聚點私房 (已結業)

因疫情關係生日聚會都係選擇私房菜，在OpenRice見到評價都唔錯就試吓心態，一行六人訂咗（皇牌鮑魚宴）首先去到餐廳係一間都有返少許歷史但冇持續維修食店都比較殘舊，第一輪菜式八小碟，味道都唔錯，其後菜式味道除了杞子會菜苗都算不錯，尤其後加(加賀清酒焗肉蟹）更係全晚菜式精髓🤔，但可惜以這價錢食物同環境係不相符，就以加一服務費10%我們真見不到有任何服務，只見主廚王師傅每道菜都會問啱唔啱食，因為我哋唔係來試菜係來消費，其實這個動作可以減一半，當大家食完最後一碟菜竟然個侍應可以不問我哋就攞生日蛋糕到枱面還想即點火，其實當時時間大約9:30，食店好似有啲趕時間收工🤣最奇怪這店每樣都收費，飲杯茶都要每位計，私房菜都好少這個做法，冇裝修冇服務但菜式味道係可以嘅，希望店主睇到這食評除了食物都要注意其餘配套。

一行8 ladies食私房菜…朋友推薦「合家歡聚宴」食物如下…六小碟中梭羅魚最正番石榴酸甜得滯一定要order～「3個字」堅…足料老火燉湯，湯清味濃冇油用上紫砂茶壺🫖除咗gimmick外，確實有保溫效果鮑魚、鹿筋、鴨掌、牛蒡絲…烹調得恰到好處如換上鵝掌我會畀多一粒星大蝦🦐啖啖肉…鮮味十足大大隻肉蟹夠fresh夠肉地清酒味入哂蟹裡面 打開煲蓋，頓時酒香蟹香四溢兩斤以上嘅魚類其實蒸出嚟肉係唔夠嫩滑用油泡方式🐟應該會更好湯頭濃厚冇得輸…只係豆苗個人應為有少少overcooked🤏乾身、唔膩、粒粒分明秋冬之交…夠熱夠潤又清甜黃師傅出品確實值得一試我期待下次再品嚐唔同菜式

朋友安排左「聚點私房」慶祝生日🎂話明私房，梗係開間私家房😬我哋為咗影相靚啲，自己帶齊氣球佈置🎈🎈第一次認識黃師傅，好熱情，招呼週到，廚藝非常出色👍👍前菜6小碟，每款都醒胃好味😋特色紫砂茶壺燉湯，熱辣辣一口湯，足料夠火喉花雕杞子醉賴尿蝦🤤一流煮法加賀清酒生焗肉蟹🦀多肉鮮甜泡泡冰鎮鮮鮑魚😋鮮👍新加坡胡椒煱大蝦🦐夠濃味超正拔絲咕嚕黒豚肉🐷自家拉拔絲配香桃啫喱🍑全晚我「老細」不停話超like⋯⋯🤭🤭🤭真係好好味😋多謝best friend💜💜辛苦黃師傅

由於疫情關係,慶祝舊同事生日,所以我地選擇去食私房菜, 首先當然要去OPEN RICE揀啦﹗最後我揀左"聚點"私房菜,。之後就聯絡黃師傅時揀餐及BOOK位, 我地揀左"創世紀宴"。首先昨晚一去到就食前菜六小碟(無太大驚喜,好似上海野頭盤咁),之後就黎左個燉湯,個燉湯就好特別,用個紫砂茶壺黎斟湯,真係第一次見唔好以為細細壼,但飲極都仲有好多而且飲黎飲去都仲熱的,所以依點係好值得讚賞跟住就食個焗蝦、花膠鮑魚都唔錯、仲有個細細碟既蒸龍躉(味道不錯仲有塊豆腐墊底、之後仲有半隻醬汁肥雞(隻雞真係不得不讚呀﹗好滑好入味、之後仲有個清酒焗肉蟹、金菇豆苗同埋個櫻花蝦炒飯,最後黃師傅送左個紅棗桂花圓肉茶甜品(雖然個甜品聽起黎好簡單,但黃師傅話都要燉三個鐘,非常清甜,D同事好飽都飲得晒...今次飯聚真係大家都有讚無彈大家今晚都好滿意好滿足....雖然無放相但係味味餸真係好好味

呢間店嘅裝修都唔錯環境幾好，位置都比較闊落，同埋班同事一齊過嚟食覺得呢間店性價比都幾高咖，我最鍾意嘅係口水雞飯，$45就有得交易，份量都幾足，關鍵係味道夠好，雞肉嘅肉質都唔錯比較滑，配埋啲醬一齊食仲好味!

同班朋友去左尖沙咀「聚點私房 」食私房菜😋😋地址: 尖沙咀麼地道33號海景大廈6樓前座先黎6款不同的前菜陳醋青瓜、甜酸苦瓜、魚乾仔、沙律....甜酸苦瓜最特別重頭戲我最欣賞既係個湯用紫砂茶壺燉湯，材料夠晒份量，熱到辣口，好似飲茶咁倒落個杯，一齊乾杯🍻爽呀👍🏻之後再嚟歌冬菇花膠炆鮑魚用刀叉切切切慢慢品嚐一鍋上的焗肉蟹份量不是太多不過係肉蟹啖啖肉乾燒蝦，一人一隻好香口仲有雞、菜苗、同個炒飯，飽到食唔落😂

I thoroughly enjoy the meal here at 聚點 They really use great ingredients and season them well for each dish. Very good for value!N I particularly like how they serve the soup with traditional Chinese teapot! The abalone is nicely done too.Thank you Chef Wong and team.

今晚同同事食慶功飯，由於食嚟食去都係食酒樓嘅商務晚餐，於是就上網搵一啲有特色，又好食又精緻私房菜。搵搵下搵到呢一間叫聚點嘅私房菜，佢鄰近k11商場 ，由k11商場行過去都係一至兩分鐘，可以話非常方便。由於我哋食飯嘅時候係星期一夜晚上 ，嗰度唔算好多人。 店主留了間房俾我哋 ，坐係房入面，傾計好方便，唔會俾其他人打擾到。至於佢嘅菜方面就非常特別。所有菜式都要提前預訂，而我哋呢次點嘅菜式比較特別。有魚有鮑魚有蟹有蝦，五個人食，連埋酒水都係$520。1）有六種唔同口味嘅小吃( 陳醋青瓜 甜酸苦瓜 乾魚仔 沙律海葵 等等2）用紫砂茶壺燉十幾個鐘的湯（瑤柱燉響螺湯)(非常之真材實料）3）上湯香草焗大花蝦 （好大隻蝦）4）鮑魚花膠扣北菇5）陳皮蒸深海龍躉球 （龍躉球好味， 墊底嚿豆腐好鬼滑，想問佢點整）6） 加賀清酒生焗肉蟹 （呢一味餸一傳入嚟服務員一打開個蓋就成間房充斥著好香嘅清酒味 雖然呢個煲 望落去比較乾身 但係啲蟹肉又出奇地好juicy）7）香菇會翠苗 （都唔錯）8）脆蝦雞粒炒飯 （ 可能之前食嘅餸充滿咗驚喜 ，食到最尾呢一個炒飯，覺得就一般啦）9） 時令甜品 ，太好食，忘記影相（ 雪耳冰

私房菜聽得多.但從沒品嚐過..適逢朋友屋企人臨時有事.所以便被朋友邀請了.有幾個價錢可以選擇.而我們所選擇的是每位$608的餐單.當然不同價錢就不同食物啊..我們所選的菜單：先來醒目六小碟 （個人最喜歡是苦瓜話梅）其他味道也不錯之後便上湯..是用茶壺上的.蠻特別..而湯味道很濃很足料😋😋到主菜了..龍蝦..是用鳯梨做汁.很新清.而龍蝦也有膏和夠大隻酥炸生蠔配綠茶凍..酥炸生蠔沒什麼特別反而綠茶凍有驚喜法式釀焗鮮鮑魚 - 覺得可惜了..因為首先是鮮鮑魚個人認為不需要用那樣配搭..簡簡單單蒸已足夠.第二將鮑魚切粒..完全食不出那裡有鮑魚杞子玫瑰蔬.被賣相吸引..真係成朵玫瑰咁.飯 - 其實全靠椰絲才有椰子味.開頭以為是用椰漿炒成的炒飯.所以有點失望另外加了這個牛（忘記了菜名）..牛夠林.值得一試最後是甜品..

慶祝友人新婚，梗係要食D特別D既野！我地一圍枱早個幾星期book左，因為佢customize菜單同要prepare晒D材料／份量，所以約實左就千祈唔好放飛機咁衰啊（當然，佢有收deposit保障自己）。地點俾想像中難搵，雖然都好近地鐵站但就咁睇真係唔知上面仲有間私房菜。上到去真係人地屋企既格局，真係係度住都幾方便喎xD 大廳有2圍枱，兩間房各一圍，都幾private幾感覺！有專業book柗經驗既朋友仔已揀左菜單，事先俾左＄2000 deposit，去到就坐低食！﹣前菜6小碟：有腌苦瓜（但一D都唔會，仲好爽脆，唔知佢點整的＠＠）、炸魚仔（好香，搞到想黎番碗白粥）、沙律（甜既， 中式前菜黎講都算少有...唔似中式野，沙津醬太多）、菜甫青瓜（爽甜的加左少少醋，唔係重口味既拍青瓜但都幾清新）、烤麩（好味，係上海菜館果種，但佢凍上同埋無咁咸，帶點甜味），最後一個唔記得左﹣一黎就黎功夫湯， 個個都以為係茶點知見一人一壺先知係出名既湯，個個黎到必飲！是晚係雞腳花膠，好香濃，飲完咀邊黏黏地，完全feel到花膠既膠質～打開壺蓋見到入面既材料，都有D花膠塊可以食到！同埋雞腳煲到超淋，都有膠質，好好味啊！﹣

朋友約吃飯😋話介紹一個好有驚喜嘅地方😄問佢係邊？神神秘秘咁......話去到咪知囉😄上咗去.推開道門.地方整潔同燈火通明👍3⃣️間細房咁配搭好適宜嘅裝飾品👍👍👍最最最好嘅係洗手間好乾淨👍👍👍 餐前小吃涼拌花膠！話梅涼瓜！醬爆魚仔等等都一極棒😋😋😋 最最窩心嘅係大廚老板👍👍👍每上一度餸都好貼心咁介紹菜名，之後又會問食物嘅味道如何同有乜野改善的地方，好虛心接受客人嘅意見，呢啲咪抵佢成功囉👍👍👍

師傅問今日想食咩既時候我又諗唔到咁就問師傅有冇新口味啦、冇咁悶嘛點知全晚啲菜色都覺得好驚喜又好味一黎上個龍蝦鮮茄雜菜濃湯賣相已經夠吸睛、入口簡直不得了、濃濃的蕃茄味帶點蝦膏香仲有淡淡的菠蘿酸同香味夾到不得了反轉個蕃茄仲有雜菜食仲有上面個脆脆米通沾啖湯脆卜卜好得意再黎個翠綠芙蓉北寄貝飲完個紅色黎個綠色、見到都想倒哂落口超吸睛下面原來係又香又滑既蛋白帶鮮甜北寄貝味好好味囉Summer Summer香草焗龍蝦哩個又係出奇地好好味、香草牛油點解可以同龍蝦咁夾嫁？！師傅真係好野隻龍蝦仲要超爽口彈牙本來已經覺得好幸福滿足、新驚喜仲繼續黎冰填醉懵仔奄仔蟹、奄仔好實肉加埋陣陣酒香拆蟹終於唔洗怕燙手脆皮百花銀芽蘿蔔糕、又香口又好食、原來蘿蔔糕都可以咁整仲有墨魚膠係入面？！再次想問點解可以咁夾今晚真係多謝師傅帶新口味俾我好食到好感動

今日約埋知己食飯、一早book定vip房、一邊食飯一邊慢慢傾唔知今日做咩勁肚餓、一見個開胃醉蝦已經食指大動隻蝦又爽又彈、加埋啲飲醉既杞子食完蝦再黎個遼參鵝掌心機菜一定唔少得、一試就知師傅好講究每個功夫好入味口感又好再黎個剁椒帶子同帆立貝香得黎又勁鮮甜今日個新菜上場喇師傅知我鐘意食牛特別叫我試試我地一班牛魔王唔洗幾分鐘就食乾食淨、個皮酥脆、肉又夠嫩滑仲要一啲都唔覺得佢油點埋個醬汁無得頂今晚香口野再度升溫、未入房已經傳黎陣陣香味上到枱仲聽到石板發出吱吱聲、色香味都出哂黎又係唔洗幾分鐘就食乾食淨飲埋個冇味精既湯、大滿足今日樣樣都好好味、上得黎食飯多、師傅已經知道哂我口味、知我未食過佢整既香酥牛特別叫我試試、果然一試難忘！！原來師傅十幾年前已經整哩個菜、唔怪得咁好食哩份細心真係勁窩心地方又舒服又唔嘈果然係聚點

浩仔的百日宴大家都非常重視，特別係嫲嫲，所以大家商量之後便選了這私房菜。餐前有六個小碟，當中比較特別的是有：柚子石榴，這配搭的配很清新、蜜糖煮栗子夠清甜夠鬆化，麻辣蹄筋辣得好惹味，黃師傅仲得要做咗一個甜醋鵪𪂹蛋，好有口感但又唔會滯。吃過小食之後侍應送上一個"原貝燉響螺湯"，係用茶壺盛着的，我還以為只有日本才有茶壺湯，打開了茶壺見到有原粒乾瑤柱、螺肉、瘦肉粒和金華火腿粒，這湯完全不覺油膩而且非常鮮味值得一讚。飲完靚湯便是吃"香草紅酒焗大蝦"，這大蝦除了爽口外還很入味，沒想到原來紅酒不一定是要配肉類，原來用來烹調海鮮都可以好好。之後又輪到一道"原隻鮑魚全家福"，嫲嫲話個餸名夠好兆頭，見埋碟菜嘅澎湃樣子，佢老人家得笑得仲開心。"加賀清酒焗肉蟹"給我很大的驚喜，一向好辣的我認為清酒比較淡，但想不到這個蟹煲用左清酒烹調，除了蟹肉結實兼且顯得清甜，而且有濃的酒香。"花雕紅蔥頭焗雞"，都係好味道，雞肉很香之餘亦都好嫩滑，睇嚟這位黃師傅對於用不同的酒類入饌都應該好有心得。成晚大家都好開心特別係嫲嫲，佢仲話下個月的生日飯一定要再來這裡，難得老人家咁高興我們都很開心，試問有什麼可以比得上起一家人開心開心的

今日班friend同我慶祝生日， 我鍾意食中餐 但係已經喺酒樓食到好悶 ，有個friend比啲提議我不如去試下私房菜， 一入門見到啲裝修都令我有啲驚喜， 佈置得非常雅緻唔同一般嘅酒樓， 一入到房我見到有個小食擺咗喺度， 咁我問師傅係咩嚟，師傅就話係麻辣脆魚骨，咁就啱曬我啦因為我最鍾意食辣嘢嘅 仲要係免費添👍一上菜 係六小碟甜酸苦辣都有 真係食盡人生百味，到湯上場估唔到係用一個 紫砂茶壺上 經過師傅介紹 佢話係用雲南氣鍋雞想出來 嘩嘩仲一啲油都冇喎， 原來 中國茶都係一人一 茶壺 自己口味真係細心 估唔到 個師傅都幾浪漫呀 ❣竟然將一隻鮑魚放喺一個香檳杯上仲有玫瑰花 真係吸引 仲好味到不得了， 唔使專登飛去星加坡 呢度嘅胡椒蝦大過手板 仲好味啲添， 啲friend知我鍾意食魚 師傅好細心 將條魚，魚肉 ，魚骨 分開做 啱曬我 ， 再上一隻燒雞 返friend送酒絕配， 今晚好盡興 多謝啲好姊妹為我悉心安排 好似去咗好多個唔同國家食嘢一樣 最後多謝王師傅 細心講解每一道菜式做法 真係收穫豐富 我叫咗男朋友 情人節一定要 再同我嚟呢度食飯。