聚友小廚

营业中

休息中

疫情之下已經好耐冇出街食飯，近期放寬了防疫措施，食肆可延長到晚上12點，今晚特意去到我家附近沙田石門搵好嘢食，在京瑞廣場二期地下的(聚友小廚)舖面光猛、清潔就入去試下。這飯店是食海鮮、中式粵菜為主，最啱我哋喜歡食中菜的人士，下次會再約埋朋友過嚟試其他撚手小菜同海鮮。想食海鮮可在此中尋。薑蔥炒膏蟹，而家做緊推廣價$228，咁大隻蟹喺出面食肯定要四百蚊以上，所以一定要試下先，肉質鮮甜結實不鬆散，證明係新鮮，再配大量薑蔥爆炒，食起時超多蟹膏仲啖啖肉，好有滿足感水煮魚片$108，究竟主角係魚片、乾辣椒、花椒配菜，原來是不可缺其一，辣得夠過癮，越辣越想食。豉椒炒蜆$88肥美肉厚，加上蜆肉掛上濃郁豉汁味香，非常惹味。

聽講石門好多新餐廳，在中秋假期有時間，就過來試下新野今次係食中餐，地道港式小炒王，啱囇我哋呀！原來午餐都有，價錢都幾抵。我哋今次就食晚餐🥣小炒的價錢，都可以吖，而且餐廳環境都幾舒服薑蔥焗桶蠔大大隻蠔，而且濃濃薑蔥味，超正而且熱辣辣，好味😋燒汁野菌一口牛肉質好稔，有牛的鮮甜味，野菌吸了燒汁的味，好惹味。蒜蓉蝦乾蒸勝瓜一個好好送飯的小菜，勝瓜質地煮得剛好，不會太軟，廚師的火候控制得好。咸菜豬肚湯平時好少機會食，一見到就想飲，咸酸菜味夠，豬肚好爽口喲晚餐都多人食，質素好價錢又ok 難怪咁受歡迎。今次我哋早食先不用等，之後店外就有人龍了，下次再來，可能要訂位先。

T先生似乎對石門很有感情，每每到石門，都會提起自己在石門工作過一陣子的舊事。今日放假，再次到石門，變化很大，上一次來商場很靜，今次簡直是人頭湧湧。吃飯時間到處都是人，很多餐廳都要排隊。這家餐廳位於地舖，一般茶餐廳的格局，午市很抵食，$48套餐包湯包飲品，外賣還有八折優惠，晚市也有每日精選特價海鮮菜式。翻開餐牌，主菜的話主要吃海鮮小炒、煲仔飯、炒菜等。⭐️大澳香蝦骨$88這道菜將腩排炸香，看似簡簡單單，卻不容易。火候不夠猛，便會炸得不乾淨。這塊腩排炸得乾淨，外脆內軟，調味恰當，肉質很香，一半肥一半瘦，入口很香！⭐️黃金海中蝦以蛋黃炒香蝦，每隻蝦炒得均勻，均沾滿了金黃色的蛋黃醬，蛋黃醬貨真價實，以粒粒蛋黃炒，所以入口有沙沙的蛋黃香氣。入口蝦殼鹹香，蝦肉飽滿爽脆，沒有沾醬料也鮮美清甜。⭐️海味雜菜煲$78這煲雜菜煲有粉絲、西蘭菜、白菜、菇類、魷魚等。入口清淡健康。另外點了兩碗飯和飲品，這頓飯吃得很滿足，偶爾吃這些家常小菜令人滿足！

我最喜歡周圍發掘新店，今次比我找到間新開冇耐的小廚， 內裡裝修整齊簡潔，重得舒服， 侍應熱情介紹當天新鮮海鮮的菜式。我和媽咪一座低就比隔離枱的扇貝吸引住了， 原來今日做特價20蚊隻，每人可以叫一隻先， 之後想食就原價。咁抵拿拿聲蒸左兩隻啦！果然冇叫錯，蒸好來到大大隻時間火喉控制得唔錯剛剛熟， 底下幾多粉絲吸哂鮮甜味。我亦叫左我的最愛酥炸美國桶蠔， 嘩炸得香脆，蠔又夠哂肥美 yummy 。 剁椒蒸魚雲係媽咪最愛，我點可以唔叫呢！蒸好拎出來時每枱都望住，因賣相實在太吸引了， 我忍唔住手，即食返件，魚雲夠入味好滑，底仲要有件滑豆腐，真係估佢唔到。最後我仲叫左 啫啫通菜煲和豉油王炒麵， 通菜煲又係冇得輸，夠哂惹味，有豬肉碎，蝦乾爆得好香， 炒麵唔會過油，鑊氣一流，今晚和媽咪食得超滿足。下次會帶成家人一齊來食。

自從屯馬線一期開通後，沙田的石門已是一個很便捷的地方。今晚來到車站旁的商埸，發覺附近一帶的人流和店舖都比以前更多和更旺。在商場行了一圈，看到一間名為「聚友小廚」的食店，餐廳內部光猛整潔，感覺企理，小廚主打粵式小菜，菜式有燉湯、小炒、煲仔菜、海鮮等等，菜式地道，用料新鮮，價錢合理，所以吸引到不少區內街坊和在附近工作的人光顧。杏汁燉白肺（HK$138)👍👍👍👍👍都市人工作繁忙，大多沒有時間在家𥚃燉湯，加上天氣已入秋，一盅杏汁燉白肺就最適合了。這盅燉湯材料十足，有豬肺、瘦肉、雞件、雞腳和大白菜。乳白色的湯水，鮮甜清潤，隱隱滲著杏汁的味道，白肺和大白菜燉至腍滑，喝湯之餘，其他材料都可以佐以豉油享用。豉油王海中蝦(HK$148)👍👍👍👍👍今晚想吃海鮮，店員推介豉油王海中蝦。海蝦先走油再以蒜蓉豉油爆炒，蝦殻索滿豉油的鮮味和香氣，蝦肉爽彈鮮甜。這碟海中蝦有鑊氣外，火喉的掌控也得宜，令海蝦的鮮味發揮到極致。砂鍋魚頭煲（HK$88)👍👍👍👍👍吃完海鮮，來一個砂鍋魚頭煲，當煲蓋揭起，已聞到陣陣的香氣。煲內有整個魚頭開兩邊，下面有燒肉和紅燒豆腐，十分足料，味道亦十分惹味。總括來說，這𥚃的菜式雖然是家常的小菜

🍴陳皮蒸鮑魚比鮑魚仔大隻，老闆話係八頭鮮鮑。鮑身完整乾淨，厚身飽滿，濕潤彈牙，少少陳皮吊味，甘香鮮甜。新張期內晚市堂食每位送一隻，唔知優惠做到幾時，就咁叫就跟時價，當晚賣32蚊一隻。🍴豉椒炒蜆 HK$88入店之時，剛剛有幾箱海鮮送到，魚蝦蟹乜都有，頭先食過鮑魚返尋味，於是叫左碟豉椒炒蜆。先講個汁，岩岩好掛住d蜆，唔會多到浸住晒要尋寶，豉香突出，唔會太鹹太油。蜆肉新鮮無沙，炒完無乜縮水，好鮮甜。🍴冰鎮咕嚕肉 HK$98呢道菜曾經係第二度食過一次，覺得麻麻，外面唔夠冰凍，裡面只餘微溫，兩頭唔到岸，之後都無再食。呢道菜內外溫差的確幾難拿捏，唔通真係要用液態氮瞬間冷卻先得？不過見老闆極力推薦，比多次機會呢道菜啦。上菜後特登放左一分鐘先食，等佢表面更加冰涼。醬汁緊緊包住每粒肉，甜酸岩岩好。脆皮包得實塊肉，唔會皮肉分離，都算做到外冷內熱，外脆內軟，豬肉三分肥七分瘦，酥香可口唔油膩，而我亦都重拾對冰鎮咕嚕肉嘅信心。🍴聚友小炒王 HK$108大部分小菜餐館都會有一味小炒王，用料大同小異，而呢度嘅小炒王就有韭菜、芽菜、榨菜、魷魚、蝦乾、白飯魚、腰果，食材無乜特別，但炒埋一碟就幾夠鑊氣，好香，唔會太鹹，夠

石門近排黎得比較多嘅地方，因為朋友搬左入黎，幾乎每個星期都幫手搬屋，搬完屋梗係要揾餐廳醫肚喔😋哩間見到上星期爆哂人，一早講好左今日要早啲黎，果然早到既鳥兒有蟲吃喔🤪睇menu選中脆皮豬手❤️有別於一般的徳國炸豬手🐷 豬手係港式既煮法🤲🏻豬手😜切好一塊塊，方便食，豬手醃得岩岩好，口感彈牙👍 係極高質既豬手😚因為肉質嫩滑，柔韌不柴，連皮一齊酥炸既原隻豬手，豬皮炸得好香脆 ，塊皮先係精華所在😚☀️肥而不膩😊外皮可以做到又脆又煙韌又酥脆爽口，真係好考功天呢🤘🏻木桶水晶雞，做法極其簡單，即係隔水蒸雞👏但係好考火喉，選用湛江雞，老闆用鹽、秘制香料醃制🤗雞味特別濃郁，原汁原味🤟🏻雞皮滑，色澤透明，雞肉嫩，特別鮮美，回味無限🥰重點係自製嘅姜蓉，令到啲雞肉更加鮮味☺️蝦乾魚肚浸時蔬，這個鮮美的湯好正，白菜🥬和蝦乾是絕配，魚肚份量好多，蝦乾爆香，後加上魚湯，魚肚完全索哂湯頭既精華❤️清淡又有營養😚陳皮蒸鮑魚🦪🤩 陳皮蒸鮑魚係好多屋企嘅家常小菜，哩度既鮑魚味比較濃郁、鮮甜，師傳蒸得岩岩好，爽口彈牙😊

很久沒出街晚餐，今晚到石門吃飯，這間聚友小廚新張不久，一於去試試。晚飯小菜款式都幾多，仲有海鮮食添，我哋叫咗其中一款招牌菜「香煎蠔餅」（ $88），真係煎得好香脆，而且蠔餅都幾厚肉，值得一試。食緊嘅時候偷聽到隔離枱叫鹽焗奄仔蟹， $128一隻，店員仲搵個筒裝住隻蟹俾佢睇，我又去八下，真係生猛猛郁嘅，煮完出嚟仲見到勁多高，可惜我哋叫晒餸，如果唔係都想試吓！不過我哋嘅「冰鎮咕嚕肉」（ $98 ）都唔輸蝕，分量多就不在話下，冰鎮手法令到咕嚕肉脆口得來又啖啖肉，食到大家舔舔脷。隻碟仲有玄機，就係中間有個小洞，讓融化的冰水流落下層，不影響肉質，相當細心的設計呢！仲有一個「聚有小炒王」（ $108 ），韭菜花炒埋銀魚仔、蝦乾、魷魚等材料，新鮮惹味，加埋辣椒叼下少少辣味，更上一層樓。

終於可以四個人出街食飯，趁星期五晚就出嚟輕鬆吓，今晚選擇食中菜，呢間餐廳未幫襯過，原來質素都幾好，裝修新淨企理，坐得舒服，服務都幾殷勤。先來四隻陳皮蒸鮑魚慶祝吓，平時食蒸鮑魚最怕要自己刮佢出嚟，而且啲內臟黐住晒，呢度全部幫你處理好晒，所以食得輕鬆，而且肉質彈牙夠晒新鮮，亦都算幾厚實大隻，幾滿意。另外試咗幾個招牌菜，包括「聚有小炒王」，有韭菜花、銀魚仔、鮮魷、蝦乾、腰果等等炒埋一齊，勁有鑊氣，而且好大碟好襟食，喜歡飲番杯嘅朋友，應該叫呢個一路食一路飲就最正喇！「冰鎮咕嚕肉」都相當吸引，將新鮮炒起嘅咕嚕肉放入冰塊之中急降溫，做出外脆內熱嘅效果，仲有紅肉火龍果、紅椒青椒和菠蘿伴碟，好食呀！「木桶水晶雞」就叫咗半隻，份量都已經好足夠，黃油都蒸埋出嚟！幾有雞味，唔錯！整體感覺良好，大件夾抵食，佢呢度除咗卡位圓枱，仲有間廂房，應該坐到一圍人，店員話最低消費大約每位二百幾至$300 ，可以接受啊，如果第時可以一家人黎食飯就好啦！