老掌櫃東北菜館 (海之戀商場)

营业中

休息中

晚上飯點時間座無虛席的東北菜，性價比超高，適合扶老攜幼來飽吃一餐！🦢北京填鴨半隻半隻只需要$168，包20塊餅皮、青瓜韭黃絲和醬料，好抵食。鴨皮香脆，有別於酒樓，烤鴨年帶厚厚一片鴨肉，飽足感十足。🥩鍋包肉東北菜必點！豬肉切片，裹粉漿去炸，再以酸甜醋汁做澆頭，又薄又脆又下飯。🍛欖菜肉鬆炒飯有鑊氣，不想吃白飯來點顏色香氣，點這個🤭🥟芹菜豬肉水餃一碟十隻，從餃子皮看得出是手工揉麵的餃子，餃子皮口感很好。餃子包著滿滿芹菜豬肉餡，一點都不「削」。🍅🐟松鼠魚（龍脷柳）平日去酒樓吃這道都要200多元，訂餐廳為了符合平民價格，採用了無骨的龍脷柳，以糖醋魚的方法去制作。美味依舊，價錢卻減半😍。🍠🍬拔絲地瓜必必必必點！黃心蕃薯下糖漿煮，過冷水後如冰糖葫蘆一般，有甜絲絲脆卜卜的糖衣。不過一定要趁熱食，否則糖衣都會黏在碟子上。

🇭🇰荃灣海之戀老掌櫃東北菜館 百幾蚊片皮鴨物超所值環境方面，餐廳乾淨企理。今次我哋點咗幾道菜，以下係詳細介紹：1️⃣ **水煮牛肉** ($118) 🥩 - 牛肉底下有紅薯粉，辣度適中，唔會太辣，剛好刺激美女。牛肉雖然唔算大塊，但口感味道都不錯。2️⃣ **北京填鴨（半隻）** ($168) 🦆 - 鴨肉唔會太肥，每個人口味不同，我同先生都鍾意呢種口感，百幾蚊食到呢個質素真係物超所值！3️⃣ **鴨兩食茄子炒** ($60 加) 🍆 - 鴨肉骨比較多，不過茄子吸收咗鴨肉嘅香味，味道非常好，搭配米飯剛好。4️⃣ **高力豆沙** ($13 一個) 🥟 - 高力豆沙外皮煙煙韌韌，甜度剛好，味道非常好，作為飯後甜品非常適合，值得推薦！片皮鴨咁抵食，高力豆沙出色❤️有機會會再來試下其他菜式！🚩荃灣大河道100號海之戀商場2樓2006-2008號舖#海之戀 #老掌櫃 #荃灣美食 #東北菜 #水煮牛肉 #北京填鴨 #茄子炒 #高力豆沙 #香港美食 #食評 #聚餐 #餐廳推薦 #美味 #輕食 #中式料理

今日休息，訓醒已經到下午饑腸轆轆去左荃灣海之戀商場激安旁邊的老掌櫃東北菜館北方一般食水餃，雲吞，包子，鍋包肉等等酸辣湯麵麵質較硬酸辣湯中有木耳絲，蛋絲非常足料羊肉湯麵必食推薦羊肉涮一涮湯底濃郁麵質夠淋最岩秋冬補身紅油炒手皮滑餡多純肉紅油微辣螞蟻上樹一定一定要叫辣味非常惹味醬汁被粉絲索晒肉粒好彈牙松子龍利柳炸得香脆配上五柳夠開胃高力豆沙一人一粒飯後甜品餐廳招呼好上菜快碗筷乾淨大把棒場客埋單唔洗$370食到飽飽去左激安行

練完琴要醫肚啦～襯未到晚飯時間早早搵咗呢間京式餐館用餐(好彩嚟得早咋🤣一到食飯時段見滿座到要拎籌等位)～打開餐牌突然好想食片皮鴨🤝🏻拿拿臨即刻落單～如果坐戶外位置仲可以邊食邊飽覽海景添🌉✨.✨北京填鴨 (半隻) $168賣相一啲都唔比大酒樓輸蝕👍🏻👍🏻油潤亮澤嘅鴨皮香口卻唔肥膩～鴨肉滿滿鴨香美味～以軟熟麼麼皮包裹住爽口嘅京蔥及青瓜條🥒加埋甜甜哋嘅填鴨醬～一口咬下好滿足😋.✨黃金四季豆 $80每條四季豆都包覆住咸蛋黃🤗🤗非常邪惡！鑊氣夠唔會炒到成碟油～完美結合清爽嘅四季豆～好滋味！.✨高力豆沙 $13@熱辣辣！脹卜卜香酥外層沾滿咗砂糖～好吸引🤩內餡有甜而不膩豆沙餡！經典京式甜點🫶🏻🫶🏻.✨凍豆漿 $10香甜順喉～有豆味😀.✨茶芥$5@✨免加一

中午落荃灣 海之戀商場揀咗一間向海食肆.... 總覺得其實環境， 空氣，陽光都係我精神食糧嘅一部分，一路望住海景一路食嘢真係 無敵嘅感受 ( 我影咗相㗎喇大家可以睇下我嘅插圖)。 以前都食過但係而家佢地丹準好似差咗， 兩個冷盤前菜一個係 粉皮， 粉皮嘅食材都算唔錯幾好但可惜麻醬質素比較差，食落去好似唔多配撘； 烤麩嘅質素真係差咗好多， 唔算難食，不過咁樣嘅質素比起以前真係跌咗 watt 一大舊 😫 最有水準嘅就係羊肉餃子今日做得唔錯 ，不過如果嗰個粉皮能夠薄少少就更好； 再叫咗個 四季豆 手工一般啦以前就覺得佢哋抄得香啲。 希望佢哋努力進步啲如果唔係就好難同其他食肆爭㗎喇。

我們於30/10（三）約中午十二時半左右到達餐廳，地方挺大，用QR code下單。❶京蔥羊肉餃10隻 （$48）：最後一道菜上，以為係湯餃，原來係淨水餃🥟，京蔥就見唔到覺，羊肉比較靭，有筋，沒有羊騷味，但就唔覺得係羊肉🤣❷蔥油肉絲拌麵 （$44）：麵都幾大份，面底好多「色水」，肉絲足夠，自己撈埋一齊，食落就甜甜地，好得意😊有一些蔥粒，不過發現有蔥就冇切粒😂就比較硬❸雞絲粉皮（+$18）：是麻醬雞絲粉皮，有青瓜絲🥒，雞絲反而比較靭，好彩唔係好大塊埋單不用加一，只可俾現金💰店內的音樂幾搞笑，居然係播迪士尼樂園內的音樂🤪

早排去DONKI 買野經過咁啱搵地方食lunch見到佢人少少唔洗排隊就試下….Lunch野食還可以，正常啦。今日無啦啦心血來潮，想試吓佢廣告牌嘅片皮鴨就叫APP外賣自取去到現場，問櫃檯光頭呀叔呢個Number有未，之後佢擰頭一粒聲都冇出過，然後我戇居居企喺度等咗幾分鐘，等下等下唔對路，就去睇吓嗰張外賣枱，原來個外賣一早已經喺度。。真心o嘴。。。服務業咁嘅嘴臉，西口西面唔想做好心就唔好做啦 。。冇下次！😡

老掌櫃東北菜館 • 荃灣荃灣呢一間東北菜餐廳我自己光顧過幾次，幾次都坐滿人，原因我諗係菜式性價比高，款式亦多，而且亦都好適合一大班朋友聚會。✅ 煎餃(肉三鮮) 🥟肉三鮮即係豬肉、蝦仁、韭菜。餃子粒粒飽滿，入面有肉汁，我冇點醬汁同醋食，因為個人覺得味道已經足夠✅ 醉雞 🐔清香嘅紹興酒味，徹底滲入雞肉入面，雞肉肉質嫩滑，而且我呢一份基本上係雞髀位置，擔擔酒香增加食慾👍🏼✅ 蔥爆牛肉 🐮京蔥加上牛肉一齊爆香，香味十足，牛肉嫩滑，簡單嘅配搭，但做出嚟嘅味道唔錯，相信冇人唔鍾意✅ 秘製牛犇麵 🐮揀咗呢度菜式嘅其中一個原因係因為俾個名字吸引，其實佢材料係牛腩，牛腩帶點筋位，湯底係胡椒湯，胡椒味濃，一個普通麵嘅價錢，但份量足夠二人食用👍🏼✅ 家常餅 🫔帶點煙靭嚼勁嘅薄餅，亦有蔥油香味

❤️欖菜肉鬆炒飯欖菜為炒飯添上微鹹。炒飯內有粟米粒🌽、紅蘿蔔🥕粒、豌豆🫛等，十分豐富，口感十足～😋飯粒粒分明炒得夠乾身有鑊氣👍🏻。❤️紅燒肉燉粉絲條內有黃芽白和粉絲。紅燒肉燜得很軟腍入味～😋有少少肥膏，邪惡得黎好好味🤤。粉絲質感像薯粉，口感煙煙韌韌～❤️清炒萵荀十分爽脆清甜😋切成條狀不是切成絲，口感十足！❤️韭菜豬肉餃（10隻）皮薄餡靚～韭菜入口好香，豬肉夠新鮮👍🏻點埋醋食更滋味～🤤

荃灣人都知道海之戀中有幾間擁有海景的抵食餐廳之一，其中這間東北菜更是聚餐首選。一班人想食中式菜又想特別一點都會選擇老掌櫃。鍋包肉 $96東北菜必食名菜，豬肉炸得好香脆，即叫即炸，配上甜甜酸酸的汁，一啖接一啖停唔到口宫保蝦仁 $86蝦仁有微炸過，加上醬汁好香口，連埋炸香的花生，配飯一流紅燒肉燉粉絲條 $86東北的燉菜也很出名，粉絲條可以代替主食，唔洗成日食飯咁悶，亦是美味之選高力豆沙 $13/個這個甜品唔係周圍都有得食，而且呢間做得好出色，豆沙唔會太甜，蛋白炸得好鬆軟，配上外層沙糖的口感，必食之選

行完DONKI想食晏就見到呢間中菜但佢個位置有少少難搵唔係電梯位附近如果想食得飽又抵食嘅話我覺得唔錯而且選擇亦都唔算少可以加埋小食☀️水煮鮮鱸魚配飯☀️京式炸醬麵☀️四喜烤麩☀️雞絲粉皮叫咗四樣嘢埋單港幣152以呢個份量同價錢嚟講性價比算係高水煮魚個味道好惹味唔會太辣有少少麻配料有黑木耳芽菜同薯粉鱸魚係類似生魚片完全冇骨咁炸醬麵嘅份量超級大兩個人食完麵其實已經食唔落碗白飯所以呢個價格絕對係大件夾抵食

今晚約咗朋友喺荃灣海之戀上面嘅老掌櫃東北菜館食飯。餐廳枱同枱之間比較密。今晚全場爆滿，喺香港而家難得見到嘅境況。我哋點嘅菜式，同見到餐廳內好多台食客所點嘅菜式嘅份量都好大份。唔怪之得吸引到咁多人嚟幫襯啦。北京填鴨半隻（跟一份約20塊嘅摩摩皮）-$168: 要食軟熟嘅摩摩皮，一定要趁熱食。值得一讚係佢摩摩皮嘅份量夠多，唔使再額外叫。水煮牛肉（$118）：入邊有牛肉，娃娃菜，雲耳同埋薯粉。水煮醬汁辣得有層次。

我地五個大人同二個小朋友，去到門口同佢地講一共7位，個職員直行直過，禁我就行入去問職員你哋係咪落場？佢話唔係然後就安排我哋坐，好啦點完嘢食叫佢提供六隻碗，個女侍應就真係俾咗六隻碗我，不過其中三隻係勁污糟，仲要有飯粒係到，叫佢換佢就好唔耐煩㗎嘛，等等等等，我心諗如果你有睇清楚就唔會俾啲污糟嘅碗我哋啦仲嫌我哋煩，其實唔想做就真係可以唔做㗎，我俾錢黎食嘢唔係受氣囉，食食吓有個男職員嚟打開個窗簾，曬到死，想趕人走咪出聲囉！食到成肚氣，食到一半，唔食埋單走人！講返啲嘢食先，元朗嗰間好食過荃灣嗰間，京蔥牛肉啲京蔥仲多過牛肉，牛肉得幾塊，木耳、青瓜好似變壞咁，呢間嘢真係冇下次！勁多空枱都唔執枱，喺度掛住吹水！

餐廳位於海之戀商場2樓，在Doki旁邊，適逢星期五，人流算幾多下，餐廳主打東北菜，菜式豐富多樣，餃子、涼菜、海河鮮和豬牛雞等傳統地道小菜都有，價錢算貼地價。北京填鴨叫左半隻北京填鴨，有附京蔥、青瓜和餅皮。北京填鴨皮香肉嫩，味道香濃醇厚，充滿鴨油香味，用餅皮、京蔥和青瓜沾上特製醬汁包裹食用，層次感十足。老醋海蜇頭有好濃郁既蒜香味，青瓜清脆爽口，醋味味道咸酸，同時有少許微甜和回甘，海蜇頭口感軟熟得黎有嚼勁，醋味令其鮮味更加特出。高力豆沙東北傳統甜口菜，表面鋪滿砂糖，外層炸得金黃，裏層雪白，軟滑細膩，豆沙味道香口濃郁，甘甜味濃。

垃圾QR code落單完乜都睇唔到根本唔知自己有冇落到單，等30分鐘先同我講去櫃檯落，如果咁差，不如全人手落單，嘢食一般之前有個蔥爆羊肉午餐係好食嘅可能因為近期成本高冇咗，嘢食係偏甜嘅抵唔抵食見仁見智不過唔推介特登走嚟食