老川皇

营业中

休息中

上次去過依間<老川皇>食午餐，食重慶酸辣粉，已經好好食, 之後發現原來依間有好多小菜都相當吸引。這間餐廳都幾方便，位於旺角砵蘭街114號地下。今次我同幾個朋友夜晚黎食，首先食了招牌菜 <水煮魚片>，嘩!紅海呀! 賣相看似好辣，但食落去好新鮮亦不是想像中咁辣。之後叫左數串串燒，有雞肉、牛肉、豬頸肉、雞翼….都係最好食個南非生蠔，好鮮味，又好大隻，真係好正!涼拌也有叫，例如: 夫妻肺片、蒜泥白肉、手拍青瓜… 都好好食!!

今次係第3次幫趁, 同上一次一樣都係為左果盤足料既毛血旺而來!因為呢度既毛血旺用料充足,血旺 - 鴨紅故然足料, 毛有黑白栢葉配搭, 再加上大豆芽, 豬肚, 牛黄喉, 黄鱔等, 用鐵盤盛載不知是不是正宗口味, 只要夠熱夠火夠過癮就好啦!其他冷盤熱盤雖不如毛血旺吸引亦相當有風味, 不過串燒比較遜色, 可以不試...

之前聽朋友講,食過一間四川餐廳回味無窮, 所以今日去左依間叫<老川皇>, 位於砵蘭街114號地下。不用等多久,就可以入去。由於我地班朋友全部都麻麻食得辣, 所以黎依度好處就係有得揀大, 中, 小辣! 嘩!依個真係好正! 茄子再加上醬油, 真係絕配!手拍青瓜正, 食左咁多濃烈既餸菜, 可以清一清味覺. 青瓜好爽口, 加上蒜容, 另人好開胃!焗生蠔也是值得一讚, 好新鮮! 好多汁,好香!我地挑戰這碟菜, 賣相好似極辣,但食果時, 不是想象那麼辣,條魚好新鮮, 好正宗四川風味!最後值得一讚就係店裡員工好有禮貌!

一向好鐘意食辣野, 最近就去左試下朋友介紹起旺角砵蘭街個間老川皇，發覺都吾錯. 個日就食左涼拌木耳, 夫妻肺片, 水煮魚, 辣子雞同串燒. 呢度每道菜的辣度都可選擇, 吾食得太辣的朋友都可以試試. 最驚喜就係呢度有重慶燒烤串, 將d串燒晒上了四川七味份, 好野味又不太辣, 而且即叫食燒, 吾係好多地方有.個人最鍾意當然就係水煮魚同辣子雞 . 第一道菜叫左開胃既涼拌木耳, 加左d蒜汁, d木耳吾會無乜味, 好爽口 想叫多碟, 但都係留肚試其他...hehe夫妻肺片: 呢度既吾辣的, d肺片好爽口, 吾太膩水煮魚: 呢度既可以揀生魚或桂花魚, 當個日就揀左桂花魚, 魚肉嫩滑可口, 成盤辣椒辣味夠, 但要小心d麻子, 食左條舌有d痺. 辣子雞: 炒得好脆口帶點麻辣, 野味! 雖然成盤辣椒但絶無欺場, 裡面有好多雞件 豬頸肉串燒: 遠遠都聞到七味份的香味, 未試過的朋友要試試串燒另一風味

上星期五, 特登和朋友來這裡食燒蠔.燒蠔: 幾大隻, 而且幾鮮甜, 一定要食! 辣子雞: 不辣, 味道都是一般.燒茄子: 好鹹, 唔想食. 燒羊架: 很嫩滑, 一定要食!. 燒牛舌: 有點難咬.其他串燒(雞軟骨, 豬頸肉, 羊肉): 不過不失下次再去會再食燒蠔和羊架

去完朗豪坊睇戲，唔想食0黎食去都係個幾間，經過砵蘭街114號，見到呢間老川皇就入左去試一試了。我地點左3道菜，諗住唔知夠唔夠食啦，點知0黎到d野食份量都幾大。先上既第一道菜係夫妻肺片，係伙計推介既，味道好好，好惹味，d肉又唔會乾"僧僧"。之後就到手拍青瓜，d青瓜好新鮮，咬落去有清脆既口感，又有蒜粒調味，仲要食極都食唔晒。最後就係鐵板茄子，上菜既時候明明見到佢無辣椒架喎，點解有咁大辣味架呢？原來係隔離左右兩枱一齊上左都成盤辣椒（係呀,,,唔係我地枱呀XD），真係好勁呀！！講番個茄子先，好長，夾落去唔會一夾就散，加上有少少焦d，勁正，而且d汁要0黎撈飯一流呀！雖然我地d餸得小辣，不過食食下都要飲番罐可樂等個嘴無咁辣呀~上菜速度ok，唔會等太耐。食完好飽了，下次有機會都可以再幫襯呢！

同班朋友到旺角逛，無意中經過《老川皇》，位置響砵蘭街114號地下，因為門口較特別，所以我哋留意到，原本係食四川菜。最近天氣濕度高，最好食辣，於是乎入去試下先。食四川菜人人都會點的，非水煮系列莫屬。我哋點咗水煮桂花魚，要少辣。一大盤赤紅色的湯，表面全是辣椒，花椒和野生椒浮面，好嚇人！但嘗了一口後，味道非常棒，不是想像中辣，魚塊更是鮮嫩得可怕，比蒸魚更嫩滑鮮美，實在令人有驚喜。間中咬破一粒花椒，舌頭像麻痺一樣，立刻吃些青瓜解麻中和，正！手拍青瓜不錯，現在很少見真的拍出來，青瓜再切成小粒狀，爽脆而且涼涼哋，可以中和辣的感覺。辣子雞都是必叫的，先將雞炸至脆身，然後用大量乾辣椒，花椒，香料一齊炒，味道香脆得來麻辣，十分美味！最正是這個鐵板燒茄子，醬油非常豐富，看起來不是那麼辣但很香，加上茄子又“林”又滑，送飯簡直一流。焗生蠔正!平時很怕食蒜蓉，但這個不同，很香，多汁，蠔又大又新鮮又肥美，熱辣辣食更正!!田雞腿肉多，新鮮而嫩口，有麻香又帶辣，味道特別，最難得是有個爐熱著，保證熱辣辣。豬頸肉燒到外脆內“林”，加上外層曬上香辣粉，簡直可以食完再食。

一直以黎都喜歡嘗試不同國家的菜式～但唯獨是中國不同省份既菜式就好少食經朋友極力既介紹下～今日終於去食四川菜～！就係呢間位於砵蘭街既老川皇由地鐵站行過去～遠遠就聞到燒烤既香味去到門口先知原來呢度有重慶燒烤～仲有好多吾同款揀吾食辣既朋友都可以搵齊一大班朋友黎試～有辣有吾辣！仲有蜜糖揀～正！由於未食過四川菜既關係～所揀既食物都係小辣一直聽身邊朋友講好多出名既四川菜得個聽字黎到一望餐牌～好似樣樣都聽過～搞到樣樣都好想試最後經過一輪商量～都係以出名既菜式為主前菜先黎一個夫妻肺片～一向以為四川菜一定係咩都辣～但原來錯哂呢個肺片酸酸辣辣開胃非常！水煮魚！一向聽水煮乜水煮乜都係好辣叫左小辣黎到見到個樣都係好辣～但食落又係另一回事辣既程度比岩岩好～d魚仲要好滑～！一大發現另一道出名到極既菜式～辣子雞咁多辣椒炒埋一齊真係好香～小辣既情況下食落好香口食左兩道辣野～黎一個鐵板燒茄子呢個勁推介！！！！！勁好食！！！！！食左一陣～即叫即燒既重慶燒烤陸續黎到咁多種食物入面推介呢個南非生蠔～！好鍾意食蒜蓉既情況下極愛呢個蠔！！！最後一個菜就係呢個干鍋田雞～特別既係用鍋上～仲要有個火暖住！冬天食真係一流～暖到入心一路係

平時好少食四川菜, 因為怕辣, 但今次聽朋友講在旺角有間叫"老川皇", 食四川菜, 幾好味, 又可選辣的程度, 所以就去試試曾經在大陸食過水煮魚, 一直懷念著它的香味~今次很開心, 可給我在香港找到此地道的水煮魚, 魚肉夠滑~極力推介!! 第一次食鐵板茄子, 個汁味道好好, 茄子軟硬適中, 又不太辣~值得一試再試~ 南非生蠔- 蠔夠新鮮, 加上蒜香和香味味, 好好味, 推介!夫妻肺片 - 味道酸酸的, 少辣, 好開胃~燒烤串燒猪頸肉- 喜愛曬上的重慶辣味粉~ 手拍青瓜- 好爽脆, 加上蒜香, 少辣~喜歡吃青瓜的朋友要試試~串燒海蝦- 喜愛紅色的香粉, 香而不辣~

看門口只知道食辣出名，想不到不辣的小菜也不錯。雖然地方較僻靜，但客人也不少。等執好怡就有位，接待員也好笑容。餐廳內坐無虛席，好熱鬧，有種打邊爐的氣氛，天氣冷時是特別有風味。由於不是個個朋友都可以食辣，我們叫了幾個不辣的小菜。喜歡酸辣米線的朋友，會喜歡這個酸菜煮魚。魚好滑，湯醒胃，可以食魚又可以飲湯。

白色情人節都冇賣甩老友，我算唔話得啦。當日我地一行４人到砵蘭街睇下食咩好既時侯，比佢陣燒烤味吸引就膽粗粗入咗去喇。由於我地都唔食得辣, 落單個時可以order埋 要唔要辣手拍青瓜 (走辣)清新爽口～正～烤物串燒(走辣)燒尤魚最正，口感味道一流燒蠔(走辣)水煮桂花魚～～大愛～湯都飲得borｘｘ田雞　好香口

補貼..5月中某一晚睇完戲諗住食少少嘢..不如食串燒..有朋友就提意嚟食..!點知...萵荀絲係最正常嘅一樣!羊架好un..牛舌好咸..茄子d味怪怪哋..雞心同雞潤乾憎憎..d蠔仲細隻過手指公...d蒜蓉唔新鮮..d味怪怪地...3個人食咗$4xx又貴又難食

話說某日睇完戲, 男女朋友去咗附近食飯~因為我麻辣癮又起, 所以去咗之前食過好味既老川皇~唔豬典解外省菜啲Menu都好鐘意寫好多嘢~辣+啤=perfect match~尖椒炒雞雜---碟餸一嚟到見到成碟都係腎, 問問待應啦~典G待應問完廚房, 話雞雜即係雞腎喎~唔該晒, 又學多一樣嘢喇~by the way, 啲雞腎好雪味, 而成碟嘢又冇乜味~口水雞---唔麻唔辣, 只係有啲生蒜舖面, 係一個比較惹味既雞...紅薯粉(中辣)---湯底淡薄, 一個比較求其既紅薯粉....如果唔係有朋友要食的話,睇嚟唔會再有下次喇~

The Sichuen food in 老川皇 is averageThe food is quite 正宗小辣 is acceptable to most people and the food is not too 麻The appearance of 辣子雞 is very attractive The chicken is crispy and 入味涼拌牛肚 is also very 入味川北凉粉 is also goodOne odd thing about this restaurant is that photo taking is not allowd in the restaurant The hygeine of the restaurant also has room of improvement

分別係4月2日同4月18日食老川皇第一次係食小菜, 第二次係食酸辣粉第一次食左, 辣子雞, 夫妻肺片, 燒韭菜同燒茄子辣子雞 - 中辣雞肉切得好碎, 好細件, 又多骨, 但炒得好乾身, 好香口夫妻肺片 - 中辣非常好食, 可以再食辣少少, 我中意有汁的辣多過炒乾身的辣枱上有辣椒油, 我再加埋一齊食都好好食燒韭菜, 燒茄子]燒韭菜係大陸食過一次, 人地串晒成條竹籤都係]韭菜, 呢度得幾條, 大陸比較好食D燒茄子過左火, 茄子太"淋", 唔爽口又難夾第二次食左, 手拍青瓜, 米線, 薯粉, 燒韭菜同燒茄子米線, 薯粉米線同薯粉都好滑, 辣味同小菜的辣不同, 唔麻辣唔太香, 是酸味較多我另外叫待應加辣俾我, 原來只係辣椒粒同辣油一碗, 加埋比較酸最後拎枱上的辣椒油撈埋食, 仲比較好食米線薯粉上的餸, 完全唔辣唔入味, 明顯係分開煮好, 放上米線上燒韭菜, 燒茄子燒得比第一次好食, 茄子燒得剛剛好, 味道比較好, 辣粉香口d相信燒的食物好難控制水準...拍青瓜有蒜粒係上面, 當然香口, 青瓜爽口, 但可惜唔夠凍凍食會比較好老川皇小菜比酸辣粉出色好多, 如果有麻辣粉會更好