老虎岩(第6座)潮式粉麵咖啡

营业中

休息中

經外賣平台點餐，佢地做漏野，送少左個麵，於是我地打去同佢講（純粹講返件事，當然我地冇責怪成份！）其實佢補返俾我地件事已經解決到。但個腦高細一句唔好意思都冇，仲問我地想點？我地話想佢地補返個麵俾我地。佢話冇可能淨係為左一碗麵送返俾我地。我唔明白，佢地餐廳做漏野，已經冇講sry 都算，仲要完全覺得唔關自己事，冇諗方法補救。講真，就算餐廳冇人手送，都應該由佢地同外賣平台 協調幫返個客，而唔係一句「冇可能，你自己打去外賣平台 講啦」了事。我打去外賣平台做咩呢？你叫我cancel 張單，我都唔係志在果$40蚊！我叫得外賣係想食野，而唔係受氣。比佢好食/有心既食店大埔好多，經過呢次，我唔會再幫襯。我知道佢地都唔志在我地呢d 街坊仔既細單，但我認為做漏野去解決返件事，係天經地義，亦係不論大小食店最基本需要為客人做到既事。今次真係好差既一次經驗。

有時行行下街總會突然間肚餓🤭上星期行行下大埔經過老虎岩潮式粉麵咖啡聞到一陣勁香既嘢食味，原來係佢地既皇牌小食 - 魚肉燒賣😍佢地既燒賣係全人手包，難怪咁彈牙，超有口感❤️而且魚肉味好重，超有鮮味如果大家平時嚟開大埔，記得一定要試啦💫

終於試到啦！味道比想像中好有驚喜!食左爽腩河，味道唔錯，但係河粉就厚左少少。蕃茄蛋芝士牛腩三文治，好好味非常鍾意。牛丸好彈牙同有牛肉味，我鍾意。蒸燒賣普普通通啦！整體都好高分，味道好價錢合理。

今日約了去朋友家，朋友先約了在這午膳後，再去佢屋企。小店位置明顯是做街坊生意，因為唔太就腳。本身見到老虎岩呢個名，以為係仙跡岩既朋友，原來係食牛既小店。先點了一個牛饕米線，包括有牛丸、牛雜同牛雜，可以叫到全牛麵，牛腩炆得淋同入味，牛丸彈牙juicy！我點了牛雜河，牛雜非常好吃！充滿了滷水汁既味道！我加了黑柏葉，也有驚喜！牛雜既入味程度係我食過咁多間，呢間係最好食的鋪頭之一！河粉可值得一讚，老虎岩所用的河粉俾一般粉麵店粗，也比較煙靭，唔係間間鋪頭都會入呢隻粉！食粉麵一定配炸魚皮！見到相就已經好想叫，因為好少店會入有骨既魚皮！口感俾一般魚皮硬，但比較濃味！36蚊一份超值一試！總括黎講呢間小店真係喜出望外！完全有驚喜！食物十分有質素！

阿媽好想揾一間好味牛雜，上網見到篇相關報導，於是決定一試。始終對牛及河粉都有特定的要求（全屬個人口味）， 例如牛雜除有牛香味，亦要有花椒八角的味道， 軟淋得黎要有咬口。一上枱， 外貌上算吸引，但欠缺芬香撲鼻嘅刺激 ，佢地嘅牛雜只有單一的鹹味， 整體吸引度只屬普通。另外河粉太粗厚，質地較鞋，亦屬麻麻。或者下次試下其他種類食物，希望揾到驚喜吧!

大埔近年有好多小店都被人發掘出嚟，而今次就嚟到「老虎岩潮式粉麵咖啡」。牛腩芝士蛋治有食過出面其他店嘅蛋牛治，不過第一次食牛腩嘅蛋治所以就試一試。牛腩食落好淋身味道都好好，不過好似味道重咗d鹹咗小小，但喺夾咗方包所以可以中和小小味。整體食落味道好好。牛雜米粉牛雜味道好好不過份量小咗d，不過煮得好好，因為無異味。牛膀最入味，比起牛肚更加好食。個牛雜湯都好夠味，飲到好濃嘅八角味。牛丸米粉牛丸無雪藏味，應該喺自家製。食落好彈牙，仲非常有牛丸味，唔知喺咪自家手打牛丸。不過好食過近期大家好出名嘅牛肉邊爐店。沙茶牛肉河粉炸燒賣、蒸燒賣蒸燒賣比起炸燒賣好食十倍，可能我個人比較鍾意食蒸野多過炸野啦。呢道嘅燒賣喺用魚肉餡，所以蒸出嚟超鮮甜，如果鍾意食魚嘅朋友唔好錯過。

周日和老公逛大埔舊墟，補充完家中的糧食，找地方吃午飯。來到"陸鄉里" ，路旁有高高的大樹，附近有單車舖，欄杆邊放滿單車，份外有鄉郊味道。看到對面的老虎岩(第6座) 潮式粉麵咖啡，門外貼滿了招牌食品的海報，於是就進去吃午餐。點了幾款招牌食品!手工魚肉燒賣~ $10 /4 魚和肉的鮮味，做得不錯。牛饕河 (注音"滔"或嗜"好"的"好") ~$48 這是招牌菜第一號，十分美味! 材料有汕頭牛丸，牛腩和牛三寶(即牛、牛肚、牛膀)。據說是以牛骨清湯撞入滷汁，湯底味道香醇!汕頭牛丸彈牙，牛腩腍滑帶脂香，牛筋滑溜但仍有嚼勁，牛肚質軟有彈性，牛膀夠粉嫩，滷汁入味但又不太鹹。安格斯牛肉飯 ~ $ 48安格斯牛肉頗嫩滑，味道不錯!雲南西双版納頭遍黑糖仙草奶茶~ $28很長的名稱，平常少喝凍飲，要喝也會求少甜，為嚐味就試原味，奶茶配黑糖很不錯，不會太甜，伴大大粒的仙草，好味!結賬時，在收銀處見到"難得胡塗" 的格言、懷舊的吊燈和擺設，還有設計特別的名片。收錢的年青人原來是第三代孫，詢問店名的由來，舊店在樂富，正是以前的老虎岩第6座，爺爺60年代開業的潮式粉麵店，但後期沒有再營業，近年再在大埔開業。燈飾和一

新派潮式粉麵老虎岩潮式粉麵咖啡🐯1.香煎芝士牛腩蛋多士 (午市 $43/ 送汽水)-超破格嘗試，加入大量半肥瘦潮州牛腩，牛腩入味又冇渣-多士參考西式三文治做法，兩邊麵包用牛油煎香，煎得夠脆又唔油膩，每一啖都有濃濃牛油香味，每一啖都帶強烈罪惡感-炒蛋芝士加埋perfect match , 令全份多士更juicy小結:呢個潮式粉麵曾經有新聞介紹過，佢既安格斯沙茶牛肉同樣係必食之選，可惜仲未有機會食到佢地既手制燒賣，唔知係咪更有驚喜呢?地址:大埔東昌街6-16號地下F舖口水指數🤤： 4.5/5

話說再入大埔見客 又再食老虎岩 order 我最愛ge港式奶茶，佢地的杯金茶王凍奶茶 ,比ㄧ般茶餐廳的大杯😏食粉麵加配的話加10元也超值 cp 值高，充滿茶香奶香，又冰凍入心 !正 !夏天飲 勁爽yy!!!再order 碗坑腩河,D腩肉 不但入味唔黐牙而且又肥瘦適中👍，用芫荽及葱兩樣香菜也是坊間少有 😏

入大埔踩單車，好多人會順道食蔡潤記，但因為好多人，我就去咗食對面嘅老虎岩。座位方面，佢有上下層，平時唔知係咪好多人嘅呢？佢有好多唔同牛嘅部位，我地就叫咗個牛饗河（牛筋、牛腩、牛膀），同埋牛三寶米粉。湯底 - 好燶嘅牛湯味，唔錯。河粉 - 唔夠滑，偏向炒河粉質地。牛饗 （牛腩、牛丸、牛筋、牛肚、牛膀） - 牛丸好彈牙，牛腩無渣唔肥，牛筋牛肚牛膀都好入味，可惜每樣份量都得1-2件。順帶一提，佢d筷子全部都濕，感覺好核突。d侍應又好似樣樣好唔熟悉咁，好在出品尚算唔錯，唔係嘅話真係無下次。

最近見咁多報導講呢間大埔嘅老虎岩潮式粉麵,今日入開去開會見客就去試下, 叫咗份牛腩芝士蛋三文治,原來咁嘅配搭好唔錯, 最主要係即叫即做,熱辣辣香噴噴, 食完預咗晚飯都唔使食我朋友就叫咗牛饕河及手打燒賣, 牛腩、牛根好入味、牛丸又有爆汁嘅效果, 燒賣食得出真材實料好有鯪魚肉味,加$23元有杯黑糖仙草奶茶(冇影相(,飲落清甜潤喉👍 cp值算高, 以後約朋友開會入開大埔也會来翻啅

第一次打食評！食完覺得實在太伏！.原本係Yahoo見到呢間歡迎毛孩既餐廳，本身好期待！蛋牛治既相十分吸引，而且表示上層可俾狗狗玩，所以今日特登去試！食完覺得真係好伏！.4個人，叫左3碗粉，1份芝士牛腩蛋治，1份炸燒賣，1份手打燒賣，1份炸魚皮，3杯飲品。.首先，餐單價格真係好混亂。3碗粉係套餐跟飲品，寫特飲+$5，我地叫左2杯燒仙草黑糖奶茶+1杯凍檸茶。埋單至發現，燒仙草黑糖奶茶並非特飲，跟餐加係要用原價$28，但會平$5。但餐單完全冇標明。.咁都算，錢好少事。但杯燒仙草黑糖奶茶真係好難飲，茶好苦，冇奶味，完全冇黑糖味，成杯野好苦，好似涼茶咁。.芝士牛腩蛋治$38，套餐$43本身最期待呢個！點知伏到我無言。首先，麵包係烘左底，但咸到傻！d牛腩完全冇味，單食都冇味。成個食得雞蛋同鹽味。芝士完全冇溶！.手打燒賣$10/4粒好咸，似食鹽。.炸燒賣$14/4粒呢個有甜醬沾黎食，相對味道正常d。.炸魚皮$36/1份不過不失。.講完野食，到服務。我帶毛小孩去，一去到待應叫我上上層，上到去發現完全無位，落去問就叫翻我地坐下層。毛孩係根本冇玩既機會。(上層既客人亦冇毛孩)導盲犬只係綁係餐廳。.另外，侍

聽聞老虎岩既牛三寶好食，中午試一試套餐包飲品，也可以單叫🤪我叫左雲吞，米線。米線爽口，硬硬地，口感幾好。可是雲吞，比較多味精，唔新鮮。燒賣用菱魚肉包，唔係則魚，味道無咁鮮。

其實大埔嘅魚蛋粉麵、牛腩粉麵林立，要殺出重圍並唔容易，皆因每間老店已經喺老街坊心裡邊佔下重要位置，要接受外來嘅食物，打入市場並唔容易😽 偏偏有一間老店睇中大埔地靈人傑⋯⋯我老竇同我說，老虎岩即是幾十年前嘅樂富，而當年嘅樂富舊區，有一間薄有名氣嘅牛雜粉麵鋪（不過佢唔記得咗舊時係咩名😂），不過大概80年代左右就執咗，直至近年呢一間老店喺大埔重開，並以「老虎岩」為店名，主打嘅就係牛雜牛腩粉麵（以上歷史內容如有錯漏敬請指正🙌🏽）不過今次幫襯嘅原因都幾有趣，事關我早前下載咗一個外賣應用程式「e肚仔」，而且有迎新嘅$25禮券（買滿$50就可以用）。正當我係呢一個應用程式搵緊大埔有啲乜嘢外賣餐廳，就咁岩比我搵到佢😂而我又想食牛腩飯，簡直係一拍即合🤓🤟🏽✅五香牛腩飯：牛腩滷至入味，香甜細膩，雖然係外賣但係不失鮮味😆再有幫襯機會嘅話我好想試吓佢哋嘅「汕頭牛丸麵」，之前我老竇試過，佢話牛丸味道濃而且彈，咬下又多汁，但係對於我呢啲貧苦大眾來講四十幾$50食碗麵就有啲貴喎🥺P.S. 我用完兩張迎新禮券之後就冇用過呢個Apps，不過精打細算嘅大家其實都可以試吓下載😂 反正有優惠真係唔好錯過🤡——————————

有晚收工收夜左喺大埔墟附近，行左個圈都唔知食咩，行到東昌街見到有間粉麵店，記得有朋友提過呢間可以一試。入去叫左碗牛河同埋炸魚皮。牛河 d 牛腩夠淋重牛味，牛丸夠爽口彈牙夠味，牛栢葉有少少韌，河粉正常，大致上ok。炸魚皮夠脆好味，但份量可以多 d 。