翡翠拉麵小籠包

营业中

休息中

早幾日同兄弟們去食lunch，主力食上海點心，貪人多可以share。呢餐飯食左幾款點心都唔錯，包括：上海小籠包（$36/4隻）小籠包都算做到皮薄多汁，但由於佢用紙墊底，所以容易夾穿呢！鎮江肴肉（$58）水晶通透，肉香而不膩，點醋食更一流。涼拌海蜇（$65）夠爽脆！火腿烤雙方（$110有4件）原本餐牌份量係3件，我地有4個人所以加錢變4件，安排都幾彈性。一個點心食到三個口感，金華火腿嘅鹹香、腐皮嘅香脆，再以饅頭包黎食，食到鹹甜交融嘅層次，呢個點心值得推介！

之前同屋企人嚟過，但因屋企人唔太鐘意肥肉，所以無機會食元蹄，心有不甘，今次再同朋友嚟食過。餐廳唔太多人，我哋兩個有卡位坐，元蹄要等，但唔阻我決心。前菜類細細碟兩個人啱啱好，個汁好味，食落清涼。小籠包我哋揀咗兩款。上海小籠包，皮夠薄亦無穿，裏面包滿湯汁。蟹粉小籠包，蟹粉味唔太夠。一位嘅雲吞雞，好香嘅雞湯味，份量有兩碗。百頁結烤肉，等元蹄嘅時間忍唔住叫多道肥肉，好惹味。大元蹄嚟喇，唔錯，可以再淋啲。最後一碗清潤嘅糖水。

心思思想食上海菜，好彩附近有呢間，已非第一次食，今次試左呢款好耐冇食嘅醉豬手，一客份量幾足，豬手質感爽千萬囗彈牙，唯唔太入味，要連埋少少花雕洒一齊食會好味d！另一樣至愛係呢碗酸辣湯，幾足料，味道確係酸辣，一客可二人分享！另有叫呢味翡翠三寶蔬，有津白，菇片及介菜，打埋個玻璃獻，清清地之選！

今天和家人一起去食午飯，茶樓冇位，見此店可即入，其中叫了雪菜蝦仁炒饭，来到米身根本未煮透，投訢後取消，再和一位似肥的經理説，竟然説十幾年都是咁有咬口，因不是用隔夜飯，大佬，煮個飯起碼透心是米下，唔好話煮到見一粒粒，易炒見靚，今次落少了水，又照炒出比客人，整間伙記有著自己一家親文化，欠缺專業管理，可悲。大

睇完戲係呢個商場度搵地方開餐, 周圍都大把人等緊位, 友人提議食呢間上海菜館, 好在都唔算等得太耐就有位!上海菜既前菜冷盤都不離呢幾款, 醉鷄一碟份量算幾對眼, 而且係每件都啖啖肉, 鷄肉食落有酒香味, 應該係比左時間去浸等佢入到味, 幾好味!另一款係涼伴海哲, 從小到大都喜歡食, 仲會幫佢起左個名叫"橡根".......... 哈...哈...諗返起都幾好笑! 呢碟"橡根"口感彈牙, 配埋佢既咸伴汁, 凍凍地好味道!食完凍盤, 又想食熱野, 呢碗酸辣湯一客份量都夠二人分享, 味道偏酸得黎都算辣, 材料包括木耳絲, 荀絲, 豆腐絲, 蛋皮絲等, 咬落有口感, 飲完成身熱晒!之後友人點左呢碟百葉結煮豬肉, 豬肉部份應該係五花腩肉, 怕肥膩既可以食左下半部分既瘦肉, 煮得幾腍身及入味, 百葉結本身無味道, 配埋呢個濃味醬汁就岩岩好, 個汁用黎撈白飯都食到一個飯呀!!上海粗炒一碟份量夠3-4人分享, 面頭舖滿香甜椰菜, 濃味既醬油掛上係每條既上海麵條上, 配埋少量肉絲, 加少少豆辦醬就perfect池啦!

今次國慶假，又早起，去食個早餐先。行下行下見到佢只需要等2-3張台，於是就去左食了叫左好多野得兩個人食，好飽啊好伏，冇味，有少甜，得啲汁，食左兩舊，放棄了 仲要收68有男人最愛嘅黑松露，我當然食口水雞（好辣）要小心。皮好薄，咬落去好多汁，而且唔多肥肉，過關啦成個湯比我飲晒，莞茜加魚湯好好味啊，好濃魚味！不過啲配菜記好一般，一舊都冇食，男人幫手食左1/2個麵好好食嘅燒餅，外面好鬆化，咬一口就好有汁，蟹味重，推介！（下次一定要再食）腸粉即拉好薄好新鮮，啲叉燒又唔肥，唔似隔夜叉。正.....我食左2條糖蓮藕釀薏米，好普通，但蓮藕好靚，好爽，又拉絲。係啲桂花糖太甜，但味道好清新的。

約中同食飯，要地點就腳，當然約番將軍澳！呢間餐廳坐得算舒服，口味亦相對大眾化。我地三個女仔食，都唔算叫左好多野。小籠包（四隻）$36小籠包皮薄，輕輕咬開一小口，肉汁足以盛滿整隻湯匙，豬肉彈牙，是水準之作。木須肉炒拉麵$70拉麵較上海粗炒幼身，口感軟韌。醬色均勻，火候亦很足夠，不過味道太鹹，食完亦很口渴，不知道有沒有加味精。蘿蔔絲酥餅（三隻）$36非常香口，酥皮有層次而鬆化！餡料塞滿幼滑的蘿蔔絲， 一試難忘。不過始終是油炸食品， 一份已很足夠。炸銀絲卷（$20）表皮香脆，內裡的麵包非常軟熟，一絲絲的更加增添口感，配上煉奶，就算有多少罪疚感也要繼續吃。總結覺得餐廳菜式水準不俗，唯一不足是那碟炒拉麵。🙈希望會有改善～

約了朋友未夠鐘又肚餓不如食碗麵，醫醫肚先。這間位於將軍澳 Popcorn 內的翡翠拉麵小籠包，地方比較大而且坐得舒適，環境不錯一間已主打拉麵和小籠包的食店，拉麵做得十分好麵身幼細口感香滑軟硬適中，煮的時間剛好湯方面能做到濃已不鹹很有味道，再加上香茜，真係無得頂看似簡單的一碗麵真的殊不簡單，看得出用心製作

在其他食舖大排長龍下，只有這間不知何故不用等位。小籠包味道比一般上海店略差，炸醬拉麵顏色味道欠奉，雞絲粉皮只有幾條雞絲，炒飯更不是一般的差，飯乾身有鹽粒。服務態度差，來錯了東西堅持不換，不會再去。

翡翠拉麵感覺還可以。菜式：還是點了常點的肴肉，口水雞，拉麵，新嘗試了炸腐皮和菜飯。拉麵有點少，味道還是不錯的，肴肉要蘸調料吃會更好吃。口水雞挺夠味的。炸腐皮卷炸得很脆，家里人很喜歡。菜飯也符合期待。

收工後一個人食咩好呢？又唔想食咁多，又唔想食太飽，結果我選擇了食翡翠小籠包這間餐廳。它的酸辣湯又足料，又夠辣，每次食都食到熱辣辣（啱晒冬天飲，如果兩個人食可以分到每人一碗）。至於菜肉湯雲吞就最啱減緊肥既女仕食喇！雲吞內附有：有五榖，蔬菜和肉，均衡飲食好重要㗎！

今日一個人行左幾條街肚饿去搵野食，无意之間经過翡翠拉麺小龍包店，就坐落黎點了一笼小籠包， 小籠表面洁白光润，皮薄比例适中料很足，每一啖啖咬起來包裡面烫烫的软嫩鲜甜灌汤流油好食吾易腻，再配上我最中意的醋更有另一番风味。

今日约了好久沒見的朋友一起去饮茶，其中點了個酥皮叉燒包 ，外皮是很酥脆的那種，裡面包裹着饱滿的香甜叉燒，酥脆外皮与叉燒搭配食起來沒這麼甜腻，反而别有一番風味，更让人愛不釋手。

叫左酸辣湯加辣佢竟然將辣椒油擺入去 應該整定一大煲連加辣椒絲過鑊都懶 OMG 要自己番啲辣椒油出嚟一d都唔辣又唔熱！！！！食具紙巾都非常污糟番屋企就痾反而小籠包松子魚ok好食小籠包皮薄餡湯汁夠濃松子魚 酸酸甜甜非常好食粉唔算厚魚味亦算出But very greasy...服務尚算殷勤

一黎到唔洗等位 唔係好肚餓就叫左少少野食*碟銀絲卷炸得唔夠脆但入面夠軟熟*小籠包個皮唔錯 唔會一夾就爛 肉汁充足 但價錢稍貴*砂鍋粉皮魚頭得好少粉皮 唔太辣 味道偏甜 建議辣d好食d 整體環景同服務都唔錯