聯邦金閣酒家

营业中

休息中

Food was only OK. Service was good.We love xiao lum bao but they were disappointing here. We ordered 2 dishes of them, 8 xiao lum bao total, and every single one of them ripped open when trying to remove them from their mini pie pans! The dough was too thick and tasted kind of sour. Almost like it was fermented, like sour dough bread.The other food was good, but nothing special.

Yesterday, My friend was resigned. Therefore we went to 'drink tea' in this restaurant for farewell.First, the Dim Sum is really delicious. I really love the egg tart!!! The pastry of egg tart is really smooth and soft!!We ordered 12 Dim Sums and 2 dishes of fried rice.

十二月尾結婚，雖然話係同家人簡單食餐飯，但係都唔能夠失禮，係聯邦金閣訂了幾圍婚宴。明白剩係幾圍，冇太多要求。家人做廚多年，知生意難做，於是到步先派利是比部長侍應，諗住大家開心。一路整體表現不過不失。諗唔到比個糖水激親﹗糖水分到第三碗，個waiter已經發現唔妥，佢不動聲色，即刻放低湯匙走咗，家人一睇就知，「原燉雪耳紅蓮」原來冇粒"蓮子"，真係"大吉利是"﹗不過我地冇即刻投訴。等個侍應返嚟諗住佢會有交待，點知佢又冇出聲再繼續分糖水，我地就出聲問佢點解冇蓮子，佢先扮唔知去問廚房，之後先攞走糖水去加蓮子。呢個時候其他幾圍已經開始食糖水，佢地就諗住瞞天過海，咩都唔做，我地冇驚動其他人都冇出聲。埋單嗰刻我地問部長點解明知故犯，sorry都冇，佢先講句唔好意思﹗真係冇d誠意，佢仲話公司政策冇任何補償，後尾我地話要寫信到傳媒投訴，佢先去問負責人，結論係每圍減少二百多元了事，我地冇要賠償，只係覺得咁大間酒樓做錯事連基本禮貌都冇就真係離譜﹗一開始就諗縮數就好唔掂﹗

喜慶還是贈慶 - "聯邦"不知所謂2010年12月29日是我和豬豬的大喜日子，只請了家人共三圍，選了永安中心的聯邦金閣，因它交通便利，環境尚可。因家中有人從事飲食業，十分識做，一到步就派足利是給部長侍應們，預意辛苦各位今晚招呼 。由第一道菜到飯，都可以，雖不十分出色，但份量足。可惜到糖水就叫人氣憤。當時侍應分配糖水至第三碗，已發現不對勁，立即放下湯匙並離開，沒半句解釋，我們發現，本來是「原燉雪耳紅蓮」，竟然沒一粒"蓮子"，要知道喜宴最講究意頭，菜單上沒有蓮子真是 "大吉利是"﹗不過我們沒有即時投訴。等那侍應回來，她不作聲竟又再繼續分糖水，我們立即問她為何沒有蓮子，她才扮作不知情去問廚房，一分鐘後再來拿走糖水去加蓮子。其他兩圍已上糖水並沒有任何處理瞞天過海不了了之。結賬時我們提起此事要求店內負責人"經理"解釋為何明知故犯，經理才道歉，但真談不上有歉意，他說公司政策沒有任何補償，那態度不知所謂，當我們說要寫信到傳媒投訴，他才悻悻然去問所謂幕後負責人，結論是每圍減少二百多元了事，要知貴店問題係處心隱瞞...對這些不負責處理手法及態度極度氣憤!!!!當時我們已表明要趕飛機, 請這位"經理"盡快

訂咗兩席, $2200一席, 招呼我哋坐响個細廳, 較清靜, 幾好粟米魚肚羹---足料, 多魚肚, 好味燒肉拼海蜇--燒肉做到脫皮, 肥瘦肉相間, 好味花姿蝦球西蘭花--炒埋～碟, ok羅漢齋---豆腐嫩滑, 其他配料雲耳芽菜粟米仔都好味雜菇拼時蔬---足料入味咕嚕肉---酸酸甜甜, 肉炸得香脆, 不會有過肥或得舊骨無肉食蒸海斑---養班, 一般, 火候差啲, 肉痴住骨貴妃雞---ok炒飯---足料, 但唔夠乾身炆伊麵---幾好味紅豆沙---足料多豆兼起沙, 但甜咗啲, 好味服務幾好, 加茶分菜好爽手, 亦有禮貌裝修新淨, 廁所乾淨, 環境舒服

裝潢用金色同白色為主,好多水晶燈;好華麗ah!食物方面我地叫左蛋撻,淮山雞扎,燒鵝瀨粉,伊麵,小籠包忘記了拍下淮山雞扎的相片先講講味道 蛋撻,唔知點解..個皮有蒜蓉味 ($13 /2件) 淮山雞扎,沒有試淮山,雞好細件,係無肉既地方黎 伊麵,我antie說好好味的;) 燒鵝瀨粉, 鵝好少肉,好多肥膏, 瀨粉好碎!食得好痛苦 小籠包, 皮好厚,無汁!2個人食埋單$90佢d服務員好中意汁野-.- 未食完都問你仲要唔要

密汁叉燒腸$22 ~ 皮薄餡多.薄皮叉燒包$18 ~ 飽的外皮似生煎飽的,沒有傳統叉燒包的摺痕. 染色不算多,醬亦不會太甜.淮山滑雞扎$22 ~ OK,無特別.瑤柱菜苗餃$22 ~ 好似唔覺有瑤柱,反而有點蝦在內.豬潤雞燒賣$22 ~ 一碟兩件,豬潤只得一塊. 香煎蓮藕糕$18 ~ 賴野之作,以為是類似煎蓮藕餅,誰不知是甜點,似我最憎的馬蹄糕.台式擔仔麵$24 ~ 好味,全蛋麵條夠彈性,不過梘水味濃了點.迷你荷葉飯$58 ~ 過咸.土多啤梨骨$38 ~ 精緻夠鍋氣,每粒也是骨肉相稱.脆腩仔$38 ~ 皮脆甘香, 肉質鬆化

一真覺得聯邦集團的酒樓,質素一般，朋友提議到此聚餐，不抱太大期望，但求與好友共聚。到達時朋友已叫了十多碟點心，不用等候。其實差不多所有也是大路點心，每份點心份量不少，賣相悅目。蒸腸粉每碟水準一致，夠薄夠滑。牛肉球大大個，味道清清的但沒有過份浸發，能保存肉味。蝦餃同樣夠大粒，蝦肉爽口。我沒有吃春卷，朋友說很脆。朋友推薦叉燒包，嘩包很鬆軟，叉燒夠味不過鹹。馬拉卷是潮版馬拉夠糕，味道不錯，很香軟，有新意．粉果大大粒，味道不錯燒賣也是大大粒，但沒有如其他地方吃到的只是肥肉．砂鍋福建炒飯又是潮版之作，福建炒飯不是放在鮑魚碟而改以砂鍋上，飯炒得乾身，不油，沒有過鹹．佳作．今次主要強調的是：所有點心份量十足點心及砂鍋福建炒飯也不過油，吃後嘴裡不會蓋上一層油茶也不欺場，很香，而且還用了茶隔．服務雖然不說得殷勤，但也恰到好處，我們要求更換所有湯匙及碗來吃甜品，侍應也很快做到．我們叫了數款甜品，擂沙湯圓，湯圓很糯，芝麻也不錯但湯圓皮郤沒有味，桂花糕加了豆是變奏版．紅豆沙及綠豆沙也有水準，甜度適中，紅豆沙是有果皮的．今次經驗令我對此集團另眼相看．

2009-08-09叫了8個點心，個個都好精緻，好好味！環境相當不錯！但服務員的服務不太…怎麼說呢… YAP極都無人見到你。不過見到都會走過來問你有乜幫到你。因為都係點心，平時食慣，所以以下介紹並不詳細，當係比ｄ相大家睇下。請見諒！＜＜第一輪落單＞＞咸水角：好味！燒賣：好味！叉燒包：好味！蝦餃：好味！水晶帶子菜苗餃：食得出一粒粒細帶子，豆苗都好好味。蝦腸：略嫌腸粉皮厚了些少…食完一條半已經覺得濟。蛋白蛋撻：哇…呢個等得耐囉！吃完所有點心，加上去了方便間回來，都未有！我估都等左成45min - 60 min. 但都食得出，係酒店整的，所以都算啦！而且無蛋黃，健康又好味。＜＜後加＞＞牛肉：無山竹，有幾片薑 (?)　但，都比蛋撻早到。我們２人，賣單約$180

今午約了六個好友聚舊, 點了幾樣點心後, 便叫三碟迷你中午炒粉麵!! 價錢由38元至45元不等!! 一碟是迷你荷葉飯, 一碟是滑蛋免治牛河, 當服務員送上檯上時, 已覺得迷你得有點嚇人, 但當另外一碟豉油皇鮮魷炒麵拿來時! 真的嚇了一跳, 份量比街邊8元一碟的炒麵還要少好多!! 所謂鮮魷真的要用放大鏡, 才能找到像白豆般幾粒!!! 於是叫部長來給予評價, 但那部長 (經理) , 只是說了一句, 這是公司的事! 便算了! 什麼也不解釋, 也不理會, 自顧自地走開了!!! 紅星劉德華先生也說, 今時今日這樣的服務態度, 真是要改啦!!! :

今日三個人，黎到依間联邦飲茶，叫咗ＸＯ醬涼瓜肉碎米粉，方魚肉碎炒芥蘭，燒煵仔，鹵水豬仔腳，一共四碟野。米粉啱啱好，唔會太硬又夠晒味道。炒芥蘭仲正，夠哂惹味，簡直一流。豬仔腳又淋又入味。燒腩仔又脆又唔肥。每碟餸都夠鑊氣和好味，最可惜係好細碟，兩三個人就夠食，人多就唔惦。依歺食咗差不多二百蚊。都唔算平，不過好食就冇計啦！！另外要提吓佢地Ｄ义燒包，皮薄唔似其他酒樓Ｄ皮噤厚，又滑又好料。正！

難得假期一家人聚首一堂, 最好嘅節目莫過於飲杯茶食個包, 所以早幾日師傅一家人都去嘆餐茶, 傾下計, 而地點就揀左呢一間, 皆因貪佢點心款式夠多, 加上水準唔差!一行五個人, 由於有位自願人士一早搵定位攞埋枱, 所以師傅一去到就有位, 慳番唔少時間! 人齊後大家商量下食咩好, 最後師傅發現有個中銀信用卡嘅優惠套餐, 覺得幾抵食, 所以就柯打左一個套餐再另加幾款點心!先講下個套餐, 套餐可以揀三款點心, 仲有幾個小菜, 有鮮檸石班塊, 竹笙田園蔬, 玫瑰豉油雞, 魚腐湯米線, 點心就要左燒賣, 鳳爪同埋煎蘿蔔糕, 再另加馬拉糕同叉燒飽!先講下個鮮檸石班塊, 石班塊炸得好鬆脆, 炸粉唔厚, 熱辣辣加上唔乾身, 冇雪種味, 再配埋鮮檸汁酸酸地, 相當開胃, 好正; 竹笙田園蔬有竹笙同埋白菜仔, 竹笙好爽口而白菜仔好嫩, 唔差; 玫瑰豉油雞嘅雞身好滑, 而玫瑰豉油汁就好香, 唔算太咸, 好味; 魚腐湯米線嘅魚湯好清, 一d都唔腥, 而魚腐嘅感覺似炸魚片多d, 米線就好腍, 冇左煙煙韌韌嘅口感, 唔得! 而其他點心都唔差, 不過並冇咩驚喜!總括而言食物質素尚可, 環境舒服, 地方清潔乾淨, 價錢

今天晚上親戚喜事請飲..舉家同歡到賀。食物方面: 大有進步空間。"酥炸蟹蚶"像蝦丸般圓圓的..有點奇怪..味道一般。"鵝掌飽魚"汁料沒味道..而且水水的,像湯多點。其他主菜一般。最有問題的莫過於是"雪耳紅棗百合糖水"..席上人客說糖水是酸的..我都試了一口..百合真的是酸酸的。一般糖水這些最"例牌"的東西應該不會出錯吧..但都出現問題..所以大家吃了一口就停手了..侍應服務還算可以。奇怪在於我們表明不想侍應"分食物"(因為中式酒樓又不是酒店嘛).他們答應了,卻又繼續分,哈哈。(不過有些對麻將興趣濃厚^^"只顧看著麻將..)

其實已經幫襯過好多次，野食好味，價錢划算...總括來寫la~牛尾煲- 由於每次都係帶新朋友上去食，於是每次都必食牛尾煲，d 牛尾好「林」，個汁好好味，次次都要撈飯食，介紹親俾每個朋友都讚好~片皮鴨- 個皮真係幾脆wor。一鴨兩食，另上炒鴨絲，響Aus 返來的uncle 都like。千島醬骨- 仲食左千島醬骨，d 骨好熱好香口，用千島醬炒都ok，不過d 醬可以少d蛋白炒飯- 都好好咪wor~牛油果軟腳蟹壽司–中式酒樓有如此水準已經好唔錯紫薯漫菜苗–菜式特別，連啖湯都好飲牛肋骨配凱撒salad –都係0個句，中式酒樓有如此水準真係好唔錯，Caesar salad 雖唔及dan ryan's 好食，但都好味過outback wor~ 牛肋骨好大份呢d 係比較有印象的菜式，整體好好味，有誠意，感覺亦比一般酒樓high d，但又唔算貴。係服務就一時時，d 侍應只係有時唔夠醒，at least 都有禮貌la

今晚同2個朋友食飯, 因為大家都係片皮鴨癡, 所以專登黎呢度試下.我地叫左片皮鴨2食, $178, 分別係片皮同生菜鴨鬆.片皮鴨好正, 隻鴨唔肥, 皮好脆, 3個人真係食唔哂,但係d餅皮唔夠夾, 要加多$30要多1打皮.生菜鴨鬆: 好食, 同鳳城有得fight, d生菜剪得好靚(個人認為有d多餘), 唔太咸.魚湯竹笙浸菜苗: 魚湯好甜好清, 都ok.我覺得呢間service都ok幾好, 食完飯仲送水果盤, 不過唔知點解冇乜人, 10:30只係得番我地一枱客.我下次都會再去幫襯佢既片皮鴨!