老川皇

营业中

休息中

之前已經想試哩間川菜，因為好多人話佢平靚正，於是今日就黎試下。店子座位較為擠擁，晚上7點來的時候已經差不多坐滿了！我們叫了一些小吃和麵食，主菜是酸菜魚。由於他不能吃太辣，所以只好選擇小辣的程度。涼拌萵筍絲萵筍清爽配合酸酸辣辣的汁一起吃非常醒胃。是不錯的開始。口水雞口水雞的醬汁鋪滿一整碟，我就喜愛他的濃味，滿滿的蒜蓉味充滿整個口腔，不太喜愛蒜茸的朋友就要留意了。雞肉亦做得鮮嫰香滑，雖然叫了少辣，但都有一定的辣度白菜豬肉餃這個餃子他就十分喜愛，可能所有菜色都是帶點辣，所以這個餃子就成為了他的中和劑。當然餃子亦做得不馬虎，可以吃到有肉汁湧出來的感覺。四川涼麵這個涼拌麵用的配料是用麻醬加蒽及花生等組合，麵質彈口，雖然不是驚為天人的味道，但撈起一齊食也是一個很好味的麵食酸菜魚主角酸菜魚以一大個不鏽鋼盆上，分量多得很，百幾蚊嘅一盤酸菜魚足夠三至四個人食魚肉非常嫩滑原因應該在於師傅事前應該加入許多生粉去醃魚，不過要小心食，有不少魚骨。整體而言如大多數人所講都係平靚正的，很值得再來不過下次要約班食得辣既朋友來食大辣先過癮

有朋自遠方來，平時嘅我對辣唔算特別中意，無辣不歡的朋友一場來到，作為朋友緊係捨命陪君子啦牛丸串 $14牛肉串 $11雞翼串 $12串燒系列我地全部揀左中辣，有少少辣，不過我地接受到，好香口而且不油膩，牛丸咬落去仲有好多汁！原隻燒茄子 $25食串燒識食一定要食燒茄子，基本上個個都會叫，茄子好厚肉，上面加左孜然粉，葱粒和蒜蓉，十分惹味，超級平民價，$25就有原隻燒茄子，最後我地仲order多一條添宮爆雞丁$68 呢個價錢有咁大碟雞丁算好抵食，雞丁入面有埋花生有咬口，佢炒得好爽身，用黎配飯食幾好蕃茄蛋湯$52 送到上黎時有點驚喜，賣相比起餐牌望落更足料，有好多蕃茄同蛋，蛋花好嫩滑，蕃茄都好大件，而且食左咁多濃味菜式之後飲碗清湯可以解一解油膩，酸酸地好開胃

朋友鐘意食辣 咁岩見到成日都要排隊既老川皇有空位 就入左黎坐低喇～睇一睇個menu先 價錢普遍都好抵食 而且選擇好多川菜就梗係唔少得酸辣粉 加左鹵水蛋同海帶 少辣都已經好惹味 都淨係$38咋仲嗌左好多串燒😋超級推介燒菠蘿（$9） 好甜好juicy👍🏻另一個超級推介係燒倉魚 香口得黎保留到魚味 都幾大條最後叫左個清炒窩笋絲（$60） 幾清甜 不過就有小小油喇～滿足既一餐 唔怪得之成日都咁多人排隊 坐無虛席啦～下次想試下佢地既酸菜魚😎

今晚和朋友聚舊，兩個女生打算吃個川菜刺激刺激味蕾。先點個酸辣粉開個胃，小辣剛剛好，薯粉軟硬度適中。近期愛上的炒篙笋，配濃味的串燒便剛剛好。今次我們專攻串燒，串燒的食物種類頗多，連燒魚也有。燒雞腎、豬頸肉、羊肩肉、雞軟骨、墨魚丸、四季豆、韮菜，肉類非常適合佐酒，雞軟骨稍嫌不夠脆口，最愛羊肩肉及韮菜。燒菠蘿，很甜美，只售$9。好戲在後頭，這裡有賣燒魚，我們先點了大眼雞，可惜沒有，改點了倉魚。燒倉魚（小辣）$62性價比算高，皮脆肉嫩加飲料總共消費$275，以我們叫到「一枱都係」，價錢非常合理，滿足而回。

朋友都知道我喜歡吃麻辣，今天特登約我來老川皇大快耳頤。豆花肥腸朋友話一定要食，其實我一貫麻麻豬內臟。試了一塊發現完全沒有腥臭味，肥腸的油也已經清洗得很乾淨，忍不住多吃了好幾塊，豆花其實就是山水豆腐，又滑又嫩。虎皮尖椒味道還OK，就是略為濕嗒嗒了一些。竹筍炒臘肉：現在是七月，應該是吃竹筍的季節，竹筍鮮味吹口，臘肉好有煙燻的味道，用上辣椒香蔥爆炒，非常開胃的一道菜。鐵板粉絲熱辣辣，下面是雞蛋墊底，粉絲加埋椰菜一起炒，QQ彈牙。

今晚與三位好友一起品川菜。許久未來老川皇，砵蘭街地舖這一間還是第一次來。門面不算寛闊，七點鐘已經坐滿了人。坐下後馬上開始點菜點啤酒。上菜都算快，第一盤上來的是乾煸四季豆，四季豆加上少少鹹酸菜蒜粒一起炒，好有鍋氣，酸菜是點睛之筆，好開胃。辣子雞好香口，稍微炸的老左少少，雞皮更加香。都唔算好辣，有麻味，我們吃完一盤又叫左第二盘。建议叫96元一盘的，鸡肉比较多。水煮鱼我們點的是桂花魚，已經去骨，魚肉又滑又嫩，下面還有黃豆芽，算是健康少油版本。

我對於川菜有著情意結，原因簡單，因為川菜調味豐富龐雜，不是一般他國菜可以比擬，色、香、味都能夠演繹出色，絕對有樣有外表，今次品嚐「老川皇」酸辣粉我喜歡吃這種正宗的酸辣的味道。這間酸辣粉的小店，已經累積了一大班粉絲，酸辣粉是必吃之選，爽滑Q彈的粉麵，很受食客歡迎，酸辣湯鮮香，麵條爽滑有花生香。這是我最愛吃的川辣麵，辣度慢慢滲出，香辣鮮明不霸道，有驚喜。口水雞先來個口水雞，雞件的肉質非常細緻滑溜, 這隻雞幾肥美, 皮下脂肪頗多, 邪惡的食物永遠是美味的, 麻辣汁料調配得好好, 濃郁甜香滋美, 辣度剛好, 令人越食越起勁, 風味十足。辣子蝦仁今次，我被那鮮美濃郁的辣香和蝦仁味道所折服。 吃上一口，感覺好得出乎意料。揮溢著一股香濃的辣味，蝦仁又有著微微的甜香，順喉入口之時，有一種說不出的爽。再咬一口蝦仁，感覺是爽滑有嚼囗的那一種，味道鮮美可口。

這幾天也挺熱烘烘，總是令人十分疲倦。有見及此，晚上特意和友人來到小店特色的「老川皇」，吃一點麻辣暖一暖身，也特別為朋友慶祝生日！小店位於旺角，地點十分方便。從地鐵站步行不用十分鐘便到達。旺角食肆林立，不愁沒有好東西食，餐館満有風味小吃旳賣相，吸引著食客的目光。看餐牌上的四川菜很多，每款也想吃，就是想把所有的菜都試一試，不過看著自己日漸發福的身型，還是點幾款特色菜就好～ 今日好開心，可以辣味刺激味蕾的躍動。酸辣粉酸辣粉湯料豐富, 味道酸辣得討好。一看其湯汁紅亮，未吃已感覺辣味道足！吃下去酸辣刺激每一條味覺神經，絕對是辣上舌頭，吃得過癮！每一條粉白潔亮白，夾起來會感覺他的柔嫩細滑，吃起來口感爽脆利落。口水雞口水雞的賣相也不俗，ㄧ層紅色的辣椒油鋪在黃澄澄的雞上。試了一口，麻辣味十足，令人越吃越上癮，過癮極了!宮保雞丁蝦仁嚼口爽滑，新鮮美味，咬落去鮮甜多汁， 質感柔軟， 蝦味香濃， 配合辣味，我們都吃得津津有味。我喜歡這裡的食物精緻, 每道菜用料細心，食材優質, 美味可口，不是別的餐廳可以吃得到, 每款份量恰好, 到最後肚子和精神都得到滿足了。

想係旺角食川菜，就會諗起老川皇，因為夠哂方便，路痴朋友都易搵見到隔離枱條茄子好似好正咁，我地又跟住叫左條，朋友因為重口味，所以勁鍾意上面啲孜然粉同五香粉，係咁食條茄子😂好耐冇食過手抓餅，估唔到呢度有，唔通用黎點辣汁？夠哂熱辣辣，如果可以鏟得再鬆啲就正見到有個餸叫樟茶鴨，好耐冇食過鴨，又試下啦。估唔到都幾得意，啲鴨肉鹹鹹地，個感覺幾得意。鐵板紅薯粉啱哂我呢個煙韌控，雖然個小辣都幾辣，但係佢個酸菜好好食，係椰菜黎，仲要爽口嘅，同個薯粉好夾。好貼心咁有個蛋底，咁就唔驚會痴底

呢排心癢癢，又想食辣，咁啱朋友都得閒，就去左食就腳嘅老川皇撐下枱腳🤤先黎一個炸韮菜餃，外皮又薄又脆，但係唔油，隻餃亦都好飽滿，夠多韮菜，唔錯唔錯🤔每次黎食都要叫鐵板水晶粉，煙韌彈牙，亦都夠入味，辣得過癮，而且份量都唔少，真係會飽到反肚🤤串燒就叫左雞中翼同埋魷魚，五香粉孜然粉都冇手軟，一黎到就聞到好香好惹味🦑🐥本身諗緊食口水雞定樟茶鴨好，但口水雞都成日食，所以就試左樟茶鴨，同我想像嘅唔同，係比較咸香嘅，又幾特別🤔見到隔離枱兜水煮魚好似好正，滿堂紅，下次都試下先✌️

放工夜左諗唔到食咩就間中會過來老川皇，食佢個土豆絲同窩笋。呢兩款當小食又得，送飯都得，好惹味。佢地出餐算幾快，食物質素又幾好。係附近地方無咁乾淨衛生，要扣少少分。佢附近樓上仲有間分店但我就無試過啦。因為貪佢門口停車容易...叫完外賣個姐姐仲會幫手送上車，非常抵讚！雖然我推薦老川皇，不過有一次叫佢d串燒試就一般般，串串都落左果d內地果隻唔知乜野粉，搞到份份都一模一樣味。都係叫番d 小菜同小食類安全d~

點個酸菜魚，成9個字都未出到黎，啲服務姐姐態度非常差，完全唔理人，啲人掛住自己傾！廳面先得果5,6檯已經上曬菜嘅客⋯⋯催單又話要呢魚未入味要耐啲，大佬，你當我地第一次食魚呀！要9個字都未煮好，明明睇住廚房一直掛住出外賣再問多次唔出就唔曬出啦，先啦啦聲話：黎緊黎緊⋯⋯都要黎5分鐘先上到檯好啦，終於都出到條魚啦，好明顯係求其煮2下就上檯！超級難食，又話耐啲煮入味，味呢？！飛走曬？！wth⋯⋯絕對沒有下次

歐遊完番港太耐無食中式野～今日放工想搵麻辣野食下～朋友介紹黎到旺角砵蘭街呢間分店食下川菜啦。一推門入店內已經有一陣麻香味傳來，正呀！侍應安排左我地坐卡位，所以用餐空間足夠坐得舒服，整體抽風都做得足夠，未至於食完成身麻辣火鍋味。點了川式涼面$26一咬落口面質有彈性唔會一夾就散，味道調較得剛好，夠香夠麻，我嗜好係辣所以呢種辣度難唔到我😂但唔食辣既人就最好點菜時說明清楚辣度～到主菜水煮魚$132份量好足料，有多塊魚片同大量大豆芽，魚片好滑，湯底係小辣所以唔會食得太辛苦😄干爆豬腰$82豬腰味道無乜「蘇」味，質地好爽口，加上筍絲雲耳好好味，豬腰份量好多，但建議加多少少雲耳同筍絲更好。最後埋單每人百拎蚊，水準好高的川菜，下次要食酸菜魚😎

有朋友想食川菜，幸好自己都食得辣,加上天氣凍左，食辣野補補血氣先鐵板魷魚鬚熱辣辣上菜，仲有炸炸聲，叫左碗飯送飯，好滋味。仲有三色椒伴炒，魷魚鬚份量都夠多，唔會得好少好快食哂，兩個人食剛剛好，果然足料又正!叫左好微辣~已經好入味熗炒土豆絲返大陸我好鐘意食既前菜，叫左一樣微辣都好勁，不過唔辣唔鐘意既，土豆絲唔會整到好生，但都有咬口不會太蓉夾唔起，一直咁食，正😋黃金饅頭久違未食過既炸饅頭啊!細個酒樓食過後都好耐無食了....太滾動，必點煉奶！外脆內軟，加埋煉奶簡單完美😂最後的胡椒豬肚雞湯好足料半隻雞同豬肚，湯滾左自己落哂啲料，因為兩個人，所以無叫其他配料打邊爐，食雞同豬肚都好多份量，個湯越煲越有味，有埋雞油，加埋本身胡椒湯同豬肚一直淆，食得好滋味喔，雞又夠滑豬肚都不會太難咬開，新鮮👍飲埋湯好暖胃😎太耐無食川菜，其實間唔中食下會有新鮮感同滿足感架，大家可以試多啲~

天氣涼涼地最好打邊爐+麻辣就perfect. Happy Friday 原本想去食老川皇火鍋, 可惜大排長龍, 無奈變陣落地下佢地既同名老川皇小炒店。喺門口已經聞到濃濃既麻辣味，就re-call N 年前遊四川雲南既兹味回憶! ㄧ行三人就叫左D不易于一般食店食到既四川辣菜, 先黎小吃辣味涼粉、麻辣海蜇, mmmm, 川味川味返晒黎。主菜㶽上炒雜菜, 夠熱, 正! 再来麻辣水煮魚, 可惜其中一個朋友話怕辣而ordered 小辣， 果然只有小辣，個人可以食中辣! 另外點了一些燒烤食品都好香口, ㄧ份ㄧ件，容易點叫控制份量。 食完餐飯成個人感覺發熱發亮，配合happy friday。可以再來, 不過下次一定要先完成心願, 要去佢地老川皇既麻辣火鍋!