老川皇

营业中

休息中

這天晚上我約了朋友在油麻地吃晚飯，經過網上的介紹，我們便決定來到這間酸菜魚餐廳試一試，店內環境寬敞和清潔衛生，亦有無線上網提供給客人，店內的客人是坐滿的，證明食物的質素應該非常不錯酸菜魚($142)酸菜，魚非常嫩滑，非常新鮮，份量非常多，蘿蔔片爽口微彈，薑，湯底有加入胡椒粉味道酸酸的，令人十分開冑，而且沒有放味精，飲完吾會口渴雞肉腸($6)雞肉腸稔香軟彈，這個定價延合理魷魚鬚($16)魷魚鬚十分煙韌，非常新鮮，細細件，容易入口茄子($28)用蔥粒鋪面，大量的蒜蓉，茄子十分軟身，小孩和老人也可以吃，份量非常多，十分抵食整體來說，食物的質素十分高，食物的份量非常多，食物的選擇足夠多，食物的用料非常新鮮，食物的賣相很吸引，食物的定價相對合理，而店員亦有良好的服務態度和有禮貌，所以我認為這間餐廳是值得再去惠顧

雖然剛剛通關可以北上，不過暫時係香港回味內地川菜先，老川皇主打干鍋，充滿祖國風味首先點幾款前菜送下酒，泡椒雞腎，雞腎有口感，一片一片吃下去，咸咸辣辣，送酒一流泡椒鳳爪，看下去顏色普通，不過原來超入味，越食越辣，慢慢吃真係另有一番風味涼伴萵筍絲，萵筍絲有驚喜，切得幼細之餘仲好爽口，酸菜生魚片，足一斤魚肉，一大窩送上，真係2個人都未必食得晒，酸菜魚要配上白飯食生魚片真的超多，骨唔算太多，魚質幾滑同大塊酸菜魚湯並不是水汪汪的，帶點奶白色，有酸菜及魚香味，味道適中唔會太辣太酸，唔油，湯配白飯，真係絕配，一定要點一碗白飯

朋友同我都好中意食辣，難得我地食既辣度都係大辣，於是約左黎食川菜店內環境舒適寬敞，燈光明亮，好彩我地較早黎，今日係平日，但大約晚上7點半已經全場坐滿食物有好多選擇，例如燒烤類、小炒類、干鍋類、水煮類、鐵板類…。紅糖糍粑（$30）色澤金黃，食落外脆內軟糯，沾上紅糖漿同黃豆粉食，又香又甜，好食值得一讚係掛住傾計放耐左先食，表面都仲係好脆又唔油膩。麻辣香鍋（$148）我地叫左大辣，上枱時已經香氣撲鼻。配料有蝦、鮮魷、田雞、菜花、蓮藕、薯仔絲等等，口感好豐富。味道麻、辣、鹹、香，超級惹味！份量唔細但輕鬆食哂。飄香辣子雞（$98）叫左大辣，滿滿既辣椒乾顏色鮮豔吸引雞肉炸過又冇骨，配上大量香氣十足既辣椒乾，啖啖肉香口之餘又辣得好過癮！。三絲炒米粉（$68）都係揀左大辣，有好多鮮辣椒米粉炒得夠乾身有鑊氣，唔油膩，調味又香。食落每條粉絲都爽口，加埋配料食，口感好豐富。總結：食物又香又辣又惹味，加上環境舒適，會再幫襯

今日天氣又濕，又下雨，天文台還說下星期會轉涼，胃口不太好，沒有意慾，所以就想去食辣的東西，刺激一下味蕾吧，哈哈。公司附近的辣餐廳就是老川皇，我也是常去的，今日也去了吃晚飯。還約了k小姐一起去，一起吃川菜。大概每人$125吧。四川擔擔麵$30不算辣，因為我們全都叫了小辣。麵條幼小的，很快就食完，哈哈，我們都肚子很餓。這個跟平常去食上海菜的擔擔麵有不同，少了花生味，但多了麻辣感。金銀饅頭$30金，原來是炸的。銀，原來是蒸的，挺不錯的，以前沒有叫過，今日k小姐說想食，所以就叫了一碟，還有可以沾煉奶，甜甜的，也很開胃。涼拌土豆粉$40份量不少。土豆粉辣度有後勁，食完了，辣感還在口裡走來走去。而且土豆粉切到後幼，又有口感。口水雞，例牌$62這個常食，因為雞肉很嫩，不老，而且皮又滑，我會連皮一起食的，哈哈。k小姐還說再加一碗白飯更好，會全都吃光，哈哈。蒜泥白肉這個眼看像很辣，不過其實蒜味更重，而且叫了小辣，所以平時不能吃太辣的人，也可以食。肉切到很薄薄的，會連蒜泥一起吃，兩者味道可口美味。

🐾老川皇# Spice a dish with love and it pleases every palate.- Plautus🐈公司係旺角所以成日聽人講呢間川菜好好食，今日就約左個食辣的友人去試下~餐廳位於油麻地同旺角中間，地鐵一出直行就到，地理位置非常方便👍🏻菜單選擇非常多，有涼菜、酸菜魚，燒烤等等，🐈眼花撩亂之下最後決定點海鮮😍✨乾鍋鮮魷🐈選擇左中辣，再配埋紅紅綠綠辣椒粒非常吸晴😍鮮魷嗰量超級多同埋夠大粒口感一流，個辣係香之餘又夠嗆勁，夠曬過癮✨韭菜蜆肉蜆肉大大粒又多，再加上韭菜食非常滋味😚其實送飯一流，但個份量太大令到🐈好飽，太可惜叫唔到白飯✨即榨芒果奶昔✨即榨芒果奶昔珍珠因為係即榨果汁，芒果味非常濃厚😍其中一杯加左珍珠，如果鍾意有口感的話🐈推薦可以選擇加珍珠👍🏻Overall體驗: 店員態度超級好傾咗一陣計之後發現原來大廚係實地聘請，唔怪得之咁夠鑊氣，非常地道😍今次去完發現有多種川菜可以揀，而我每樣都想試吓，下次要約多d朋友仔至得

先因應標題解釋一下，11月初家庭聚餐有推薦於是訂咗枱7位星期六1900去歐美廣場1樓果間食，當日大幾1843左右成家人4大2小咁上去攞枱，店員話人未齊唔俾入，當時店內超過8成係空枱，我就好奇問係呢度係時限任食架？佢答唔係。咁我又問我哋有老人家又有小朋友入去坐住先唔得？佢就話星期六日人齊先入得，電話度講咗。然後我同佢講（開始火嚟），妳電話度無講過，妳有講我直情唔會揀嚟呢度食。仲有我訂咗枱妳唔係會留一張枱俾我架咩？我人唔人齊有咩影響？咁如果有一個人嚟唔到妳係咪唔招呼我直接叫我走？愈講愈火費事嘈直接拉大隊走。後續之後臨時臨急成棚人唔知去邊好，屋企人又想試，於是去咗對面砵蘭街地鋪果間老川皇，果間無訂位兼未齊人嘅情況之下店員都招呼我哋入去坐，食完感覺真係一般，每款菜式份量少，水煮魚同其他收相同價錢嘅食店，份量幾乎差一倍，皮蛋不是糖心都算，係果種又黃又硬仲有少少怪味嘅皮蛋，干鍋肥腸啲肥腸真係乾到到咬庶咁，干鍋牛肉還算不錯，不過最後我哋都只點正常輸出嘅蝦仁炒蛋同炒米粉算，本來好想影啲證明，但奈何唔知係咪店鋪自己欲蓋彌彰都驚俾人影，所以張貼嚴禁拍攝標語，那只能遵守規矩，但此店相信我唔會再食第二次。

大家唔好去錯樓下果間，呢間先係正宗川菜，打開Menu好似返左大陸咁，價錢平，好多川菜選擇5點幾到已經開左門，即時點左剁椒蒸魚頭先，因為要等最少30分鐘燒茄子唔會太咸，好多蒜蓉，皮冇燒燶，可連皮食鐵板水晶粉水晶粉加左泡椒所以味道酸辣，開頭雖然唔係預期味道，但食落好開胃都幾好食，期望會出冇酸既版本，蛋打底防痴底，幾得意子然炒羊肉好香羊騷味，但都偏油，同愈食愈咸，整體都還好剁椒蒸魚頭因為即叫即蒸，等左超過40分鐘，魚雲好滑，魚肉唔算好滑，汁都係偏油偏咸，貫徹川菜特色，有向1位店員查詢時，佢態度hea覆話入面跟單整緊，令客人唔太開心，所以搵另1位店員幫手，都有跟進然後覆整緊，果然好快到炸饅頭呢度係炸小饅頭，部分炸得太耐小燶，外脆內唔算軟，應該中或大饅頭先有外脆內軟效果，但細細件唔覺意就食哂，煉奶份量剛剛好，整體非常唔錯辣子田雞田雞夠乾身，香脆多骨係正常，中小辣唔夠辣，但都係愈食愈咸今日坐少少近門口位，每次有客人開門都會吹旭櫃檯天花掛起既玻璃樽羣，都幾嘈

旺角一條街，彌敦道下，上海街 行過去好多美食，樓上樓下都有 ，去到呢個位，登打士街，見到老川皇菜館，一齊行入去睇睇 坐低，兩個人簡單一餐。一客紅糖糍粑， 啱啱炸起，熱辣炸得脆脆，啱啱好外脆內軟，口感煙韌韌，四川棘棘回鍋肉， 鑊氣夠辣辣地，回鍋肉 就肥肥地，肉又唔係好肥炸完之後脆口，簡單四川担担麵，麵一如常，入口可口，應有便有。酸辣冷麵，前菜開胃，還是水準，宮保蝦仁，食之一次，蝦仁滿滿，碟頭唔錯。一頓晚膳，不得不飽肚腸肥。

🐟同大家食左咁多日好野 今日終於踩地雷🤮今日突然好想食川菜 即時search下有咩好食見呢間叫老川皇有500幾個正評 諗住去試下🥹🐟水煮魚片 $142黎到見到個湯底顏色有別於平時既水煮魚既顏色個湯既顏色係偏橙色既 但食落口冇平時水煮魚既香味好食既水煮魚應該要麻香辣都齊哂☹️呢個湯食落只有鹹味同辣味湯底黎講唔合格❌到魚片部份就經典 🥲每塊魚片都有好多大大小小既骨 而且d碎骨仲會同底d配料撈埋一齊我食食下d配菜唔小心吞左條魚骨🤮即時要入廚所整番黎佢出黎一般般講水煮魚片絕對唔應該有咁多骨🥲應該要啖啖肉 啖啖骨既魚片令人食得好唔爽快🥹認真 水煮魚真係有骨架咩? 定係我大鄉里出城🤮🤮唯一可取係佢個魚都算滑既🤔🍞炸饅頭配煉奶 $30個饅頭係比外面既細粒 屬於迷你版個饅頭食落塊都脆既 但油味太重同埋唔知係咪炸既手勢唔太好 D油滲左入個饅頭到 食完之後會好濟🤭🥛脆皮牛奶卷 $38同炸饅頭一樣 成舊牛奶卷食落好油而入面奶既部份亦都食唔出奶既香味食完都係感覺好油膩 唔推介呢到既炸物❌🧋芋香珍珠奶茶 $19係川菜鋪見到店式飲品都預左中伏🤣但食辣野太口渴關係 都忍唔住叫左杯飲落口味道估唔到正常🫢但珍珠就非常難食

今日朋友帶我去一間喺旺角多年嘅老牌川菜-老川皇，地點喺朗豪坊後面，地點都算方便。呢度主打川菜之外，仲有重慶燒烤，雞煲火鍋等等。午市亦非常多選擇，平均幾十蚊就有交易。蒜蓉萵筍絲，清綠脆嫩，仲非常夠鑊氣。重慶辣子雞，雞肉炸得香脆可口！配上大量乾辣椒，炒得乾身，非常惹味。招牌酸菜魚，奶白色魚湯，非常鮮甜，魚片份量十足，唔夠辣仲可以加青尖椒。人均消費百多元，喺旺角食到正宗川菜實在難得。老川皇喺旺角屹立多年，梗係有佢個人之處。

自從上次食完一間唔錯既川菜,一直都心念念想再食,因為食辣野實在太爽了!不過一直都壓抑自己盡量唔好食咁多,始終香港人腸胃都唔係咁受得。忍左兩星期今次又出動喇!睇食評見到呢間老川皇幾唔錯,所以就黎試下!油麻地地鐵行過去,平時好少行去果頭,發現附近都幾多間川菜館,不過人流都唔算太多!去到歐美廣場,搵唔到電梯或者車立上去,見2樓所以就行樓梯上去算了.上到去見到居然差唔多坐滿,大大話話都幾十張檯,真係客似雲來XD同下面果D川菜館真係好大分別!環境OK啦,小廚格局,但一定唔會背脊對背脊。睇睇餐牌,價錢真係幾大眾化,平到5蚊都既串燒腸仔都有交易!不過後來點得太多野就冇試串燒。🔸酸菜生魚片咁都預左唔係出面專食酸菜魚果D店咁精緻,但食落都幾好味,個湯有少少似胡椒朱肚湯果陣味,但再加埋酸菜既酸同少少麻少少辣,飲落又幾厚幾夠層次,魚肉份量都幾足,好滑。最重要係價錢呀,只係百幾蚊,對得起個價錢有餘!🔸外婆菜炒蛋一上菜覺得好大碟呀!外婆菜份量仲多過D蛋XD，第一次食外婆菜,以為會好似梅菜或者菜甫咁,食落係比較咸口,都有少少甜味,但唔配飯都唔會覺得好咸果種。加埋辣辣地咁真係勁下飯!從此已經愛上外婆菜!🔸農家小炒肉

今晚同朋友食生日飯，啲吖姐個個都好似唔想做咁，諗住攞啲水嚟洗吓啲污糟既碗，点知吖姐話每位要收茶位5蚊，都唔係問題，啲啤酒全部都加左價，平嗰款就冇貨，得返貴嗰啲，野食分量小得可憐，田雞揾唔到一隻既分量，全部碎上，厠所行得又遠，仲要好污糟，食到一肚氣，唔會有下次🤬🤬🤬

天氣開始轉涼，最適合吃辣辣四川菜。旺角區食店林立，這間傳統川菜小館是我至愛。餐廳地方整潔闊落，燈光柔和，感覺舒適！先來一客四川小食《清炒萵笋絲》 $68～口感爽脆，令人食慾大增。水晶肘子 $68肘肉肥而不膩，肉質爽口，最宜餐前或佐酒食用。紅油豬耳 $65風味小吃紅油豬耳，香辣微甜，非常爽口，風味濃厚！口水雞 $106中辣，口水雞好像怎麼都吃不厭，醬汁濃郁，香辣惹味，雞肉嫩滑，佐飯一流！辣子肥腸 $98至愛香脆惹味豬大腸，風味獨特，必食之作！大元貝 $39/隻元貝鮮甜肥美，每隻都被香濃的蒜蓉及醬汁包裹著，份外惹味！酸菜桂花魚 $268～不可不叫的酸菜魚，桂花魚肉非常嫩滑，一點腥味也沒有兼份量十足，酸酸辣辣令人回味！蝦仁滑蛋 $88蝦肉晶瑩剔透，滑蛋名符其實真的嫩滑兼有蛋味！

話說屋企人好鍾意食辣，尤其我老竇，一提到「老川皇」既大名，老竇就會雙眼發光🤩 的確老川皇既小炒有鑊氣又惹味，難怪咁多人光顧。農家小炒肉$82 地道的川湘風味受到我們一家的青睞，每次都會叫！小炒肉是以五花肉和青椒為主要食材。材料簡單但不失風味，經烹炒爆香後，五花肉好入味，稍軟嫩，不失肉香。更可自選辣度！下飯送酒一流。酸蘿蔔炒豬肝$88這道菜以豬肝為主食，配菜是酸蘿蔔 ，雖然係香港好似好少見，但係係川湘家常菜！配搭幾新奇！味道酸香可口，酸蘿蔔可以代替姜去腥味，而令炒出來豬肝，也很嫩和爽口！好開胃。樟茶鴨$62我比較少食樟茶鴨，上網搵左d 資料，原來來頭絕對不少，源起於慈禧時期的清宮御膳房！廚師用樟樹葉和茶葉熏鴨，製作十分考究，現今的樟茶鴨帶有樟木和茶葉的特殊香味，菜品色澤金紅，食落外皮酥脆。十分惹味！

幾個朋友約出來啤一啤吹吹水！地點約了在熱閙的旺角登打士街，街內不同風味食店多的是，朋友們獨愛辣辣的川風味，選了歐美廣場的"老皇川"。餐廳環境光亮，人氣頗旺氣紛熱鬧！人到齊坐下先乾一杯！紅油豬耳 $ 65又香又麻豬耳軟硬度剛好，卜卜脆有咬口！口水鷄 ( 半隻 ) $ 106肉質滑滑，醬汁惹味。尖椒皮蛋 $ 46麻辣軟滑甘香佐酒真一流！辣子肥腸 $ 98香噴噴的川椒味樸鼻！肥腸子脆脆充滿油香而不膩！辣子軟殼蟹 $ 148軟殼蟹肉嫩軟中帶脆濕潤，味道辣辣夠刺激！清炒萵筍 $ 68吃過惹味小菜再吃這個清甜清爽的炒萵筍口感非常舒服。酸菜桂花魚 $ 268大大碗！魚的分量約一斤，魚肉鮮味肉質滑滑的！酸菜湯底酸度尚算適中。款款惹味的川菜+冰凍啤酒開心的吃喝！這家店的味道真不錯！很適合與朋友摸杯底傾傾偈的地方。