肇順名匯河鮮專門店 (已結業)

陳總曾經給我們介紹過稻香園，最終我上了引。近期陳總又有新推介，就是mega box 7 樓的肇順名匯河鮮專門店，順德菜?本人是順德人也鮮有吃順德菜，心目中除了粥底火煱就不知道順德有什麼名菜，故抱著一試無防的心態赴宴。前菜小點是牛耳，見它一層層的很有質感，相信是食肆自製的，很脆、沒有不必要的甜，跟平時扁平一片沒有縲旋紋的牛耳很不一樣! 比奇脆餅家美味!給10分。全店上上下下每枱都會點的沙煱，有什麼神奇?這個是走地雞(半隻)煲，上桌時還是"BOB BOB"聲的滾著，標明是走地雞，是不賴的了，當然是很具雞味的，不過很難令人相信說這裡有半隻雞；翠玉瓜向來是小炒的得力配菜，因它爽脆又吸味，但不是很多人知道瓜的厚度是要跟餸菜的濃淡程度而有所調節的，濃味的，不防切厚些。這裡配合的相當不錯，有8分。炒豆漿，還配上帶子鮮蝦，著實，比一般的炒鮮奶，只是少了一點奶味，不提不說，很難估得到這是炒豆漿。廚子工夫很到家，豆漿炒得軟綿綿的，不覺肥，帶子跟鮮蝦配答得宜。硬要說它的缺點，是色彩不足，賣相可更吸引，有9分。啫啫介蘭煲，只用菜芯炒，咬下去有不少菜汁，很美味，也很有火喉，材料簡單，但工夫不簡單，給9分。大家對

痴線架!! 果次同班同事過去食晏,當日一早book左1點鐘,我地成棚人12點50分已經到左佢地門口攞位,佢話要等..好,我地都知唔係即刻俾到位我地架喇,人地都要執下台先得架,俾俾下時間佢地,竟然要1點25分先有位,仲要我地逐個車輪轉咁不停咁催先有位..but,我地個個食完都覺得唔錯,決定第日再有時間"等"就會再翻兜..唉..點知,我想同媽咪佢地一家人係果度食母親節飯,打去訂位,接電話果條友用左10分鐘同我講道理,佢都低b架,有位就有位,無位就無位,駛咩慢條斯理咁講成10分鐘都confirm唔到你book位??! 客: 我想book位架..肇順理論王: 小姐,你想book幾時架?客: 5月10號肇順理論王: 咦........(咦左成分鐘)5月10號呀...(又等左成分鐘)果日係母親節前夕喎,你book幾呀?客: 7:30肇順理論王: 7:30呀?!...(又等左成分鐘)拿,小姐,好老實講Y,果日係母親節前夕,度度你book左都未必一定即刻俾到位你架啦,咁你果晚一係book 6:30,一係8:30啦客: 咁我b

抱著為晚餐而食,卻帶給我不少驚喜.炒豆漿- 吃下去,有點像豆花,卻多了豆漿的鮮味.配以蝦仁及松子,送飯一流.必食既有好味檀香骨好味到次次清碟,加有蜜糖,所以甜甜地,比起生炒骨更惹味.曾經,一星期來三次. 最出名的河魚,吃過用砂煲焗,很不錯.不過,一條最細既都約二三百元.最特別是菜式很多皆是用砂煲,枱枱也一煲二煲.其實最特別是要預訂的燉湯,有像龜一樣的動物. 不過未曾嘗過,如果你試過,告知我吧! 甜品有雙皮奶,卻太甜.而熱的只不過用雪過的番熱.反而送的果盤蠻不錯.

第一次係megabox飲茶，以為公眾假期中午會好多人，點知e間肇順名匯河鮮專門店唔多人，不過唔多人唔證明佢d野唔得。例牌點心都係叫個幾樣，介紹幾樣我覺得比其他酒家好食的點心~:燒賣---比其他一般酒樓都好食，好有冬菇&豬肉味，絕對食得出佢有咩料，唔會比d調味料掩蓋哂lor。南瓜餅---唔油(試過係其他酒樓食好鬼油)，煙煙"unun"，外皮清淡內饀帶甜，我最愛~藕餅----好好味!雙皮奶---甜度適中，很滑~~~~特別介紹魚片粥，因為見佢地既店名叫"河鮮專門店"所以係咁e都要叫下d海鮮XD。佢地用新鮮魚切片滾粥，好鮮甜，食哂成碗!!不過都有彈既地方，間野其實唔多人，但係個部長偏偏帶我地入一間幾僻既房，有時要出去叫D waiter幫我地落單，希望改善下啦~~~~見到隔離台叫左一煲砂鍋的東西，十分之香，下次試下先~PS.記住有特價點心架，如果佢冇俾你你就問下佢地有冇啦~我唔清楚係唔係日日有。

喺sina中咗幾張17/3晚優先場既飛,9:45未夠鐘,約埋朋友嚟呢度試吓,訂咗6:30,由於見有食家話訂咗位都仲要等,公司同mega box又只係一條馬路之隔,心諗早啲到可能唔駛等咁耐,所以早咗10分鐘到達;去到只得幾張檯係坐咗人,原來都唔係咁多人咋,可能因為係星期一啩…人齊後開始點菜,由每逢去到一間陌生食肆都會做資料搜集既我首先點咗食家讚好食既”好味檀香骨”($65),之後由一向鍾意清淡既靚女P點咗”翅湯時蔬浸魚滑”($55),靚女C提議點埋”新椒炒黃鱔片($68)”,果然好提議,bf唔食魚,我好耐都未試過一餐飯內食咁多魚喇,三個人食三個餸夠唔夠架?眼闊肚窄既我地仲想點多一款,我記得之前atv既May姐介紹過”生炒豆漿”($78),食順德野唔係應該點炒鮮奶咩?經過一番商議後決定點”生炒豆漿”,但靚女P後來話返俾我知我喺落單既時候係講咗炒鮮奶喎,是但啦,都點咗咯,鮮奶就鮮奶啦…檀香骨先到,冇諗過係用瓦煲形式上,好熱,啫啫聲,乜我地叫咗啫啫骨咩?由於怕黐底,侍應會喺上菜既時候用一個大勺將骨撈一撈,我怕佢撈完之後個樣唔靚,即時好緊張咁拎部相機出嚟,佢見我想影相,就好禮貌咁叫我影咗先,服務

情人節當晚同老婆吃飯，想食清一點，想食蒸魚。以下是事件經過：我向女待應落單，叫左「魚湯唐生菜」（夠大碟），「香檀骨」（好味道），並向她問：「有什麼魚好介紹？」她回應：「唔好意思，我唔係好熟，不如我帶你出去問部長及去魚缸揀魚。」部長（年紀最老的一個）熱情地幫我揀了一條魚並說：「這條係大哥，一斤五，最正。」我兩個人吃唔到，於是向他說：「我要條細D啦。」在沒有揀其他魚的情況下，拿剛捉好的魚便說：「一斤二啦。」我想這就是海鮮價！？我回應：「都係唔要。」他好像好有禮貌說：「無所謂。」但好細聲同一名切魚的伙記講：「ｈｅｙ，佢都唔識食魚！」我當時真的好唔開心，唔識食魚又如何！我走回座位，女侍應有禮貌地問：「揀到魚嗎？」我一五一十道出部長的「款待」，她不好意思地說：「佢係錦．．．我叫另一位同事幫你。」最後另一位男侍應幫我揀魚（馬面骨）、介紹煮法、跟進落單、問候是否滿意食物質素；他的服務質素達到酒店水平，同部長的簡直天壤之別。看過其他食評，各位應該是找了部長或是較高級的侍應，其實這間食店的食物質素唔錯，又大碟（同一般酒樓比較），價錢又ok；只要大家下次找那位男侍應（身高，禿頭）落單便可，唔好同部長落單呀

今晚係爹地生日,因為新年食咗好多油膩的食物,所以今晚就準備食d清d的食物.睇見這間好似咁多人去,所以昨日已book好枱7點去.晚上6:50pm已經到咗,點知無枱,我同老公坐在外面等咗最少15分鐘先有枱,好多人吔!我地張枱等佢收拾都等咗好耐,仲要俾少咗兩份碗筷,"吹"咗侍應3次先有人攞俾我地,仲要少咗兩隻碟!唉!都唔知佢地點做野.到叫餸,一心黎到食順德野,一定要試炒鮮奶或佢地出名的炒豆漿,點知個部長不停話今晚太多人做唔到,起碼要等1個鐘都做唔到,好失望!誰知我地之後見到我地隔離兩枱都有叫而且唔駛等1個鐘就有得食,真係太太太太過份!這個部長只係在講大話.5個人叫咗5個餸:1.啫啫生菜魚球煲:好熱好味,但超油!而且要我地"吹"咗侍應部長3次先上到.2.碧綠煙肉炒牛柳:好油,唔熱,唔知係咪煮完唔記得攞出來.3.瓦煲焗魚嘴:好乾,d魚嘴的肉炸到乾晒,第1個煲上時凍冰冰,完全唔似煲仔菜,話俾侍應聽叫佢換過,等咗一陣換上另外一個熱d的,但都係唔係好得.4.好味香檀骨:全餐飯可以話係最好味了,不過同其他几味一樣,好油,而且份量都全部好細.5.銅盆薑葱焗走地雞:這個係部長介紹的,半隻雞已切碎,都唔知係唔

1.西江魽魚$7両~清蒸,此魚很有膠質,但沒有鱔的膩2.紫菜浸涼瓜皮$48~湯底該是用魚湯,充滿紫菜味,涼瓜刀工一流,又薄又濶3.啫啫生菜鯪魚球煲$55~個煲好大,份量亦夠多,鯪魚球並沒有一般酒樓的胡椒及鯹味,此店煎到略似魚餅4.大良炒鮮奶$68~內有帶子及蝦仁,都很好

昨天去了肇順名匯河鮮專門店飲茶，家姐新發現及提議的。來到真的見到很多河鮮，而且河水味道很重。坐下之後見到椅子地面的玻璃之下也是魚缸，有錦鯉在游泳。我們六人叫了一個午餐，包一煲炒米粉及一煲炒菜。再加四個點心。之外我們再多叫四點心及甜品，埋單不過410元。水準及價錢都很不錯。

為媽媽慶祝生日的晚膳, 總希望盡善盡美選擇了這裏是因為從不同渠道看到這間餐廳的正面評價但遺憾, 這裏的服務令人很失望先說天麻海雀燉魚頭湯, 味道很濃, 料很足! 但我們奇怪為何上桌後沒有侍應幫我們分湯呢? 若餐廳沒有提供此服務, 為何鄰桌有呢?再說其他用砂窩上桌的菜式, 如銅盤干蔥焗走地雞, 我們既沒有聽到侍應介紹菜名, 也沒有聽到"小心窩邊熱"的提醒, 更沒有聽到"請慢用". 我們都清楚看到窩內的食物是滾燙的, 當然知道要小心, 但恰當的提醒是服務質素的表現. 最後要說的是上菜. 點菜單上的時間是20:24. 但到了九點半(21:30) 我們食完所有飯菜, 還未等到一碟炸凌魚球. 我們查詢並要求取消該菜式, 過後五分鐘我們得到的回復是:"稍等, 經理幫你跟緊". 及後我們不願再等並再次要求取消該菜式及埋單, 期間歷時約五至八分鐘, 到得到取消菜式的認可和付款後忽然見到一碟炸凌魚球上桌. 我們體諒到星期日夜晚座無虛席的是何等忙碌, 但這裏是否出現員工溝通不足或人手不足的情況呢?我個人認為這裏的菜式是值得一試的. 但若服務如此, 我不過推薦親朋. 希望以上問題只是偶然.

之前去過兩次,都係兩三個人去,發覺d野幾好食,今次成圍人去(九人),食多幾味~(1) 天麻海雀燉魚頭湯(細- $180) 夠晒一人一碗,湯味濃郁,夠多料,唔會煲到淡茂茂.(2) 好味檀香骨($65) 幾大煲,有d似橙花骨,味道都唔錯,細路仔好鐘意食.(3) 銅盤干蔥焗走地雞($168) 用個銅盤,放d斬碎0既雞件,加味料後,再用鍚紙封頂,用火燒,勁好味!d雞彈口,好明顯唔係行貨雞.人多一定要試.(4) 馬泥斑(32兩$384) 好味,魚肉有口感,味道一流!!!唔係成日有.(5) 尖中有椒($48) 小食類別,即係魚肉釀尖椒,普通野.(6) 生炒豆漿($68) 別具特色,十分好味,我本人唔鐘意食大良炒鮮奶,不過呢個炒頭漿就唔同,個個都搶住食,好香又唔膩.不過好似話功夫多,旺場時分分鐘唔鬼幫你做.(7) 鮑汁炆鳳爪($38) 小食類別,味道都OK,鐘意食雞腳可以一試.(8) 啫啫蝦醬芥蘭煲($55) 又係用沙煲上菜,味道OK.(9) 順德雙皮奶($16/碗) 奶味香,夠杰,好食過義順果D.之前食過個焗魚頭,又係好好味,整體服務態度好

早幾天想試下新嘢,2人到了肇順名匯河鮮專門店一遊,部長安排了近魚缸位置的檯,有點魚腥味,有點影響胃口~記得小時父母間中會帶我到廟街一檔口飲水魚湯,該處雖然近馬路,環境亦很狹窄,但至今記憶仍歷歷在目...不過有人唔吃水魚,所以今次沒有點此菜。叫了3個小菜:污穢雞、鱔煲、九菜花牛肉污穢雞用一個類似盆的物體盛載,都幾得意,對於我呢D咸蟲都覺得味道幾咸,但整體都幾好食。鱔煲送來時已很香,味道不錯,不過只得我一個人吃,因為有人唔食鱔呢!九菜花牛肉味道可接受,但廚師在伴菜方面用了一些炸金菇,特別得來又幾好食~飯後有如一般酒樓都有生果拼盆送，食物選擇不多,價錢不是太平,例如燒雞差不多要二佰元才有交易,用這個價錢有很多其他選擇。

要為媽媽慶祝生日，又想有點新鮮感，便找了這一間河鮮專門店。這是一間新店，起初也有點擔心其食物質素，但到達酒家後看到座無虛席，便開始有一點信心。看到鄰桌的人大多數吃的是一煲煲的菜，經理說是煎焗魚。我們想吃清一點，於是點了以下的菜︰1) 啜魚二吃︰包括「蒸啜魚頭」，鮮味和嫩滑得不得了!還有將啜魚身起肉，再用「粥底火鍋灼魚片」，實在美味得停不了口。2) 清蒸魽魚︰很新鮮，肉質又滑又鮮甜。3) 梅菜蒸菜心︰味道有點淡，菜心也太林，不吃也可。4) 污糟雞︰味道不錯，略咸。5) 海鮮炒麵︰沒有什麼特別。6) 雙皮奶︰本人不好此甜品，但家人均讚不絕口。總括而言，一家人也吃得很滿足，食物也不肥膩，價錢合理！特別推介河鮮菜式！我們會再去的！

記得幼時到廣東順德南海一帶旅行，老豆十分喜歡找一些河鮮吃：什麼大頭魚、魽魚、生魚等等…小時覺得十分討厭，一是對大陸的衛生環境很沒信心、二是每個小朋友都一樣，不喜歡吃魚，尤其淡水魚，怕他草腥！但人大了，口味又變了…當年死不沾唇的東西，今天都可接受了！今日午飯，六人前來，選了這吃河鮮的地方：環境不錯，舒服、乾淨，不算很豪華的裝飾，人也不算多，可能十二多時到，還未到午飯高峰…但已洗脫了當年大陸時食河鮮的污糟印象，也和香港那些食順德菜大牌檔式酒樓高了個檔次！服務也不差，推銷食物得來也做得點到即止。今天點了啜魚兩吃、銅盤焗走地雞、梅菜蒸菜心和大良炒豆漿啜魚有薑蔥焗腩和大頭菜蒸頭尾：焗魚腩很香，入味；蒸頭尾很鮮甜、香滑走地雞很特別，分量挺大，很入味，不過個人覺得偏咸炒豆漿豆味濃郁，送飯一流…食物整體不錯，但"師傅"落得幾重手，害得我幾個鐘後還有點"味精過敏"當年香港的廚師到內地改良當地食風、現在內地的風味又轉來香港，還有在裝修和服務上改良進步！我想，粵菜不是夕陽行業，還是你有沒有心思改進…

去megabox食晚飯, 想試新口味, 便來了肇順. 以前在上海食過好好味河蝦, 諗住呢度賣河鮮, 應該可以一飽口福應經理介紹, 叫了一個薑蔥煎焗魽魚, 一斤七兩, 七蚊兩, 淨條魚都百六.再叫炒鮮奶(約$68), 同芥蘭炒豬面肉(同樣約$68)煎焗魽魚用一個大鍋上, “炸炸聲”好有氣勢! 好多薑蔥爆香d魚, 幾好味, 唔多骨, 腩位都好肥美. 三個大人都食唔哂, 仲有得打包.炒鮮奶上面有蝦仁, 但一d 蝦味都無!!! 失敗!! 另外有松子, 炸粉絲墊底. 鮮奶炒到好似燉奶咁, 口感同味道只屬一般.芥蘭炒豬面肉又係一個大鍋上, 今次就有點多餘, 因只有一半滿, 用碟上好d. 唔使整到鍋大餸少咁. 呢碟都係一般貨色.最後叫兩個燉奶, 幾細碗下, 味道唔錯. 晚飯有八折, 只限小菜. 折實都成$400. 有機會或者試下d午市點心