雞($75)，花雕味濃，雞肉夠滑。4. 杏汁豬肺湯(6人套餐)，奶白色非常吸引。5. 黃金糖醋麵(6人套餐)，麵夠香脆。6. 方魚肉碎粥(6人套餐)，不過不失，無特別。7. 京蔥爆牛肉($90)，牛肉夠嫩，洋蔥爽口。8. 煎封黃花魚(6人套餐)，煎得魚肉夠乾身。9. 重慶水煮牛肉($108)，辣味適中，食完一塊追一塊。10. 韭菜豬紅(6人套餐)，無特別。11. 香酥芋蓉鴨(6人套餐)，外脆內軟，芋蓉味出色。12. 上海小籠包($40)，外皮不算太薄，內裡肉汁豐富美味。13. 沙茶牛肉炒芥蘭(6人套餐)，牛肉同樣嫩滑，沙茶配牛肉14. 潮州蠔烙($88)，超級香脆，蠔仔亦多，6人套餐已有一碟，因太所以另加一碟。15. 菜肉雲吞湯拉麵($65)，雲吞夠大隻，皮夠薄，餡亦多。16.

國慶提早放工，不過popcorn lunch time實在太多人等位，呢間總算比較少人我幾鍾意呢度既菜肉雲吞，清得黎又唔係淡而無味酸辣麵ok啦，食落都有啲辣小籠包我既最愛，入面有好多湯汁，加少少醋，perfect