老掌櫃東北菜館 (海之戀商場)

营业中

休息中

東北菜是指在東北，包括黑龍江、吉林、遼寧 、河北的烹飪菜系，東北菜的特點是量大，用料廣泛。肥仔今日好肚餓，所以放工決定要食大大分嘅！就嚟呢間東北菜試吓啦！🔥東北肉皮凍香港好少有餐廳提供肉凍，而呢度嘅肉凍口感好接近東北嘅Q彈口感，又好似啫喱一樣咁滑，調味小酸微辣，恰到好處，讓人愛不釋口。🔥北京填鴨（半隻）填鴨嘅外皮酥脆鬆化而且肉質嫩滑，附送嘅餅皮厚薄適中，配以甜麵醬、京蔥條及青瓜條更添滋味。唔使啦，半隻已經咁多件又咁大件，完全超值！🔥東北亂燉食東北菜就不得不食東北亂燉！東北亂燉，又稱豐收菜，素有「大雜燴」之意，即將豆角、馬鈴薯、茄子、青椒、番茄、木耳等多種蔬菜，與肉類一同燉至熟即成！大大煲，好飽肚。總結，環境優美，坐戶外可以睇到橋景同海景。食物質素正常，大份抵食，大食嘅朋友不容錯過！

行開荃灣Donki一出門口就見到有間東北菜館，見到價錢唔貴仲要冇加一，室內座位滿晒所以坐左座外望海景都唔錯。北京填鴨半隻$168一坐低店員就問我地會唔會食北京填鴨，幫我地即刻留半隻。最後黎到嘅鴨肥瘦岩岩好，片得好靚薄薄地咁食唔會太油膩，鴨皮脆口，肉質鮮嫩多汁，每一啖都好香鴨味，連埋青瓜韮黃食好滿足。酸辣湯 $64呢個係我食過最足料嘅酸辣湯，入面有滿滿嘅酸荀同肉絲，味道偏酸少辣，食落去好開胃。油潑麵 $44第一次食油潑麵，係用好彈牙嘅麵條上面再加上大量嘅辣椒，撈埋一齊食酸酸辣辣咁，呢碗麵嘅辣唔講得笑，辣到飛起，真係好食得辣嘅先會挑戰到。紅油抄手 $48紅油抄手正常發揮，鮮內餃子配上紅油酸辣汁，餃子都算足料多肉，如果再辣多少少就更加好食啦。

星期六午餐選擇咗呢間，之前幾年因疫情係呢間同大角咀分店外賣過10數次片皮鴨同土豆絲質素都唔錯，於是決定堂食一次，豈知中大伏。甫坐下，侍應有禮地放上碗筷杯。一看，不得了，隻隻碗都有漬，應能明確分辨所屬醬料。有兩隻杯還附送口紅印，忙叫侍應更換杯。唔緊要，自己食飯自己洗碗，一洗，啲油浮了上黎，厲害！好在熱水夠熱，仲有一陣濃濃的漂白水味，可以洗食具，飲就……好不容易清潔了一下，菜也上得好迅速。片皮鴨：鴨肉及皮正常，餅皮沒有放蒸籠，上桌已顯得乾身。白菜豬肉水餃及羊肉水餃：是餐最佳的菜，肉餡飽滿，餃皮有嚼頭，體現北方水餃的特色。酸菜魚（龍利柳）：魚肉及粉條味道還好，可是全碗超過6成是酸菜葉，輕嚐一下，可能未泡洗充分，有點怪味，立即放棄。酸辣土豆絲：完全走曬樣，土豆絲沖水時間唔夠，唔係好爽脆。味道太單薄，冇將辣、醬、醋的味掛上土豆絲中，另外辣味不正宗，之前食呢間有鮮椒、泡椒同辣椒乾，香辣有層次。今日呢碟只係得十幾粒紅椒圈，寡味無香。差！跟餐酸辣湯：試左一啖，似用豆粉/大葛粉開出黎未滾開，口感與幼童糊仔無異，冇薑嘅辛辣感，亦冇醋嘅酸香味。勁差！雞絲粉皮：嚇親，一碟仔半透明粉皮，印上撒少許肉絲、青瓜亂切

朋友約咗一間係荃灣好出名的東北菜😆去到門口好彩有book位全場滿座即刻都幾期待😙⭐️北京填鴨（半隻）依間餐廳嘅北京填鴨好出名一坐低即刻order咗依個菜先因為真係好搶手果然好嘢係值得期待一上菜個擺盤已經好吸引燒鴨嘅顏色好靚燒得好均勻用餅皮將青瓜、蔥絲、醬汁、主角烤鴨包埋一齊口感豐富😊互相配搭非常好食算係我食過嘅北京填鴨最好食之一🤤10分推介而且價錢唔貴👍🏻⭐️糖醋魚片糖醋魚炸的剛剛好醬汁加埋菠蘿酸酸甜甜令人好有食慾配埋白飯一流而且份量都好有誠意大滿足🥳⭐️桂花酒釀丸子桂花味好突出又夠香👍🏻而且有陣陣嘅酒香味加埋煙煙韌韌嘅丸子食完好暖胃😋都幾高分嘅一道甜品特別一讚餐廳好有心思見到隔籬枱慶祝生日即刻播生日歌見到店員同客人嘅互動真係好正氣氛再推高🤩

店內的落地玻璃窗，望到窗外景色。螞蟻上樹好耐冇食呢味餸，螞蟻上樹材料簡單，碎豬肉和粉絲，味道以辣椒和豆瓣醬為主。粉絲炒完有彈性，使口感更豐富。雞煨麵雞煨麵的麵條彈牙，還有煨煮過的雞肉和蔬菜，整個湯麵清淡。家常餅類似我細個食過嘅葱油餅，家常餅呢個薄餅加入葱煎成香脆口感，又唔覺油膩。北京填鴨（半隻）填鴨的外皮酥脆，鴨肉鮮嫩，將鴨皮蘸上甜面醬，放在薄餅上，再加上蔥絲、黃瓜絲捲起來食。份量都好夠兩個人食。

朋友介紹係海之戀有間平靚正既東北菜，今晚見去開Donki買野就黎食呢間咁出名既東北菜館🥰🐷糖醋里脊🐷$88份量超多，上到枱都熱辣辣，皮脆之餘肉質都唔會鞋口，酸酸甜甜好開胃，而且配菜都好多，食極都仲有。🫛朝煸四季豆🫛$74份量都係好夠，四季豆炒得好乾身，完全唔咸，惹味香口之餘又夠脆身，送飯一流。🐥腰果雞丁🐥$86有腰果、雞肉同青瓜，雞肉都好多，煎得好嫩滑，醬汁偏甜唔會辣，岩哂唔食辣ge朋友。🥟肉三鮮🥟$50/10隻餡料係韭菜、豬肉加蝦仁，肉質好彈牙新鮮，而且每粒餃子都好飽滿，餃子皮就偏向有咬口，配上醋同辣醬，熱辣辣食就最岩。

一早已經諗好咗中秋節食片皮鴨就決定黎老掌櫃因為真係好抵食又好味我地人少所以只係order咗半隻$168依家出街食片皮鴨平均都要300起跳呢度完全可以滿足到你加上好怕太肥有時只係片得只剩皮其實佢中午d客飯餐都好抵食不過就要留返下次先試到反而我地再order咗豆沙鍋餅同高力豆沙雖然兩個嘅味道都係豆沙但係以甜品黎講一啲都唔太甜而且仲幾好味豆沙鍋餅香口高力豆沙就係蛋白再炸不過又唔太油總括黎講今餐又係抵食之選

老掌櫃係荃灣西一間以中式東北菜為主嘅餐廳，佢嘅特別之處係唔係到到都有得食既北京填鴨，重要非常抵食。- 上湯娃娃菜：呢道菜以新鮮嘅娃娃菜為主，再配上鮮美嘅上湯。娃娃菜經過烹調後保持了蔬菜嘅鮮甜味道，而上湯則增添了菜式嘅豐富口感。上湯娃娃菜清爽開胃，非常適合作為開胃菜。- 半隻北京田鴨：呢個係老掌櫃餐廳嘅招牌菜式，絕對係一個不容錯過嘅特色菜。北京田鴨經過特殊處理，外皮烤至香脆，肉質鮮嫩多汁。佢嘅獨特風味同埋嫩滑口感，配上甜醬，京蔥和青瓜，增加整個配搭的層次。- 羊肉常湯麵：呢道菜以鮮嫩嘅羊肉同埋滋補嘅湯底為主，再配上彈牙嘅麵條。羊肉經過燉煮後更加鮮美，湯底充滿濃郁嘅湯頭味道。配上彈牙嘅麵條，味道鮮美，是一道滋補又美味的菜式。老掌櫃以中式東北菜為主，提供多款正宗美味嘅菜式。特別係佢嘅北京填鴨，絕對係一個吸引食客嘅亮點。如果你鍾意東北菜同埋填鴨，呢個餐廳絕對值得一試。

老掌櫃一向係出名個性價比高嘅中菜館！今次嚟海之戀行開Donki，見到老掌櫃呢度連北京填鴨嘅價錢都好大眾化，時間又尚早，唔使等位！即刻就下定決心要試試佢～北京填鴨(半隻)💰HK$168原來半隻都好大碟！鴨肉好多，啲鴨皮燒到好脆好薄，夾埋京蔥同埋青瓜，再配合埋煙煙韌韌嘅皮，口感非常豐富～ 農家小炒肉💰HK$86對呢個小炒肉有啲失望，呢個肉有啲偏咸，味道似係豉油炒肉嘅感覺多啲，同我理想中嘅小炒肉味道有出入～螞蟻上樹💰HK$76呢個螞蟻上樹就相對地比較有驚喜，好多肉碎，粉絲炒到好入味辣辣地，令人好開胃～木耳炒津白💰HK$70呢個木耳炒津白味道好普通，食落去冇乜味好清淡～

好少食到東北菜，今次經過就試一試🤭位於荃灣海之戀，因為菜式選擇多而價錢比較便宜，晚飯人流挺多，建議大家去前訂枱💞 電話落單，食物質素不錯👍🏻北京填鴨 (半隻) $168賣相好吸引😍 味道係好正宗嘅東北味，半隻兩個人都好夠食，鴨外皮香脆，鴨肉肉質嫩滑，肥瘦適中👍🏻 配搭埋薄皮、青瓜和大蔥，口感煙煙韌韌又爽口🫦 配上特製醬汁，口感層次豐富，好滿足😌🐤雞絲粉皮 $68好耐冇食到咁開胃嘅涼拌菜😚 好鍾意佢嘅特別調製麻醬花生醬汁，粉皮彈牙又口感順滑，撈埋嫩滑雞絲🐔和青瓜絲🥒一齊食更惹味💖🍎拔絲蘋果 $78好吸引嘅甜品👅熱辣辣上枱需要即刻食😋 食法好特別好正，夾起蘋果放入冷水中，糖漿會即刻凝固😝口感第一下硬硬的，蘋果沾滿糖漿，外觀色澤金黃，外脆內嫩，質地柔軟，香甜可口👍🏻📍老掌櫃東北菜館（海之戀商場）荃灣大河道100號海之戀商場2樓2006號舖

海之戀Donki旁邊呢間老掌櫃東北菜館, 每一次經過見到都係要排隊, 好多人等位的; 位置相當方便, 價錢實惠, 份量又多, 抵食夾大件! 中式裝修, 環境簡簡單單, 下單都好方便, 用QR code掃下就可以, 上菜都好快。餐牌上有東北菜外, 同時會提供廣東, 京川滬菜, 粉麵, 米線, 雲吞, 餃子, 湖南, 四川等多款中國菜。我地叫咗京蔥羊肉餃子, 蔥爆牛肉, 北京填鴨半隻及炒飯。 京蔥羊肉 （10隻）- $52冇咩羊肉嘅騷味, 但都鮮嫩, 加上吸上京蔥嘅香, 都算唔錯。蔥爆牛肉 - $86牛肉嘅份量都多, 亦都唔會好細塊, 配埋大量嘅洋蔥同大蔥一齊炒, 都幾惹味, 上枱嘅時候仲係熱辣辣, 即叫即炒, 不過有少少炒老了。北京填鴨 （半隻）- $168呢碟絕對係必叫, 人氣之選, 因價錢真係抵食; 刀工唔差, 片片都差不多大細, 鴨皮同埋肉嘅比例啱啱好, 而鴨皮燒得都幾香, 鴨皮仲脆口; 餅皮口感偏煙靭, 皮鴨配埋青瓜, 京蔥及醬汁一齊食, 味道啱啱好; 都值得一試再試, 而且真係好抵食, 半隻先至$168, 唔怪得成日都賣晒啦。蝦炒蛋飯 - $76正常發揮嘅炒飯, 炒得粒粒分明,

老掌櫃東北菜館- 每次經過海之戀都很想嘗試，今天終於有機會和媽媽品嚐，很開心。環境非常闊落，感覺並不侷促。職員服務態度友善。每樣餸菜都很吸引，我們點選較特色的菜式。北京填鴨半隻 $128北京填鴨可以點全隻或半隻份量，半隻份量都足夠3至4人吃，但並沒有二食。 餸上來的皮較為厚身，我比較喜歡薄透的。重點是醬料和配菜可以免費追加，是免費追加，比其他菜館慷慨。醬汁濃郁，沾上片皮鴨非常好吃。紅炆花膠豬手煲 $118極力推介，超級好吃。豬手嫩肉非常入味，一試愛上。賣相紅卜卜，未食已經知味道濃郁， 簡直是滋潤補充骨膠原之首選。酸菜鴛鴦 （龍脷柳拼牛肉） $128酸菜魚可以配龍脷柳或者傳統桂花魚， 此菜式有點辣，如果不能吃辣的請緊記點選小辣。 牛肉同樣是新鮮嫩肉，我相信用桂花魚可能更好吃。整體來說都非常滿意，當晚食得很愉快。

幾鍾意去老掌櫃東北菜館荃灣分店，方便喺附近商場行街，呢間都食過好幾次午餐，今次來吃晚餐，小菜都幾有水準。餐廳就係Donki隔離，開放式設計，有時會聽到隔離搬貨聲，有啲嘈，坐入啲就會好啲。本身想食片皮鴨，可惜唔記得咗預早留定，所以就叫其他小菜，豬肘花拍青瓜酸酸甜甜，清新開胃！特別鍾意草捆牛骨，食落啖啖肉，仲要好入味。口水雞會有少少辣，不過好惹味，叫返個飯食就好好送飯。餃子都ok，點醋食，一碟10粒，今次食羊肉餃，下次試吓其他味先。

朋友話最近有間東北菜帶我去試～佢就係海之戀既老掌櫃東北菜館係。係一間平民價錢嘅中菜館，整體環境唔算太靚，但我哋今次特登嚟試佢哋嘅招牌菜，包括北京填鴨、口水雞同酸辣湯。可惜就冇預定到北京填鴨，唔開心～茴香豬肉餃子🥟
茴香豬肉餃子一份有10隻。餃子入面嘅豬肉餡好多汁，餃子皮薄又彈牙，口感唔錯。水煮鴛鴦魚(龍利柳併牛肉)🐟🥩
水煮鴛鴦魚用龍利柳同牛肉一齊煮，湯汁麻辣，對於鍾意辣嘅人嚟講，呢個菜絕對夠味。蔥油肉絲拌麵🍜
蔥油肉絲拌麵係東北菜嘅經典之一，呢度嘅拌麵口感不錯，麵條有啲彈牙，肉絲多汁，蔥油香氣四溢，算係一個飽肚嘅主食。酸梅湯🍶
酸梅湯係道清新解渴嘅飲品，微微酸口，好開胃。唔止可以消暑，仲可以提醒味蕾，收尾都好清新。
老掌櫃東北菜館價錢平民化，味道都算OK。最出色嘅係茴香豬肉餃子，入味而且豐富。水煮鴛鴦魚辣味豐富，適合辣嘢愛好者。蔥油肉絲拌麵作為主食，口感不錯。如果鍾意平民價錢又正宗嘅東北菜，老掌櫃係一個值得一試嘅選擇。

一直想試呢間餐廳，但因為時間上配合唔到，所以冇機會。今日夾到小朋友放興趣班，食個快飯去下一場，於是就嚟個順理成章。入去坐底，侍應即刻問駛唔駛要BB椅，完全唔駛我嗌佢過嚟。呢到唔收加一，但不乏服務。午市客飯-菠蘿咕嚕肉 （$52）：份量足！咕嚕肉同配菜一樣咁多，唔係得幾嚿肉多多洋蔥同青椒。味道正正常常，絕對可以下飯。午市淨餃子餐-京蔥羊肉餃（10隻）（$46）：羊肉唔羶，但唔太食到京蔥味。坐位尚算舒適，某啲位置仲有海景睇，以性價比嚟講算高。