老虎岩(第6座)潮式粉麵咖啡

营业中

休息中

入開大埔，特登去試吓呢間手工燒賣。知道佢有芫荽燒賣同原味燒賣兩種，就兩款都買來試吓，仲每樣大手購入左八粒。芫荽燒賣 $14/4粒望落已經知道有好多芫荽，之但係咬落芫荽味又唔算做非常之濃郁，只係間唔中咬到芫荽嘅時候散發到出嚟嘅味道，比起想像中嘅芫荽燒賣好似爭咁少少。原味燒賣 $10/4粒呢款識落感覺好微妙，有啲似係豬肉燒賣，又有啲似鯪魚肉燒賣，最後嘅感覺總結來講，就係好多肥豬肉嘅鯪魚肉燒賣，唔算非常特別，燒賣皮有少少痴牙，肉質就彈牙，食到手打嘅感覺。不過價錢就真係略貴，店員態度又麻麻地，所以都未必會返轉頭啦～又一力推燒賣？

翻查資料手工燒賣每粒重量一樣燒賣皮口感彈口煙韌，賣相不錯，肉質很清楚見到有靚魚肉，十分彈牙，進食時咀嚼顯食到魚肉和豬肉，最重要係食到魚肉的質感，可以自己加入豉油、醋或者辣椒油自由配搭$10/ 5粒價錢偏貴但質素非常高，算是優質9/10分

燒賣吾覺特別好味。叫左個牛三寶河，河粉又厚又粉，黑糖仙草奶茶，仙草吾滑好鞋，一D都吾好飲，黑栢葉七十幾蚊，已經切到好幼但一D都吾爽，伏中之伏。諗住叫杯野飲，店員聽到又吾睬人，同第二個落單先突然出聲話落左。

沙茶牛肉只係淥幾塊牛肉加d汁就算。所謂嘅熱門真係伏到一個點，仲衰過沙爹牛麵入面d牛，唔講以為尋晚打邊爐食剩，仲要自稱安格斯，奉獻大家食返燒賣算。希望越大失望越大。

聽聞XX關注組呢度莞茜燒賣非常之有名氣​不過先講佢落單真係唔可以心急，load個網真係有啲耐😆​​莞茜燒賣​唔知點解呢，試完唔多覺d人所講嘅重口咪（可能俾人講得太多，條forumla改咗）反而覺得冇乜料到。一次過吞晒幾粒先覺得有淡淡的莞茜餘香。但（唔好意思）同我相像嘅真係有出入​​原味燒賣​um........ 只可以講唔難食嘅。我唔太識🙇🏻‍♂️🙇🏻‍♂️分辨唔到有幾大分別​​牛三寶米線​三寶米嘅牛三寶反而味道唔錯​​總括黎講，食完被掉進”只可一試”名單🚁🚁🚁​

這間隱世小店除了以手打魚肉燒賣聞名之外原來牛腩蛋治也是招牌必叫之一呢!!!!邪惡的食物當然是要跟 @168hungryki 分享🤪◡̈ 牛腩芝士蛋治($𝟰𝟯)包飲品蛋治是熱辣辣即整的 大概等十分鐘包底塗上牛油烘過後脆卜卜的半肥瘦的牛腩粒軟腍不乾柴滿滿油脂香好邪惡炒蛋尚算嫩滑 加上芝士蕃茄很足料整體是好吃的 但這幾樣材料配搭一起有點違和感而且是想像到的味道ʕ •́؈•̀ ₎不過以燒賣和蛋治作比較 我覺得三文治更為出色～.

早排燒賣隨住社交平台燒賣關注組嘅掘起而再次喺香港捲起一陣熱潮，當中被大力推介嘅又點少得呢間位於大埔嘅老虎岩。對老一輩嘅人嚟講，老虎岩呢個名字應該絕對唔陌生，因為佢正正就係現今樂富嘅前稱。而呢間野之所以叫做老虎岩，就係因為老闆想承接父親喺老虎岩徙置區嘅舊麵舖，所以呢個招牌可以話係好有歷史。值得一提嘅係呢間店舖宜家係六點後無堂食，所以仍然維持兩人一枱規例。入到去每張枱上面都會有個QR Code，掃一掃就可以係網上落單，但有樣唔好嘅係load個網站嘅時間會有啲耐，所以你可以選擇打佢個電話落單。今日嚟之前已經食咗個早餐，所以唔係叫咗好多野。雖然係咁，等上菜嘅時間都有啲長，各位可能就要俾啲耐性喇。自創黑松露雲吞 ($37)餐牌上面呢個黑松露雲吞寫住係限量供應，好好彩今日有幸食到。一碗共有六粒，對唔係好肚餓嘅我哋嚟講，一人三粒就啱啱好。每粒雖然唔係好大，但一啖就可以食到濃濃嘅黑松露味，配合埋灑喺上面嘅蝦子成個口感好豐富。可能由於係人手包嘅關係，有幾粒咬落去有唔實淨嘅感覺，水準一致性方面有待改善。竉茜燒賣 ($14)呢度嘅馳名燒賣有蒸有炸，亦有普通味同芫茜味任君選擇。我同同行朋友雖然都怕肥，但一場嚟

前一晚睇到YouTube 介紹燒賣，就立即去附近嘅老虎岩一試，本身就係一間潮式粉麵店，想以都無咩特別想法，對於前一晚無咩點食嘅我，今日嘅第一餐特別肚餓，兩個人我點左一份燒賣一份全日餐，一群芫茜燒賣，一碗牛五寶河，第一樣上嚟嘅就係芫茜味燒賣，係近年唔知點解變咗做茜控嘅我，對於茜嘅要求係好大嘅，一眼睇粒燒賣黑黑地，姐係啲茜黑唔夠嫩，但作為蒸燒賣茜黑係唔出奇嘅，我加左小小辣椒油，一野拍落去，雖則茜味不夠濃，但唔會搶咗魚肉燒賣這味道，係呢個時間我就知呢間野來頭唔小，佢嘅魚肉餡，到少少碎骨，實實在在咁證明佢真係手打嘅，之後上嚟嘅係牛五寶河，基本野都已經出色所以都唔多廢話，淨係講重點，河粉同牛腩，河粉厚切有咬勁，湯底濃厚無味精，牛腩同一般嘅牛扒唔同，諗得來又有咬口，痴線堅好食，本身我已經冇乜寫食評，但我一食咗個牛腩河早知唔寫唔得，之後嘅牛腩蛋治原味燒賣真係好好食，講真如果你入到大埔真係要試吓，大埔不嬲都多嘢食，但依度真係好好食，完。

名過其實，魚肉燒埋啲肥豬肉味重到不得了芫茜燒賣，芫茜味好重，蓋過一切。特別鐘意食茜既可能會喜歡。真心唔明啲人吹奏佢啲燒賣，俾XX 關注組老點左。唯有講句，各花入各眼，用咁重肥肉做既魚肉燒賣真心第一次試

我都係燒賣群組黨員，梗係去試下每區唔同口味的燒賣啦～呢個係同出面普遍拎貨嘅燒賣，堅係自己打魚肉，呢隻燒賣真係好個人口味，魚味係重，佢d辣椒油好香不過我都係鐘意金龍燒賣，兩樣野黎，冇得咁樣比

星期六下午買外賣，等一個鐘，放棄了，星期日又再去撞彩，好好彩，不到2分鐘即買到嚟食，初試買人工原味燒賣抱很大期望，但燒賣皮面較乾身，應掃油不均勻，鯪魚肉肯定有但不多，其餘是麵粉了，整體不覺不失，大大粒，熱辣辣，但$10只4粒，有點小貴

【 ​ 💛 】 ​🉑 ：自取 ⭐👉🏻評分: 8/10​——————————————————​係用鯪魚肉做嘅燒賣！喺屯門一耕等等都有銷售點！本身諗住食燒賣㗎咋！但見牛腩治都好似幾出名，就打孖上啦！—————————————————​—▪️ 芫茜燒賣（$14/4)▪️ 魚肉燒賣（$10/4 )▪️ 午餐：芝士蛋牛腩三文治（$43)▪️ 蠔油時菜（$15 )​燒賣係用蒸籠蒸起，嚟到仲噴煙，但皮有小小痴埋一齊。魚肉款本身已經比出面食嘅大粒，芫茜款再比魚肉款大粒小小。😁魚肉燒賣外皮黏糯，最特別係店家係用鯪魚肉，食落微爽彈牙，唔會好似一pat粉，同一般軟綿嘅魚肉燒賣有小小唔同！點埋甜豉油，更加襯托起魚肉嘅鮮味👍🏻芫茜燒賣就係魚肉基底，再混入切碎嘅芫茜粒，唔知點解呢個反而煙銀感重啲，無咁彈牙。嗒落唔算好重芫茜香，點到即止，唔超級好芫茜嘅人應該都唔會食到好辛苦。佢哋仲有生料可以買返屋企，其他區都有銷售點！​三文治應該等咗15分鐘左右先有，嚟到真係熱辣辣仲烘得好有誠意，麵包底面都用牛油烘香，唔會過燶，超級香口。切半嘅三文治勁澎湃，入面夾滿餡料，用手拎起大啖咬好爽！😭一啖咬落芝士同半肥瘦潮州牛腩嘅鹹香，畀麵包同

上次介紹大埔粉果佬既時候，反應好兩極🤨有人就表示好鐘意、每日都食😍有人就話好難食🤮仲有讀者推薦我地食大埔另一間...所以我地就即刻黎到大埔老虎岩!🐅1.蒸手打燒賣 ($10/4粒) 🌟3/5分唔算大粒，但睇得出係手打的👍🏻佢最特別既地方係用鯪魚肉做的，鯪魚味非常突出，不過亦唔會蓋過左豬肉味，同時又幾重胡椒粉味🤪係一款比較重口味既燒賣，同坊間既魚肉燒賣唔同🤨如果你係鐘意鯪魚肉既，就真係要試試佢!🤣但係食個時真係要小心😜因為我食到好幾條鯪魚碎骨啊!🥺呢到要扣少少分~而且價錢相對比進取，唔算好抵食💸2.寵茜燒賣 ($14/4粒) 🌟3/5分作為芫荽同燒賣既超級fans!!!🤩聽到呢個配搭真係要狗衝!😍唔知係太大期望定我實在太愛芫荽，覺得佢真係唔夠荽!😢外表都睇到少量的芫荽，食落就只有淡淡既芫荽味，整體味道同蒸手打燒賣差唔多😵加上佢呢個價錢就真係小貴🥺豉油辣油都正常~整體呢間唔算非常突出，價錢偏貴，勝在唔使排隊😜後來上網睇返資料，原來老闆都係師承粉果佬架! 😂唔怪得佢地都係行比較魚味重的路線🤣相信又係一間反應兩極既燒賣啊🤪

讚1.羊腩麵相當好，羊腩連皮，滑身又有啲爽，羊肉入味，個汁唔會太搶口，仲有埋腐乳比客蘸，麵質都爽，無咩鹼水味，望落料唔多，但食完都好飽下彈1.燒賣麻麻，皮厚左啲

鮮油多的多士係凍的，投訴後老細當然不太願意但也把它處理最後換來即是把原本的鮮油多用微波爐叮熱。當然我唔會接受，再教導他這位老闆鮮油多不是這樣的最後他還是需要重新再做。當然再做之後也是原地踏步一份凍的鮮油多。。。其實唔明白一啲本身食物質素一般，或者完全不懂得製造優質食材的舖頭為什麼會好生意的。