聚寶食軒

营业中

休息中

家有8歲小朋友👦🏻， 出去食飯一定係諗岩唔岩佢食。通常唔會選中式魚，因為有魚刺。但又突然好好好想食酸菜魚🐟，膽粗粗就去左屋企附近間聚寶食軒。打算可以我地兩公婆食酸菜魚，小朋友可以食其他野。先叫左椒鹽墨魚餅🦑，小朋友好鐘意，面頭粉漿唔厚，香脆可口，唔油膩又好味。😙之後叫左去骨海南雞，果然招牌野!😄 雞件肉質嫩滑，皮薄肉滑皮薄唔肥，雖然有3款醬汁，但不用點醬已經好好味。😝然後到我同我老公me time 酸菜魚! 酸菜魚好怕食到成口碎骨魚刺，呢種魚魚骨大大條，成條魚都冇咩碎骨要拆，可以放心食用。😄於是我俾左d小朋友試，酸酸少少辣佢一試愛上。💕我地額外加左份海鱸魚片😋，肉質鮮甜彈牙 ，入口啖啖肉，美味鮮甜，真係值得一試🥰。好少小朋友鍾意酸辣，我突然發現左原來佢鐘意，以後成家人可以食辣啦~特別係酸菜魚!❤️後記：兒子食辣，辣媽倍感恩惠!🤣

難得放假好想食酸菜魚🐟，朋友介紹去咗呢間餐應。去到已經坐咗好多枱客👩🏻‍🤝‍👨🏼👨🏻‍🤝‍👨🏼，見到咁多人食，信心大增❤️。店舖裝修很別緻，特別係天花板掛住既油燈。好有feel, 好有心思。今日主角係大盤酸菜魚 ，湯裡面亦有唔少配料，什菇、大豆芽、寬粉等等，再用洋蔥同芫荽吊味，我哋專登叫咗碗白飯，送飯一齊食一流🍚再追加左海鱸魚片，爽脆彈牙😋，新鮮可口，同埋叫左黃金脆炸魚皮送酸菜魚，炸魚皮鬆脆香口😙，加入鹹蛋黃醬炒成，味道甘香濃郁☺️，口感起沙。仲叫左其他食物，孜然牛仔骨上枱時仲係熱辣辣😝! 超有鑊氣, 而且炒得非常入味, 個汁收得洽到好處😄，配合d配料, 真係好惹味。最後為食既我地叫左份酥脆五香卷😎。一種特別既豆皮，包住剁碎既馬蹄、豬肉、蔥等。皮薄餡靚、份量十足。唔講以為返左鄉下 (我係福建人🤣)最後，想推介俾所有人👨🏻‍🤝‍👨🏼👩🏻‍🤝‍👨🏼，因為呢度既出品都好多元化，唔同地方既名菜基本上都有。值得再黎!👍🏻

同男友慶生🥳，Suprise佢去平時唔會去既地方🎉，食平時唔會食既野。好開心佢好鍾意，仲要話以後每年生日都要黎💓!黎個重點推介啦~青花椒烤鉗魚魚肉入口滑嫩🐟，唔易碎，可一匙一匙地筆起，少麻少辣，但又唔會遮晒魚味😋椒鹽墨魚餅外層同樣係炸到好脆😙，好香口好脆口，值得一試😄。招牌去骨海南雞 性價比幾高之選，😋雞肉非常嫩滑，完全無細骨，分量都幾多👍🏻。已經講好左我同佢生日🎂年年都會黎🥳，我而家驚佢話擺酒都選呢度🤣

生日飯🥳最緊要一大班人開心食🎉，雞煲烤魚就最岩一齊食! 完本想去旺角但Full booking，於是主角提議轉場土瓜灣，話有間餐廳好正。甘梗係要試試佢啦!💐我地一大班人，有人想食雞煲🐔，有人想食烤魚🐠。唔怕! 我地勝在人多👭🏻👩🏻‍🤝‍👨🏼👨🏻‍🤝‍👨🏼👩🏻‍🤝‍👩🏽! 咩都叫D! 順便推介一下我覺得好食既菜式😆。先黎回味雞煲。成煲雞肉唔少🐔，有雞翼、雞批、雞鎚，食落小辣好好味!🥰之後有青花椒烤鉗魚🐠，鉗魚預先煎香再放湯，滾約三分鐘就食得😚。魚肉質嫩滑肥美且冇泥腥味。細心將魚開邊，容易挑出魚肉。😄其他推介有椒鹽龍王鬚🦑，魷魚肉質Q彈，酥酥脆脆，非常惹味，佐酒一流!🍺Happy Ending❤️ 有紅糖糍粑。糍粑外層炸到金黃色非常脆口，內裡口感軟糯煙韌。呢間餐廳真心唔錯💕，可以再黎。非常岩一大班人食飯。推介推介!😙

前兩日行開土瓜灣，經過間餐廳，聞到好香雞煲味😙。睇下menu，*重慶回味雞煲*。係佢啦🤤!先叫左份🍤寧波醉蝦🍤當頭盤。我鍾意食埋蝦頭，蝦頭藏有澎湃甘香嘅蝦膏，加埋酒香一齊醃製，令醉蝦更加香濃惹味。再叫左份🐔霸王辣子雞🐔，辣子雞超級大份，粒粒香脆可口。我地特別要求要少少麻少少辣，真係好滋味!然後係「萬眾期待」🐤重慶回味雞煲🐤!!!超級入味，而且值得一讚就係雞件唔算好碎，唔會有碎骨係入面！件件都大大嚿好容易咬開！順帶一題，因為朋友同我都唔係好食得辣，呢間餐廳有唔辣雞煲呢個選項真係好！另外一題，店內有d💡油燈裝飾💡，我覺得好有feel，好似去左重慶現場食甘😄

今日同班同事講起酸菜魚🐟，心思思左成日，甘岩屋企附近有間酸菜魚，擇日不如撞日，就今日😄!放工即刻同屋企人去食!👨‍👩‍👧‍👧🐟大盤酸菜魚🐟酸菜魚嫩滑， 啖啖肉。酸菜味道入到魚身，非常開胃。值得一讚入面仲有大豆芽同少少寬粉，吸左味既大豆芽同寬粉送飯一流。🐠黃金脆炸魚皮🐠打邊爐或者食雞煲又點少得叫炸魚皮，呢到既魚皮香脆可口，份量又多到成座山甘，最重要索晒酸菜魚湯味，揀直係味蕾上既享受。🍘酥脆五香卷🍘五香卷外皮酥脆，肉餡嫩滑甜美，口感超正!🦈海鱸魚片🎣鍾意食魚嘅可以放心叫，骨唔多，都算鮮味，脆鯇真係幾爽脆、彈牙。因為好近屋企，呢間聚寶食軒應該會變成我地飯堂😆😆

本身好想食烤魚🐟，但朋友要減肥💪🏻，要食海南雞。左搵右搵，搵到呢間一次過滿足晒兩個願望既餐廳––聚寶食軒!先講我既願望先<<<青花椒烤鉗魚>>>魚肉鮮嫩又入味🐠，配合青花椒香味，色澤青綠，口味鮮麻刺激。<<<黃金脆炸魚皮>>>烤魚必點配料! 🥰炸魚皮口感鬆化脆卜卜，食落好似食薯片😆，好好食啊！朋友叫左<<<招牌去骨海南雞 >>>，我偷食左少少。雞皮雞肉幾乎沒有脂肪😝，但雞肉非常嫩滑，而且雞味好濃，配上最傳統嘅三色醬（薑蓉，蒜蓉辣椒醬，黑甜醬油）好鍾意食!😚之後我比較為食🤤，於是再點左<<<孜然牛仔骨>>>孜然無蓋過牛肉既鮮味😁，反而令成個菜色更加香濃。總括而言，一間餐廳可以滿足唔同人既需求真係唔簡單👍🏻。重點係D食物!超!級!好!味!  一定會推介俾身邊唔同朋友!👭🏻👩🏻‍🤝‍👨🏼🧍🏻‍♂️🧍🏻🧍🏻‍♀️

突然我同個friend想揾d 重口味🥵嘅野食， 見到呢間聚寶食軒門口咁多人等外賣， 就一於入去試下。先叫左個霸王辣子雞🐔，辣子雞份量十足，賣相吸引。好夠鍋氣且炒得香脆，非常好食👍🏻。之後點左個椒鹽龍王鬚🦑，魷魚肉身夠厚，入口嫩滑不韌，炸粉漿薄薄地，一吃就知師傅👨🏻‍🍳功力! 重點黎啦，青花椒烤鉗魚!烤鉗魚🐟真係一大重點呀! 魚片食落好實好彈牙,😝 唔會好淋又唔會好散 仲要完全無腥味😋!反而仲食到好香魚味, 加埋濃濃嘅湯底, 真係好好好味☺️最後紅糖糍粑Happy Ending❤️。超鍾意糍粑煙韌感，配合紅糖小小甜，必食甜點!🥰疫情之下呢間餐廳都排晒隊， 可見品質有保證! 一定會再黎!!!😉

平日出去食飯，通常都係銅鑼灣、旺角、尖沙咀。今次想去下其他地方，不如就試下土瓜灣啦。Openrice 左一下，決定要食呢間聚寶食軒! 我地6點就到左，唔洗等就可以入座👍🏻。店舖唔算超大，但勝在乾淨企理。😙<霸王辣子雞>呢個辣子雞有驚喜😄，佢嘅肉質絕對拍得住新鮮雞嘅口感，唔乾唔硬，夠鑊氣，味道少辣好惹味😋。<椒鹽墨魚餅>墨魚餅好好食👍🏻，椒鹽份量好足料，完全唔覺油膩。<寧波醉蝦>隻蝦有我成隻手板咁長呀🤚🏻! 大大隻又夠哂肉厚，肉質結實，爽滑彈牙，非常鮮甜。<孜然牛仔骨>牛肉沾上了孜然的味道非常惹味😆，肉質亦非常嫩滑，送飯一流!👍🏻成餐飯埋單約4百蚊。超抵食又好味。下次會黎食酸菜魚~!😆

朋友們推薦我地去呢間店試下，既然咁高CP推介，咁就黎試下啦，真係好驚喜，份量又夠足，服務又的確幾好  ❣️"大盤酸菜鱼”🐠好味，魚片好有厚度，咬落淡淡肉且份量多仲有薯粉，点呢样再加个菜基本上已很饱肚，酸菜🥬好多而且酸辣味道好濃郁好美味"霸王辣子雞"🐔雞肉炸得脆而香口，係川菜入面的必食之選，紅紅烈火般的賣相，食落好夠火候，辣椒味完完全全滲入雞丁入面，好香”椒鹽龍王鬚”🐙炸得外脆內彈牙，椒鹽味好濃，夠哂味啦～魷魚又幾新鮮，唔係出面個啲林林的，唔新鮮的，配埋啤酒一流🍻店內的裝潢🎆好寬敞舒適又掛住大大招牌酸菜魚，好搶眼。總括而言，我覺得呢間店係名副其實的川菜火鍋店，啲菜式又多款，值得推介!😋

早排想約朋友食飯🍚，大家都中意食辣又想係香港試下食酸菜魚同川菜，就幾個朋友黎左呢間餐廳試下啦！餐廳裝潢唔錯，又開揚，店舖員工又好友善同貼心，不斷幫我地換水，加分~黎左大大盤酸菜魚，之前食過好幾間的酸菜魚發現呢間的辣，係同出面唔同，呢間係好似由薑帶出黎的辣。魚🐠方面，好彈牙，魚肉爽甜。湯方面，已經選擇辣湯底，整體酸辣度夠哂。酸菜方面份量足。配菜，萵筍、菇、炸蒜、芝麻。招牌去骨海南雞~成隻雞都好滑，去骨食好方便🐓雞肉滑仲加醬汁一流👍🏻三款醬包括海南雞醬、蔥油、辣醬，任君選擇。寧波醉蝦🍤係用生蝦透過料酒 醃製而成，蝦肉好入味，全隻都係酒同材料味，食落去蝦肉又好彈牙，好味。👯‍♂️上了一碟鱸魚片，放入酸菜肉加餸，鱸魚片唔會腥反而魚肉厚實之餘仲好新鮮，絕對係貨真價實同價錢合理!絕對推介黎呢間店試下。👏🏻

網上發現這間川菜餐廳，🎑裝潢寬敞，布置舒適，所以今日約朋友一齊試食。餐廳提供量度體溫同搓手液的服務，令客人可安心進食🥸，入到去好多客人十分熱鬧。招牌去骨海南雞:🐔🐔雞肉好多,夾開上面原來下面重有一層雞肉同雞翼，雞肉好嫩好滑又夠雞味,配埋油飯🍚一流椒鹽龍王鬚: 🐙鮮魷魚色澤金黃，外層好薄鲜，魷魚肉質新鮮肥美，口感外脆内嫩，十分彈牙同酥脆🙌酥脆五香卷 :🧆炸好后切块，蘸甜辣醬或辣醬一齊食，口感外皮酥脆，内餡爽口，香脆可口回味雞煲:🥘雞煲以5成熟上枱, 一上枱已有花椒香滲出，剛剛熟的雞🐥有先煎過再入煲, 雞皮唔會太油膩落單時，特別要求的多辣多麻，完全做到!而配菜包括, 洋蔥, 蒜頭, 青瓜, 紫洋蔥等等,整鍋昇華哂!總括而言，好滿足的一餐，埋單都幾百，性價比高，值得再光顧!😊

家人係疫情下相約在土瓜灣食川菜館，入到店都幾高CP值，叫左幾道菜都係超入味又足料💝，正呀！🗣️椒鹽墨魚餅又叫墨魚餅墨魚膠或墨魚滑，呢間係用新鮮墨魚肉捶打加工而成。魚餅🐙打好，油煎出鍋，再加上灑上椒鹽特別好味🤭黎啦～大盤酸菜魚🐟🐟開動~味道非常之好，而且每次黎，都保持了相當的水準，中意食辣，酸菜魚就最岩啦，入面的魚肉份量十足，煮到剛剛好而不老，而且啖啖酸菜，簡直絕呀！新叫左碟鱸魚片🐠，真係特別爽!點解咁講，熱騰騰的酸菜汁遇上鱸魚片，滾下滾下🥣，即時上碟的鱸魚片，魚肉新鮮又甜美，魚味好足，咁簡直係一個享受，望住佢滾熱再入口，非常療癒!正正正!講左3次，就知好重要啦🎉🎉🎉總括而言，呢間係頂呱呱，我絕對會再光顧仲要拉埋朋友再黎呀！🫶

疫情下想約齊人去食川菜的確唔易，難得同一群朋友來食一餐生日飯，當然要openrice一間性價比高的餐館啦！😋打開餐廳menu，當然係點幾道有名小菜啦❗️1️⃣一黎就係霸王辣子雞，很棒的正宗四川味道！價格係合理，雞肉炸得鬆脆可口，超級多辣椒，材料好惹味，超愉快。愛吃超级辣的朋友們讚口不絕呢道菜，下次再來幫襯再點!😆2️⃣餐牌有招牌去骨海南雞，唔中意啃骨的朋友們，呢碟簡直岩哂，夠方便!!而且呢海南雞肉質嫩滑🐔😋雞肉份量夠哂，而且油飯好香加埋炸蒜更加香口，令整碟菜式昇華哂~3️⃣食肉獸🥩的我們仲點左孜然牛肉，呢道菜係湘菜，係包哂油重、香辣、色濃~牛肉骨好細嫩又易咬口，清香惹味，完全係配飯一流4️⃣跟住到椒鹽鮮魷熱辣辣炸得剛剛好，咬落去魷魚係爽身，一食就知佢係用新鮮游緊水嘅鮮魷黎整！正呀！份量係大的，外表有酥脆嘅粉漿，內裡有爽脆嘅鮮魷，真係無得頂!👏🏻總括而言，服務效率又高，由落單到上菜都是15分鐘内完成，一定再光顧

之前食過呢間好多次，始終都未試過堂食一大盤！難得假期就黎試試📢呢間店的大盤酸菜魚好好味，同朋友都覺得呢度既份量同質量酸菜魚，絕對可以媲美出面較高級嘅食肆店鋪，店員仲好貼心💞呢～🐠🐠🐠🐠霸王辣子雞味道很丰富💯，雞肉炸得超香口，辣椒好多，食到停唔到口，仲愈食愈想加碼~寧波醉蝦啲蝦好鬼大隻，又醃製得好入味，食落去仲好彈牙，蝦係甜鮮清新，別有一番滋味🎶！酥脆五香卷🫔十分特別，雞肉同菜料一齊混合後再攞去炸，炸完香脆可口，熱騰騰的超滿足，超中意食!呢度的菜式是多樣，地方寬敞，服務好周到 👍🏻👍🏻👍🏻我一定會再黎食啦，十分推介喜歡川菜的同好者!