老夫子餐館 (已結業)

「老夫子」漫畫實在是本土經典，以詼諧畫風表達出六十年代華人生活的人生百態，風趣幽默，反映時弊，更讓人學上很多成語。開業初期實在太多人了，現在才來就不用排隊太久。最喜歡鋪面攦設了很多幾位主角的巨型公仔，是最佳「景點」。內裡的裝潢也十分有特色，滿是老夫子的畫作，牆上，天花，甚至餐牌，很有亮點！點了一客小吃「千方百計」（炸手指魚）$42，外層炸至金黃薄身，卻十分鬆脆，厚厚的魚肉比預期嫩滑，而且，鮮味不俗， 厚切薯角也很香，灑下檸汁，感覺清新很多！主食先來「百花齊放」（蒜蓉大蝦蕃茄汁意粉）$108，意粉煮至口感剛好，沾滿蕃茄汁底，吃時酸甜開胃；而主角大蝦開邊煎至帶焦，輕易可挑出蝦肉，蝦肉鮮甜爽彈，用料不賴。最後來個意頭甚好的「皆大歡喜」（焗葡國雞飯）$108，說是餐廳招牌作，飯量頗多，色澤金黃，內裡的配料除了有雞件之外，還有洋蔥、紅蘿蔔等。葡汁底很香，滲出椰奶香味，伴飯一流，雞件厚肉，入口卻有少少乾，否則更好吃。說着說着我們又回憶了很多童年往事，真是光陰似箭，日月如梭。

上一次食過太子的老夫子主題餐廳，感覺不錯，無論食物、價錢、環境都留下幾好印象，對上一次lunch我們叫了4份餐和全部特飲都不過3佰幾，覺得價錢合理。但今次卻大不同，叫了2份餐連2杯特飲也要3佰幾，每碟要百幾，菜式跟上次碟頭差不多，但價錢真係贵了好多，時間只不過相差個半月卻差咁遠，解釋唔到。至於，水準是okay,魚煎得香脆，皮脆肉滑，味道香甜。而意大利麵質爽，夠彈身。至於朱古力特飲又名【理直氣壯】，甜道適中，朱古力味香濃，份量夠大杯，好飲。唯一可惜是價錢不再大眾化，可能與週末有關？

我必須承認，主題餐廳十間有九間都是伏。而我以為這間老夫子餐館也是如此的結論。本想著當一次勇者，真的沒想到食物也是驚喜和正面的。雖說食物沒有令人一試忘懷的感覺，但在主題餐廳的層面來說，已經是水準之上了！ 或許我應該以最簡單的食物、環境來解釋一下： 1. 正如剛剛所說的，主題餐廳十間有九間也是伏，但這兒的食物沒有賣弄老夫子這角色或是在每個菜式中都加入老夫子的圖案，反而是沈實地認真製作。像這個芝士焗蟹蓋中，揭開芝士層時是滿滿的蟹肉，非常足料。 吃過黑椒牛柳，唯一是我們點錯了七成熟，經過時間過去吃的時候已經是全熟了。雖牛柳依然好吃，但若果不是我們點錯了，我覺得黑椒牛柳可以更上一層樓。 瑞士汁乳鴿的菜式名字為「耐人尋味」，看起來跟平時的乳鴿深色了點，我個人猜想這是預先把乳鴿用瑞士汁烤過。旁邊還有一小碟瑞士汁，喜歡瑞士汁味道濃一點的也可以沾多些瑞士汁。 2. 說得是主題餐廳，當然全是老夫子的氛圍了。環境黑白的設計，在牆壁、天花板加上老夫子的插畫，這樣已經令大人、小孩子吃得開心。 還有門口的秦先生、老夫子、大蕃薯的1:1 人形模型，這是「打卡」的好機會了，也叫人無法不留意這幾個模型。 不過對我來說，

失望!!上到去見到裝修幾得意，餐牌又別緻，都幾開心下，可惜一打開餐牌，已經有少少失望，因為食物選擇唔算多，價錢又比想像中貴少少(初時以為係茶餐廳)，咁都算，如果野食好食，貴d都唔係問題。叫左瑞士汁牛河，可能因為瑞士汁，我expect有太平館咁嘅水準,點知試左一啖就唔想食，因為落左太多汁，成碟牛河都係深啡色嘅，可像而知幾咁喊，牛肉又老到咬唔到，成碟野真係食唔落。同行友人叫左羅宋湯同鐵板羊架，湯幾好，羊架賣相好得，可惜只係好睇，明明叫左七成熟，點知又係熟過頭，冇牙力食。總括黎講呢間野係一次性餐廳

老夫子可算是誇世代的港式漫畫，還記得孩童時第一本看的港式漫畫便是老夫子，因為爸爸是老夫子的粉絲，所以家中收藏了不少老夫子的漫畫，由於文字不多，而且多半也是數格為一單元，雖然未必完全明白當中的深層意義，不過，閒來無聊時看看，真的挺有趣味！ 作為香港人的集體回憶，早前老夫子就在太子彌敦道這大街上，開設了一間主題餐廳，每次BeautySearch 乘巴士回家，途經此地時，都有衝動跳下車去參觀一下。 不過，到訪當日，老夫子竟然移到樓梯旁，或許因為下雨關係吧！ 步行往位於 1樓的《老夫子餐館》，甫到達，老夫子、大番薯穿著西裝筆挺，待在餐館門前歡迎到訪的食客。 餐館內每一處都有老夫子及他的朋友的蹤影，出現了不少漫畫情節及畫面，感覺似以漫畫的黑白線條為藍本，卻又添上了現代的色彩。 餐牌不但有老夫子滑稽的樣子，連各款美食都用上了老夫子單元故事的名稱作為美食及飲品的名喔！十分親切！ 先來一杯特飲，「 打草驚蛇 」$38 透出紫薯獨有的甜美、細滑，不過，杯內也注入了港式風味，就是一粒粒的涼粉，相信不少香港的朋友也試過把大大磚的涼粉切成細細粒的黑鑽，加入淡奶及糖水，確實是炎夏的消暑佳品，不過，這

中午忙裡偷閒去太子老夫子食午餐，當然1點左右等3張檯,我地影相得左十分鐘入得，餐牌有老夫子，但無圖片参考，我地叫左3個午餐，3個特飲，羅宋湯朋友話唔好味，我個白湯一般，有好多菜底，餐包正常微暖，雞皇飯用超大碟上，雞同飯分開上，雞肉大大件，但有雪味，牛扒薯菜，牛扒我覺得生熟岩岩好，但無問幾成熟，薯菜有粟米心，翠玉瓜，炸薯角，粟米芯好似變壞有怪味，焗魚柳意粉無食，賣相唔錯，好夠熱，食飽轉外賣盒重出煙，飲品橙黑鑽有棉花糖面，冰果茶都有幾款水果，唔太差，連中三元都有鮮果，但用茶包茶，女廁2格超窄。座位算舒適。

唔知大家有無試過細細個去剪頭髮，一面等一面睇老夫子呢？ 如果有你一定有返咁上下...哈！閒話休提，直接去相今次朋友來港，就帶佢黎呢間食啦首先叫左幾個飲品，最得意一定係呢個膽大包天（忌廉溝鮮奶）湯就叫左兩款幾個人share羅宋、南瓜兩款都唔錯頭盤貪得意叫左個焗田螺田螺個殼原來係磨菇，可以成個就咁食焗蟹蓋都足料，仲要唔貴，抵食（但唔記得影相）燒乳鴿好味，入味得黎肉嫩多汁，真心推另外叫左個焗豬扒飯同瑞士汁牛河豬扒飯個炒飯底好好，有蛋香，比起坊間大x樂一d都唔輸蝕反而個牛河我覺得咸左少少，同埋自己撈，感覺普通，如果可以兜亂上可能好少少甜品叫左個疏乎里，夠鬆，亦香，幾好味埋單幾個人唔洗一千，係主題餐廳嘅光環下，性價比唔錯，加埋嘢食唔差，會再黎尤其細個如果飛髮睇過老夫子嘅...要黎試啦XD

童年嘅回憶除了日本漫畫外，重有本港嘅漫畫，今次同朋友去了間以港式漫畫為題材嘅餐廳，餐廳外放了漫畫中嘅主角，表情神態栩栩如生，好似多了個服務員，而內裡嘅裝修更加漫畫，如果喜歡佢嘅朋友一早就已經係開張時到來，我當然都有，不多太多人，同埋排隊等都要好耐，今次就朋友訂了位所以很快就可以入去坐低！望到本餐牌就已經知道餐廳花了好多心機設計，食物選擇多，而家重有晚餐選擇，真係唔知點選好，就由朋友推介這個種瓜得瓜 $48老夫子南瓜湯打頭陣，湯底有濃郁嘅南瓜容，味道有濃郁嘅南瓜味，正！知道我愛吃雞翼，點了龍爭虎鬥 $68瑞士雞翼(4隻)，大大隻，雞翼肉質軟熟，重要瑞士汁另雞翼好入味，大啖肉肉質嫩滑，啱晒口味！而主食就係出神入化 $208黑椒牛柳 黑椒汁配薯菜(五成)，超大塊牛柳，又厚又大塊，切開見到佢放入口時即刻感覺到佢嘅嫩滑軟熟，重要充滿肉汁，加埋碟旁嘅薯格，絕對係正確選擇！精明嘅朋友重發現鐵板套餐有升級優惠加多$30即配 是日餐湯、餐飲，剛好就是朋友推介嘅南瓜湯，感覺更加優惠！同店員說了即時升級！店員服務一流！吃完咁大份嘅牛柳，但始終好似欠什麼嘅感覺，朋友發現了是尚欠甜品，除餐牌內，重有張特色甜品選

終於考完CFA，值得好好慰勞自己的胃。今天點了鐵板燒雞同天涯海角（千層粉）。兩人未食完。鐵板燒雞好大份，可以兩個人share，仲有土豆泥和很多配菜翠玉瓜豆角等，味道不錯。千層粉口味好重，份量不大。服務員服務算係不錯，環境也比較得意。只是真係貴咗少少。

先此聲明，這不是我童年回憶，我的童年是美少女戰士啊但無可否認我都曾經喺上海理髮店，睇過老夫子，今晚是跟朋友來吃豉油西餐，順便擔當一晚攝影師。因為今日係黑雨嘅關係，交通大混亂，所以都係食飽飽先返屋企穩陣啲。見朋友未到又難得環境咁輕鬆，一於嘆番杯花茶先好鍾意估歌仔啲名連中三元 $46。原來係蜂蜜玫瑰果茶，熱茶果然零舍醒神啲，茶壺夠晒精緻，好有 high tea 的感覺。首先食啲暖嘅食物養住個胃，種瓜得瓜 $48 是招牌湯，即係老夫子南瓜湯，好creamy好味道。見到menu 有一個叫做想入非非冬日推介啲名真係好有創意。我一心挑選了西班牙黑毛豬伴炸蕃薯配芥茉籽汁 $258。西班牙黑毛豬兩面都煎得香脆，肉質柔軟，入口多汁，質素不錯。小食是龍爭虎鬥 $68，原來係脹卜卜的瑞士雞翼，瑞士汁超入味。朋友說要想食一下臥虎藏龍 $78，我哋就share左呢個芝士焗蟹蓋。芝士焗得夠香，而且淡淡都係蟹肉食物全部都大件夾抵食，就連甜品都出色過人。獨一無二 $48焦糖吉士布甸，一見到大番薯，可愛到個心到即刻溶化了。

老夫子係一直想去嘅主題餐廳之一，但聽聞勁多人排隊⋯⋯就算了！今天澳門朋友慕名而來，我也盡地主之誼。門口擺放著老夫子，大蕃薯等漫畫人物任影，餐廳內外都配合主題，連菜式名都引用漫畫入面而命名，睇番啲名，即勾起兒時回憶。精選西冷牛扒配意粉的牛肉有肉筋，口感韌度強肉質硬，有點過熟質較粗糙。意粉略帶彈性但淡而無味。瑞士汁燒乳鴿肉厚且入味，其皮薄香脆但偏乾。唯有淋上甜甜的瑞士汁輓回了偏乾的味道焗海鮮意粉白汁味夠香濃,青口，蝦及帶子焗出香濃味道的意大利粉.不過汁過多好漏。火焰雪山呢個視覺觀感真係一流，食落發現有勁大陣酒味，非常苦，啲cream有好大陣火燒既味道。食完影完，只可以講貴在裝修，食物沒有水準，價格較高。

作為香港人既漫畫，少不了是要算上「老夫子」！想不到，現在可以活生生地係我哋面前出現！陪住大家食嘢呢～～ 呢度仲有好多老夫子漫人物及造型。絕對是必影留念的地點！ 一上樓梯，就有老夫子及大蕃薯迎接大家呢～～ 餐廳四圍都有老夫子及漫畫入物的畫像及擺設。 就連餐廳座位，也有不同的造型哦～～ 很可愛的餐牌吧？入面的食物也是用上漫畫的四字成語命名哦～～ 懷舊飲品，用上七喜加上果肉以及棉花糖，造型也吸睛了吧？ 蜂蜜玫瑰果茶 這絕對是我喜歡的飲品。而且果肉新鮮，茶也不會很甜。 老夫子南瓜湯 南瓜味想不到也挺濃郁的哦，而且啊，湯也是熱熱的上。跟一般茶餐廳相比，這可是很有誠意。而且面包也十分鬆軟的說呢～～ 野菌忌廉湯。這一碗很欣賞有著粒粒的蕃，飲落口有咬口呢～～如果有濃多一點的松露香，就更好了吧？ 炸魚手指 這個小食不容錯過啊～～ 雖是簡單的炸魚手指，但每一條都炸得好鬆化。粉醬一點也不厚，而且十分均勻。新鮮炸起，魚肉味都挺濃的哦～～ 精選牛柳配薯菜 以鐵板上的牛柳，想不到也大大份的哦～～ 份量可是比起一般的餐廳大份哦。仲有大大舊的薯泥添呢～～ 五成熟，生熟度也掌握得不錯了呢？！牛味

期待已久嘅老夫子餐廳，曾經勁排隊之一，當然我唔會走去排啦，老夫子氣過咗一排，冇咁多人走去試吓先。先叫咗熱情果茶，配埋啲生果酸酸甜甜。最鍾意佢可以無限添加蜂蜜玫瑰果茶，玫瑰味清淡比生果掩蓋左白酒汁藍青口都叫做大隻。個白汁幾濃，冇左青囗味炸手指魚拼薯角，啲嘢炸到有d乾，冇乜味蒜蓉大蝦番茄汁意粉，蝦大隻意粉相對較少，普通蕃茄味。影相係幾得意嘅，但啲嘢幾貴下，呢啲主題餐廳多數好睇唔好食，你體驗一下影過相，就唔會諗住食第二次囉。

上星期同朋友去咗間漫畫主題餐館食晚飯，係70&80年代出世嘅人都應該看過佢嘅漫畫書佢就係老夫子，地點位置方便係太子地鐵站附近，上到去門口已放在好多關於老夫子裝飾物品&書籍同人像等等連餐牌都用老夫子做封面，仲以為睇緊漫畫書真有趣，未開餐前先點咗抔奶昔系列童年無忌士多啤梨奶昔，入口香濃士多啤梨，奶相當滑溜，飲落非常清爽再來就係湯類錦上添花羅宋湯，配埋麵包牛油簡直完美配搭，香濃嘅蕃茄味道真材實料，麵包點埋湯一齊食更好味跟住係小食臥虎藏龍芝士焗蟹蓋，芝士包住蟹蓋表面，一切開已見厚厚蟹肉非常飽滿，肉質鮮嫩，入口鮮甜可口再來係主盤類坐享其成瑞士汁牛河，香濃嘅瑞士汁已平均分佈，牛肉入口嫩滑鬆軟，而河粉亦炒得乾身，撈埋醬汁一齊食更加嘢味最後係法式羊扒伴焗薯配燒汁，已俾麵包糠包住羊扒面，增加面層香脆，煮得出色，一切開已見到羊扒鮮嫩，索到陣陣羊so味道，都入口時羊肉非常香滑加上油脂甘香，簡直食到停唔到口是日晚上食到有水準嘅主題餐館

我們這些八十後其實對老夫子一點也不陌生, 因為都有電影電視卡通片, 而且劇情也永不過時. 所以家附近的老夫子餐廳, 就滿足了大家的兒時集體回憶, 老夫子, 大蕃薯, 真的做得維妙維肖的呢~ 裏面的裝潢都好講究, 有好多漫畫的Feature wall 的說.. 連餐牌也是老夫子, 而餸菜名子都好特別… 好, 我就先來杯時來運轉 (熱柚子鮮果茶) HKD46, 不會過於死甜的柚子, 加上鮮果, 及靚靚的茶壺, 好像自己在吃酒店High Tea 咁 耳目一新 (HKD48) 即炸洋蔥圈是也, 外皮薄脆熱辣, 而裏面的洋蔥都是爽口濕潤, 不會太乾, 不錯呢~ 相公就叫了個入木三分 (HKD198) 即鐵板西冷牛扒, 叫黑椒汁配薯菜, 五成熟的西冷牛扒, 肉厚Juicy, 牛味甚濃, 大大塊的西冷, 可以食飽我這個大胃王相公的呢~ 而我這個百花齊放 (HKD108) 即蒜蓉大蝦番茄汁意粉, 蒜蓉香口, 釀在大蝦上令新鮮爽口的大蝦更添鮮味, 而意粉配較酸的番茄汁, 食落愈覺開胃. 來到老夫子餐廳當然要叫返個有老夫子Logo 的得意忘形 (HKD118), 即香橙梳乎厘,