老川皇

营业中

休息中

老川皇離油麻地站不遠，位置幾方便，今次黎食午餐。呢度午市都幾旺場，很快坐滿，有需要搭枱。我地想食得舒服少少，所以12點一開門就坐低左。午市飯餐都幾抵食，48至58元，就有一個小菜配白飯。我地好肚餓，所以叫左成枱野，有招牌菜酸菜魚，蒜泥白肉，窩旬炒臘肉。酸菜魚好正，酸酸辣辣，送飯一流。魚肉新鮮，不過吃時要小心有骨。窩旬炒得好香好入味，吸收曬臘肉的油香。蒜泥白肉好惹味，超級多蒜蓉。另外，還點了擔擔麵，煎餃及湯餃，好飽好滿足。

辣妹子好去處跟好友打完拳去吃飯先點個炸饅頭, 細細粒, 炸的很透…要點超多練奶才好吃鮮花椒水煮魚～一上枱已經聞到很重椒香，很香. 湯底是魚湯，魚片好大塊, 新鮮嫩滑，食到中段d椒麻味慢慢溢出。裡面有多種香料配料，包括萵筍等等…好入味茄子超好味，唔會燒到太乾身, 多汁，好香，灑上孜然粉和辣椒粉, 味道非常豐富。重慶串燒(金菇肥牛+娃娃菜+韭菜+翠玉瓜)金菇肥牛吃起來很juicy第一次試燒的翠玉瓜, 很特別, 外面是燒烤, 裡面很清新韭菜調味非常惹味，不會韌燒海鮮澳洲珍寶元貝好好食，燒得剛好，軟滑鮮甜，仍然食得出帶子新鮮南非燒蠔，食落好creamy 面上鋪滿蒜蓉 好香燒燒貴妃蚌也很嫩多汁, 火喉剛好.

今日約左幾個朋友去旺角聚舊，又唔想食普曹通通餐廳，有朋友提議去旺角川菜，川菜向來我都不太喜歡，因為不太吃到辣，但既然朋友想吃就試試吧，幸好今天是星期六，明天不用上班。餐廳環境內部都算新，餐牌有各式各樣不同種類的川菜，四川菜通常以辣見稱，但都有點不辣的。最後點了小辣的蔥爆牛肉$76、樟茶鴨一隻$168、水煮魚片$132、辣子鮮魷$80、餃子8隻手$34、豆花肥腸$138、藍妹啤酒$33蔥爆牛肉 - 蔥爆牛肉肉質嫩滑、京蔥香脆！醬汁夠香濃，又不會太油，整體都不錯。樟茶鴨 - 樟茶鴨講究熱吃，現炸現吃，這樣樟茶味更為濃厚，配了啤酒，徐徐啖之，那鴨味確乎與倫比。水煮魚片 – 看似不會很辣，但原來都偏辣，魚片肉質鮮嫩，加上湯汁味道極濃味，送飯一流！辣子鮮魷 -外層非常酥脆，內層鮮爽，炸漿薄薄的，粉感不重餃子 -白菜餃子不出水肉嫩鲜香，沾上醬汛倍感惹味。豆花肥腸 – 下層全是豆花，肥腸吃起來非常燸口，脆脆的口感，很有嚼勁。

吃川菜的，就一定要吃這間老川皇，之前朋友介紹我，一直無時間，難得今晚約了幾個一家人吃飯，既然全家人都吃得辣，就決試試旺角這間川菜老川皇，在旺角有兩家分店，我們就吃地面這一間，貪方便。餐廳餐牌非常多的川菜選擇，我們一家六口特別喜歡吃魚，就點了兩款不同辣度不同味道的魚試試。點了鮮花椒水煮魚$138、水煮魚片$132、辣子鮮魷$80、餃子8隻手$34、鐵板茄子$78，韭菜煎蛋$56、豆花肥腸$138。花椒水煮魚(中辣) - 麻辣回韻，麻不傷胃辣辣而不燥，多層次口感，香醇回味香獨特調味，香辣四溢，唇齒留香鮮提升魚肉鮮甜美味水煮魚片 – 香麻夠味，辣度溫和，滑嫩魚片讓整道菜口感很有層次，利用魚骨和魚頭略熬的湯頭，讓人連湯帶料一滴都不想剩下。辣子鮮魷 - 配搭惹味，無論顏色和味道配搭都很完美餃子 – 每一隻都很肥味，味道不錯！ 豆花肥腸 –腸頭燒至腸軟入味時收汁起鍋裝盤,上面撒上香蔥花，送飯不錯！

今天旺角四處都很多人，我們見到這間老川皇門面有很多辣川菜，吃川菜一定要跟吃到辣的朋友食，我們見入面剛好有座位就決定進去試試，可能店舖是新開不久，店員對餐廳菜式有點不太熟識。我們點了小辣的花椒水煮魚片$132、樟茶鴨一隻$168、韭菜煎蛋$56、辣子鮮魷$80、鐵板茄子$78、豆花肥腸$138、當然食辣的不能不飲啤酒，跟我至我飲的藍妹啤酒都不是太貴。先說花椒水煮魚片，有一斤和兩斤，價錢都不同，可以自選辣度，不幸的是我們當中有朋友不太吃辣，我們只能點小小辣，味道油而不腻、辣而不燥、麻而不苦、肉质滑嫩是其特色，麻辣不會太死辣，味道整體不錯，只是要小心有小許魚骨。樟茶鴨 – 太多碟所以分兩碟上，皮脆多肉，有點紹興酒、四川的花椒和麻椒，色澤金紅，外酥里嫩，帶有樟木和茶葉的特殊香味，吃四川菜必點。韭菜煎蛋 – 看似簡單，但是很考廚師的功夫的菜式，煎蛋不會太熟，不錯！辣子鮮魷 – 這個真的有點辣，味道非常惹味，一大碟的辣椒去炒香，超喜歡這道菜。鐵板茄子 – 茄子非常大碟，不會太油，味道不錯！豆花肥腸 - 肥腸鮮香厚重，質感香醇,,豆花滑嫩，辣而不燥，開胃爽口。

今日熱辣辣，但難得朋友話想食辣嘢，當然我都會陪佢火辣辣一下哩間食店有好多年歷史(我細細個就已經見佢係到啦) 所以食物質素都穩定。萵芛係我最愛既蔬菜之一，切成絲同麻辣涼拌真係非常刺激又開胃。見好多人都食涼粉，我地反而覺得涼粉好難入味，所以叫咗個涼麵，麵比涼粉更幼身，而且麵粉更容易吸味，麻味辣味都更深層，食慣涼粉既不妨轉下口味。同行朋友話之前食過哩個配搭，都係想食辣但又唔想食酸辣，於是叫麻辣，仲話個湯底有水煮既效果，可惜寫菜既姐姐較生手，加上麻辣湯底並唔係餐牌裡面既選項，要溝通一輪先肯定佢幫我地落單係麻辣，結果第一次嚟到係較淺色既湯，要叫店員換。味道係淡淡既麻辣，餃子有點過熟，用匙羹一"匹"個皮就散，所以無驚喜。串燒牛舌除咗好重孜然味，就係牛騷味，厚度適中，好味涼拌鵝唇，鹹鹹帶少少麻辣，雖然問咗店員都唔係好解釋到鵝唇即係邊部份，因為真心唔覺得我有咁大條咀唇，但爽脆口感，非常值得一試！

劣食之選☠️☠️☠️食物❤️串燒算正常但偏油，食咗：牛肉，豬頸肉，羊肩肉，雞全翼魷魚鬚🦑，多春魚，墨魚丸，雞肉燒生蠔☠️ 食到碎殼擔擔麵☠️☠️☠️ 根本係壽桃牌上海麵加咗一匙淘大擔擔麵醬，冇嘢可以講炸饅頭❤️❤️一嚟嗰陣可以，過咗5分鐘可能凍左少少，開始韌份量❤️❤️❤️份量都幾正常，唔會好多亦都唔少環境❤️❤️有卡位，不過好多人，都幾迫，由於人多，安排坐咗喺路口，成日俾人撞到，亦都好驚啲食物喺頭頂過嚟過去會整到我服務☠️☠️因為我哋同隔離枱好近，應該話拆開， 1號枱同1A咁，食物嚟錯咗三次，我哋嘅過咗隔離，隔離嘅就俾我哋，譚仔話呀姐係我頭頂遞過去差啲整到我，仲黑我面價格❤️❤️❤️每人$93，唔貴，但食物質素周圍都好過呢度，唔值得嚟幫襯#老川皇 #hkfoodie #hkfoodieblogger #hkfoodies #hkfoods #hkfoodieblogger #hkfoodig #foodiehk

天氣熱到癲 無乜胃口 想食下d涼拌小吃 就揀左老川皇-呢到除左川菜重有串燒食🥘🍢-川北涼粉（小辣）👍🏼撒左好多蔥花😍上面鋪左特制辣醬 小小麻 有點點豆瓣醬味 好野味 不過有點油涼粉分量多 粗幼度岩岩好-涼拌香辣海蜇 （小辣）👌🏻酸酸爽爽 除咗海蜇之外仲有芫荽同埋海帶絲不過以我鍾意芫荽黎講 芫荽份量多過海蜇-串燒 （小辣）👌🏻叫咗牛肩肉，龍蝦丸，土豆片，雞中翼，羊架，金菇肥牛，魷魚乾，象拔蚌，多春魚羊架肥膏太多 肉太炒金菇肥牛超級好味象拔蚌跟埋蒜蓉一齊燒 好香口-整體來講食物OK 呢度嘅食物大多數都有辣度揀 所以唔食得辣又想挑戰下食辣嘅朋友可以嚟試試

對酸菜好有要求嘅爸爸竟然讚呢間酸菜魚嘅酸菜好味，食過咁多間酸菜魚，次次都聽佢彈人地D酸菜淨係得死鹹味，無酸味。第一次係佢口中聽到佢讚人地D酸菜好味，成個酸菜魚都提升了，下次繼續黎食！不過今次D燒烤麻麻的，可能燒過頭，牛舌偏韌且沒有味！不過酸菜魚真係好味呀！仲有酸蘿蔔炒豬肚都超級正！人均：$150

早前朋友說懷念上次去四川遊行，想食四川食物，剛巧今日經過老川皇，於是一於走進吃一餐。我們叫了口水雞餐$48，起初以為好辣的，因為見到好多辣油。怎知放入口咀嚼後，雞味和辣油配合得幾好，辣度適中。雞肉的肉質都夠嫩，配上一碗白飯，食得幾開胃。蒜泥白肉餐$48，蒜泥白肉裡面有超級多蒜泥。蒜味濃郁，未食都已經嗅到。肉切成一片片薄片，夾雜蒜泥一起進食，喜歡食蒜的朋友都應該會喜愛。(有辣和不辣可以選擇，今次選了不辣，蒜味較突出，但我想下次食辣味，辣感和蒜味交合，應該會更好味)鐵板魷魚須$90，一大盤魷魚須在眼前，配菜都幾多，洋蔥條和辣椒等配料亦不少。魷魚爽彈有咬口，而且份量都否少，食完一條又一條。當我們以為已經夾盡所有魷魚須時，原來鐵板的底部還有好多，哈哈 ，真是不用「爭」。最後，還有兩杯飲料，分別凍檸茶$8，熱檸水$5。埋單找數$199，平均每人$99.5。

朋友食過話ok,中意食辣嘅我一於去試一試因為2個人食，所以無嗌太多野叫左個酸辣粉食，酸同辣味都好夠但如果再辣啲就惹味啲除左酸辣粉外都嗌左啲串燒食魷魚鬚好好食，燒得岩岩好，所以encore左一次🤣豬頸肉都好正好爽👍🏻但墨魚嘴完全唔掂，完全咬唔開👎🏻另外，燒娃娃菜好有驚喜，估唔到咁多汁燒茄子同雞翼就一般水準另外，朋友突然想食炸鏝頭所以都嗌左一份但略嫌硬左少少，應該唔係即炸兼擺左一陣下次黎可以試下其他菜式

油尖旺嘅川菜館唔少，今日和家人係旺角購物，行到砵蘭街，有間老川皇，大家想食吓川菜，就在此吃個午餐，顧客甚多，等咗一陣才有位。午市嘅套餐甚多，有辣有唔辣。鹽水鴨售罄，選擇了樟茶鴨，皮脆肉嫩真好味。笋絲炒臘肉好惹味，臘肉係煙燻味，煙韌甘香。蔥爆牛肉很香口，牛肉好嫩滑，葱段吸晒肉香醬汁，好好味。食川菜口水雞係必叫嘅，麻辣啱啱好，雞肉嫩滑，非常美味。酸菜魚又係唔少得，揀左一斤桂花魚，魚肉非常鮮甜，有少少魚骨，酸菜夠晒醒胃，好食到唔停得口，最啱送飯，真係一頓美味豐富既川菜午餐。

今日去朗豪坊逛公司，下午二時仍是午餐時間，去左砵蘭街嘅老川皇食吓川菜，午巿客人甚多，剛巧有位入座。套餐選擇多，又經濟實惠。我地一行三人，叫左幾款套餐分享，另外又叫左一斤酸菜桂花魚，來一頓豐富嘅午餐。口水雞非常惹味，不算太辣兼雞味濃郁，仲有D伴碟花生，非常醒胃。樟茶鴨煙燻得很香脆，咸度適中，鴨肉爽滑，非常好味。幹煸四季豆炒得很有鑊氣，送飯一流。套餐飲品選擇冰凍罐裝汽水，可以減輕辛辣感覺。酸菜桂花魚很鲜甜嫩滑，酸菜湯又好入味，令魚肉更提鮮，一斤魚肉嘅份量很多，既好食又滿足。

油尖旺覓食就是常遇驚喜。總喜歡光顧一些小店，像探險，通常都會多一點味道。今次經過這家店，剛好午膳時間，午餐有很多小菜選擇，店內人也挺多。本來想要鹽水鴨，可惜賣光了，便點了樟茶鴨。皮薄又脆，肉嫩多汁，真令人驚喜！再來口水雞，雞沒有血水，超級嫩滑入味，醬汁中的花生也很滋味。乾煸四季豆，是真的乾煸，不是先烚的，加上一點雪菜，畫龍點睛，送飯一流。看到酸菜魚，忍不住點了份桂花魚，肉嫩，腩位爽，酸跟辣剛好，美妙！笋炒臘肉也很好下飯，四川臘肉有點煙燻味，加上爽脆的笋，又清碟了。加上呀姨都很友善，這人情味可難找了！

先上枱嘅係四川涼麵小辣，味道「應該」係正常但咸到有7級，食咗3分1已經食唔落去，而我覺得呢兜麵落咗至少一茶匙鹽；再嚟燒雞皮，韮菜，牛肉，豬頸肉；幾乎係完全無食材嘅味，只係食緊一堆一模一樣調味料嘅肉，然後咸度係10級；如果佢嘅咸同大辣比較，佢嘅咸係更難擺入口。我飲完罐可樂頂唔順就走了，呢堆鹽份盛惠$125，仲要起碼飲返兩枝水解咸。我都唔係第一次食老川皇，印象中只係比較辣，味道是正常的，但剛才令我暫時都唔會再食了。