老川皇

营业中

休息中

本身已經好鍾意食川菜，已經經過過無數次，今日唔再經過就算，直接行嚟入去😂。店裏面都係傳統川菜裝潢，坐位闊落。孜然羊肉$102每次食川菜都一定會叫一味嘅羊肉，有少少🤏羊蘇味，孜然同時提升羊肉味道，羊肉味濃。洋蔥🧅亦係唔少得嘅配菜，大量洋蔥同辣椒🌶️，野味十足。干鍋蜆肉$78上枱嘅時候已經睇到干鍋嘅火鍋再加上大量嘅綠紅辣椒🌶️，提升唔少熱同辣嘅程度，亦都係鍾意食川菜嘅原因。辣椒嘅辣度適中，餸飯一流👍。蜆肉量亦唔少，干鍋干住蜆肉熱度，再配搭檸樂確係絕配😋。檸樂$19食川菜其中一杯絕配之選，除咗有氣之外就係檸檬🍋酸味配搭👍。

今日同大家推介一間川菜餐廳，就係位於旺角歐美廣場嘅老川皇。餐廳位於廣場一樓，不過要上兩層樓梯先可以到達，平日晚上大概6:30去到，餐廳入面已經有食客啦😮餐廳裝潢實而不華，燈火通明，設有大量卡位，私隱度十足。我哋兩人總共嗌咗四款菜🤤🎈樟茶鴨 $62樟茶鴨好有驚喜😮樟茶鴨即係熏鴨嘅一種，係有名嘅川菜之一，由於有樟木同茶葉嘅香味因而命名，煮法好講求手工。呢碟餸，鴨皮做到外表色澤金紅❤️外脆內嫩，入口酥軟肉香無限。呢一碟係例牌嘅份量，兩個人食剛剛好👍🏻🎈干扁四季豆 $76本人最喜愛的小炒之一。四季豆粗壯又飽滿，配合蒜頭、薑、蔥及辣椒絲生炒，非常夠鑊氣🤤🤭份量仲好多，食極都仲有😂🎈串燒雞全翼 $16隻難得食川菜，梗係要試吓佢啲串燒啦！呢2隻燒雞翼上菜嘅時候仲係熱辣辣，外脆內軟，肉汁香濃，表面嘅雞翼皮仲加上左辛辣粉，非常惹味❤️‍🔥🎈白菜豬肉餃子 $48湯底清甜，帶有少少香辣味，入口非常惹味。餃子皮一啲都唔厚，唔會有飽滯感，咬落去有肉汁而且仲係熱辣辣，非常開胃👍🏻💫呢餐飯大概港幣$240 ，喺油尖旺晚飯來講都幾抵食，畢竟有手工菜，令人回味無窮😇唔講唔知，原來老川皇一共有三家分店，證明佢好多食客支持😋，

小妹其實係一個好食得辣既人黎今日同啲朋友心血來潮想食川菜所以就黎咗呢到雖然裝修唔係好特別仲有啲茶餐廳feel但喺門口已經聞到好香既水煮魚味已經係加咗唔少分味道已經係裝飾咗一波架啦我地叫咗水煮魚 豆花肥腸 仲有個雞煲首先呢3樣野湯同汁真係好香好好味魚肥腸雞都好入味而且呢到既湯唔會係得個辣字川菜既香料味都好重魚肉好滑 睇得出係冇炸或者飛水肥腸都好多 但湯蓋哂過哂 食到咁上下要用匙羹搵餐廳將啲雞斬得有啲細粒 我覺得大粒啲會好食啲

我同朋友都心思思想食川菜上網見到呢間餐廳幾多好評今日經過順路就嚟試下味道果然都好香口好惹味🥰💎$142 酸菜魚(斤)見到酸菜魚係呢間餐廳嘅招牌菜之一就叫黎試一試😍份量好多好多大大嚿嘅魚塊呢個價錢好抵食但係要小心魚入面都有少少骨魚塊味道10分爽口嫩滑好有魚味因為我哋唔係太食得辣🤣所以淨係叫咗少少辣辣味味道啱啱好少少辣味同埋酸菜味互相配搭😍而酸菜嘅份量都好多😆湯底亦都好好味.💎$82 鐵板水晶粉我同朋友對於煙煙韌韌嘅食物都毫無抵抗力🤣好少見到餐廳有鐵板水晶粉水晶粉晶瑩剔透同時又煙煙韌韌 好有咬口加入調味料喺鐵板上面炒完之後有少少焦香嘅味道😍好味

臨近中秋，去旺角拎月餅，順便去果欄買生果，人山人海，又熱又攰拎住好多嘢，想搵個地方坐下食d嘢，涼下冷氣，諗起附近歐美廣場既老川皇有串燒唔洗再諗六點鐘，無嘜人，地方寬敞，冷氣強勁，又有電視，好坐過cafe串燒選擇多，辣度自選重有好多小菜、煲類金菇肥牛，肥牛嫩口唔un，金菇容易咬開，調味得唔錯燒雞翼大大隻牛舌，比較薄，大大塊韭菜，好入味，好青嫩，個調味真心好正燒茄子不用多說，睇圖就知正睇返都好想再食，好夠味，夠辣又夠蒜香，份量又大

麻辣菜總是令人吃不厭呢間老川皇菜式選擇多！每次去食川菜，我都好鍾意食炒花菜所以今次都堅持要食干鍋炒花菜呢個一嚟到，香是香，但食落總是覺得差少少味道好單調，只得炒香嘅鑊氣+鹽嘅咸味‼️熗炒土豆絲落單時本身諗緊要咩辣度，然後侍應建議我哋要小辣，佢話今日師傅落辣重手左～～點知嚟到，只係得好少辣而且炒得唔夠香‼️好彩嘅係仲食到土豆絲嘅脆度，唔會好淋麻辣香鍋呢個香鍋有齊蝦、田雞、魷魚、蓮藕、薯仔條、花菜‼️同樣要左小辣，所以辣度都唔太夠味道不錯，不過略微咸左啲～～我諗師傅唔係落辣重手左，而係落鹽重手

放工去咗旺角買大人玩具🪀經過歐美廣場 見到老川皇霓虹光管，心血來潮就試吓呢間川菜館，反正地點就腳又方便，二人卡位闊落，坐得幾舒服！老川皇價錢親民，份量大食完飽，坐低餐牌都幾吸引，點了菜，來這裏一定要吃辣吖！茄子 🍆$28重慶風味另一種風味是串燒，燒茄子不能錯過，原條茄子鋪滿蒜蓉， 好軟滑燒得好味連皮，好味小食，燒茄子調味正，有焦香味道令人開胃。尖椒皮蛋 $46涼拌菜啱晒夏天口味，尖椒皮蛋有咬口，辣油開胃食完一啖又一啖，配料有尖椒令整體味道添了層次。宮爆雞丁 $78朋友喜歡食小菜，宮爆雞丁份量很大碟，雞丁肥瘦均勻食落好嫰滑， 花生每一口都好爽 ，有鑊氣！醬汁甜辣兼備，撈飯一流。米飯 $12宮爆雞丁加埋川式醬料、青紅椒，實在太香濃惹味，所以決定要碗米飯一齊食。四川擔擔麵 $30四川擔擔麵份量不少，麵條細滑趁熱食，辣椒油令湯底變成紅油，食落一點點辣，不是有花生味的那種湯底，但有辣椒油的香味。酸辣粉 $30很有地道特色的酸辣粉，少酸少麻，香味撲鼻，好大碗配料有榨菜、 花生、香蔥、芫荽 ，味道又酸又辣，小辣過癮 ，粉質地爽口彈牙，好滿足！

老牌川菜皇🌶老川皇🌶今日同男朋友行開旺角，口淡淡想食D辣野，諗起係旺角好多年既老川皇，就決定上去食下！上到歐美廣場二樓，空間感大，都算坐得舒服。餐牌厚實，菜式選擇多。—酸菜生魚片兩個人嗌左個酸菜魚，價錢抵食又大份！魚肉大塊又足料，有少少骨，但不影響口感，滑 !😋亦有滿滿的酸菜😍味道夠酸，嗌左小辣，唔會太辣，岩岩好 嗌左個白飯，撈飯一流！男友食左兩碗飯 HAHA—炒土豆絲有驚喜！好爽脆！睇唔出會咁辣！我同男友都覺得比起坊街既算好食！起碼唔會淋身—泡椒雞腎最愛泡椒既我覺得好正！香口微辣！份量算多！口感好爽！仲有少少蘿蔔片仔，唔會感覺好寡。—呢餐都係CP值極高 同男朋友將所有野清空哂極滿足！

今晚同朋友係旺角行完街，揀咗呢間川菜館食晚飯！地點幾就腳～本身我同朋友揀咗一張角落頭嘅二人枱坐，店員主動同我哋講出面有張卡位可以比我地，等我地坐得舒服啲，真好～有骨辣子雞 小辣好正 粒粒都好脆好熱辣辣！！酸辣粉30蚊都幾大碗，夠酸夠麻，2個女仔share岩岩好。串燒我地叫左牛舌，韮菜，魷魚，雞肉，多春魚，樣樣都好入味，最正係牛舌。一路食串燒一路吹水，開心！燒茄子原條茄子！鋪滿蒜蓉粒，好軟滑，正呀！紅糖糍粑甜品點少得呢個！！！炸得好脆，好煙韌，配埋黑糖漿同紅糖粉食，好滿足！

今天都好想吃川菜，在旺角附近搜索發現這家，是連鎖，還有幾家分店。平日8點多還要排隊，人氣好高。看了一下餐牌，有炒菜，燒烤，還有火鍋。.當日試了一下炒菜，我們兩個人，選了三道菜。攸縣香乾，72💰，裡面還有配菜是芹菜和青椒，都吸滿了湯汁，很入味。.魚香肉絲，78💰，肉絲一上桌我們就看到都很大塊，非常實在，香甜可口，肉也很滑處理得不錯！.另外我們還點了去骨的辣子雞98💰，不過一定要點小辣，真的好麻好辣，但是好過癮，每一顆酥酥脆脆，還沒有骨頭

挑起條根想食四川野，即興約朋友去左老川皇，上左歐美廣場呢間，有沙發座坐得舒服嗌左2個小食2個餸小食1- 涼拌萵筍絲 四川野點會少得涼拌蔬菜，新鮮嫩身既萵筍切成幼絲好爽口，夏天食飯作為前菜岩岩好小食2- 夫妻肺片 係一道以牛為主既川式涼拌小食，牛肚絲、牛舌、牛心切成薄片，先以滷水汁醃製，再用麻辣醬汁拌成，麻辣度恰到好處，而牛肚絲又唔會滷到好韌 主菜1- 火爆腰花火喉好夠，爆炒得恰到好處！豬腰切成條份量都多，食落好嫰滑唔會又乾又老 加埋個獻汁同啲配菜係錦上添花主菜2- 川式回鍋肉 五花腩片肥瘦均勻，加埋川式醬料同青紅椒爆炒，香濃惹味送飯一流

再來老川皇，又係全院都幾滿座, 不過好彩有位, 可能周末就要卜定位安心D喇叫左涼拌腐竹👍🏻👍🏻👍🏻, 腐竹好滑好入味, 而且有芫茜好香, 開胃GD!乾鍋肥腸鍋👍🏻小鍋上, 有得熱住愈食愈入味, 肥腸處理得好好, 肥得黎唔滯, 夠爽口彈牙, 配菜D辣椒都醒胃跟住係個麻辣香鍋👍🏻👍🏻, 雖然同出面唔同既係, 佢無得自己自選配咩餸料, 但令人有驚喜既係入面係有齊勁多款餸料, 包括基圍蝦, 蓮藕, 薯條, 花菜, 魷魚, 田雞等, 非常抵食, 亦炒得好惹味最後仲叫左串燒茄子👍🏻👍🏻﹑羊肩肉💛同雞翼👍🏻, 茄子是無得輸的, 蒜香味濃郁, 又夠大份; 羊肩肉羊味都夠, 唔鞋口, 雞翼燒完都仲好JUICY, 外脆內滑!

琴日去完沙灘玩留咗一日汗 好想食辣嘢 上網搵到呢間話都好正宗❣️水煮田雞 $166朋友同我一樣鍾意食 但係香港食到嘅地方唔多 所以我哋都搵咗好耐 嚟到好大碗 底下用啲芽菜墊住 一開頭仲諗住水煮應該唔會好多肉食 但食到開始覺得辣嘅時候越摷越多 知道田雞一般都好難整 咁麻煩但賣呢個價錢真係好抵食味道上同之前喺深圳食嘅有少少分別 不過一樣好麻好香 食得好爽❣️金銀饅頭 $30/6粒諗住主食未到嗌少少嘢頂下肚 今次店家俾多左兩舊細細粒一口一嚿 但係個皮有啲硬 唔知係咪炸過龍 有少少失望❣️酸辣粉 $30都係好大碗 唔似平時喺街食嗰啲紙碗裝嘅細細碗 應有嘅配料都有 酸菜花生香蔥芫荽 叫咗小辣多麻過下癮 正呀❣️涼拌萵筍絲 $40食得太多辣嘅時候 呢個菜用嚟清吓腸胃 呢個叫咗唔辣 清清涼涼幾好食❣️重慶風味燒茄子 $28係原條茄子🍆 上面鋪滿晒蒜蓉 燒得好入味 連皮都可以食埋✌🏻 咁多樣嘢覺得最好味嘅小食係呢個

一直都好鍾意食辣野/川菜😋這天晚上又心思思想食辣野🌶禁岩經過見到位於旺角這家的老川皇📍見到價錢都幾抵食，所以決定試下!🔎-這間絕對係抵食的川菜，好多唔同款📝絕對岩輕鬆食野的晚上!首先我點了2串四川小食🍢分別係燒烤牛肉同燒烤墨魚咀🦑第一次試燒烤墨魚咀，原來好彈牙爽口呢!🤩幾好食! 加上有少少四川的辣味! 食落更加好食😜另外仲有燒烤牛肉~ 一樣惹味，而且好香口🥩-另外，我都點了最愛的酸菜魚，選了小辣!🌶🥣而且價錢都幾抵食! 💰份量都十足呢! 在酸菜魚內整碗魚肉都滿滿!😋而且魚身好滑，但間中會有少少骨😍呢一點都留意呢!🧡但味道好足夠，而且唔會太咸!🥢配上仲有滿滿的酸菜，岩晒鍾意酸菜魚的我呢🧂-另外，也點了四川擔擔麵~🍜這次選了無辣，怕整晚的食物都太辣😁麵身順滑好食! 相信食川菜時也必點🧡-滿足的晚上，價錢都好相宜!💡間中想食辣野絕對可以過下癮呢🙌🏻

適逢深夜時分，屋企附近個間老川皇總是人來人往。睇黎又係宵夜嘅不二之選，搞到我都有啲心郁郁入左去。其實一開始都對呢到冇咩興趣，因為我唔係好食得辣 (平時譚仔食開3小辣)。但食完之後，我都會推篤唔係好食得辣嘅朋友仔試下。個陣我係揀左最低辣度，你知架啦呢啲川菜嘅最底辣度通常都已經好鬼死辣，都係穩陣啲好。當日我地兩個人叫左4味餸，以下係少少feedback：-辣子雞香口野黎，食得多會好熱氣。個人認為唔係幾岩餸飯，因為會破壞佢個脆卜卜嘅口感，當零食咁單獨食個口感先會出到。-涼拌土豆絲本人土豆絲愛好者私心推介。有水準、合格嘅土豆絲。唔會話太淋、爽口，但唔好expect佢好特別。如果你去到咁岩想食土豆絲的話，唔洗遲疑！-鐵板水晶粉非常之飽肚，食完呢個可以唔洗嗌白飯都得。啲水晶粉好入味而且熱辣辣，可以先熱食一半之後等佢涼左之後再食。咁就試到兩種唔同嘅風味。-孜然羊肉呢個係今日嘅MVP 。最惹味嘅一道菜 ，用黎配白飯食簡直就係大滿足。通常惹味嘅餸都會好咸，但呢個冇個種好似直接隊啲調味料落口嘅feel。最後建議大家食個陣一定要order返罐加多寶，消熱解辣一流。而且啲野食大多數都落左好多油，飲返啖涼茶解膩