翰騰閣 (已結業)

今晚相約舊老闆及同事飯局, 為方便大家就選了九龍塘為落腳點, 小妹一向都很少到這邊, 始終較喜歡港島區. 以前常光顧翰騰閣的太古分店, 午市點心出色, 今次就試試這分店的晚飯吧!店內面積大, 座位寬闊, 予顧客高格調的感覺燒腩仔, 皮不脆, 還有點腍, 肉味OK, 肉質都還算新鮮. 皮蛋夾酸薑, 小妹一向覺得皮蛋很香, 但食落就不太喜歡那個味道, 像臭豆腐一樣, 加上皮蛋對身體無益, 所以甚少食, 個人覺得這道菜賣相質素OK, 不過薑的味道過酸.杞子豬手, 味道不俗, 以老抽及其他香料烹煮, 加上杞子, 感覺養生, 豬手的肉質亦夠腍身豉油炆雞, 採用了甜豉油, 醬汁味美, 雞肉夠滑, 雖則不是新鮮雞, 但味道尚可, 夠惹味相對午市, 晚市質素甚為普通, 不太值這個價錢

相約好姊妹黎又一城血拼。本來諗住行一陣去食LUNCH，點知行一陣之後已經係兩點半，哈哈。又餓又攰。路過見到佢門口個牌，原來已有下午茶，大中小點以小點計，好似幾抵，又唔駛等位，即入。原來小點$26，好多想食既點心都唔係大中小點添，照食啦。大約十五分鐘啲點心陸續黎，太餓了。即急急食，OH唔記得影相添。 蝦腸: 原隻蝦仁，腸粉皮都彈牙燒賣: 原粒蝦仁在面，仲有好多蟹子，美味义燒包: 多餡，略厚皮蝦餃: 大大粒。好多蝦，好味但都幾貴。鮮竹卷: 個上湯清清地，都幾鮮味蜂巢帶子芋角: 呢個最出色，好多酒樓都已經冇芋角賣，唔知係咪工序煩複，定點解呢? 一見到即點。 好大隻，入面仲真係有啲帶子粒。呢個真係好滿足呢度食物水準都幾高。可以再黎，食飽飽，抖足精神再血拼~~

未食之前感覺係一間高級D 的酒樓, 睇完餐牌都覺得價錢比較貴, 諗住價錢貴D, 服務都唔會差得去邊可惜坐低十分鐘內, 可以完全無人黎開茶, 揮好多次手都可以無人理既一開始已經覺得服務不太好, 不過食物有幾款唔錯, 但有些份量偏少片皮鴨, 鴨皮脆, 鴨肉不會太肥, 太肥既位置都已經切走, 用黎包片皮鴨的皮又薄又KEEP 到暖暖地因為一食做緊PROMO, 但如果二食就要加返$160, 變返原價就唔抵食叉燒, 可要求要肥定瘦, 少少瘦但唔會太UN士多啤梨排骨, 甜甜地, 排骨大大舊, 多肉, 唔會骨多過肉柚皮鴨掌煲, 重點去左柚皮到, 入哂味, 又無苦味, 仲好淋, 好味過鴨掌琵琶豆腐, 好咸不過小食/ 涼菜類, 唔抵食, 蒜泥白肉, 手撕雞, 都要$70以上最後連汽水都要$26/罐, 咁既服務真係唔值$26

今晚想吃中餐， 九龍塘沒有太多的選擇，翰騰閣正好有位， 況且很久沒有試過了， 就成了今天晚餐的選擇。今晚選的幾道菜都是比較清淡的， 相信能考驗廚師的功力。 苦瓜炒蛋是一道家常菜， 廚師控制的火候剛好， 最令人眼前一亮的是廚師苦瓜炒蛋切成八件菱形上碟，令色香味俱全。 我很喜歡這道梅菜蒸豆腐， 梅菜混合了冬菇絲， 增加了鮮味的層次， 選用了優質的芥蘭， 既享受健康也感受美味。 這道醬油雞味道也很好， 但相對前兩道蔬菜反而失色了。 香港很多出色的餐廳都會在家禽肉類海鮮上下功夫， 蔬菜類的小菜往往淪為配角。但今晚在翰騰閣的品嚐的兩道蔬菜卻令人印象深刻。餐廳的小菜不會很油， 是健康之選，不知是否巧合， 當晚很多桌用餐的都有老人。餐廳食物的質素很高，而且餐廳剛裝修過， 用餐的環境很舒服， 服務也不錯，當然價位也是高級中餐廳的定位， 甚至接近酒店的價位。值不值就見人見智了， 至少今晚的晚餐與我而言肯定是愉快的。

一家四口在又一城搵食。樓上間中菜話有酒席無位，於是試試這間經過很多次但都無試過的中菜館。四人竟然有圓卡位坐，很寬敞舒適。燒味很好。燒腩仔層層分明，皮脆，舊舊肉切得整齊。入口肉軟而不膩～ 叉燒也出色，肥瘦度剛好，蜜汁夠。很快清碟～炸子雞，皮脆肉嫩，鹹度剛好，肥膏不算太多。半隻四人剛好。用料新鮮，感覺不俗。不過當然油份也不少吧。這碟豉汁炆魚腩等得最耐。入口其實只食到獻汁的味，無乜魚味。我覺得一般。

差唔多10年無寫過食評，好丫～～翰騰閣迫我出手了。與朋友二人行晚飯，叫咗雞煲同拔絲咕嚕肉，雞煲係正常嘅豉油雞瓦煲上，不過不失；亮點係隨後嘅拔絲咕嚕肉，擺上檯一望，碟頭細，擺盤平面，咕嚕肉、青椒、菠蘿...望落去真係幾無立體感，醬汁將所有食材「gel」成一堆嘢，心裡有講唔出嘅納悶同困惑。算啦，希望味道好就算。外表 - 2分：夾起件咕嚕肉，無拔絲不在話下，肉本身夾上嚟係平面嘅！無錯，係平面嘅肉片！！食咗十幾廿年咕嚕肉，明明係應該近乎圓碌碌形狀架嘛係咪？！口感- 0分：一咬～～oh～～中伏！與其話佢係肉，不如改名叫肉乾，仲要係不停翻炸果隻。再者，同拔絲係完！全！無！關！係！味道- 2分：開頭食，喉嚨有D唔舒服，食到第3-4舊，就開始狂咳咳咳咳咳咳咳咳咳，係喉嚨受刺激果種狂咳，咳咗成分鐘先強忍到，朋友同時指住碟咕嚕肉問「係咪D醋呀！？我都覺好「乸喉」。身體反應話我知，果D唔係醋，係人工醋精！一間自稱「作為一間高級粵菜食府，當然極之重視選用新鮮上乘的真材實料，同時亦有賴精湛廚藝和拿揑准繩的火候，方可烹調出令人回味再三的美食」嘅食肆出品-拔絲咕嚕肉，既無拔絲，亦無咕嚕肉 (片？)。我覺得，你已經觸

星期日走落去「又一城」嘅「柏斯琴行」，諗住玩吓人哋啲新返嘅靚結他。點知一玩就玩咗六個鐘， 仲大鑊到喺佢哋度買咗兩枝 Les Paul Custom ！雖然對好多人嚟講唔算好多錢，兩枝結他加埋最多只夠買半架車仔；但對我嚟講，開心得嚟都好肉赤！俾完錢就開始肚餓，當然唔敢出去食貴嘢，慳得就慳啦，於是就去咗曾經幫襯過嘅「翰滕閣」。結果係食得好開心，兩個人點咗四個菜式：“涼拌海蜇” ，“竹笙上湯浸白菜仔”，“枝竹火腩炆全條海斑” ，“五大隻砵酒桶蠔” 。總體味道唔錯，招呼又好，價錢更係極為抵食。（離開「翰滕閣」時回頭再想一想：淨係條炆海斑喺出邊都隨時收過千，蠔都要收過百一隻！於是個心就笑咗出嚟！點知另一半提醒我嗰兩枝結他要 UPS 返美國嘅收費，我就再笑唔出！）

星期日走落去「又一城」嘅「柏斯琴行」，諗住玩吓人哋啲新返嘅靚結他。點知一玩就玩咗六個鐘， 仲大鑊到喺佢哋度買咗兩枝 Les Paul Custom ！雖然對好多人嚟講唔算好多錢，兩枝結他加埋最多只夠買半架車仔；但對我嚟講，開心得嚟都好肉赤！俾完錢就開始肚餓，當然唔敢出去食貴嘢，慳得就慳啦，於是就去咗曾經幫襯過嘅「翰滕閣」。結果係食得好開心，兩個人點咗四個菜式：“涼拌海蜇” ，“竹笙上湯浸白菜仔”，“枝竹火腩炆全條海斑” ，“五大隻砵酒桶蠔” 。總體味道唔錯，招呼又好，價錢更係極為抵食。（離開「翰滕閣」時回頭再想一想：淨係條炆海斑喺出邊都隨時收過千，蠔都要收過百一隻！於是個心就笑咗出嚟！點知另一半提醒我嗰兩枝結他要 UPS 返美國嘅收費，我就再笑唔出！）

一直以來很小故意到街外吃中菜,原因是經常性地要出差到袓國,袓國的廚師更精於此道,所以在港時對中菜並不感冒但今天有緣在翰騰閣吃到一頓頗不錯的中菜,實在值得讚揚一番特別是這個鮮炸甜蝦,蝦身本來已十分新鮮,經過脆炸更變得惹味了,而店家並沒有麻目的用上大量油炸,炸的油膩程度剛剛好再加上醱甜醬一起吃,非常開胃侍應亦非常細心,有別於一般的中菜餐廳

其實一直以來對中菜也不是十分感冒，所以很小會到街外地方特意吃中菜。但今天巧合之下陪友人的家人一起吃晚飯，原來也有不錯的中菜地方呢翰騰閣位於又一城內，非常易找又方便，晚上人流雖然較旺，但由於餐廳較大，所以總有位置的整體菜色也算是中上，可能是我不太喜歡中菜，所以沒有強烈印象。不過這個炸蝦球則不同了，酸甜醬加上香脆炸皮已經十分吸引，已內裡的鮮蝦也十分新鮮，非常惹味的一個小菜。６個炸蝦，每人只一個確實不夠，所以我們叫了２碟呢。而第２碟的質素跟第一碟沒多大分別，証明質素保持得不錯不錯的中菜餐廳！！！

這是為食貓的第100篇食評, 開了account 九年終於才寫到100篇, 有點兒興奮又有點兒唏噓的...產量真是超低...只怪自己懶, 2015一開始本來雄心壯志的, 寫了數篇又掛住整蛋糕/又要煲劇/又要湊b...真抵打 第100篇, 當然要選一間我們常去的店子, 亦要是值得紀念的, 不作它選, Honey當然估到是寫翰騰閣啦!  而這篇食評其實是集合近來幾次光顧過的相片, 既是關於喝茶的懶得分開寫, 其實有一篇是吃生日宴的, 菜式值得寫但真要留待幾篇後再寫.最近一次喝茶是年三十晚, 我和Honey都不用上班, 難得一天假期就和家人去翰騰閣飲茶啦!  Yeah, Let's Go, GO GO GO~~因為今天是閒日的關係, 雖未爆場但都坐滿八/九成, 當然我們已預先訂座, 如果是假日的話, 各位無訂座想都不用想, 門口起碼幾十人在等候中.  入座後叫了鐵觀音和普洱, 這兒很多好吃的但唯獨是茶, 就是這兒要改善的, 不夠香不夠味, 美中不足啊!  必叫的有香芒脆蝦筒, 不是很多地方有做的一款點心, 啖啖蝦肉夾著甜甜酸酸的芒果, 吃完想叫多一碟.  當然, 不是芒果的季節預

我今年朋友送給我一套年糕卷比我！我年廿七去拿糕！我在門口見到一張白紙說今年的糕已經買完！我當時想是什麼糕呀！這麼早已沒有！當我拿到糕的時候回到家一打開羅佰糕看見面頭好多料！好看！我忍不了立刻煎來食！第一口食下去原來內外一樣多料同多羅佰條、好好食！隔咗第二天再吃年糕、原來不只是普通年糕，係有一些清香的竹香甜味！好食不甜剛剛好！竽頭糕多料多竽粒香滑！0K！明年一定早點去買：good!!!!

被推介點套餐...都是些鮑參翅肚之類的, 不太吸引再被推薦索價$300多的例湯, 還說要點夠兩個才夠同桌八人飲用......繼續無視之...鹵水味道薄弱, 但未算死咸當然不能夠跟傳統潮州菜館比較普通貨色, 外層香脆而不會過油加入了香港食肆較少見到, 亦比較名貴, 藥用價值比較高的榆耳口感跟常見的雲耳差不多, 就是香氣上有一點分別帶子用的是雪藏貨, 亦算鮮甜肉厚這個名字不太記得, 好像是魚湯什菌魚腐味道沒特別愈來愈少食店會做工序非常繁複, 但又不能賣太貴的柚皮此店的柚皮做得十分出色, 比上次在名店得龍食到的好很多軟棉無渣, 盡吸羅漢齋中的菇菌味道未及拍下原隻豬手已被瞬間分屍......豬手本身質素不錯, 豬肉味濃, 皮硬而不太肥但與醬汁炆煮的時間應該不長, 不太份味黑椒汁分面...感覺很茶餐廳或快餐店的味道......本來想點餐牌上的金華玉樹雞......又一少見的功夫菜但店方表示由於未有鮮雞供應, 所以該菜式需要暫停......可惜唯有點了這個店家的招牌菜...即是炸子雞吧是不是三黃雞真的不太懂, 但此雞的雞味不算濃皮算脆, 但香氣欠奉......作為招牌菜...感覺有點弱......

由於朋友約好了又一城吃飯,但她竟然沒有預先訂座,星期六的晚上要找一家唐子不用訂位可以堂食有點痴心妄想吧.沒期望之下進了韓騰閤想不到有驚喜呢日式黑豚肉轉了中式煮法,意料之外的好味道,溫度剛剛好,上台要立刻"處理",由於是炒黑豚肉,所以肉汁是不停流出的,必選菜式!!這個算是中式甜品,但由於香味不停飄出,唯有搶先試吃了.酸甜的味道溶在一起,不停衝擊你的味覺炒蛋白...可能前2度菜太出眾了吧..這個不吸引呢....吃西餐時前菜是沙津,吃中菜當然要叫小白菜來中和一下味覺是常識吧下次再到又一城想起中菜的時候,會再來呢

All the dishes we ordered for lunch today were quite expensive but quite tasty.Dim sims ordered...-Deep fried beancurd sheet rolls with prawns-steamed dumplings with veggies and prawns-steamed paper rice rolls with meat and veggies-steamed siu mai-chicken legs-braised cow innards (golden yellow in colour)-beef balls We also had a large pot of soup noodles (Mei xin) with mixed fungi, some greens and special fish balls. It came with plenty of broth and was light on salt and fatUnfortunately, the w