聚興家

营业中

休息中

好久沒有去太子食飯，今天路過剛好不用等位，就選擇食這家。點了六個菜，真的有驚艷到！乳鴿非常脆。一上桌的時候怕太燙沒有趁熱食，沒想到過了一會兒食還是有外脆內軟多汁的口感。海鮮非常新鮮。鹽水煮花甲，一點也不吝嗇，個個都飽滿，而且個個都開口，師傅還非常用心，在湯中放了胡椒粉調味，一下子喝了三碗。聖子大隻，鮑魚好吃，係咬得開，而且仲好入味。椒鹽九肚魚，呢個就有d失敗，平時外面食得食外脆內軟，但呢個就略為爭少少，外面唔脆反而覺得有少少林。價錢略貴，不過味道不錯，所以值得一試

D落單十下十下，叫個蒜蓉開邊蒸蝦，竟然呢個白灼蝦，問返佢，佢竟然將成碟蝦比廚房，我諗你唔係將已白灼蝦再切開再蒸，我萛，你放低我要啦，叫個椒鹽鮑魚，個落單行埋一邊叫阿姐比D細隻佢（每隻計$88蚊隻）係你都唔好咁大聲講，比我聽到啦，乳鴿又炸到乾屍咁，抄個菜更加唔使講，錢預咗洗，但下次唔係你

今天朋友約食飯，選咗一間大名鼎鼎的聚興家，位於太子砵蘭街418號地鋪，我哋一人點一碟，他哋叫咗油鹽水花甲.菠蘿生炒骨🦴，外層沾🈵️蕃茄甜酸汁仍然好脆，肉質唔會好鞋：而招牌紅燒乳鴿，外層香脆，內里的肉質嫩又多汁又幼細，真無令我失望，我最鐘意食辣的必然叫左一大碗麻辣水煮雞🐔，辣得好好味，餸飯最絕，雞塊食落去又滑，酸菜魚都是我最愛，最欢迎👏，這系一間正中粵菜，所以好多人去，未去過朋友可以去試試，一定唔會介紹錯。

久仰大名，是看到那些名廚宵夜的節目，一直想來試試，就像是那些高官叫你打疫苗一樣，結果你懂的。大概一百圓一個小菜，不算平，也不算貴。問侍者有什麼魚，說有海魚和其它魚，問其它魚是什麼魚，侍者說不是海魚的魚，再問那到底是什麼魚？侍者開始猶疑了。等不及她回答就直奔往魚缸看看，有些石斑、龍躉、白鱔、和荀殼。選擇不多，白鱔賣$298半條，荀殼就$458一條，價格不算便宜。餐牌菜式的選擇也並不多，也沒看到幾個招牌菜，以粵式小炒為主，煎炸的菜式較多。有點奇妙的是只有幾頁的餐牌竟看到有一整頁是做酸菜魚的，$498，我笑了出來。還是留給愛好港式川菜風味的老饕品嚐。好不容易點了幾個小菜，有趣是點餐時問侍者這裡的八珍豆腐煲和錦江豆腐煲有什麼分別時，侍者說都是一樣的，我又忍不住笑了出來。我說你餐牌就只有那幾個菜還能有些菜式名字不同，但煮法一樣的。小菜的味道是正常的，埋單好像沒有茶芥加一收費，幾百塊當看場Stand-up comedy也不為過。米芝蓮？笑笑好了。

久聞大名，終於等到有朋友發辦，一行人浩浩蕩蕩去朝聖。原來離地鐵站相當近，基本粵菜酒家的環境，我們一眾要求亦不高，尚算光猛整潔。街坊店做到有名堂，菜色方面皆以鑊氣小炒、香惹口味及新鮮海鮮為主。紅燒乳鴿 $68一人先來一只乳鴿，特別聲明不要斬，免得流失肉汁。真正的乳鴿，皮脆肉嫩，燒汁香，肉滋味，甘香的鴿頭我亦沒有放過，說來嚇人，小腦腦漿真的美味。鼓汁蒸鱔最緊要是新鮮，肉質有彈力，時間掌握得好，另一成功之處在陳皮之香，烹調手法不錯。花甲蒸水蛋花甲的鮮甜盡在蒸蛋上，蛋滑味香，佐飯一流。金牌蒜香骨 $98蒜香四溢，香惹肉鬆軟，大大件，食得滿足。海中蝦煎米線海鮮煎米粉，絕對是來聚興家必吃的項目，唯一要考慮的是那款海鮮，龍蝦、鮑魚或海蝦中我最鍾意後者。米粉底實在做得出色，香脆如米餅，一點不油膩，反正吸收了適量的醬汁及鮮蝦的精華，美味盡在不言中。酸菜班魚 $498鹹酸味道平衡，味道好，魚肉靚，湯清味美。 每人花費$300，平靚正之選！

隱身於太子砵蘭街既小菜館主打川粵小菜及海鮮但晚晚都座無虛席明星藝人同政界商人士都成日幫襯加上有米芝連既稱號想食既真係要記得book位先通常walk in都無位芝士龍蝦伊麵😋呢間係自己係外面揀海鮮款式唔係勁多但勝在勁新鮮啲🦞啖啖肉勁爽口芝士底亦唔會勁漏或太杰襯伊面真係一流!其他小菜炒得夠鑊氣整體味道不錯價錢屬於中規中矩地方不算好寬敞 但坐得迫迫地先有香港小菜風味服務質素就係大排檔甘上下但食物搭夠！！

[🇭🇰香港- 太子].🔻"海中蝦煎米粉"米粉底煎得好脆,好似食緊薯片咁,但係太薄變到口感一般,都係覺得之前推介西貢個間正啲;"鹽焗雞"就冇乜雞味😅”花甲蒸水蛋"係全晚最好,蛋好滑,花甲夠肥美;食家常菜嚟講,貴得嚟質素好一般.🔻🍽 聚興家📌 地址: 太子砵蘭街418號地舖.#tummysready #tummysreadytoeat #tummysreadyinhongkong #tummysreadyatprinceedward #tummysreadyforchinese

父親節那晚，一行三人去這餐館試，叫了上湯龍蝦，还有另三個小菜，包括水煑雞，每人一隻小鲍魚，菠蘿生炒骨，上菜奇慢，兒子差點睡着了，可能節日客人多，也便算了。鲍魚蒸得不錯，入口輭熟，水煑雞的雞塊很细小，味道還好，菠蘿生炒骨，菠蘿少得可憐，只有小塊幾粒，龍蝦上來卻加了煎米粉，非我們要的，龍蝦份量不多，有肉的幾塊，蝦頭也不見了，見附圖，但埋單時卻感意外，收費為港幣二千元，看看單，原來龍蝦那碟，收壹千四，是酒店價錢，問為何如此貴價，女主持說龍蝦來自歐洲！我想如此收費，我們也不會再來光顧了。

我呢篇食評會寫得比較harsh，因為攞得米芝蓮推介，就應該有番咁上下水準，我食既時候都會有番咁上下期望。。。可惜，再一次印證，米芝蓮評審係唔識品評中菜🤷‍♀️叫咗4樣野食，上枱時間比較慢，第一個菜上枱要20分鐘左右，最後一個菜由落單到上桌，差不多要1個鐘椒鹽鮑魚：面頭全部係炸蒜，避風塘式，賣相一般；鮑魚算大隻，但食落口唔入味，裙邊仲靱靱地，炸蒜雖然一大堆，但唔夠紅椒同調味，炒得又唔夠香，炸蒜都淋淋地，$88一隻，麻麻地蝦乾韮菜花豬頸肉小炒王全晚最垃圾一道菜，唔好以為炒個韮菜花就係小炒王！一個好既小炒王第一必須夠鑊氣，第二要惹味，因為係要用黎送啤酒既；呢兩樣都唔合格，無鑊氣之餘仲無咩味，蝦醬佢一定唔知要落黎吊味再者，講下小炒王既配料，蝦乾佢用好細粒既蝦米代替；又唔正宗咁加咗啲唔夾味既豬頸肉落去炒埋一碟，我完全唔覺得佢係小炒王，絕對係一碟XO醬炒韮菜花大雜燴。。。麻辣水煮雞（半隻）辣就辣啦，但唔麻囉，花椒八角味都欠奉。。。啲雞唔入味，要碟菜上檯後15分鐘之後，我再夾果幾件雞先開始入味，開始覺得好食啲。。。啲雞件斬到好細件，都係唔入味，斬到咁細件，仲成日唔知自己食緊雞頸定雞背脊（我平時唔食雞頸

朋友們喜歡去的地道小店，食神朋友們都推介，咁啱食神到，出去吃餐好味道的。椒鹽鮮魷好味到停唔到口、花甲蒸水蛋好滑、鹽焗雞都幾得， 乳鴿炸得OK但略嫌瘦左啲，無乜肉。然後酸菜魚有點鯹味，鵝腸外徧甜，因為減緊肥冇食咕嚕肉成晚個埸都好爆，見番香港咁熱鬧都開心🥳

經過太子，見到面口企理，上openrice睇睇食乜，見好耐冇返過大陸食酸菜魚，哩度有得食咁就行入去試下，點知就中伏，完全唔會再返黎食，坦白講，我自問要求唔高，有咩都擺得落口，但哩間真係超出我底線，叫乜冇乜哩下比較難受，係門口睇到想食乜先行入黎又冇叫乳鴿 冇乳鴿叫酸菜魚焗你轉其他魚 海鮮價 椒鹽鮮魷 一個字 咸 份量少生炒骨 硬 有老人家同行 切記勿叫，正價$98，佢會問你要唔要新鮮豬肉 $198 米之蓮？唔好玩啦 你連大排檔質素都未去到呀

好耐冇嚟過眾興家，對上一次食已經係佢啱啱開業嘅時候，水準同佢簡潔既門面完全差天共地，好好食。今日見經過太子，有朋友有冇食過呢間呢個米芝蓮嘅香港大排檔，就決定試吓睇下佢水準有冇回落到今次嚟到成個裝修已經唔同晒，仲打通左隔離嘅鋪頭，睇嚟生意真係好唔錯。我哋一共叫咗三樣嘢，招牌嘅生炒骨就梗係要叫啦，仲有一份豉椒炒蜆例牌同埋三色蛋浸白菜仔。生炒骨老實講比之前遜色左，面頭冇晒啲拔絲，同一般係街食既變得差唔多。大味道依然係好味嘅，只不過係冇咗啲特色。豉椒炒蜆係好食嘅，口味唔會過鹹，花甲冇沙，粒粒都有肉，新鮮。只不過份量有啲小，價錢又唔算太抵食， $200，值唔值得叫就見仁見智。到最後嘅三色蛋浸白菜仔，冇乜特別，都係平時大排檔食到嗰啲味，咁我就唔詳細講啦。總結兩個人埋單加埋$420 ，唔係特別貴嘅，但亦唔係特別抵食，你當佢一般大排檔嘅質素，已經唔再米芝蓮級數

呢間食店食過一次，名大於實首先，海中蝦煎米粉，米粉炸到好似米通咁，太過脆口，根本食唔到煎米粉既香味。海中蝦仲細過急凍蝦仁，個汁仲衰，根本就係生粉羮，非常非常普通。整個餸好難食非常失望，但原來係差唔多要4百蚊其次，蒜香牛粒好普通，毫無特色。跟著，一隻超貴既雪味雞，毫無雞味，啖啖有雪味，價錢係2百幾..真係又貴又難食最後，整間餐廳既用餐環境惡劣，坐得非常唔舒服，另外，侍應態度差，黑面唔應人。我建議大家想食撚手小菜、鑊氣小炒，呢一間可以不試。如果有同路人都中過伏既，請盡量出帖道出真相，希望唔好再有人中招。我亦希望，做飲食業嘅朋友可以做到君子愛財，取之有道。

我地total 4個人叫左5道餸（海鮮豆腐煲、椒鹽九吐魚,黑椒牛肉粒,燒乳鴿,鹽焗雞)佢個小炒超好食， 蓮藕好爽口。雞同鴿煮做得好好，下次再黎都揾住叫翻佢地。但係個海鮮豆腐煲就有d失望，佢地淨係俾得幾條魷魚腳就交貨，希望下次可以個煲會多幾款唔同嘅海鮮。不過個豆腐超滑同軟，下次可以試下三寶豆腐煲。整體我地俾左727蚊係值嘅👍🏻

朋友約食飯訂咗枱，問人先搵到，呢間睇落普普通通無環境無裝修既食店，一連3間舖都係佢。應該無介紹錯掛，訂咗18:30一入到去得啲伙記無人，我哋未齊已經係咁叫落單，我就無睇到餐牌，諗住小菜價錢間間都係咁上下。平民區都唔會收得貴掛，個伙記係咁介紹呢個好食，岩我哋咁多小朋友，普通到我連相都冇影就知。藕片牛肉粒 (幾咸)咕嚕肉 一般椒鹽鮮魷，一般上湯豆苗，一般幾粒花甲蒸水旦，有沙豉汁蒸半條鱔。 一般豉油蝦一斤，超咸 差口水雞 一般不知名雞 。 一般白焯牛肉，一般大部份都係好一般出邊都食到既家常小菜，食完都仲未知要咁貴。因為不是我埋單。 事後朋友才發給我看。我話:酒樓食好過啦。]坐得又唔舒服。圓櫈咋，所以值唔值真係好睇個人。但我就一定無下次，大家睇埋張單就明白。最慘係有比較，我和家人剛上星期日去某酒樓食一圍連海鮮都係咁既價錢。但我起碼食到2隻5斤幾六斤既皇帝蟹囉。鮮甜好味。相比今次真係似太不值。