老趙越南餐廳

营业中

休息中

米之蓮唔係嘩入座後先知伏佐，生牛肉湯底無牛湯、無檸檬、無柑吉、無咖啡、無春卷，無就去對面超市買啦！ 對面有u select 呀！雞排湯河嘅雞排得個3塊，又普通，完全唔值米芝蓮呢個名號！

今次又係食越南餐$5x 包埋野飲價錢都幾合理平民餐廳咁既質素，係附近返工嘅你地可以試下.佢既桂圓紅棗茶我係幾推介，唔會假甜仲會有桂圓肉、紅棗肉係入面，成件事好養生。❗女生必選❗#香茅雞翼飯 $54雞翼有4隻都算幾多，飯份量適中，基本上間間餐廳整呢個飯都係無伏，好難整得唔正常，所以都係不過不失。.#上湯扎肉粉 $52湯底唔算好出色，扎肉係越南食個隻味道🤤，份量都唔少，係附近返工都可以食下。

第一次食老趙餐廳，原來間野分店唔多，而且價錢偏貴。叫左一個香茅雞翼粉，原來係河粉黎既，但雞翼有4隻，算係咁。咖喱牛腩飯就出色啲，唔辣仲好香椰奶香味，撈飯一流。青檸梳打正常野。原來無龍眼冰，記錯咗佢係泰國餐廳，唯有叫一杯凍桂圓紅棗茶。正正常常。

由柯士甸行過黎佐敦，冇啦啦落雨，見到呢間越南餐廳出面寫住連續七年米芝蓮推介，Lunch Set價錢唔貴又免加一，就決定入左去先算😂順便避下雨。。諗住有推介得都唔會差得去邊，點知🙄🙄入到去都覺得伏伏地，餐廳有少少烏糟嘅感覺，茶餐廳feel，餐牌都有啲痴立立✨香茅豬扒湯檬男友話個湯冇乜味，要自己落調味料加味😂豬扒份量唔多，又薄又油，唔好食✨香茅雞扒撈檬雞肉食落味道好假，冇咩肉汁同肉香味，唔知係雪左好耐定點😰撈檬本身食落覺得ok，但食左大半食到有啲臭臭地嘅味，頂唔順冇食落去，可能係我心理作用✨蟹肉焗金蛋磚唔抵食，平均13蚊一件但感覺似食蛋餅🤥唔難食但唔叫都唔可惜🤷🏻‍♀️跟餐包一杯熱飲，凍飲+$3，男友杯凍奶茶勁伏😂😂少冰變左室溫，勁淡，冇乜奶味又冇乜茶味，佢話飲水仲好。。我嗰杯熱蜂蜜柑桔露都唔好得幾多，冇蜂蜜味，得浸柑桔嘅苦澀味😣😣

同男朋友入開佐敦，食完法國三文治就行過對面呢間餐廳我哋諗住繼續食越南菜諗都唔使諗，決定食生牛肉河粉 因為我一直想試呢個特色越南菜好耐㗎啦平時見人食得多，所以都有點興奮有點期待好想試下係點嘅色香味俱全呀，聞落去香噴噴啱啱整出嚟，碗河粉非常之熱辣辣攤咗好耐先食到，上面鋪滿咗好多蔥花超正，啲生牛肉仲未轉色 個色調好靚呀，慢慢望住佢畀啲湯淥熟啲牛肉好薄好腍，基本上唔使點咬都食到 個湯底好香，雖然味道唔算濃～但都令我忍唔住係咁飲啲粉嘅份量非常之多，我一個人嚟講係食唔曬嘅，食落好彈牙好爽仲好滑添食一啖粉撈一匙羹湯，筆住邊食邊送黎飲再食一片牛肉，好夾呀成件事再配埋個熱檸茶，真開心男朋友嘅檬粉都好好味倒咗支醬汁之後撈落去食，酸酸甜甜超級開胃食完令人食指大動， 真係完全開胃曬呢片香茅豬扒又超大塊，勁好食咬落去一啲都唔韌，肉厚又多汁

是日男朋友提議去佐敦覓食, 揀左幾間餐廳, 最後決定食越南菜。上湯雞絲粉 (一人餐, $50)湯底幾清, 但味道都算濃, 有點可惜是有別於其他越南餐廳, 這裡是沒有提供羅勒葉和辣椒的, 所以有點不正宗。蟹肉焗蛋金磚(2件) (追加小食, +$26)第一次食，幾特別，蟹肉加蛋組合，幾香蜂蜜柑桔露 (追加飲品, 凍+$11)本來想飲椰青，但賣哂，所以試下蜂蜜柑桔露，酸酸甜甜，幾解辣，但叫餐都加$11，就有啲貴。甘蔗蝦(每支) $48又係第一次食，男朋友推介，亦都係我覺得成餐飯最好食，蝦膠包住甘蔗，雖然唔係好食得出甘蔗既甜，但蝦膠鮮甜彈牙，$48貴唔貴，就見仁見智，畢竟都係手工菜。肉碎生菜包 $75超超超級咸，師傅落鹽太重手了，成晚最期望反而最失望，將啲肉碎過一過湯都好咸，所以食唔哂，唯一贏在$75比較起其他菜算係抵食。

I went to the shop at 2:25pm. Without noticing there is afternoon tea set, the shop offered the lunch set which is more expensive. Then I ordered veggie with the set without noticing the extra price. When I paid the bill, the cashier was impatient and didn’t nicely explain me the price I was asking. She told me the afternoon tea set can be set anytime when the kitchen was more free. I was disappointed by the experience and won’t come again.

天氣凍d 都係想食湯面為主叫左個一人餐，雞絲粉加碟菜，仲加杯紅早茶雞絲粉都幾大碗下雞絲份量正常，食落都有雞味同埋算嫩口粉係河粉，口感軟身而且都滑既湯底就正常，夠味，唔會好淡甘入面仲有生菜同少少芽菜做配料另外叫既油麥菜份量都幾多，兩個人share 就岩岩好汁底無咩味，油麥菜就本身帶左d 苦澀味杯紅早茶都ok,偏甜一人餐甘就食左$69, 三樣野都正常水準都ok 既

今日同屋企人過完海，返九龍搵嘢食，就去咗佐敦當周圍睇，諗諗吓都係去老趙，貪佢附近比較容易泊車又好食有保證。😉然後我哋叫咗幾個餐，一齊share。生牛肉湯河湯底夠鹹香，牛肉被湯浸到半生熟，食落去唔韌，薄薄地容易咬。而去上面嘅蔥花好香，提升左成碗湯可嘅層次。❤️❤️香茅豬扒凍檬豬扒真係好香香茅味，而且煎得鬆脆可口，肉質鬆軟，再配合乾蒜同蔥花，簡直正！而佢嘅酸汁亦夠酸辣，不過如果麵凍啲就完美！🥰🥰泰式豬手飯豬手肉質鬆軟，而且好林，適合小朋友食，而醬汁亦香濃，食落去一啲都唔漏！😋😋香茅豬扒飯豬扒同凍檬一樣，就唔再講啦，啲飯夠熱，我覺得豬扒配飯比起配凍檬更好！飲品就推薦熱蜂蜜金桔露，甜甜地飲完喉嚨好舒服，秋涼啱晒！👍🏻👍🏻

平日放飯，同同事一行四人十二點鬆啲去到餐廳，當時八成坐滿，唔洗排隊，基本上成餐飯都見唔到出面有人龍。我叫左香茅豬扒湯檬，一黎到就覺得份量有少少細，湯檬個湯正正常常，唔會好油、唔會好重味，夠味而食完後唔會太口渴，但啲檬粉太碎啦，根本夾唔到，要好匙畢黎食。至於個豬扒，有三塊，份量正常，一塊入面有肥有瘦，瘦既部分都幾乾柴，做唔到人地瘦既部分都好腍滑既感覺，味道都足夠，略嫌油左少少。因為個粉份量有啲少，同事俾左啲飯我食，肉碎幾重味，但都幾辣，唔明點解貴咁多。跟餐叫左紅棗桂㘣茶，唔會超甜，只係偏甜，入面真係有紅棗同桂㘣，唔錯。另一位同事既牛尾飯，我無食就唔評論了。

呢間d下午茶真係抵食，最鍾意食佢個香茅雞扒濱海因為食濱海好易食到成手都係汁，所以d服務員都好醒，次次都會俾定濕紙巾抹手。服務真心唔錯雞扒醃得好夠味，用生菜包住濱海加雞扒一齊食，真係好正同埋每次都會點熱桂圓紅棗茶，甜度剛剛好，飲完成個人滋潤曬除左濱海，生牛肉河都好味，個湯好濃牛肉味！不過濱海唔係間間越南餐廳有得食，所以都係鍾意食濱海多啲

今日lunch又係佐敦依邊，就食依間老趙。依間我之前都食過，但係好耐無黎。午餐時間都多人，所以等左陣先有位，間舖本身唔大，所以有啲迫。我就叫左個雞絲撈檬，黎到既時候已經覺個啲雞絲好少。咁加左啲越式撈檬汁，撈完食入口都尚算可以，有蒽油味同埋酸酸甜甜，加上有啲芽菜，幾好咬口。但唔好既係雞絲太少，好似係到剩食撈檬咁😖咁樣收我$54令我覺得有啲唔抵🤦🏻‍♂️跟餐叫左杯熱奶茶，但好淡，我都無expect好好飲，所以就算啦。

復活節第一日假期，跟美女愉快地在廸士尼消磨一整個下午，回家時順道走到柯士甸探訪老趙。七時多步入餐廳，冷清得可怕，真的見者心酸。搜尋我們的私人空間，走到最入最入死角位坐下。實在太少搭地鐵，而且甚少走到這區來！搭錯車、出錯站、行錯路，經過一場艱辛旅程終於安全到達，身水身汗濕淋淋，對於的士人既我做步兵真有點為難！熱到我不停滴汗，要用餐牌當扇不停撥，幸好最後侍應伯伯留意到我，立即開冷氣，舒服好多了！無幾可飄到柯士甸附近，上次幫襯老趙已經係 9 年前既事咯，經常想再次到訪，可惜一直緣份未到。多年無機會探訪就由基本試起，先來碗越南河粉吧！青檸梳打，不是樽裝梳打嗎？飲到梳打粉味那麼奇怪，清爽的鮮青檸，解渴涼浸浸。凍甘吉露，暖暖的送到，要耐心等冰塊融化。酸咪咪立即增加口水分秘，味道好似咸甘吉呢。老趙牛肉粉全走，好采望望張單，侍應肥妹忘記全走呀！立即改單。平實的外貌，加上我最愛的青檸辣椒便可以起動！青檸角已放到乾爭爭只得幾滴汁，我都懶得再問侍應再要。整壼指天椒給我，過份開心搞到衝動大意地隊得太多，勁辣牛骨湯刺激惹味甜美清新，額頭有點冒汗。牛肉片鬆化牛味濃、牛肩肉嚥韌彈滑、牛丸高質充滿彈性爆汁水潤、牛筋微

點了生牛肉和扎肉河粉，沒有越南菜最基本的檸檬和辡椒已經覺得有點欠缺。河粉味道普通，點了凍飲卻給了熱飲，加了後加冰卻走了原味，廚房有點不靠譜，米之蓮？有點兒誇了！

今日行開柯士甸附近咁啱見到呢間越南菜有米芝蓮推介就決定入去試試佢，咁我哋坐低左就叫咗個生牛肉湯河，越式煎蛋肉碎飯同埋一個炸春卷！先講佢個生牛肉湯河，湯底非常濃郁而且唔會太油，牛味重而且當中嘅蘿蔔都幾甜真心值得推介👍🏾👍🏾👍🏾而佢個越式煎蛋肉碎飯，講真就真係一般般，佢個肉碎有啲鹹，唔係好夠辣，差咁D惹味，不過整體來講都唔算可以。而佢個春卷炸得夠香脆，用生菜包住個春卷再點埋個汁真係冇得彈！間餐廳值得推介😋