聚興家

营业中

休息中

從來唔寫食評，但今次經歷難忍，所以一定要讓大家唔好中伏昨晚一行十多人食團年飯，家人係聚興家老闆朋友，理應食得開心，誰知一開始已經想走。家人一早到飯店，所以本人一到步直入餐廳，但店門一位直髮化行妝的中年女子用好冇禮貌語氣叫停，「你唔好入去住，你有冇訂位」心諗香港人冇訂位好自然等位，會入餐廳自已搵位咩😱「用姓咩訂位叫？」「十二位呀」確認之後話「唔係依度入呀」「隔離門入啦」一連串既態度被問，已經呆了，今時今日咁既服務，算啦，話晒團年飯，冇理由同佢嘈。點知出門由等二個門口入時，個串女重要做個「不禮貌」手勢比我🤬🤬之後食飯叫佢叫碟，景然「吓」我地一聲先好不情願收🤦🏻‍♀️就算餐廳有幾好食，廚師幾用心，我都唔會再去，更何況食物都係味精食品，返家重要飲一大支水，更加唔會去

這食店近期相當聞名，每每筆者打電話來訂位，每逢假日，都是滿滿的⋯⋯話說朋友與老闆頗熟，於是拉衫尾過來，拜會一下。食店位於砵蘭街足足有兩個舖位，星期五晚我們訂枱八點，還要等上好一陣子才可入座。進入食店大大隻字寫著2018米芝連推介食店。由於今晚全是朋友安排，所以無用看其餐牌，負責等食便可，相當幸福。招牌鹽焗雞~醃得入味，不過不失。籐椒蒸澳洲老鼠班~老鼠班有三斤幾重，但廚子蒸的時間控制得剛剛好，此魚皮厚肉嫰，喜歡這醬汁蒸魚，令到厚厚的魚皮相當味美。一讚。籐椒為花椒類別，配上辣椒蒜蓉，帶出淡淡的麻辣味香，這蒸法確是特別惹味，對筆者而言不是一個愛辣者也甚覺喜歡。椒鹽鮑魚~當晚可以太多客的原故，煮得過火、老身。可是味道方便，唔會過份椒鹽，能夠帶出鮑魚的鮮味。豉椒聖子米粉底~米粉底煎得出色，大大塊脆卜卜，奈何聖子比例太少，還剪得碎碎的一粒粒。豆酥蟹~原應這個味道，應該豆味香濃⋯⋯但係筆者也是覺得煮得過火⋯⋯未見出色。薑蔥絲牙菜牛肉~牛肉有肉味，夠𡁻頭。一字骨~原先以為大家飲飽食醉一定夠，殊不知，越吃越起勁，再來一碟一字骨，最後聽見大家話，真的很飽。一字骨端上檯面時熱騰騰，很惹味。

同男朋友收工之後，佢帶我去食屋企附近一間小菜，話幾個月前佢睇飲食男女定果籽講連啲酒店大廚都係係果間食宵夜當飯堂，一路都好想試。我見有啲食評話啲伙記態度好差，我又唔多覺，起碼serve我地果姐姐幾好禮貌，有問必答。我地今晚人少少都叫左4樣野，本身佢仲話想叫魚頭，好在有自知之明得2個人咋。椒鹽鮮魷 - 好脆口，粉唔厚，但係美中不足唔夠椒鹽果重香。咸魚茸炒白菜仔 - 叫蒜蓉炒會好食啲，因為唔食咸魚茸既話就無果重咸香味。金牌蒜香骨-呢個脆得黎又唔太乾，正！大千雞 - 我睇相既時候覺得佢似辣子雞，唔係咁想試，不過男朋友想食就食啦。估唔到超有驚喜。我本身好鐘意食麻辣但係又唔係食得辣，一食落去好香麻味又不太辣，最重要係炸得乾身唔多油得黎佢又唔會好似以前果啲辣子雞咁炸到乾爭爭，真心推介。我男朋友話呢度個大廚本身以前係專川菜，所以下次我地諗住再黎果陣要試下口水雞同剁椒魚頭。

去年12月有同事介紹呢間食店，話食過，5錯。可惜同事係2條友去，只試到3道菜。於是我當晚就係谷開 po 問有冇人想去，幸好有6位同事馬上有回應，我就拿拿淋打電話訂檯。可能我太早訂(差不多1個月)，所以接線果位都無講到要幾點交檯。到1月2日(用餐前一天)，食店打來 reconfirm booking，仲會問要5要訂乳鴿及雞。我問過同事又爬過食評，決定訂3隻鴿+1隻雞。到1月3日，我地係太子站D出口右轉行幾間舖就見到食店，它有2個相連舖位。負責帶位係太子女，我地被編排坐在茶水間範圍，自成一角。見到檯面訂座牌貼有2張紙，1張係我、另1張係8pm 第二輪食客名稱及訂菜。噢。。。原來我地要8pm 交檯既~望一望個鐘已係6:40pm，快快落單先。落單果位男子就態度麻麻，反而其他阿姐就幾 nice。我地叫咗8餸+1支大啤+1壺茶(收$50，有refill，但只得鐵觀音)+2個白飯：1. 生炒排骨：排骨肉質有d 實，肉醃得無味，茨汁太杰，5得2. 椒鹽鮮魷：魷魚係新鮮貨，炸粉夠薄，好味!3. 乳鴿：不愧為signature food，好香口，又juicy4. 貴妃雞：幾嫩滑，無乜雪味，5知係咪新鮮雞，

不知道有沒有發現, 當人越大時, 真正能''夾咀型''的朋友便越來越少. 莫說是點頭之友, 就是面對從前酒肉飯友等有時真的覺得一頓飯的時間都不想浪費. 所以現在反而更加珍惜身邊巳廖廖可數的幾個真心朋友. 這晚有朋友遠道從異地回來, 打算好好想一起聚個餐. 知道她一向對美食要求高, 但我們幾個又不想太花費, 正在苦惱之時, 友人提議起來這家聚興家試試, 馬上查看一下消費, 不算貴, 便馬上著友動身訂位去. 這家聚興家位於太子眾多火鍋及小炒店街一帶, 表面看似平平無奇, 但原來開業七年, 一直都是不少大飯店的名廚飯堂, 於去年更拿到了2018米芝蓮車胎人推介的美譽. 不過通常餐廳一拿到米芝蓮, 就會馬上客似雲來. 所以這次聚會個多星期前, 友人巳特地打電話去預約, 幸運地當天還有位. 所以這晚一下班後便一支箭衝了過去.店子距離太子地鐵店很近, 上了地面只需走大約2分鐘左右便到, 十分方便. 店子門面用了十分高調的大紅色, 看起來相當顯眼. 眼看這裡的格局其實跟隔離左右的小炒店無異, 不過一看門口當眼處貼了個米芝蓮車胎人時, 感覺就多了一份霸氣了.店內雖然地方偏窄但原來跟隔壁店鋪是打通,

今年曾經三次到訪，這間位於太子邊陲的砵蘭街，上年尾受到米芝蓮加冕，城中有名中廚的宵夜熱點：聚興家。頭兩次是我搞的飯局，兩場加埋五圍人馬，吃過令人拍案叫絕的鮑魚煎米粉、水煮牛肉、酸菜魚等菜式，大廚手勢好，難怪現在很難訂檯。瓜母生日飯，再次來這裡，今次只得三個人，未能盡嚐飯店的名菜，但是煎米粉是百吃不厭，這晚來個比較便宜的滑蛋蝦仁煎米粉，焦脆酥化的米粉，乾爽不硬不膩；被滑蛋浸到微軟，展現出煎米粉之最佳的狀態，連同滑蛋蝦仁一併入口，感覺美妙。咕嚕肉的酸甜汁，是亮點；香脆的外表包著鬆化的肉質，的確是高品質的示範。像這般蛤蜊蒸蛋，當然難不到他們，蛤蜊的內在美，滲進香滑的蛋身，甜美可人。燒乳鴿也是必吃之選，以坊間的小炒來評論，這裡是數一數二，我喜歡拿著鴿頸，一口咬下鴿頭，享受著鴿頭的甘香；皮脆肉嫩的鴿身，還要用筷子去夾？無須顧及餐桌禮儀，盡情地吃吧！上星期日，有相熟朋友在此搞局，本來我有份參與其中，可惜撞正我要上班的日子，天呀。

米芝蓮之選，同友人們都想會一會哩間聚興家小菜館好耐，果然冇令人失望！鑊氣十足，菜式非常本地，好有港式風味。我哋一行四人都十分大食，所以都叫左佢幾款燃手小菜包括椒鹽鮮魷，紅燒乳鴿，生炒骨，上湯海中蝦煎米粉等等，全部都好野味。特別係生炒骨，外脆內軟，絶對係師傅功夫到家，所以炒起的時候剛剛恰如其分，還有那個海蝦煎米粉，米粉脆卜卜兼夾蝦味濃郁，香口又鮮味！

聚興家 @ 太子太子搵食…見到呢間好似幾多正評就點左呢間燈…訂位時話乳鴿已沽清😨…真係咁好味？下次搵人試下…因乳鴿我麻麻…😅坐低姐姐就問有冇留到雞…原來無訂又無得食…好奇心又作崇😂。咁就點左白灼牛肉…呢個好味……牛肉好味…個豉油都好味…上湯蝦配煎米粉底…味道唔錯…米粉底我比較鍾意唔好咁乾…好似潮州兩面黃外脆內軟會好d...拔絲生炒骨…味道都校得甜酸剛剛好…不過排骨就炸得乾左少少…同個汁好似芝士拉絲咁…懶到週圍都係汁😛…椒鹽鮮魷…咁道唔錯不過都炸得乾左少少…咕嚕肉同椒鹽鮮魷都係星記好味…最後就炒碟豆苗同石鍋飯…豆苗唔錯…個石鍋飯夠乾身…飯又粒粒分明又好味…整體野食唔錯…下次可以試下雞同乳鴿…見到個餐牌有龍蝦…個樣好似幾掂…不過都幾天價😏😏😏…服務唔錯…係有個老闆既物體就囂d...同場見到早藍同阿男一家人食飯…早藍唔算太親民…不過隔離檯有位姐姐就𤓓到核爆…我都戥佢覺得醜…大聲叫早藍做阿男…😅😅😅…俾我都唔睬你啦…😛😛…

路經這家飯店，見到超爆場就試一試。沒有訂位，有一張枱已留給客人，但可以七點入坐八點交枱，有一小時用餐，充滿好奇心的我就入內光顧。餐牌選擇不算多，新鮮鹽焗雞$198（半隻）$398（一隻），對新鮮雞感興趣所以點了半隻，，端上桌目測只有1/4那麼多的份量（真的很細份量）。問侍應確定雞的份量，我們的對話如下。我：這份量是否半隻？侍應： 係呀！唔會「握」你嘅！（有點寸）😳我只是問清楚份量，侍應的態度其差。可能經常很多客人跟我一樣問同一個問題😏。如果是新鮮雞來言，雞的味道不濃郁，有些部位算滑，但以這個價錢、份量、味道，整體不值。漁香茄子煲做得不錯，不太油膩及咸，粒粒的咸魚帶出香味，茄子有嚼口。吃飽飯時間只不過在7:40，另一侍應表態叫我埋單，對話如下。侍應：D嘢到齊？我：係侍應：飲埋杯水埋單我：乜嘢飮埋杯水埋單？未夠八點😳侍應：有人等位我：心諗，仲差過在茶餐廳食這樣的服務態度真是感覺不良好（可以用差來形容），後來才知原來有很多明星來光顧，今晚見到黃淑儀及太極Joey ，其實不想招待街客，就不如不要接其他客人。總括有幾好味也好，這些服務態度，不會再回頭。

近年很少寫食評，一來沒有好食店，二來不太差的也不願花時間去「表揚」。很抱歉，這次是後者。昨晚跟朋友來到這地方，是朋友介紹給他的。店舖門面光鮮，內部整齊，但擠迫，免強觸碰不到隔鄰客人，但壓迫感很重。每次試新店，我必試其「小炒王」，正如去茶餐廳，一碟「乾炒牛河」，便知龍與鳳。啤酒即到，「小炒王」等了 20分鐘才到，由 2017年的 $98 加到現在的 $128.....這「小炒王」竟然是濕的，沒獲氣的，用什麼材料也沒興趣，我不懂欣賞了。椒鹽九肚魚，30分鐘後才游上水，很健康的樣子，不深色也沒有味，椒鹽被海水沖走了嗎 ?!!朋友預先留此店招牌菜 $398 一隻「新鮮鹽焗雞」，各人都很好奇，之後一同失望，雞味不是出眾，雞肉更是鞋，身形也細小，12人一定不夠吃。其餘的紅燒乳鴿，菠蘿生炒骨，金銀蛋浸菜苗，者者芥蘭煲，椒鹽鮮魷，豉油王炒麵，都是合格。剛剛看到其他食評，原來這裡是「米豬連」食店，失敬 !! 失敬 !! 在該區要找一間同質素的不難，但這個價錢就是不吸引。店員辦事能力沒問題，盲是沒什麼表情，這幾年香港人都太累了吧.....

簡單d，第一去冇做好工課，座底叫嘢食，多口問問有冇咩可以介紹下，個50左右平頭男伙記話點乜都好食，一係你點曬餐牌上面有圖嘅又得，我都知食嘢食味道，服務冇乜大要求，講完。ps 食物環境價錢我覺得ok，可以試

我都好少寫食評，今次真係忍唔住，因為今次幫襯左間2018年最伏既食肆。你0之前見到係咁吹到有幾勁，又話城中名廚都集體幫襯極力推介，仲攞埋米芝蓮，又話要預早幾日book位，講到咁巴閉，點都要試下。一試之後，果然九唔搭八，餐牌菜式少，價錢貴，份量少，味道普通，物冇所值。又話鹽焗雞係招牌菜，細隻過鵪鶉。又冇雞味，半隻都賣兩舊水。椒鹽鮮尤又係冇椒鹽味，不外如是。每樣份量都少過茶餐廳，上菜又慢，逐個逐個菜上，一路食一路肚餓。仲有個類似老闆既麻甩佬，態度勁衰，總之一定冇下次。

忙到過了晚飯時間，已到十點，二人唯有尋找宵夜食店......上網查「宵夜」，“太子名厨宵夜地點”彈了出來，聚興家....地點方便，不理是否有位，一於過去一償。或者是中秋過後，亦或是晚飯客已散，不用等位...只是坐落點菜之後被告之要稍等師傅，而隔離張枱飲酒飲得盡興，吹水吹得大聲，等得有點掃興，菜終於到了油鹽水花甲，可以用驚艷来形容，滿口的鮮味，哪裡是油鹽水，直頭係花甲水！絕無味精，加上胜瓜，非常清甜，這一道菜，店家起碼用了半斤到十二两的花甲油浸荀殼，外脆肉嫩，完全沒有油膩感，筍殻魚本來味淡，碪少少豉油，又是完全带出魚的鮮味啫啫介蘭，或是我們掛住食魚，感覺唔夠香，但是味道非常好，不像平時在其他店食的容量偏咸反而炸到似米通的豉汁牛肉煎米粉不懂欣賞，我喜歡那種煎得外脆肉冧的那種傳統煎米呢，只是近来亦不知哪裡才可以食到了

.終於有時間去試依間米芝蓮推介嘅小店，見到佢已經租埋隔離間鋪去擴充營業，估計佢嘅價錢以米芝蓮來講都相對算平。不過裝修同環境一般，唔會有高級嘅感覺。.今次叫咗豉汁蒸大鱔，份量都幾足，條鱔新鮮肥美，肉質爽口。佢用咗豆豉同埋欖角黎蒸，魚嘅鮮味仲喺度無比個汁蓋過，味道算濃同有少少偏鹹，不過送飯一流。.其實重叫左其他餸，食得出廚師係有功架嘅，下次再食過。.餐名: 豉汁蒸大鱔價錢: $250評分: 8/10餐廳: 聚興家 (太子)地址: 太子砵蘭街418號地舖

平時同BB食開西式米芝蓮，今次BB提議呢間米芝蓮推介嘅小店，我地即日打電話去訂位，都要8點先有，好嘅餐廳係值得我等。首先講芥蘭，用左少少蝦醬，少少肉碎，少少咸魚，煮出黎係咸咸香香，重點係好林好甜，難得！有個女明星話，如果老公唔剝蝦佢係唔會食，呢D都係兩個人之間嘅恩愛，唔洗放閃嘅。不過今晚男人拆蟹，女人食蟹就係真嘅。同星加坡嘅胡椒蟹唔同，唔會有一大盆汁，但係都好入味香口而唔辣，重點係好~多~蟹羔~肥都咁話，食完先減~然後到大蜆蒸水蛋，蛋係好滑，但食唔到大蜆嘅鮮味，早知就蒸左D蜆~下次再黎~最平平無奇反而係乳鴿~都OK嘅~不過今晚的主角係海鮮~珠玉在前難免失色。最後係男人的浪漫：九肚魚~BB話唔係太食到椒鹽味~但本身D魚夠鮮，又炸得好，唔會一口油~正~