老鍋台式火鍋 (金馬倫道) (已結業)

一入餐廳已經聞到好香既麻辣味，4點左右入座都已經有5-6台客，以火鍋台嚟講都好旺場!酸菜白肉鍋因為見到有人食酸菜白肉鍋所以我地決定都點! 一嚟到個鍋勁大而且酸菜味道好突出，白肉夠厚而且唔會好油膩，酸菜既味岩岩好中和到白肉既油脂，越食越開胃而且都有唔少白肉添!墨丸、貢丸、蛋餃、水餃呢個基本上係火鍋4寶嚟，墨丸同埋貢丸好彈牙而且味道好好，索哂湯汁勁滿足!蛋餃同埋水餃同樣係皮薄而餡料足，同埋佢地既爐頭火喉夠勁，6-7分鐘已經食得!台灣麵&響鈴有蕎麥麵同埋類似米粉既麵，加上個麵汁，岩岩好可以清到火鍋既膩感，夠哂清新!響鈴厚實同埋豆味濃，唔係普通超市貨式，淥一兩秒就已經岩岩好!炸臭豆腐呢個真係好有驚喜，首先臭味十足而且每舊豆腐都炸得好脆，加上佢地既甜醬調味好香口，配合埋臭豆腐一齊食好夾同埋好惹味!烏梅汁、冬瓜茶、生啤烏梅汁同埋冬瓜茶清熱解渴都一流，味道適中好好飲!當然一路食一路好想飲返杯啤酒，所以最後忍唔住叫咗杯Suntory Premium生啤，份量岩岩好麥味十足!

平日食開港式火鍋，今次見到有間台灣火鍋，即刻衝上去試下。餐廳裝修好靚，古色古香，俾我感覺懷舊。湯底方面，選了老饕酸菜白肉鍋，因為第一次嚟食，唔知原來入面好足料，根本唔係湯「底」，酸菜蕃茄粟米腩肉闊粉絲等等等等，全部煲到好入味，如果只係想飽肚，其實兩個人一個鍋已好夠，但我仲想試佢其他嘢食，叫咗個台式夜市臭豆腐，我個人好鍾意，因為比起真正飛去台灣乜乜夜市嗰啲臭豆腐好食十倍，台灣夜市有好多嘅臭豆腐都係搵笨嘅。另外我仲有點咗啲肉同菜，一碟丸餃併盤同埋一份老鍋台灣麵，質素都不錯，仲有，飲品杞子杭菊露，好啱食火鍋一邊飲，感覺好清熱解暑。最後特別要講，啲服務員姐姐好鬼好傾。🤣

一向都鍾意食火鍋嘅我，今日就黎到呢間係尖沙嘴嘅台式火鍋私下😋。.湯底：酸菜白肉鍋呢個湯底都幾特別，酸菜味相當濃郁，而且裏面仲有好多片豚肉，好肥美🤤。.鹽酥一口豆腐台式炸豆腐一向都幾出名，而且即炸即食更加惹味，再配埋d炸蒜更正👍。.老鍋台灣麵呢個台灣麵比較特別，可以唔放落個鍋到當係冷面咁食，再點埋個醬汁別有一番風味😍，亦可以放落個鍋到，吸埋d湯汁都好正🥳。.火鍋配料配料方面就想推薦一下麻辣滷肉丸，食嘅時候要比較小心，因為一咬落去會爆汁😂。響鈴卷都唔錯，一放落去5秒左右就食得，外脆內軟。

農曆五月即「午」月。是全年最火氣十足的月份。夏日炎炎。前幾日有人提出。「咱們去吃火鍋唄」。心諗玩野咩。不過火鍋癮起。決定去試下呢間台式火鍋店。一入店門。冷氣十足。同夏日炎炎食火鍋係絕配。爽。餐廳門口接待員好熱情。服務十分殷勤。酸菜白肉鍋。整體味道調和。份量十足。入面有蕃茄粟米寬粉等配料。好足料。寬粉吸哂啲湯味。超正。主角酸菜同白肉「源源不絕」。食極都仲有。白肉有好香酒味。絕無欺場。美國梅花豬肉。賣相精緻。口感嫩滑。肉味豐富，配上微酸鍋底。開胃解膩。老鍋丸餃井字盤。有唔同嘅丸餃組合拼盤。揀左蝦丸。鮮蝦雲吞。魚皮餃。魚肉湯包。味道不過不失。可以滿足到人少少又想試多啲唔同野嘅人。鹽酥一口豆腐。新鮮炸出黎。外脆內嫩。鹹鹹香香。仲試左放落鍋底浸一浸。有驚喜。杞子杭菊露。清甜解渴又下火。總體而言。十分滿足。環境舒適。性價比高。是次熱天火鍋。挑戰成功。

因為疫情關係，冇得去台灣旅行，個心依然會記掛着台式火鍋。今日就嚟到位於尖沙咀嘅老鍋台式火鍋店～ 😋我哋叫咗個酸菜白肉鍋，新鮮滾熱辣，非常足料，入邊有大量嘅酸菜、豬腩肉、仲有少少晶凝通透嘅薯粉，我諗就咁食個鍋都夠晒飽啊🤣之後我哋叫咗個美國梅花豬肉，份量都唔少，賣相吸引，口感嫩滑，咬落去有濃烈嘅豬香味😋老鍋丸餃盤：賣相好得意呀，九宮格咁樣😝 有墨魚丸、貢丸、雞蛋餃、極品水餃，每款都幾好食。台灣腸：食台灣菜，點可以唔叫台灣腸呢，推薦！煎得好香脆～ 咬落去十分juicy🥰老鍋鮮魚腐：好鮮，咬落彈牙，魚味十足🤣最後叫左個老鍋台灣拉麵：原來係雙色，淮山同埋蕎麥，好健康呀，食多啲都唔怕，可凍食/熱食，各有風味。總括黎講，都係間可以一試既台灣火鍋～

好說不說，最近疫情又返回，大家都趁還有機會解禁就瘋狂約朋友聚會，聚會最好就是火鍋🥰最近香港人崇尚台灣，所以我們找了一家蠻有歷史的老式台式火鍋，餐廳裝修是充滿了京式宮廷設計，什麼為之台灣特色？我們挑了老罈酸菜白肉鍋底。哇，真係夠酸，這個湯底的酸帶著南部老罈發酵蔬菜的「旨味」，夠正宗，開涮前需要喝一碗湯，開胃解暑。配料揀左丸餃井字盤，丸餃拼盤有蝦丸、魚肉小湯包、雲吞、魚皮餃等。肉料新鮮彈牙，有特色丸「梅菜豬肉」丸，湯頭加配料配搭新鮮，絕對值得一試。要了個小食，台灣蒜香腸，蒜香香腸十足地道味道很濃非常香口，是非常好的小食，配搭沖繩黑糖烏梅飲真是一流絕配。我地兩個女仔，怕兩盤丸子同滑豆腐塞不飽肚。多叫了特色養生麵：餐廳人員介紹，要了特制的＂綠茶麵＂與＂山藥麵＂。清新淡雅可口，火鍋配上這種麵真的下火，兩個女仔吃個不停，結果捧著肚腩走．．．．

去過台灣嘅人 第一時間都會諗起台式火鍋，如果鐘意台灣嘢食嘅你喺香港發作可以點算！ 黎呢度就可以幫你頂到癮拉😉麻辣味😍 酸菜白肉味😍 都令到你口水🤣想食鴨血👍 鹽酥雞👍 呢度都有，有時仲會有一啲特別嘅啤酒 鍾意台灣火鍋嘅你💖 必去💖！

呢日，我同屋企人去左尖沙咀食火鍋，呢間係台式火鍋，同平時既港式火鍋有啲唔同，另有一番風味！另度既空間好獨立，大部分既座位都有屏風隔住，黎打邊爐都唔洗驚！睇下餐牌，有好多食材可以選擇。湯底方面，我地揀左酸菜白肉湯，入面好豐富，有好多料，包括勁多既白肉、酸菜、香菇、粟米、粉絲等，湯底亦都好濃郁！我地點左啲魚皮餃同埋蝦丸等，好新鮮！呢個響鈴好正，夠香脆，浸幾浸就食得。仲有呢個王子麵，好有台灣既特色。熟食方面，點左一口椒鹽豆腐，好味道！配埋烏梅湯就perfect!

天氣炎熱 不損打邊爐心情 去了尖沙嘴的老鍋。點了一個酸菜白肉鍋！滾起好香 打開好驚喜 配菜有夠多 有我最中意食的香菇，粟米，酸菜，寬粉條，酒香白肉，不失所望！湯底有少少酸。而且好鮮味！酒香白肉 酒味好香好濃 ，還點了丸餃井字盤 岩哂又想食多幾款 又驚食唔哂既人 手打既肉丸 必點！爽口 中間重有驚喜有梅菜做含👍🏻好特別另點牛肩肉，羊肉片。牛肩肉好滑好有牛味！而且唔會un 👍🏻重點左個小食：台灣蒜香腸！同台灣既有我揮😌😋烏梅汁酸酸地好開胃！而且店員服務好友善周到 重帶我路去醬汁吧位！自助拎醬汁👍🏻

同舊同事都有一段時間無見，難得今晚約到食飯佢話想去打邊爐咁就由佢揀餐廳，佢揀咗老鍋話同事食過唔錯😊老鍋秘製麻辣鍋:湯底以多種香料同藥材調製味道濃郁，湯底仲有唔少鴨血同凍豆腐，鴨血鮮嫩凍豆腐吸飽湯汁🤤特選手切牛肩肉:身為牛魔王當然要食牛🤗老鍋丸餃井字盤(蝦丸丶魚肉小湯包丶鮮蝦雲吞丶魚皮餃):蝦丸爽彈又脹卜卜！雲吞皮薄又滑，餡多好飽滿！鹽酥一口豆腐:豆腐炸到外脆內軟，薄薄嘅炸粉，食落口感好幼滑❤️三秒響鈴卷(半份):響鈴炸至金黃酥脆，打邊爐必食😍老鍋台灣面:台灣麵口感清爽彈牙，無論係配以老鍋自家調配醬汁做冷麵食定淥火鍋都一樣爽滑😚冬瓜茶(凍):冬瓜茶清甜又冰涼，清涼降火☺️

平時食四川麻辣火鍋就多，今次同男朋友食下台式麻辣火鍋。台式麻辣火鍋湯底比較清，比起四川麻辣火鍋無咁油膩。而且鍋內本身已有鴨血、凍豆腐，一上鍋已經有野食。😋開頭食時覺得好淡，無乜辣味，諗住下次都係食返四川麻辣火鍋，點知個鍋愈煲愈辣😂涮鍋小羊肉片肥瘦分佈得好平均，食落一d都唔騷。嚮鈴卷好大條，盡吸火鍋既麻辣湯味，必點！😍老鍋丸餃井字盤有蝦丸、魚肉小湯包、鮮蝦雲吞、魚皮餃各2粒，兩個人食岩岩好。唐生菜本身同男朋友諗住台式麻辣火鍋無咁油膩，可以叫個菜一試，但因為我地去到最尾聲先放d菜落去，所以索哂個辣味。今日乖乖地叫返個菊花蜜潤一潤口，但一上枱男朋友已經打瀉左，差啲搞到人地個爐著唔到😫😫😫最後都係忍唔住叫多杯啤酒。

天氣咁熱，真係好適合喺室內嘆住冷氣打邊爐，今日去咗尖沙咀行街買野，行到攰就搵咗呢一間餐廳打邊爐。首先叫咗一個老窩秘製麻辣湯底先，入面已經有鴨血同埋凍豆腐，可以唔洗另外叫住先🤩，兩樣都係最愛食既野。然後叫咗個特級美國安格斯雪花肥牛，呢個份量兩個人食岩岩好，賣相靚，打邊爐好食，肥瘦適中，一卷入面有兩塊，兩個人食每次落一卷就可以。千張豆葉紙薄薄地一塊一塊咁，一放落鍋就已經可以夾番佢上嚟食。好滑好好味😋揀咗一款叫冰菜，唔係間間打邊爐都會有既蔬菜，好新鮮，好有益👍🏿，打個邪惡嘅邊爐就應該再食番呢d健康食品中和下。再揀咗個老鍋台灣麵，可以冷食又可以放入鍋熱食，又夠大碟，食厭左烏冬同公仔麵既可以試下。都值得推薦既👍🏽👍🏽👍🏽

呢期唔可以去台灣～真係好想念麻辣火鍋既味道😋所以忍唔住同友人黎呢度試下先～現在疫情既關係枱與枱既距離都幾闊👍🏻當然仲有指定動作探熱～我地坐左出邊都唔錯～好岩同朋友傾計～靜靜地都唔錯～餐牌黎到我地選左個火鍋底同啲野食～要出去拎醬料～都幾多種類～主角黎啦～麻辣火鍋🥰等左佢一陣滾起～好先要食我最愛既鴨血～但不是我心中既口感～唔知係唔係我叫了少辣～麻都有～辣都有～但淡左少少😆仲有豆腐吸收哂啲湯都唔錯～蛋餃，墨魚丸，貢丸，極品水餃味道都唔錯～幾好食～涮鍋小羊肉都好嫩～好好食～台灣蒜香腸好香～好野味～烏梅汁食麻辣飲好夾～生津解渴👍🏻P.S.環境都唔錯👍🏻

從Openrice查到訂枱電話，用whatsapp訂枱，收到回覆確認，之後再收到電話確認，但去到竟然話無留位資料，之後安排係坐outside位置。其實，如果真係冇位，可以事先言明，或者講清楚需要安排outside位置，但不是在客人到達時，強行說客人沒有booking, 這樣的訂位安排，令人十分失望。食物方面，水準亦大大下降。先說四川麻辣鍋，中辣，本身唔係好食得辣既我，一點都唔覺得辣，味道亦非常一般，淡而無味，其餘火鍋配料，新鮮感欠奉，以今時今日台式火鍋選擇那麼多， 我想不到原因要光顧這裡。真心，唔會再有下次。

雖然天氣炎熱，但依然不減我對打邊爐既熱愛😋今日黎到呢間台式打邊爐，lift門一開就聞到香味，令人迫不期待想坐低開餐😂店舖裝修雅緻，間隔都做得好好👍菜單有唔同既鍋底選擇，同fd揀佐老饕酸菜白肉鍋，呢個湯底酸酸地少少辣，好開胃，入面d酸菜爽口😋另外入面有多五花肉，好入味同酸菜好match🤤另外我好中意個透明寬粉，好吸湯好正，同埋份量都多我食佐幾碗😂除佐食鍋入面d肉外我地額外嗌佐小羊肉片、響鈴卷、台灣蒜香腸、台灣麵同啲丸餃。個人覺得羊肉幾襯個湯底😋一碟兩個人食都幾夠。想讚下個響鈴卷😳比平時d響鈴卷更大更香的feel，唔知係咪佢地自製呢😳不過啲丸餃應該就係佢地自己製作啦！食得出同平時食既唔一樣，兩隻丸都好彈牙，同埋食麻辣滷肉丸要小心d！會爆汁！都幾正😍韭菜餃同魚皮餃都食得出係新鮮肉包既，餃子皮都特別韌，比平時啲餃子好味👍另外想推薦蒜香腸，係岩岩煎出，好香口野飲方面嗌佐佢地既特飲，分別係沖繩黑糖烏梅汁同冬瓜茶👍兩杯都好好飲，烏梅汁酸甜適中濃郁，冬瓜茶潤喉清新，兩杯都好適合打邊爐飲😋總括黎講呢間打邊爐店都幾唔錯，裝潢有feel服務態度都唔錯不時留意到顧客所需加水，食材新鮮足料，經過可以試下👍