聚興家

营业中

休息中

​​昨晚聯同四位好朋去聚興家，因為都算網紅店，但是非常失望。價錢偏貴都無問題，每一個菜份量非常少，而且上菜慢和不熱。每一個菜，基本上要等至少半個小時，豉油王炒麵最離譜等了一小時半，也等不到要取消。最後上了一個酸菜魚，原本是498元，之後服務員說今天有野生海魚，話客人開了一半叫我們要另一半收698元，我們都冇所謂啦！哇！整碟酸菜魚，只有四片肉，全部魚頭魚尾，非常之差，連格離枱的客人都閙離譜，服務員說是一條大魚分二份給我們兩枱客，大家都說点解二枱的魚都無肉只有頭尾骨，此刻服務員無聲出，轉頭話條魚成本980元只收398元，根本不是金錢而是誠信問題，咁樣欺騙顧客，永遠不再去，其他菜不用題😡絕對搵笨的一間酒樓, 不是綱上講咁好食，絕對是我從未見過這樣欺騙客人的銷售手法。如果是名人或有頭有面的人一定落手落力煮足料，因為看到FB時常老板同名人拍照。

1, 新鮮鹽焗雞 -> 太老2，上湯龍蝦煎米粉 -> 好味3，滕椒正海魚 -> 做法嘥咗條魚 ，性價比☹️4、花甲蒸滑蛋 👌🏻 但係好普通5、新鮮菠蘿生炒骨 -> 10 件都冇6、鹽油鹽焗從皮蚧 味道可以 一隻細 ☹️7，餅越式墨魚餅 👌🏻8，芥蘭煲 普通9，湯 ，全晚最好👍🏻6500.00 性價比好低，希望可以有改進空間。 未試過可以唔試，食完包你有後悔嘅感覺，咁嘅價錢絕對唔需要食呢啲嘢，香港的仲有好多好嘢食，所以絕對係失望而回。

This was our second visit and the pan fried rice noodles was the dish we were longing for!We accompanied it with lobster this time (we had it with beef last time). SO GOOD! The rice noodles were super crispy, but not oily, and it was a perfect match with the supreme broth.I don't think there are any other Chinese restaurants that do the same dish

太子大角咀一帶好多小菜館，試多幾間，好多時會意想不到既驚喜。聚興家拎過米芝蓮，價錢都偏貴，不過朋友聚會可以多食幾款！🔸紅燒乳鴿，上枱就正常，但一咬就知係正野！上手溫度仲好熱，外皮好輕薄但脆，係酥脆個種感覺，裡面啖啖肉而且無論髀位定翼位既肉都好嫩，食完意猶未盡，必點！🔸花甲蒸蛋，賣相靚，花甲每粒都大隻，蛋做得比一般蒸蛋滑，好似雞蛋羹咁，搞到花甲都變做陪襯🤣。 🔸菠蘿生炒骨，就一般般，有拉絲既感覺，不過冇乜肉食。🔸新鮮鹽焗雞，真係要值得一讚，除咗夠鹹香仲要非常之滑溜，連雞胸都唔會鞋口，正👍 🔸豉椒鮑魚片煎米粉，本身應該係聖子炒嘅，但果日咁岩無哂，我地就問有無其他海鮮，結果叫左四隻鮑魚，切片，配煎米粉。火候剛剛好，唔會煙靭，反而米粉唔係煎而係攞去炸，太過脆口，失去煎米粉外脆內軟嘅口感，同埋有啲薄。🔸聚興家小炒王，佢用蒜芯炒，好味過一般用韮菜花，爽口，有驚喜。🔸金銀蛋時菜，純粹有樣濕下口，菜類健康啲，都好有鑊氣🔸最後上一個砂鍋炒飯，好好填飽肚，好味，熱辣辣一行六人，食到飽飽了價錢一人300幾，都算係試下，勝在碟頭大，都偏貴。

今晚老闆萬歲，佢食過幾次話呢間唔錯，於是帶我哋去品嘗！預訂咗豬橫脷粉腸粉葛鯪魚湯、紅燒乳鴿、新鮮鹽焗雞同籐椒蒸紅瓜子！粉葛鯪魚湯～用大量材料煲制而成，粉葛、鯪魚、赤小豆、紅腰豆、粉腸、腩肉仲有豬橫脷同煲，湯頭濃香鮮甜，難得係沒有味精的老火湯👍新鮮鹽焗雞～真係要值得一讚，除咗夠鹹香仲要非常之滑溜，連雞胸都唔會鞋口，正👍紅燒乳鴿～皮脆肉嫩，咬落有超多肉汁，又係必食之選！滕椒蒸紅瓜子～我老闆豪氣地點了一條兩斤多的游水紅瓜子，加上滕椒一同蒸，有極香的麻椒香味又不過辣，肉質彈牙到不得了，沙皮煙韌又夠厚身，膠質重，滿滿的骨膠原，正到無與倫比😋老虎斑酸菜魚～雖然用了新鮮老虎斑起片去煮，肉質軟滑沒有骨，但用咗胡椒湯底去煮，我個人就一般般！豉椒蟶子煎米粉～聖子炒嘅火候剛剛好，唔會煙靭，反而米粉唔係煎而係攞去炸，太過脆口，失去煎米粉外脆內軟嘅口感!砂鍋炒飯～呢個真係唔錯，飯炒到粒粒分明，再加上菜粒、魷魚粒、蛋白同炒，夠乾身，食得出大廚嘅功架了得！菠蘿生炒骨～香煎墨魚餅～生炒骨用新鮮豬肉去炸，剛剛出爐所以咬落外脆皮內有肉汁，掛汁仲可以拉絲，唔錯！墨魚餅食落有墨魚粒，超彈牙，略嫌煙靭得滯！啫啫芥蘭煲～白灼金菇

太子深水埗既小菜館係高手雲集，試多幾間，好多時會意想不到既驚喜。聚興家雖然拎過米芝蓮，但價錢仲係好抵食，好岩聚會！黎之前已經睇到好多人推薦佢地既紅燒乳鴿($68)，黎得太晏好彩叫到最後一隻😩，上枱就平平無奇，但一咬就知係正野！上手溫度仲好熱，外皮好輕薄但脆，係酥脆個種感覺，裡面啖啖肉而且無論髀位定翼位既肉都好嫩，食完意猶未盡😍，必點！海鮮類都係驚喜既，花甲蒸蛋($198)賣相靚，花甲每粒都大隻，蛋做得比一般蒸蛋滑，好似雞蛋羹咁，搞到花甲都變做陪襯🤣。豉汁蒸大鱔($298/半條)叫個陣見佢比一般既貴一倍有多，上枱知係值得既，因為一碟有成11舊，而且佢用既鱔係巨型版，食落啖啖肉唔會咬少少就到骨。魚香茄子煲($98) 炆得入味，好驚食茄子食到個種比唔夠油半生熟既感覺，好彩喱份夠熟又惹味。菠蘿生炒骨($98)就一般般，有拉絲既感覺，不過太多骨冇乜肉食。

一行8人，叫左8個餸，全部都好好味，大滿足！大推紅燒乳鴿，真心好耐冇食過咁高質嘅燒乳鴿，大細適中，做到真正嘅皮脆肉嫩，而且保留到肉汁，不得了 （我地有預訂）煎米粉絕對係必食之選，明明係煎嘅米粉但做到炸嘅口感，而且可以自選要咩配搭，極度推薦蒸白鱔條鱔超新鮮完全唔腥亦冇泥味，火喉啱啱好，肉質彈牙，正！椒鹽鮮魷食落脆口唔油，亦唔會難咬，好味！另外叫左碌鵝，蒜蓉蒜蝦，水煮牛肉同香酥骨，都好味，不過未去到驚為天人

聚興家 ～～ 就連香港多間著名米芝蓮餐廳師傅放工後都會去聚聚嘅餐廳你都知道佢絕非等閑之輩師傅成名故事10分勵志，我自己都算係一個常客，每道小菜都有返咁上下功力，集平靚正於一身，介紹幾款比較出色乳鴿：脆、Juicy , 有肉藤椒蒸東星：用少少花椒去蒸條魚，又唔會比辣味搶走成條魚嘅鮮味，帶少少麻香，師傅功力可見一班。上湯龍蝦/ 海蝦煎米粉： 米粉煎得10分乾身，脆卜卜，老闆仲要特登配多一碗汁等你去沾，這個不得了花甲蒸水蛋： 越簡單嘅菜就越難控制，雞蛋煎得10分亂畫配上配上淡淡花甲鮮味，起碼要兩個靚仔酸菜魚： 味道啱啱好，唔會一味辣，魚滑，好味

以前兩個人食。叫半條魚都係$三四百。仲要係比東星班。今日四個人食。建議我哋叫龍躉。真係好難食。好失望。首先個湯冇拎啲魚骨去煲。不是奶白色。變咗啲魚肉整熟咗之後都冇味。情況就好似用滾水整熟左啲魚肉。然後將啲肉擺返落去個酸菜魚湯咁。

Dinner in the private room, complete with massive TV and clean toilets. Here’s what we had.粉葛鲮魚煲新鮮豬骨，豬踭湯上湯澳洲龍蝦煎米粉底. The 煎米粉 was the best I have ever had, ordered seconds, and some additional sauce. 鹽焗雞進雜青花椒蒸野生蘇媚- although I couldn’t take spicy it was more 麻 than 辣；meat was very tender.菠蘿生炒骨白灼手切肥牛- even the 芽菜 on the bottom tasted very yummy from the sauce. 蒜蓉炒豆苗豉油王炒麵In summary, scrumptious dinner. Finished everything. Ard $900 pp. Friendly attentive service. Would def return to try other dishes.

"聚興家"出名食中菜, 用餐時間限時兩小時. 入座後, 餐廳服務員極力推介貴價菜式, 我們看完餐牌價格後, 點了幾個平民小菜👇菠蘿生炒骨 $98生炒骨都有分新鮮豬肉&冰鮮豬肉選擇, 新鮮豬肉比冰鮮豬肉貴$100($198vs$98), 我們選擇冰鮮豬肉, 配菜一樣有青椒, 紅椒, 洋蔥&罐頭菠蘿. 味道可以, 不過咕嚕汁不足夠, 醬汁掛不到整件生炒骨(從相片可看見) 魚香茄子煲 $98熱煲上, 非常熱, 味道不錯. 如果加多少少辣椒, 味道可以更加惹味啫啫芥蘭煲 $98這個菜式非常惹味, 爽脆芥蘭, 內有蝦乾肉碎鹹魚煎肉餅 $98肉餅不夠鹹魚味, 煎得不夠乾身, 偏多油, 整體麻麻地飯局期間發生一件"估你唔到"的事情/服務🤨 當我們第一個餸菜到達時, 隨即叫了三碗白飯. 直至最後一個餸菜送到餐桌枱上, 幾碗白飯還未到...... 🍂 即想晚市時間已開始了一陣子, 為何要等這麼久?! 🤔 但最估不得到的事就是其中兩碗白飯居然是不熱的(兩碗不熱&一碗熱到出煙), 當刻真的火都嚟😤😑 座位都比較迫夾, 枱與枱之間距離較密. 總括以上用餐經驗, 回頭率低👎

朋友生日睇嚟呢度食飯見到聽到comment都話唔錯, 一行九人, 分兩枱,食咗好多嘢,出品大致唔錯.食咗一條接近兩斤重嘅黑瓜子, 一斤中蝦,一隻鹽焗雞,幾碟炒菜蔬,咕嚕肉.椒鹽鮮魷除咗有一碟小炸皇鹹到我要吐之外, 其他都幾好味,價錢應該係出面靚靚飯店嘅價,錢偏！貴紅酒選擇有的, 最平二百蚊有找但品質很一般,最後我們在外面買, 付50元開瓶費一支,感覺好很多.不得不提他們的服務態度很好, 我們倆枱人, 他把有些餸都分開兩碟上, 十分窩心, 單尾送贈的哈密瓜也很甜和鬆脆

太子同深水埗一帶都真係可以話高手雲集，今次老友記帶隊去食好西就試咗呢一間位於太子地鐵站附近的小店，叫咗六樣野食，基本上樣樣都好好食，當中就以上湯澳洲龍蝦煎米粉底最出色。因為呢間餐廳有C區，所以可以多D人坐埋一枱，真開心，多D人可以試多D唔同款式嘅食物。我地都一齊推舉上湯澳洲龍蝦煎米粉底係最精彩最好食嘅，龍蝦新鮮唔洗講，反而個煎米粉底同埋佢個汁真係有驚喜，米粉本身就係普通野，不過要煎得夠薄夠脆真一D都唔容易，功夫同心機都要兼備，仲要加埋個汁之後唔會令個煎米粉即刻淋晒，又係一絕，而且個汁真係好好食，可以話係成碟餸嘅靈魂，真係無得輸。豆酥蟹又係一絕，印象中出面好少食到用豆酥煮嘅蟹，D豆酥本身就已經好香，當佢吸收埋D蟹嘅精華，淨係D豆酥都可以餸到兩碗飯。酸菜魚個湯底調得好好，味道適中，唔會搶走晒條魚嘅鮮味，條魚就固然新鮮啦，應該係用大條嘅桂花魚，魚肉好滑而且唔多骨，唔怪之得好多人都叫。豉椒炒蜆同生炒排骨都好食嘅，不過相比之前嗰幾樣野即刻比下去。

因為阿媽話聽到新城電台嘅節目「飲食得起」嘅推薦，所以冒名而來⋯用餐前三日，我就打電話去訂位，接電生態度幾好，仲溫馨推介左鹽焗雞同乳鴿比我，於是就留左一隻雞同兩隻乳鴿。用膳當晚係禮拜六，頭圍六點左右，四人一枱，所以望落唔算多人。講重點，鹽焗雞嘅雞無雞味，但熟嘅程度係適中，所以係食材問題。乳鴿炸得透左，幾乎無晒嘅肉汁。酸菜魚條魚唔夠新鮮，但可以接受。啫啫芥蘭煲就做得最好。椒鹽魷魚就略為乾身，但都可以。最後，金銀蛋浸莧菜，啲菜太老，又有沙⋯總結，以地區黎講，價錢中上，食物一般。完。

酸菜班魚.花甲蒸水蛋.飽片煎米粉.椒鹽鮮魷.紅燒乳鴿.煎咸魚肉餅..想試好耐嘅一間食店，懷舊飯店格局，但乾淨衛生，疫情關係加左屏風，感覺好一點，可能地方細，樓底矮，聲音比較集中。.酸菜魚、煎米粉好食，其他一般水準菜式，未見特驚喜.