翡翠拉麵小籠包

营业中

休息中

大閘蟹季的尾聲，見還有蟹粉菜色，立即點菜。這個「蟹粉撈麵」上碟時感覺OK，因為蟹粉份量很多，鋪滿全個撈麵。味道還可以，有大閘蟹膏，蟹肉，帶點油香。不過一邊食一邊覺得很油膩，吃到底的時候越來越油，有點吃不下去。另外點了「醉豬手」，賣相普通，味道也一般，酒味太重，有一點苦味。豬手也不夠稔，皮告肉都很硬身，沒有爽口的口感。吃剩很多，有點浪費，很可惜。

之前試過其他分店，真係用難食去形容，不過今次又幾唔錯，同個女仔Fd兩個人去食，三樣嘢食都夠飽。醉豬手 $58 呢樣醉物未見過，一定要叫黎試下。一食落口已經好濃既花雕味，個豬手好爽口唔會韌，花雕汁好重酒香味！鮮肉鍋貼4隻 $36 煎到個外皮係脆口，入面個皮仲係軟熟，一咬落去有肉汁be出黎！個肉係有鮮味無雪味，更加無平時鍋貼既唔新鮮肉騷味，真係難怪要9蚊一隻鍋貼！大大隻！菜肉雲吞湯拉面 $56 男人老狗就唔會點呢個既，以為又淡又普通。點知一飲湯已經覺得非池中物，係雞湯底，唔係雞粉湯底，而係真正既雞湯底，好清好好飲，食埋個拉面更正！係幼身拉面，食落好軟好彈，配埋個唔同一般既粗身無味又硬既拉面！配埋個菜肉雲吞，皮薄，餡料夠味，個肉肥瘦適中剛剛好，呢碗拉面係有料到既！Menu上仲有唔少吸引我既食物，加上環境幾靜幾大，姐姐會自動加茶，幾細心，值得黎多一次！

係POP CORN商場睇完戲, 又到食晚飯時間, 見商場內既食店選擇唔算太多, 兩個人心血來潮想食D 濃味食物, 就去左呢間試下由於假期關係, 大約七點前已見全店差唔多爆滿, 待應溫馨提示用餐時間為入座起90分鐘, 對於2個人黎講, 時間應該足夠先叫幾款前菜開下胃陳醋西芹木耳 - 陳醋味道好醒胃, 木耳爽口, 但發現木耳份量多過西芹, 仿似做左裝飾品咁醉豬手 - 純粹好耐無食過, 見到餐牌有得叫 ! 個人覺得豬手斬得過碎, 豬手口感爽脆, 充滿濃香酒味, 幾好食完凍盤, 黎返個熱辣辣既酸辣湯 - 夠晒酸辣, 一客份量可二人分享小炒幾款 :干炒四季豆－配合肉醉，夠晒惹味，送白飯之選炒鱔糊－鱔既份量唔少，醬汁味道調配得唔錯最後加多個雜菇海鮮炒拉面－海鮮包括魚塊同蝦仁，拉面唔會食到過稔，加埋豆辦醬一齊食，好味道好彩每碟份量唔算好大，二人可以叫多幾款，侍應加茶次數及反應都算快，可以再幫襯！

講左咁多次話離食,終於食到啦今日離到唔洗等太耐, 大概10分鐘就可以坐低了一坐低即刻嗌左2客小籠包先~ 一夾起就覺得個小籠包好重手, 所以小心翼翼地夾起佢, 驚整穿佢點完醋就急不及待食啦~肉湯好甜, 肉餡都好有鮮味, 一口氣就食左3粒哈哈擔擔麵湯底唔夠辣, 花生醬都略嫌少左D, 麵同我地平時食既擔擔麵有D唔同, 呢個係滑身D既, 不過不失啦鮮肉鍋貼皮脆肉鮮, GOOD~~~紅燒獅子頭肉丸大粒得離又唔會話好乾身, 而且個汁都好夠味, 用離送飯真係好正雞絲粉皮青瓜絲清爽, 粉皮煮得岩岩好, 又爽又滑, 麻醬都好香, 三兩下就食哂了松子炆魚甜酸醬好味~條魚又無咩骨, 中意酸既我覺得好正肴肉色澤很吸引，入口即溶，GOOD酒讓丸酒味唔夠重，丸子就宿得好好會再離的!

喜歡上海東西，點了個蔥油乾撈拉麵，麵條的質感相當不俗， 夠彈牙，蔥油份量頗多，幸好附上的湯就是幾清甜的，才不致吃得乾身。上海小籠包，首先夾起不會穿底，皮薄身湯汁豐富，肉餡味道ok。鮮肉鍋貼不算太油，皮中中等等，帶點湯，餡料味道幾鮮還可以。價錢100有找。

約朋友食早lunch，11點未夠就到左，10:55左右經理見我企係度， 主動俾我入去坐住先。兩個人點左三樣野食，都係澱粉類，所以最後無食得晒，但三樣都好好食！鱔糊炒麵非常好食，好夠鑊氣，黃鱔都夠多。 豬潤腸粉d豬潤好鮮甜。生滾牛肉粥有d太稀，但個味道好好，我差不多食晒成碗！ 

母親節這几天, 每到食飯黃金時間, 就會超級多人.尤其是大型商場, 排隊攞籌等位, 等候1-2小時己屬等閒.為了逃避高峰期, 這天選擇了3PM出動.享受完下午茶, 晚上去STAR CINEMA看戲.這家很多分店的上海小籠包餐館, 對其食物品質有一定的信心,再者, 門口不見人龍, 職員表示馬上有位, 條件是5點交枱,2小時一定足夠, 當然即刻入座啦!主打小籠包X 2籠見到中間好多汁, 夾起時DUM落來, 好驚佢爆袋.吮乾裡面的肉汁, 再將醋倒入小籠包內,全部放入口, 醋能中和肉餡的肥膩, 亦能帶出肉餡的鮮(肉餡雖然是雪藏肉, 但都好多汁呢)整體感覺與以前差不多.爽脆鮮豬膶腸粉 HK263條腸粉夾豬膶.豬膶是粒粒形狀, 表面有層透明LAYER, 應該YARM左好多生粉.但粒狀較厚亦較難熟, 部份豬膶粒是過熟, 較硬&乾身.感覺添X運黃沙豬膶腸的薄片狀豬膶好食D.上海菜館拿手的美食始終是上菜海.擔擔麵要求剪麵, 方便夾湯底唔太辣, 仲嚐到少少花生醬的味道麵頗滑, 但湯底唔太濃, 較難依附在麵條上.口水雞小朋友很天真表示 : 我唔食人地D口水!!冷碟上枱, 這次很幸運, 是雞下庄呢!厚厚的麻油

鮮肉鍋貼($36)， 我不嬲都特別鍾意鍋貼，尤其係個皮，所以呢碟鍋貼無令我失望。個鍋貼好香，食落都唔差。皮唔薄，但我正正就係鍾意呢種有啲咬口，少少彈牙嘅皮。加埋裡面嗰啲肉，唔乾又有啲汁，可以話係幾好味。紅燒獅子頭($72), 啲肉丸幾大但又唔乾，加埋啲汁真係幾好味。同埋有菜，唔乾，又幾飽，幾適合大家一齊食。

蜜汁叉燒腸粉($26) 應該可以算係即叫即嚟，因為好似最後另外落單，但係第一個送嚟。腸皮滑滑溜溜，啲叉燒又幾入口即溶，所以係好好味，好快會食完。無知點解特別想食，雞絲粉皮($52)呢啲已經響香港買少見少，所以發現呢度有的食就即刻叫咗。一個字，正！ 真係好好味，啲青瓜絲清清爽爽，同啲薄滑粉皮同埋啲雞絲個口感真係雙映成趣，再加埋啲麻醬就真係絕配。為咗呢兩味菜，尤其係雞絲粉皮，我一定會再返嚟。

嚟得呢度一定唔可以無小籠包啦。上海小籠包($36)果然係同佢地標榜嘅一樣，「灌以上湯，皮薄餡靚，肉味鮮美，質量飽滿，口感豐富」。一啖食落口，成口都係湯汁，又熱熱地，好好食。再嚟就係花雕醉雞($58)，唔係最好食但都唔差。普普通通嘅一碟菜，係無去骨，但啲肉都算係幾滑。最後就係一碟3個嘅上海生煎包($36)，個皮幾厚，啲肉都幾「厚」吓。無係乾，但唔可以話係濕潤。但其實成餐都唔差，OK好食。值得一提，可能因為無地毯同埋嗰日附近幾台都有細路，所以好似嘈過平時。

正宗的小籠包買少見少，最愛都是翡翠拉麵的小籠包！小籠包不但皮薄，且肉汁豐富，於是我叫了一客又一客，十分滿足！友人點了一客鎮江淆肉，是我第一次吃的，感覺到像凍了的肥豬肉，口感沒什麼特別，下次都不會再點這個了，只會點我最愛的小籠包

朋友話想食餃子, 粥, 同糉, 以為呢間有, 所以去食。最終發現冇糉！(唔關佢地事, 係我自己冇事先查清楚)點咗4樣嘢:煎鍋貼小籠包皮蛋魚片粥淨雲吞加水餃食物基本上好食, 服務基本上都OK. 搞錯2次嘢, 都有跟番。只係好似生意太好, 做到D人唔係好想做咁。擺位時PING LING PANG LANG, 我個人覺得好噪。可以改善就更好！HKD 198 (兩人), OK 啦。

今日同honey去咗Popcorn間翡翠拉麵食晏,呢度好大間,一點鐘唔知點解空置率好高,分一半位俾Ocean Centre果間就好了.自從係沙田分店食到有殺蟲水味,超過大半年冇幫襯過.我地叫了小籠包,腐皮卷,紅油抄手同擔擔麵.腐皮卷d雜菜絲都幾新鮮咁,腐皮就唔多脆,有d un un地.紅油抄手,菜肉云呑個餡好juicy,辣油可以再辣d就更好了.小籠包,都保持到水準,皮薄有湯汁.而擔擔麵,蔴醬湯底是稀稀那種,唔錯,唔會滯口,d麵好Q好食呀,我最憎糊口癹脹果d,食兩啖就脹住個胃..今次都幾好𡃓,可以將佢由黑名單剔除!

十月圓時九月尖，談到大閘蟹無人不曉、但味美食物永遠都是最不健康膽固醇超標邉緣者我，簡直是欲拒還迎．．對於翡翠近日推出菜式式亦已欲拒還迎，獨樂樂不如眾樂樂、告知家中要員，三人一於起行、來個十月圍店 店內亦早有推介餐牌，所以也不用揮手提問家中帥哥對傳統小籠包$34.情有獨鍾，固此他放棄創意爆燈四式小籠包情願一成不變，可惜今次他萬分失望、筷子連下兩次，都一夾即破另他非常沮喪，皮實在薄得不合格、穿底後之小籠包當然湯汁亦順流而下，不翼而飛堅持下去．．．身旁的老爺還是将其餘兩隻報消了我就對這兒的素餃$24.興趣大一點，、除了應有菜或冬菇外還加插不少紅蘿白絲，味道跟口感無疑多增衝著蟹粉拉麵$68.而來，所以三人也清一色要上三碗蟹粉麵次麵和湯是獨立分開而上，呈上後再給予客人自行加入未加入前我輕輕呷一口，清晰而不濁、微微蟹肉香盪漾於嘴腔內幼麵麵質不感糊口，麵線上佈上薄薄一層用放大鏡先看得出之蟹粉絲但入口又能惹味味非常，加上類似油爆香之葱絲、整個組合很是好吃雖則我覺得蟹絲多一點就當然更好一點 滿足一吓對蟹粉慾念，幾十元貨仔實屬收貨帥哥是出名茶餐廳對奶茶有相當要求，每次飲港式奶茶$20.比我更為挑剔悄悄

每年生日飯都好難諗食咩，今年我地決定不如食中菜，好似好耐冇食過咁。因為太餓，唔係影左好多相，得兩樣姐，不過呢兩樣都係值得推介嘅。首先就係上海小籠包，店名都有小籠包三個字當然係招牌菜啦。真係人地平時用嘅4個字係岩嘅，皮薄餡靚，塊皮薄到整下佢都會穿呀。每一粒小籠包入面嘅湯都好多，我嘅習慣係飲左d湯汁再食個皮，佢d肉醃得唔錯幾香。另一樣值得推介嘅係松子炆魚，佢好似甜酸排骨咁，用甜酸醬配上一條炸過嘅魚。條魚已經切開一舊舊而且係冇咩骨嘅，d松子又混埋係入面幾好食呀。但係唯一唔太好嘅就係酸同咸左小小，怕酸嘅你地就未必岩喇。不過總括黎講呢餐係幾滿意嘅，食物質素算唔錯。