聚點私房 (已結業)

轉了新工一直好忙，終於可以約埋一班舊同事團拜，同事A揀了這一間私房菜，話有房夠privacy ，食完飯唔使再轉場揾地方傾計，昨晚的各款食物都非常精緻可口👍🏻👍🏻個話梅涼瓜做得好好味一啲都唔苦仲好開胃，個糖醋魚仔都好香脆🐟忍唔住食完又再食，個瑤柱湯用個紫砂茶壺裝住，除咗精緻之外仲發揮到保暖嘅功效，飲嘅時候D湯熱辣辣好鮮甜可口😋😋，其實食到個鮑魚嘅時候我已經好飽好飽，但同事A話個清酒蟹煲🦀好好味，叫我一定要試吓，佢冇介紹錯真係超香超鮮甜。餐後個大廚王師傅仲入嚟打招呼問，我地啲嘢食啱唔啱口味，我乘機問佢個蟹煲係點整，點知佢又真係肯教我。👏👏今晚有美食佳餚，有好朋友相聚，仲有大廚教路，非常盡興，真係好開心，下次有飯局我都會再嚟🎉🎉

過年前提早同屋企人食飯、出面間間迫到死、今年一早book定房舒舒服服同屋企人食餐飯上完前菜八小碟個個都食指大動，蝦伊面一上抬就分哂、相都唔記得影伊面脆卜卜加埋個汁再加隻蝦醫肚一流過年前補補佢一定唔少得花睇鮑魚鵝掌因為怕菜色有啲悶老人家年年都食果啲、事前要求黃師傅多花心思整多少少花樣、上枱先知原來有燕窩福袋、一黎個個都問係咩黎，老人家一聽到中間果粒野有燕窩即刻笑到甜思思燕窩福袋又幾特別幾得意又養顏樣樣都好入味、食到橫掂過年都要增肥、一於食魚都濃味啲唔要清蒸、黎個紅燒好滑好野味由於今年某位大爺話要食乳鴿所以都叫黃師傅準備又係果句橫掂都要增肥、一於去盡佢黎個香蔥燒同樣都係勁野味哩個時候真係差唔多飽飽、黃師傅講得無錯，book枱時話應該整多個菜就差不多夠預得剛剛好野味咗成晚、個菜緊係要加返啲味、今次由黃師傅發板叫佢幫我諗諗佢、上枱先知係海鮮湯好鮮甜好好味、原來黃師傅見今日有咩新鮮就幫我發板連個菜都咁好味真心俾個黃師傅因為訂咁房今晚成餐飯都坐得好舒服、又夠私密，團年飯有個咁既地方真係好、早啲book定都抵

1）餐單收費每人$368連水也不供應，蒸餾水小樽 都$18，極不合理！2）選餐：聚點六小碟-淮𣏌燉響螺湯醬皇香蔥大花蝦金蒜白玉蒸元貝拔𢇁咕嚕石班球🐠芝麻照燒豖肋排金菇會菜苗炒飯粟一燒敬送精美甜品 全部食材都係下價食品！例如青瓜、苦瓜、 金菇之類，所謂石班球根本係急凍魚！所謂 精美甜品只係桂花雪耳超甜糖水！3）服務亦極為不佳，特別強迫客消費飲料本人認為此店極差，從來未試過吃一家食肆要寫此劣評公開此店營商手法極為差劣！

收我成千蚊一位，用料係新鮮和名貴，不過唔應該係呢個價。每道菜每人得一舊，唔好以為會係成條魚上俾你，係用一隻碟仔咁既野上俾你，每人一舊仔。幾個人的價錢，夠去類似鴻星既大酒家食一圍了。

尋晚去聚點慶祝同事生日，揀左個每位$448餐。未上菜前，飲茶要一人一壺，普洱每位$32! 菜色係有點特色別緻，份量少得可憐,一人一件雞，一舊魚，一隻蝦，一粒帶子，少少豆苗，味道一般。買左三個cupcake, 每人收切餅費$10, 就算唔切蛋糕，都要收！每人收費$5xx, 咁既價錢，一d都唔值! 我去酒樓食海鮮都得！一定無下次！！！！

A close friend of mine invited me for dinner at this private kitchen. When we all arrived at 8pm, we were warmly greeted by the chef, Mr. Wong who gave us a quick run down of our course for the evening. We ordered a bottle of their white wine and it was very smooth, slighty fruity and definitely ignited our stomachs for the meal to come. The appetizers consisted of 4 small dishes. Marinated cucumbers, deep fried small fish, shanghainese cold pork and black duck eggs. The latter two choices I lik

朋友推薦，於是一家四口決定端午節及父親節一齊慶祝。我們訂了每位$348的冬日暖意宴，另加了加賀清酒焗肉蟹。前菜六小碟，有兩味十分精彩，甜梅番石榴片及凉拌苦瓜。大花蝦是半煎炸，十分野味; 咕魯石班球，其實是拔司石班，口感出奇的好。我爸和honey最欣賞還是加点的「加賀清酒焗肉蟹」，亮點是煲裡一滴水/酒也沒有，肉質嫩滑，吃時透出現陣陣清酒芳香。吃到最後一舊已涼了，honey話食落比熱食時更鮮味!

已是第三次光顧聚點，每一次菜式都有驚喜及高水準，服務也非常殷勤，黃師傅常親自詢問對菜式意見，非常貼心。在眾多菜式中，最欣賞的便是清酒焗肉蟹。肉蟹新鮮，有淡淡酒香及煙燻味，非吃不可

第一次番工出糧想感謝下父母，於是想搵間好啲ge餐廳食番餐，估唔到搵到間咁正 講下環境先～地理位置勁方便，地鐵站一出行過2步就到～ 另外有BB ge關係，好貼心咁安排左一間房比我地 而且間房隔音幾好，出面明明十幾人食緊飯，一啲聲都聽唔到～～ 我自己最愛啲炸魚仔同糖衣栗子 屋企人話個酸梅涼瓜都好正，我未到半生就唔識欣賞呢啲半生瓜啦 其他仲有淆肉、青瓜同好特別ge柚子醬番石榴都好正 嘩！呢個不得了，全晚三大亮點之一！身為廣東人，湯就一定係由細飲到大！所以出街要搵啖好湯飲其實好難(除非你滿足於味精湯 :ghost 講番個湯，足料夠火候就不在話下，師傅仲要好心機到一人一個紫砂壺咁上，外觀吸引得黎，又可以保溫，方便你慢慢飲，真係好正 隻蝦大隻到暈左 配埋淡淡的香草味，真係食到lamlam脷 豪華併盤，有齊鮑魚冬菇花膠鵝掌～師傅再神來一筆，脆炸牛蒡絲！炸到脆卜卜，點一點啲汁黎食， 亮點2號！(家燕姐mode)實在太好食啦！以後食唔番點算！ 係因為家父係魚迷，所以特登拜託黃師傅整條蒸魚～估唔到黃師傅幫我地買到條海ge黃皮老虎班！勁新鮮同勁

老豆今年生日剛剛碰正冬至正日，周圍都好多人吃飯，為免同人迫又唔想食到趕頭趕命，係openrice搵到這私房菜便訂了，結果選個很貼題的"合家歡"風味南北八景小碟:有蒜茸拍青瓜，麻辣花膠，蜜糖栗子，酥炸小魚子，柚子石榴，甜酸涼瓜，𧐢油齋雞粒，鎮江肴肉。香草紅酒焗大蝦皇：原先以為紅酒只能配肉，不能配海鮮，但酒香襯托出蝦的鮮味。原隻鮑魚全家福：除了有原隻鮑魚外，還有其他的海味如瑤柱、花膠、冬茹、鵝掌、樣都炆得很稔很入味，賣相亦很華麗。🎉剁椒蒸新鮮元貝：惹味的剁椒，和蒸得剛剛好的元貝，配搭得天衣無縫。😋杞子玫瑰會雙翡翠：看得出師傅是挑選了最嫩的部份，所以很滑，但我就略嫌淡味。花雕紅葱頭焗肥雞：未上枱已經聞到很香，食落去感覺肉質很嫩滑，原全不嚡口，好正👍飄香蝦崧炒飯：飯炒得夠乾身，亦唔覺油膩。大家見到老豆對今晚的地方和菜式都很滿意，並且吃得很多，都覺得很開心，都打算年夜飯再來。

上次聽朋友說試過這私房菜，口碑很好，所以今晚專程約了幾個朋友來試試，感覺地方環境不錯，很適合幾個朋友很悠閒的一面食飯一面傾計，而且菜色很精緻，擺設得很別緻，味道都做得很銀好，最主要是沒有吃了味精那種口渴的感覺。

中菜原來都可以浪漫在聚點跟黃師傅相熟了，他知道我和老公都很喜歡吃海鮮，所以係我們想二人世界的這晚上，替我們準備了這個海鮮盤菜。（個名係我改嘅）這個盤菜上檯時我已經覺得好開心，因為材料實在太吸引，有啖啖肉嘅原隻開邊龍蝦、大大隻嘅鮑魚、特長嘅蟶子、新鮮肉厚嘅元貝、仲有肥牛肉、鮮冬菇、荷蘭荳、香芹、娃娃菜、芽菜、滑豆腐和烟烟韌韌嘅韓國年糕添，仲要加埋D好浪漫嘅玫瑰花做點綴，個look真係殺死人。師傅話我知每様海鮮，佢都用不同的方法烹調至半熟，例如龍蝦先用上湯煮過，鮑魚用果皮蒸過，元貝和蟶子就用蒜茸先蒸一蒸。我覺得這樣的做法，可以將各類海鮮的鮮味吊出來，另外由於有個gas爐滾住，，就好似吃盤菜一樣，好啱天氣凍凍地，可以慢慢食又唔怕D嘢食會灘凍，又可以鍾意食邊樣便㚒邊様，同一時間可以吃到各種不同的滋味，又不會像打邊爐般這麽單調，最後D年糕索哂D肉汁嘅精華真係超正。師傅話如果下次多幾個人食都仲墟陷D。今晚因為食海鮮，所以開左枝白酒一邊飲，一邊對住個鍋慢慢嘆，除了可以靜靜地一邊傾下謁，仲可以順便追埋套on call 36嘅大結局，真係好relax好舒服。喜歡這裡就是這個原因

哥哥和女朋友準備出年結婚，約了雙方家長見面，幸好May May介紹了這私房菜，原本只想找一個環境舒適不嘈雜的地方，讓我們這兩家人可以一起商討如何籌辦婚禮，可喜的是這裏的食物水準亦令到大家滿意😄我們一共有八個人，選了名字好意頭而菜式得體的”合家歡"套餐。開始的六小碟已經感覺很好，分別有蜜醆栗子，麻辣牛爽肉，話梅苦瓜，糖心皮疍，糖醋一口魚，柚子汁番石榴。栗子一向都是媽媽的至愛，這裏做得好鬆化甜美👍，麻辣牛爽肉真係好爽口又夠麻夠辣，好味到要encore一個😋😋另外個糖醋魚仔夠哂香口惹味，個話梅苦瓜就連我一向唔食涼瓜嘅都食左幾件。第二道的是："瑤柱燉响螺湯"，這湯燉得很夠火候又夠鮮甜，最重要係沒甚麼油，我上網知道這𥚃的招牌燉湯係用紫砂茶壺盛着食材原個燉，而個工夫茶杯係代替匙更來飲湯，初時以為這只是啄頭，但原來這様可以使我們不用因為一次過飲完些湯而吃不下其他菜式，而個湯亦不會凍，㕑師果然很細心💓第三個菜是："原隻鲍魚全家福"除了炇得很稔很入味的原只鲍魚外，還有其他海味如又肥又厚的冬菇、又軟又滑的鹿根及黏滿鮑魚汁的鵝掌，真的是很豐富。😋第四個菜是："香草紅酒焗大蝦皇，隻蝦都好大隻好彈牙。第五個菜是

終於回來了，可以約些好朋友見面，在openrice見到這名字~聚點，很合我的意思，很高興食物都滿意😋 前菜六小碟：有很開胃的話梅涼瓜，清香甜美的柚子石榴，脆卜卜的糖醋魚仔很惹味，個蜜糖栗子食完又想食，仲有手拍青瓜好新鮮，還有一個蠔油齋粒。 原壼淮杞燉響螺湯：熱辣辣又鮮甜，最有趣是用個紫沙茶壼燉，用隻茶杯仔飲，師傅說這樣可以很保溫，慢慢飮都不會涼。 胡椒焗大花蝦：胡椒的香辣椒帶出蝦的彈牙和鮮味。但比較辣了一些。 金蒜白玉元貝：元貝底下放的豆腐吸收了元貝的鮮味，又香又滑。😋 鳯梨拔絲黑豚肉：新鮮菠蘿炒出來的味道是和罐頭完全不同，件黑豚肉夾起真係有拔𢇁，好sweet。 菊花煙焗䱽魚：䱽魚有微微的煙芬香味，配合一個酸酸甜甜的醬汁，好特別。蝦子野菌菜苗：菜苗原來是豆苗，真的好嫩滑，配合肥厚的菇菇，唔錯。 金粟咸肉炒飯：以前未試過食咸肉，咸咸地都幾得意，個炒飯雖然不油膩。但我就覺得乾了少少。 同舊朋友這麼耐沒有見面，真是很多說話想講，難得這𥚃環境舒適，訂枱時問了有房，可以讓我們有私人空間慢慢坐慢慢傾，結果我們過了一個愉快的晚上。

是晚約了一衆好友在聚點晚飯為慶祝昌哥有更好的發展機會。由於與黃師傅相熟，所以由他安排菜式，享受了一個充滿驚喜的晚上。首先出埸的是一大盤海魚和花竹蝦的刺身，條魚鋪切得好靚，仲好似識跳咁，很有鯉躍龍門的好意頭，魚肉的鮮味和花竹蝦的爽口彈牙，真係好正。吃完刺身後，師傅還把魚頭和蝦頭召鹽，啱哂D男士餸酒。吃完這些生冷的刺身後，就是這裏招牌的燉湯，今晚的是香菇炖蜆鴨，除了鮮甜外還帶著陣陣的清香。接著的是芙芙的至愛，紅棗杞子仲有金針雲耳一起蒸的野生水魚，這個充滿骨膠原的莱式，是女性滋補養顏的恩物，濃郁的香味攪到大家忘記了"相機先食"呢個習慣，所以俾唔到個全相比大家睇。但我最開心就是個雞蛋焗魚腸，記得以前阿媽話過呢個餸係工夫竇，單係洗浄些魚腸便要花個多小時，之前亦有在別的地方吃，可惜只吃到魚肝，幾乎找不到魚腸。但今晚便吃到一個真真正正的焗魚腸，魚腸的甘香配上焗到脆卜卜的油炸鬼，話怕肥都停不了囗。最後上枱的是一碟上湯浸黃帝菜和一碟賣相普通的切雞，怎知入口充滿咸香，除此之外雞的肉質亦充滿咬口，忍不住請教黃師傅，得知這是馳名的清遠走地難。今晚大家對菜式的安排都很滿意，很多謝黃師傅的夠heart，記得我們喜