老鍋台式火鍋 (金馬倫道) (已結業)

又係一晚ot夜。OT到八點，諗住打邊爐犒勞下自己～.🌸酸菜白肉鍋 $158第一次食呢個湯底打邊爐， 白肉嘅份量多到有d出乎意料。咬落係有d彈牙 唔會太淋～ 而且d肉有種晶瑩剔透嘅感覺～ 寬粉條味道都唔錯。.🌸甜不辣 $38台灣街頭小吃。好鍾意食呢個，口感黏但都彈牙 配甜辣醬一齊好好味。必試!!!!!.🌸美國梅花豬肉 $98肉肉肉～ 打邊爐點可以少呢。肉質鮮嫩 較厚身 口感順滑。.🌸梅菜豬肉 麻辣鹵肉丸 韭菜餃 魚皮餃推介麻辣鹵肉丸～ 辣味唔重 裡面的餡好好食～.🌸 冬瓜茶 冬瓜茶下下火 唔會太甜 係我鍾意嘅甜度。

其實已經好耐冇打邊爐，因為哩一排好似冇咁緊張，所以趁禮拜日就同朋友一齊去打下食下好嘢喇！上菜好快手，叫咗好多野食。配料好豐富，有我最中意嘅牛百葉，碌一碌勁爽口，點可以錯過。肥牛好新鮮好大份，同埋鮮竹卷一定係打邊爐必備！我覺得王子面真係好經典，好少店有所以幾特別。臺式火鍋真係第一次試，總體而言我覺得鍋底幾特別，唔錯！

今晚同女朋友去尖沙咀老鍋打邊爐，睇openrice 通常多人叫酸菜白肉或者麻辣鍋，就一於要個酸菜白肉試一試。雖然話平日，但都接近滿座，好彩女友book左位。坐低左之後選完野食，就自己出去自助醬油區攞醬油混下醬。火鍋一來的，打開個蓋，材料都好多，粟米、番茄、豬肉、撈撈下個底仲有薯粉，薯粉食落幾彈牙。女友話想試千張豆葉紙，因爲未試過。呢個豆葉紙都幾薄身，而且都有少少豆香，就算湯底咁濃，都仲食到少少豆味。我地仲叫做老鍋丸餃九井字盤，一個盤有幾款丸，一次過試幾款，性價比高。我見得薯粉唔夠喉，叫多個王子麵,其實是公仔麵。

今天晚上嘗了這台式火鍋，怎知火鍋也可吃得很健康店內環境很美湯底選了老號酸菜白肉鍋，料有秘方制大白菜，五花腩和寬粉條。湯底超多大白菜和蕃茄，超級健康，寬粉條也是低卡路里食物，寬粉條吸收了酸菜湯底，味道也是酸酸的，加上蕃茄，十分開胃😋湯底的腩肉本來把自不吃，只試一口，怎知是很好吃喔！肉很淋，脂肪和肉的比例剛剛好，而且加了像是黑胡椒和什麼香味粉，十分惹味，是意想不到的驚喜為了健康，這次我們放棄肥牛，點了一碟雞肉，雞肉份量十分多，而且很少脂肪，岩曬要瘦身的蛋白質女孩👧煮熟很雞肉非常嫩滑，十分可口。「千張豆葉紙」原來是像腐皮的東西總結這湯底很健康

打邊爐是種奇怪的習慣。縱然天氣轉熱飆升至30度，只要室內冷氣夠凍，就阻擋不了我們對它的渴望。今晚光顧食評網擁有不少好評的老鍋台式火鍋，來到最方便我和男友活動範圍位處在尖沙嘴的分店。升降機走出去迎面看到的是主要以深色木頗古色古香的裝潢。有一個自助醬油區。我們選擇了酸菜白肉鍋湯底，湯底材料算多，有粟米、番茄、白菜、豬肉、還有薯粉，感覺光吃這個鍋的食材便已能飽肚。最具驚喜的是千張豆葉紙，由於我是第一次吃，感覺頗新奇。將一塊薄如蟬翼的豆葉紙輕輕掃過湯面，豆葉秒變軟身；豆葉非常索湯，所以味道充滿湯底酸辣味，豆香則不算重。老鍋丸餃九井字盤可以一次過嚐試不同餃子和丸，其中魚肉小湯包口感新奇，外面魚肉爽口，咬破外層中間流出湯汁，裏面還有有顆小肉丸。雖然鍋裏已經有薯粉，但是我們還是點多了個王子麵。來到了才知道原來王子麵就是公仔麵。我們還多點了份熟食台灣蒜香腸來配麵。

雖然天氣漸漸炎熱, 但係仍然無阻我哋火鍋嘅熱愛😍😍😍隨著疫情慢慢減退, 再次燃燒起大家對火鍋嘅熱愛😀😀。 今天約了家姐放工之後一齊去尖沙咀， 行完the one之後， 揀咗喺附近 “老鍋” 醫肚。開胃惹味的 ，酸菜白肉鍋， 材料非常豐富， 大量薄切豬肉片， 加埋粟米🌽蕃茄 🍅蔬菜🥒， 仲有我最鍾意嘅寬粉。 呢個鍋真係好抵食， 超多材料😃😃老撾丸餃井字盤😁😁我哋揀咗組合b， 蝦丸 +魚湯小籠包+ 鮮蝦雲吞 +魚皮餃😋😋 蝦丸爽口彈牙， 魚皮餃外皮煙韌， 鮮蝦雲吞用料十足😉😉。 我覺得井字盤 真係好正， 每個款式都可以試下 ，最啱女仔又鍾意試新嘢但食量唔多， 咁樣就可以滿足曬我哋嘅願望。冇得去台灣，又掛住台式香腸， 所以嗌咗呢個小食， 台式香腸是成薄片， 烤到外皮香脆， 十分惹味。打邊爐最緊要就係要嗌返杯凍飲， 冬瓜茶清甜潤喉， 烏梅湯酸酸甜甜好醒胃。另外仲嗌咗啲響鈴同埋台灣麵🍜， 因為實在太得太多所以食唔曬，要打包回家😂😂

今晚買咗尖沙咀打邊爐，食飯時段多人，所以要坐outdoor， 環境當然冇裏面坐得咁舒服仲有獨立空間，但坐位都算係闊落。酸白菜鍋 $158湯料好豐富， 有粟米，蕃茄，豬腩肉，薯粉， 冬菇，大蔥等等，淨係個鍋已經好足料。豬腩肉好爽口，有淡淡花雕味。 冬菇好新鮮，好好味。個湯酸酸地唔辣，好清新開胃。美國梅花豬肉 $98賣相好吸引，肥瘦適中，薄薄一片淥1分鐘就食得，太熟會鞋。台灣蒜香腸 $48台灣腸惹味，唔會好肥，肉質紮實，甜甜鹹鹹的，唔錯，但蒜香味唔夠。墨魚丸， 貢丸，蛋餃，極上水餃 $884款丸之中，水餃最好食，裏面包有豬肉同蝦，住味道好似雲吞。老鍋鮮魚腐 $48王子麵 $38/個最後加個麵填一填飽個肚， 麵條幼身，索曬啲酸菜湯汁。冬瓜茶 $28/杯冰涼解渴，消暑。

近排因為疫情關係，都比較少去食火鍋，就算食都好少會選擇日式火鍋，因為要自己出去夾火鍋配料，就算餐廳冇指定，我每次自己都會戴口罩，先會出去夾，就變左十分唔方便，但就會更加衛生，自己都會放心所以今次朋友就選左一間老鍋台式火鍋，地點都非常近尖沙咀地鐵出口，行一陣就到酸菜白肉鍋$158個鍋超級足料，有爽口五花腩片，超甜粟米，粉條，大大一鍋，湯底味道酸酸辣辣，非常惹味梅花豬肉$98份量好多，梅花豬肉肉質厚身，大大一塊，食落飽肚，仲好有嚼口寛粉條$48雖然鍋底已經有粉條，但吸哂湯汁食，食得過癮，所以再叫左一碗響鈴卷$48大大一淡，湯底味道出哂黎丸餃拼盤蝦丸彈牙，鮮蝦雲吞超鮮甜，仲有原粒蝦肉，魚皮餃肉質結實烏梅味道酸酸甜甜，好開胃冬瓜茶味道小甜，但可以用黎解辣

到左每月既27號，又係出動搵食既時候，好中意打邊爐既我，覺得最重要既係個湯底，今次試下老鍋，到底*老唔老*黎到台式火鍋店，緊係要揀麻辣湯，呢個湯底有我最愛既豆腐同鴨血，仲愈煲愈入味我地兩個女仔唔係太肚餓，主要揀入味既野，肉類方面揀左羊肉，佢咁樣一卷卷既上碟方法，我覺得好方便響鈴緊係唔少得啦呢個要推介俾大家，老油條！唔駛介意佢會老，可以放係湯底好耐好耐，等佢入味先食，有另一番風味唔好以為面一定要落去個湯度煮，呢個面係可以當冷面咁食，真心有驚喜

肺炎之下已經停咗幾個月冇打邊爐，襯而家疫情放緩終於可以食啦😍所以今次就揀咗尖沙間依間老鍋試試因為我哋都唔食辣，所以就揀酸菜白肉鍋，個湯酸酸地幾開胃，湯底配料非常之豐富，蕃茄粟米白菜豬肉，而最特別嘅係湯底入邊有寬粉條，煙煙韌韌加上麵條索晒啲湯，好味😋淨係食佢啲配料都覺得好滿足了呢個鹽酥一口豆腐真心推介，炸到外脆內軟，入邊嘅豆腐都仲係熱辣辣，外邊嘅椒鹽味啱啱好唔會過鹹，逐粒逐粒好快俾我哋掃晒另外我哋再叫單點了幾款食物，水餃大大粒皮薄餡多，響鈴卷就脆脆的，浸落個湯底食就最過癮，台灣面就有兩款唔同面底，冷熱兩食都得，不錯打邊爐點都有啲熱氣，所以我同朋友分別烏梅汁同埋杭菊露，消暑解渴又清熱，滿足🥰

一段時間無食台式火鍋，真係好想念麻辣火鍋嘅味道，所以預約咗間台式火鍋店一嚐久違嘅滋味。可惜用餐當日相當熱氣、生埋痱滋，所以就無選擇到麻辣湯底，再見了我的鴨血，期待已久～可惜啊！最後揀咗未試過嘅酸菜白肉鍋，見到menu寫湯底包埋白肉同埋不同嘅蔬菜等，感覺十分豐富。所以嗌火鍋配料時都無叫太多款式。湯底先上，待滾時打開才發現料真係這麼多！有好多嘅白肉、粟米、蕃茄、冬菇同埋寬粉等等。湯底嘅酸菜味仲好出，蔬菜同白肉都吸晒啲精華，帶點偏酸嘅味道。我特別鐘意裡面嘅寬粉，煙煙韌韌咁幾有彈力，不過一路煲佢會變軟咗無咁煙韌。我地嗌左個小食，係比較少係餐廳會搵到嘅臭豆腐，就係呢間台底火鍋店搵到！臭豆腐炸得超香脆，酷似響鈴嘅脆度，再蘸埋醬汁同酸菜食確係好爽！火鍋配料有半份極品水餃、好有特色嘅千張豆葉紙同埋台灣麵。極品水餃肉幾厚，仲有蝦係入面。千張豆葉紙幾似腐皮，但口感再彈性啲同埋厚啲。另外台灣麵夾埋酸菜湯都唔錯，同埋麵質好滑。我地仲多點咗手切牛肩肉，牛味好濃同埋切得厚薄適中，食落都好有口感！飲品有杭菊露同埋冬瓜茶，兩者都幾夠味又唔會太甜！

好耐都冇同朋友出去食飯難得出尖沙咀 想搵個位置闊落嘅舖頭食網上搵過資料 呢間舖頭位置闊落老饕酸菜白肉鍋$158（菜單上面寫：秘方醃製東方大白菜，極品豬皇花籃配上闊條麵、風味獨特 蒜香 酸香醒胃呢個湯底真係好多材料！）一打開就覺得極度吸引我入面有冬菇、蕃茄、大葱、肥豬肉、粟米🌽，仲有冬粉等等材料幾豐富嫁一打開試吓個湯底，甜甜酸酸，酸酸甜甜呢個湯底真係好OK ！第一啖已經俘虜咗我嘅心真心都幾推介呢個鍋底。台灣腸 $48切咗塊上落方便進食真係有台灣腸嘅油膩感覺。極品水餃 $88.8粒計返成十幾蚊先得一粒水餃🥟 貴價嘅水餃，味道真係要是真啲，味道都OK呀老撾鮮魚腐王子麵$38第一次試呢個面，佢真係來自台灣有台灣風味呢其他幾隻飲品都賣晒，得返菊花茶，我哋四個就點左菊花茶 $22一杯菊花茶嘅size我諗我要飲三四杯先夠🤣食嘅過程中不停播緊台灣舊老歌加埋佢嘅裝修同設計感覺好有feel 好似去咗台灣咁

作為一名健身教練, 越黎越食得辣第一次食老鍋, 幾中意依度間格, 每圍枱有木屏風間隔住, 私隱度不錯, 食都食得舒服D。麻辣鍋🌶️ 鍋入面有好多香料, 滾起左之後好香, 初初食覺得唔算好辣, 但之後越煲越濃越辣, 過癮~而鍋入面有好多鴨血同豆腐, 豆腐索哂D湯超好味。鮮蝦雲吞大大粒入面有整隻蝦肉, 皮好薄。羊肉片鐘意食羊既朋友必點, 羊肉軟腍唔會韌, 而且冇臭酥味, 而且佢切得幾厚身,  食落都幾滿足。老鍋台灣麵呢個台灣麵有一粗一幼, 可以凍食配冷麵汁, 但咁大個麻辣鍋係眼前, 當然要用佢黎做湯底啦, 麵掛左辣湯更滑更好味!杞子杭菊露清甜解渴又下火

最近因為疫情關係好多火鍋店都有Discount，最近係社交平台見到尼間7:30前離座有7折於是就係openrice book 5:30想著可以早少少離座享有優惠。剛剛坐低就問一個後生仔係咪有discount佢亦conformed我有就以為佢會埋單過時自動幫我打折，所以見到火鍋料同醬料都咁貴唸住算啦食好d，點知後來埋單原價照收我錢，我亦冇留意check單，收完我錢儲完Asian Mile我先發現。後來同返服務姐姐講佢就一句話儲左里數冇得退就算？！冇任何補賞！！我想問尼d唔係欺騙係咩？？仲講咩之後黎會幫我折返？我之後先唔會再黎！坐低水都係要問先有，服務跟唔上，d野食咁一般收嘅價仲咁貴！我去香港是但一間台式火鍋店唔好過你？

打邊爐黎講，除左大家都熟既港式邊爐外，仲有呢個台式邊爐，個人覺得都幾唔錯，比多人選擇，又可以食下唔同野。港式同台式，我2覺得最大分別係佢個湯底，台式個湯底complex好多，配料好足，唔似港式咁，打個純正老火湯底，但各有各好喇。呢間邊爐湯底都有6，7種擇，迎合曬唔同口味既朋友。今次我就擇左個白肉酸菜鍋，白肉份量都唔少，呢個湯底真係唔係成日打，但試落又幾okay，酸酸甜甜咁，對於此配合餃子類，肉丸類食物，我就覺得最岩，因為呢d本身已經有味，湯底可以幫呢d食物提到鮮既作用。但配合d raw meat，如肥牛，魚片，海鮮之類，就反而無咁出色，因為會蓋過左本身肉既鮮甜味。臭豆腐，台式既雖然唔夠臭，但香味同酥味就好出色喇！！！