老掌櫃東北菜館 (海之戀商場)

营业中

休息中

《老掌櫃東北菜館》大份又抵食的東北菜館。韭菜豬肉餃 ($50/10隻) - 韭菜豬肉餃大大粒，餡料十足，調味剛剛好，咬好仲有好多肉汁，點上辣椒油或黑醋都好夾。 。螞蟻上樹 ($76) - 一份好似小山丘咁高嘅螞蟻上樹，粉絲夠哂入味，食食下都覺得幾辣，雖然好香口惹味，但底部油較多。 。北京填鴨 ($168/半隻) - 北京填鴨以$168有半隻嘅份量真係好誇張，烤鴨皮都算脆口，雖然肉質未話好嫩好juicy，但以喱個價錢有咁嘅質素真係唔錯，另外仲配埋食極都食唔完嘅餅皮真係好飽肚。 。高力豆沙 ($13/個) - 高力豆沙好大粒，口感雖無出面咁鬆軟，但相反好彈牙，食落都幾特別，配上中間的紅豆蓉和沙糖也不錯。

最近幫襯了海之戀的老掌櫃，無論是外酥內嫩的北京填鴨，還是清爽開胃的醉雞，或是熱氣騰騰的東北亂燉，每一道菜都蘊含著濃厚的東北家鄉情懷，令人難忘。北京填鴨北京填鴨的外皮酥脆，內肉鮮嫩多汁，油脂適中，恰到好處。鴨肉在烹調過程中吸收了多層次的香料與醬汁，每一口都充滿濃郁風味。享用時，搭配一些甜麵醬和新鮮的蔥絲，增添風味的層次感，還能中和鴨肉的油膩感。醉雞雞肉在製作過程中充分吸收了酒的香氣，酒香味濃郁，讓肉質更加鮮甜可口。雞肉本身肉質滑嫩，經過浸泡後，口感更加柔軟，十分適合冷食，特別是在炎熱的夏季，食用時帶來一絲清涼，十分開胃。東北亂燉使用了多種肉類和新鮮的蔬菜，湯汁鮮美，味道濃郁。食材在長時間的燉煮中充分入味，肉質軟嫩，特別是豬肉經過慢炖後，油脂和鮮汁被完全釋放，讓每一口都充滿了肉香，帶有家庭料理的溫暖感。高力豆沙甜度適中，內餡柔滑，紅豆沙的香甜與軟糯的外皮形成鮮明對比，口感層次分明，是令人滿意的選擇。老掌櫃東北菜館 (海之戀商場) (荃灣)地址：荃灣大河道100號海之戀商場2樓2006號舖

成年冇黎過，今日心血來潮特登黎食點知已變垃圾，之前個招牌脆椒雞已經冇左，菜飯濕爛到成pat屎咁，花生窿曬 苦既 致癌物一樣，唔會再黎 曬晒我d時間唔怪得午市都冇乜人黎

平日晚飯時段都好多街坊幫襯，主打東北家常菜，環境一般，勝在價錢合理，每個餸都大大碟，性價比幾高~🔘紅燒肉燉粉絲條 $86肥瘦相間嘅紅燒肉，粉絲口感煙靭吸咗湯汁更加美味，比起炒嘅餸呢個冇咁油膩，個湯比起雲吞雞濃味，一樣有唔少蔬菜~🔘砂窩雲吞雞（半隻） $148份量十足，湯底非常清甜，令人一試難忘，最鍾意食煮到腍晒嘅娃娃菜，雲吞皮薄餡多，煲湯嘅雞肉唔會鞋，整體幾好食~ 🔘秘製牛奔麵 $52 非常抵食，價錢唔貴但好多餸，牛腩加牛筋份量多，鮮嫩多汁又軟腍，麵條口感彈牙~

餐廳在商場的最盡頭，有點不太好找。裝潢走簡約路線，環境寬敞舒適。主打價錢大眾化的東北菜館，餐點份量大。砂窩雲吞雞（半隻）半隻雞、雲吞、白菜仔、娃娃菜等。雲吞味道正常、口感滑順雞肉不是十分嫩滑且沒有雞味，湯頭是普通的清雞湯。松鼠魚（龍利柳）魚柳相比傳統松几鼠魚無骨，啖啖肉，但炸粉有點過厚，甜酸醬汁過多導致外表不酥脆。麻婆豆腐嫩豆腐搭配豬絞肉，加入豆瓣醬、辣椒粉等調味料，味道麻辣、鮮香，搭配米飯食用更能提升美味。

荃灣西海之戀商場出名食肆多，東北菜嘅選擇，相反就比較少，因為我就過嚟試吓呢間成日大排長龍嘅老掌櫃東北菜館雞絲粉皮$68粉皮煙煙韌韌好似食緊河粉咁樣，雞絲嘅份量都好多，而且好有咬口，加埋佢哋個開胃醬汁，簡直一流手拍青瓜$48青瓜酸酸甜甜甜甜咁好開胃，青瓜好多汁一咬開咇晒啲汁出嚟，青瓜好鮮甜，大熱天時食，好解暑🥳白菜豬肉餃子10隻加湯$60白菜豬肉餃子好大隻，裏面嘅豬肉份量好充足，白菜鮮甜，餃子🥟皮薄餡靚糖醋魚片$86 糖醋醬汁又係一個開胃嘅小菜，配埋大大塊魚片令人忍唔住一啖接一啖咁食😍，魚片每一啖都係肉完全冇骨，忍唔住食咗成碗飯！高力豆沙$18 佢呢個係逐個嗌嘅一個$18 😍，高力豆沙好大嚿免頭脆卜卜，而且有啲糖粉粘住😍，裏面就係有剛剛好甜嘅豆沙餡🤪，唔鍾意食太甜嘅我好鍾意食🌸老掌櫃東北菜館 (海之戀商場) (荃灣)荃灣大河道100號海之戀商場2樓2006號舖

哩個係一間隱於海之戀Donki門口左轉嘅東北菜館🫨 佢個位置真係好隱蔽 唔留意真係好難知 今次就試吓佢啦😆嗌咗3樣嘢都好食喎😮 👇🏻👇🏻👇🏻 📌北京填鴨 $168半隻🧀🧀🧀🧀鴨皮香脆鴨肉鬆軟 嗌半隻嘅份量都好多😮佢會比埋皮 青瓜 蔥同醬比你自己包😆哩個價錢哩個份量哩個品質令我超級有驚喜🫨📌京蔥羊肉餃$56/10🧀🧀🧀🧀哩款係北方餃 外皮比南方嘅水餃厚 食落煙煙韌韌而且個餡啖啖羊肉勁滿足😌佢個羊肉保留咗少少羊騷味 唔食羊都接受到果種 就好似隻餃同妳講「我真係羊肉」嚟㗎😆！📌麻辣冷麵 $68🧀🧀🧀🧀佢份量唔手軟勁多！唔單止麵多 連啲肉絲 青瓜絲 蘿蔔絲都好多好多🫣 佢雖然叫「麻辣」但佢食落係甜辣甜辣咁好開胃好味！上菜時麵係底面頭係醬炒肉段，兩邊放青瓜絲同甘筍絲 影相都好靚😆碗麵要自行撈嘅 我一路撈一路驚食唔曬🫣💬真係估唔到海之戀商場入面有間令我驚喜嘅東北菜🫨 原來佢仲要有3間分店😮 好耐無食過扁皮鴨嚕😆 今次真係食得好滿足😆😆老掌櫃東北菜館 (海之戀商場) (荃灣)荃灣大河道100號海之戀商場2樓2006號舖

1) 紅油抄手尚算好食，只是皮太厚，如果皮肉比例對調會好一點2) 韭菜豬肉餃不過不失，都是皮太厚，皮肉比例對調會好一點3) 雞絲粉皮 花生醬汁濃郁，但份量較少，二個人吃還算可以，但再一個人就分量不是太夠分了4) 醉雞 真心推薦，酒香味重，肉質嫩滑，食落去每一啖都齒頰留香，越食越想食5) 北京填鴨半隻摩摩皮20塊聽聞北京填鴨都好多人推薦，所以都叫咗一碟你試一試，但今次可能師傅有少少失水準，皮係OK,但肉就老咗少少，導致加完配料後食落去呢，係有啲煙韌嘅感覺，咬唔開 6) 糖醋里脊尚算可以，份量較少7) 京式炸醬麵 一般中上，沒有特色 8) 蝦蛋炒飯 炒飯還算可以，粒粒分明，只是味道較淡 9) 高力豆沙真心推薦，超大舊，新鮮即炸，勁多紅豆沙餡係入邊，一咬落去啲餡爆出嚟，每食一啖都有好幸福嘅感覺🤗🤗

好耐冇食過片皮鴨，朋友介紹海之戀入面間老掌櫃好抵食，是晚就去試下。八點來到都仲要等位，而且門口等外賣嘅人唔少，現場氣氛熱鬧。仔細看看，幾乎每台都有叫片皮鴨，似乎真係好受歡迎喎。⭐北京填鴨半隻我哋叫咗半隻試試，賣相唔錯，份鴨有皮有肉，視乎喜好食邊款啦。配菜仲有青瓜同大蔥，付上嘅海鮮醬調味亦都唔錯，麼麼皮話大約有20張，但係我食落覺得唔止呢個數，哈哈，好似包極都仲有咁喎。⭐鴨兩食茄子炒我哋揀咗鴨二食，個鴨架攞咗嚟炒茄子，上枱時意外地大碟，而且鴨架上的鴨肉都好嫩滑，用咗甜麵醬去炒，又香又甜幾啱送飯喎。⭐白飯白飯係勁大碗😆一人一個飯，再加埋食左咁多麼麼皮，超飽呀。食飽飽飲返杯熱茶去膩，爽呀👍

望住海景食片皮鴨之選😍不過下就食嘅話睇海景會好啲😂之前都去過奧運分店食過，今次試吓荃灣呢一間！片皮鴨依然keep到個水準，中間切左一片片薄薄嘅皮，側邊就係肉，皮脆肉滑，果然呢度鎮店之寶之一😎唯一小缺點係啲皮全部黐埋，佢冇紙分隔住，變咗就難啲去將佢分開，但係整體佢性價比係好高👍🏻另外叫咗個上湯娃娃菜，不過娃娃菜就略嫌多咗少少胡椒，如果味道冇咁濃烈就會比較好，不過份量真係好大碟，兩個人都唔食唔哂🤣刮品就叫左高力豆沙係東北菜必食嘅甜品😍外面鬆軟香口，面仲灑咗啲砂糖配上紅豆餡，必叫甜品🥰

今晚想食片皮鴨，即刻就諗到食老掌櫃~因為長年有得食，又平靚正~🔹北京填鴨（半隻）🔹 $168呢個價錢真係好抵食~同平時食開肉還肉，皮還皮~但呢到係皮加肉一大片~其實口感層次更豐富~另一重點係隻鴨唔會肥淋淋，好啱怕肥嘅我食！🔹秘製牛奔麵🔹應該係牛筋腩麵~好大碗，好足料~牛ok~ 但我好鍾意佢個麵，索左個微微辣嘅湯，之後食到原來係胡椒碎粒~正~🔹肉三鮮🔹啲餃子大細適中，又真係食到啲菜同肉係鮮甜嫁喎~🔹高力豆沙🔹疏乎厘同沙翁嘅結合~中間有紅豆餡~作為呢餐嘅完美句號~

🔸北京填鴨半隻    $168聽講老掌櫃呢度嘅填鴨好好食，專程嚟到叫半隻試下，果然名不虛傳。 半隻燒鴨斬開一片片薄片，有成二十幾件， 燒鴨唔係好肥，伴碟有十幾塊麵粉皮、大蔥條、青瓜條同埋一碟蘸填鴨嘅蘸料，碟蘸料甜甜地十分惹味嘅，一大碟都唔夠蘸。片皮鴨鴨肉好香口😚蘸上呢度特製嘅蘸料包起大蔥青瓜，仲更加好味。味道：8/10性價比：7/10🔸椒鹽小黃魚   $88酥炸黃魚2條，話係小黃魚不過都唔係少，每條都有半隻手掌咁大，炸得十分酥脆，連骨都可以食埋，我就將整個魚頭都食咗，不過要小心魚頭腦內有2粒好硬嘅腮骨， 小心咬崩隻牙😅 黃魚嘅魚肉就比較淡口，炸魚面頭撒咗啲椒鹽，鹹香味十足，微微辣。味道：7/10性價比：7/10🔸五香牛肉麵   $50湯麵好大碗，畀咗好多麵條，真係食唔曬。 北方麵條係冇乜味嘅，全靠有五六嚿鹵牛展餸麵，牛肉口感軟糯，五香味濃鬱，不過就唔係大舊。味道：7/10性價比：7/10▪️茶位@$5🔹環境： 地方喺海之戀商場轉角位，就喺Donki 旁邊， 舖位有大邊落地玻璃，可以望到藍巴勒海峽，坐喺度嘆東北菜相當寫意🤪

#鼠尾草食飲玩 #sagefoodiehk東北菜🔥 × 街坊🫶🏻 × 就腳✨屋企人話想食片皮鴨，於是就近近哋去咗荃灣呢間舖頭🫶🏻。舖頭行街坊路線，環境服務都唔算特別好，不過北京填鴨真係幾抵食✨。嗌咗半隻，份量幾多，兩個人一齊食都食唔晒🤣。另外仲嗌咗豆角燒茄子，火候唔錯，都幾香口🔥。另外呢度嘅嘢飲望落都非常local，都係用普通水杯裝住😎。揀咗豆漿同埋酸梅汁🥛。💰北京填鴨（半隻）($168)💰豆角燒茄子($76)💰豆漿($10)💰酸梅汁($10)

朋友係荃灣呢頭番工，聽講有間叫老掌櫃東北菜既菜館好抵食，所以我地就相約到荃灣西試下。餐廳就係海之戀2樓 Donki 後面，紅色招牌勁搶眼好易搵。一黎到已經勁多人係度排隊等位，好彩我地有book定位，唔係白行一趟。入面座位爆滿，樓面個個都訓練有數，勁快手快腳執好枱，我地就入得。有趣一提，隔離枱客人個洗碗兜就黎跌，有個樓面阿叔見到即刻0.01秒衝過去接住，呢一刻俾我目擊到，真係歎為觀止。😂❤️北京填鴨（半隻）$168唔經唔覺，對上一次食北京填鴨已經係17年前，跟學校遊學團上北京食過人生第一次，估唔到而家係香港，可以咁平食到，仲要份量勁多，皮又脆，CP值極高。❤️欖菜肉鬆炒飯 $76真係茶記價錢，而且份量起碼3個人先食得晒，炒飯粒粒分明，超有鑊氣。❤️高力豆沙 $13外皮鬆軟，入面豆沙味濃，做飯後甜品一流。份量多到食唔晒，都係2百幾蚊，怪不得咁多人黎食。食物質素唔錯，價錢仲要勁抵，呢間真心要book mark。下次帶長輩過黎食先得。老掌櫃東北菜地址: 荃灣大河道100號海之戀商場2樓2006號舖#荃灣 #荃灣好去處 #香港旅行 #香港美食 #食好西 #荃灣西 #海之戀 #北京填鴨 #東北菜 #fo

本想到隣近的酒樓晚膳，但已滿座，唯有移師至這間主打東北菜的餐廳。看到別枱點了片皮鴨，所以也點了半隻片皮鴨。不過令人失望得很，真正的北京片皮鴨主要是吃鴨皮，皮通常都很薄，不會連住一大塊肉。這裡卻是數塊鴨皮連肉，其他鴨件均為鴨肉片連小許皮。因為事前切好晒，鴨片乾且無汁，沒有半點應有的鴨油香，摩摩皮非常厚，吃了兩件就不想吃了。同樣地羊肉餃子的皮也是過厚，好像一直在吃一堆面皮而不是餃子。酸辣湯麵賣相和份量很有誠意，味道不差，可惜孜然過多，蓋掉酸辣湯該有的酸味。糖醋魚片，魚塊炸得香脆且無腥味，甜酸度適中，很開胃。清炒篙荀雖然都算爽，但切得太細塊太碎，令口感大大減弱。整體來說食物不會很難吃，但食物水準不細緻，食物質感粗糙，讓人沒有繼續想吃的慾望。