肇順名匯河鮮專門店 (已結業)

我11月中一個MONDAY嘅LUNCH同老公去開MEGABOX，諗住試吓呢間，話晒都有不少飲食節目介紹，環境、服務、食物都OK，本來想帶阿媽下次嚟，點知埋單時搞到我超慶各位一定要小心話說我同老公叫咗約4個餸，其中3個係午市特價(八折咗都要$68一個)埋單我計過約$300，已經預埋果啲九唔搭八超貴嘅茶介花生，點知張單要$420+我都未覺有唔妥，一心叫佢俾張單我FREE PARKING，點知佢俾人哋張單我，呢張單上有八折字樣，我先前果張無嘅？加上我張都夠攞FREE PARK啦，梗有古惑...我要佢PRINT果張，又唔肯，最後要潑婦罵街咁至PRINT，果然計錯，果伙計仲想抵賴，當場俾我寸爆無聲出最後連計兩次至啱~~~~~離晒譜仲有佢哋加一唔係用成張單總數計，係用正價計，俾幾多優惠都無用啦！唔老實

十二月三十一日 (星期三)首先多謝openrice送的兩張"吸血新世紀"戲票,今日去了工展會,然後在銅鑼灣看了本年的最後一套戲,不錯看完,很少沒有計劃到那裡開餐,最後決定避開水洩不通的銅鑼灣和尖沙咀,取而代之,是我們最愛的地方之一---MegaBox,貪其高水準的食肆臨泣,只會怕有太多選擇...老公仔提議到"肇順名匯",肇順肇順,故名思義,賣點是肇慶順德的地道美食,其中最叫人期待的當然是其游水的河鮮來到,不用等位,還給了一張四人枱給我們(心想,我們雖然嘴饞,但別太高估我們的食量)前菜是牛耳,我愛極了,是大良的地道美食,也是我的心頭好,不知不覺間整碟吃光因為人少,所以只點了兩餸一甜品:薑蔥煎焗馬面骨魚很少吃新鮮的海鮮,馬面骨魚更是從未聽過,見部長推介,部長更細心的和老公仔到大魚虹挑選,最後選了一條最少的,約一斤重部長建議煎焗,會較香口,一上碟,很香的味道,入口香甜不在話下,肉質更是甜而嫩滑,沒半點腥味,因為只算是細魚,所以肉不多,不過老公仔說單是啜骨都已經很回味新鮮就是這回事!鐵盤干蔥焗走地雞兩個人,只點了半隻,來到時還是用錫紙包着的,完全保留着雞味和薑蔥的香,雞肉大部份都已去了骨,吃落

大半年前左右嚟過，食套餐水準都算幾好，今次專誠試一下d河鮮。人少關係，只係叫咗六樣嘢:魚皮:餐前小食，魚皮已經淥熟，做法同以前粥鋪嘅鯇魚皮差不多，雪涷嚟食，口感爽脆而魚皮都幾鮮甜，值得試米湯青島貝浸豆苗:米湯應該係上湯，水準一般，清清地ok啦馬面骨魚:9蚊一兩，簡直有驚喜，一入口已經呆咗一呆，跟住就話:條魚好正!夠甜夠滑有魚味，好食過海魚炆花錦蟮:要20蚊一兩，水準唔差但唔算好好，個蟮嘅皮唔夠厚，食唔到蟮個種豐腴，少少失望豉油王煎金沙蝦:淡水蝦都要9蚊兩，但物有所值，一斤有8隻左右，打開蝦頭d膏流哂出嚟，蝦肉但有少少削，但算甜，好食蒸走地雞:類似污糟雞，因為自己特別鐘意食雞，所以覺得好正，大部份骨都起咗出嚟，啖啖肉呢到地方企理，招呼幾週到，而且自已帶酒唔收開瓶費，食品價錢算物有所值，值得再嚟。

食過幾次，其實嘢食係幾好食，好多河鮮，d嘢食都幾特別，尤其係個污糟雞，好入味﹗每次同屋企人一定叫呢個餸食的，仲有雙皮奶都係呢度必食，又滑又香﹗﹗最差就係訂左位都要等勁勁耐先入到去，d 知客唔係咁得囉，真係等到你忟架…明明book左7點半，入面有枱，但個知客又話唔入得住，拖下拖下成8點先入去食…其實book位同唔book位我都覺得冇咩分別囉…唉…

23號老豆生日, 一家四口出街食飯慶祝。一坐低, 先嚟一個前菜“仁稔”酸酸哋又幾好味喎。(初初以為係龍眼)經過一輪商議後, 決定菜試包括 :1)豬展炖響螺 ($1xx), 嘩好鲜味呀, 但過多一陣好口渴。(呀媽懷疑有味精) 2)薑沖馬面骨魚, 約1斤半 ($198) ，鮮味, 正3)炒豆漿 ($78), 味濃, 滑, 正4)啫啫蝦醬芥蘭煲 , 一般

由「百樂門飲食集團」經營的 MegaBox『肇順名匯河鮮專門店』曾出現於蔡瀾套 "嘆名菜" 電視特輯, 仲被蔡生盛讚他們D河鮮好特別, 可比美甚麼東星斑等貴價海鮮...近排經常為「小家居※大裝修」個項目四出搜羅家私及裝修意念, 上個週末一早去左MegaBox, 唸注去 B&Q 逛逛; 泊好車就先找吃喇! 醒起蔡生話有間甚麼河鮮專門店, 便走去睇睇有冇早茶飲......何至有茶飲, 原來逢週末都有半價點心益食家... 兩枝公試左... 布拉义燒腸粉, 粉皮好滑, 义燒都合格.!山竹牛肉球, 有成三粒, 有咬口, 食到有用馬蹄同陳皮!四寶雞扎 就好有空間去改善! 未上?有件已散左! 唔駛講味度, 個賣相都衰左!魚湯水餃 同樣失敗! 湯唔夠魚味(可能我地早, D湯未煲好!) 水餃散左, D皮仲淋晒!魚骨腩粥 要追左幾次至上?, 老婆大人話D骨腩唔夠新鮮同無爆過就落粥, 連薑絲都無落! 最後連 生灼菜遠 都衰埋, 都未淥熟! 唐生菜就好! 但D碟係菜心呢!好彩個蕃薯糖水 D蕃薯囉番唔少分!事實上, 又食又飲仲BLOG埋都係$107蚊, 都算係咁喇!下次一定要去食晚飯, 試下佢地D招牌菜...

我們一行五人,一早卜了枱,去到不用等,服務都幾好,不過待應猛推銷的貴價魚,17元一兩的什麼魽魚,沙窝魚頭煲90元,只有三件魚頭,都幾好味,不過炸得太乾.那個蒸雞就蒸得太過火,的肉很難咬得開.

禮拜天仍要工作, 於是星期六晚便出外鬆一鬆! 目標仍是鮮魚, 一入去便見到魚缸, 也看到幾隻鱷魚龜爬下爬下! 我們預早訂了位, 所以有窗邊位置, 幾開揚, 不過, 地下有透明玻璃...透視底下養了些魚, 我就差啲以為踏錯腳, 有啲驚!二人叫了黃耳杞子浸菜心, $65, 黃耳微酸, 不知是否正常但不喜歡此味道, 菜心唔腍, 麻麻地!清蒸大林哥, $15/兩, $360, 肉質肉石斑, 好滑, 不過無乜魚鮮味, 唔多骨, 俾我揀, 我會選擇帶多點魚味多骨既魚!白飯兩個, $16, 酸菜(供應的是豉油及牛耳 - 脆脆小食), $8, 茶芥, $16! 如果要比較順德公同肇順, 呢度衛生好啲, 環境好啲, 服務好啲, 不過, 那邊好味啲!再次期待下次的河鮮(三)!

環境幾好，坐得好舒服，肯定好過順德公先啦﹗食物，雖然唔係太鐘意阿姐係咁Sell貴魚，又唔望下我們得兩條友，都重猛咁Sell大魚，但係上到檯，又幾唔錯喎，魽魚煲好香，肉夠彈牙，魚湯浸菜就差左少少，唔夠甜。

我都冇寫過食評，但係呢間真係令我好失望．一）就算你bookｏ左位都要等成半個鐘先有枱．二）係食物水準一般，同外邊ｏ既食店都係差唔多，五個人去都要成600蚊，以咁ｏ既食物質素就真係唔抵．三）呢樣真係最大鑊，居然俾我ｏ係果度打死ｏ左甲由(蟑螂)．．．值得一提ｏ既優點就係有個侍應好落力咁介紹食物，服務唔錯，填補番等位ｏ既失分．值得推薦ｏ既食物係炸鯪魚球，味道ok．

First time going to Mega box and introduced by somebody about this restaurant. There speciality is fresh water seafood and regional Chinese food.Restaurant design is very trendy and great lighting. In the front of the restaurant is a big fish tank with many excotic fresh water fish. The most amazing creature is the "Crocodile Turtle" and it is not for decoration only, you can order it on the menu and of course I did not order it.Anyways, we did ordered some excotic dishes, such as;Cold fish sk

話說一星期前不吃魚的人參加了一餐河鮮聚會，地點係Mega Box肇順名匯，聽說呢幾個星期蔡瀾0係佢個飲食節目中大讚，一行六人於是來試下﹗前菜是牛耳，太耐無食呢個小食了﹗友人未來到前我地已經清哂﹗佢地無發現到﹗餐牌全是我的最愛......魚﹗當然唔係由我發板啦﹗我只係觀賞的份兒﹗唔知搞咩呢度用鳥籠來做裝飾，九唔答八﹗入口有個大魚池，裡面放滿河鮮，腥得不得了﹗所以訂位千其唔好坐門口，唔係一定後悔﹗先來第一個送，檀香骨，點解叫檀香我都唔知﹗只係知食落酸酸甜甜一大鍋上熱辣辣，呢個就係我全晚最鍾意的一個菜﹗呢度既名菜天下第一炒，有蝦仁、合桃仲有0的帶子、豆類西芹咁啦﹗無咩鬼特色的一個小炒，賣成百蚊更加唔知佢想點﹗呢個勁，海螺燉豬展湯﹗十分之清甜，飲落好舒服﹗價錢當然不平啦﹗好似接近三百蚊一鍋，一鍋每人有兩碗左右﹗0的湯渣當然唔好浪費，留番一陣大家都食魚既時候我用來送飯﹗南乳豬手，我唔食的，工友話味道一般完全唔似在食緊豬手喎﹗杞子炒菜心，入口有少少藥材味﹗都是炒菜吧﹗主菜終於都來喇﹗係叫左一條三斤重既野生桂花魚，一魚兩食﹗腩位肉位用來炒魚塊，又係我無份啦﹗大家都話呢個好好食，肉質鮮甜飽滿又實淨，個

味道幾有驚喜，同平日去開的本地連鎖店的口味略為不同。叫了個魚咀、雞以及煲仔芥蘭，三樣都好好味。特別是雞，很新鮮。味道普遍較為偏濃些但討好。價錢方面合理，坐位舒服不太迫。部長都幾風趣幽默，仲介紹些適合的菜式令我和朋友都有一個愉快的晚上。

星期六, 一家四口去食晚飯, 好彩訂左位, 唔係有排等. 事關6:30pm已坐滿人在網上看過推介, 點了招排餸:1) 檀香骨 (加左價, $75) 用煲上, 熱騰騰, 味道酸甜, 好野味, 不過唔知同檀香有什麼關係2) 炒豆漿 ($78) 似炒蛋白 / 賽傍蟹 , 有d蝦, 清清地, 我老爺好鍾意3)生菜鯪魚球煲 ($70), 開頭以為有湯浸住d生菜鯪魚肉, 點知原來冇水, 似啫啫煲, 不過得幾件似1蚊銀大的鯪魚肉+2棵唐生菜, 真係賺死佢4) 瓦煲焗魚咀 ($98 例, 女部長推介), 魚咀 即魚頭, 有6件炸過, 再用大量的薑蔥燴, 上桌時好熱, 開頭我驚腥, 但女部長擔保唔腥, 果然無錯, 一d都唔腥, 因為完全冇味, 我奶奶用佢的廚房智慧話d魚唔新鮮, 所以勁炸, 再用勁多 薑蔥蓋住, 我們一致認為可以一試, 但下次唔會再叫5) 桂花糕 ($12, 3件) 濃郁椰汁味+淡淡的桂花, 好味, 可惜當日冇雙皮奶本來打算叫走地chicken, 但奶奶話bird flu, 唔好食chicken., 而且女部長好老實話夠食了,so, 4餸+3飯+1甜品+4位茶 + (免費生果盤)

今日係6月9日同家人想試新茶, 所以就去左食呢間順得野....但係感覺超唔好以下是事件經過：我們向女部長落單，叫左個「瓦罉煎焗西江魽」(每兩$7), 落完單之後, 女部長返來說：「我幫你落左個白魽, 好好味家, 你地得八個人,食唔哂，我俾二斤半你地啦。」我地跟住想我地好似叫西江魽家wor，於是向她問：「幾錢兩?」她回應：「14蚊兩」我地當堂呆左，今咪雙倍我之前個budget,，　跟著我們就話：「今我地諗下其他野sin, 唔要條魚住。」部長跟著說：「下, 條魚我擋左la。」下.... 點解你轉左條魚唔問我要唔要, 又點解你唔好問我地要唔要先kill 條魚ar擺明就當客係水魚, ok , 今你都kill 左law,今我都唔可以唔要啦So far, 食物既quality 我地都覺得幾好, 條魚都ok (雖然唔係好知西江魽同白魽有咩分別)埋單的時候,條數唔係好對, 因為我地訂位的時候個reception 話有八折,但張單就冇, 所以我地就問：「我地訂位時話有八折, 點解以家冇?」她回應：「可能係某一d 小菜有。」我地就問：「有咩小菜係有八折?」她開始猶豫地回應：「我都係新lei, 做左幾日,我