肉肉強食 by 鋒膳 (已結業)

呢間港式鐵板餐廳有平靚正鐵板餐，真係大件夾抵食，而且好好味。而家天氣轉涼，成日心思思想食。終於，星期六晚我哋去咗食，叫咗兩個鐵板。加埋$22轉餐，就有羅宋湯、餐包、甜品、飲品，幾抵食。肉眼扒$100我哋揀咗洋蔥汁，配意粉，鐵板夠晒熱，啲汁倒落去果吓好正，不過記得要用餐巾擋住先。肉眼扒我哋揀咗5成熟，有3塊，肉質唔硬，雖然唔係厚切，但係以佢嘅價錢絕對性價比高，佢仲要寫明用紐西蘭Affco牛肉，同埋唔用鬆肉粉㗎。餐廳配菜都有誠意，有翠玉瓜、甘荀、粟米、西蘭花。美式什扒$90什扒有一塊薄牛扒、一塊豬扒、司華力腸、煙肉、一隻雞全翼，一樣有蔬菜配菜。呢個餐最揀選擇困難症嘅人，咩都有，豬扒都唔會柴皮。如果雞翼可以轉埋雞扒就更好。我哋揀咗黑椒汁，好惹味。配嘅薯條好好食，金黃香脆，超粗條的，正！芝士漢堡包$48漢堡包真材實料。麵包鬆軟，有牛油香。漢堡扒超級厚，肉味香，仲有熱溶芝士，配埋清新火箭菜、生菜、蕃茄，比起連鎖快餐廳，呢個好味之餘，食完真係夠晒飽肚。最後跟餐甜品係雪糕、菠蘿啫喱，啫喱仲要配埋花奶，好味。再嘆埋杯嘢飲，真係捧住個肚走。

好耐有鋸過扒，一諗起鋸扒，我就諗起長沙灣呢間肉肉強食，食過幾次，每次都冇令我失望，今次都係，依舊都係咁好食同抵食。呢個吉列豬柳只係＄20 ，你冇睇錯，今時今日仲有＄20 嘅鐵板我真係搵唔到香港有其他地方有，而且質素唔差，豬柳肉質咬落有口感，完全唔嚡，而且豬味濃，勁抵食。朋友食嘅係雜扒餐，睇落材料豐富，味道應該都唔差。比目魚扒有一份半，份量算係相當有誠意，魚肉幾滑，加錢跟餐仲可以配埋飯/意粉/薯菜，餐湯，面包再加甜品。今時今日呢個價位實在係冇得輸。

去完深水埗買遊戲碟，已經近晚餐時間，於是同朋友一齊搵個地方食晚飯！行下行下見到一間食鐵板餐的餐廳，上到去彷彿時光倒流，想起了細個跟爸媽去食扒餐的日子！細個嘅時候，好小事都會好開心！餐廳用紅白格仔枱布，播放住80年代的歌，好懷舊呀！餐廳主打鐵板餐，我們點了兩款，分別是肉眼扒和深海魚柳，+$22升級了套餐，有餐湯、主食、餐包和甜品！原來餐廳推出每日30份$20吉列豬，還要是日本宮崎快樂豬！太抵了！因為太肚餓，我們再點了一客牛肉芝士漢堡！羅宋湯足料，好多菜！鐵板餐都選了黑椒汁，一送過來就會淋汁，令人懷念的「咋咋」聲，香噴噴！呢度的肉都沒有加上醃肉粉，肉眼腍，有牛味，還要超級大份，要讚一讚薯條，好有薯味而且非常之脆！魚柳炸到外脆內嫩，魚柳啖啖肉又juicy，加上黑椒汁好惹味！漢堡好足料大份，牛肉超級厚，包好鬆軟！甜品有細個成日食的啫喱，一定要多花奶！今晚嘅晚餐真係充滿回憶！

宜家都好少傳統式餐廳專門鋸扒，今日經開長沙灣地鐵站見到有間樓上舖，同屋企人齊齊去開餐。 張檯布都係用格仔，好有傳統式嘅感覺。 吉列豬柳係採用日本宮崎快樂豬，每日限量50份，而且只係$20咋，豬柳好大塊，金黃色豬扒炸到又香又鬆脆，非常吸引！ 芝士漢堡個包好熱好香脆，牛肉好厚好juicy。 美式什扒好豐富，有豬、牛、雞，又有腸仔、煙肉。跟餐有羅宋湯／忌廉湯，牛油餐包、餐茶同埋雪糕甜品。 西冷牛扒好大塊，並採用紐西蘭Affco牛肉，呢度啲肉全部都唔會用鬆肉粉同食粉醃製，啲肉仍然保留原汁原味，以88蚊價錢嚟講，質素相當唔錯 性價比高，非常抵食。

果日行完街 勁肚餓 好想食肉去補充返體力所以見到依間店面 就知全部都係肉咁佢個店係2樓的 所以一入店就要行上一層咁佢裝修都似一般既港式茶餐廳咁一見個menu 就比最上個吉列豬柳吸引左居然20蚊咁平!!!?佢話限量50份 咁我地都驚冇晒所以問左店長咁岩好好彩仲有 所以緊係即刻點左一份LOL佢仲有汁揀的開頭以為20蚊 應該好細塊點知勁大碟 成個鐵板咁上 我地都嚇親D 汁就自己淋上去以20蚊咁大塊黎講 勁抵 加上味道都唔差 炸得好脆另外仲叫左個牛柳加薯條咁個味道都對得起個價錢好抵食開始以為D 野食唔會好大碟所以仲叫左個芝士漢堡包同雞翼點知全部野都係好碟 好大份所以都差D 食唔晒最後食完咁多肉都要食返個芝士西蘭花 食返D 菜平衡返最後仲有甜品送

長沙灣有間扒房，朋友介紹下，當然去試吓。見到價錢都好合理，地方都好大。選擇都多先來羅宋湯，材料多。味道佳。蕃茄味濃，真的不錯👍🏻👍🏻👍🏻西冷牛扒5成熟。黑椒鐵板上。同我以前去扒房回憶，好開心🥳黑椒汁堅正，食落有咬口，好有牛味。配菜有翠肉瓜，粟米西蘭花，配上薯條另上碟。熱熱粗條，特別好食👍🏻👍🏻👍🏻蒜蓉汁牛柳，原來放係邊邊位有一堆蒜蓉，勁香口，牛柳較淋。咬口更好。有2大舊配上意粉，d汁加上意粉更正。不知不覺都吃清。真心正有雪糕完全完美亦有叫啫喱加上花奶。好滿吹足的晚餐

今天跟朋友去深水埗買配件，買完以後時間有點晚，就直接在附近找間餐廳吃一下，看到這間有個很特別的吉列豬柳，又超便宜的，就趕緊來吃一下！美式什扒（９０元）雖然只是９０元一份，也沒有想太多，但這裡意外的挺不錯，非常大的一份，有豬扒，牛扒，雞全翼，煙肉，司華力腸，肉量認真夠多！而且每一款都煮得剛剛好，豬扒是選了帶肥的部位，而且煎香了，吃起來油香十足，肉汁挺多的！牛扒是比較薄的，但吃起來有牛味，旁邊的筋位也不會咬不動！雞全翼是油炸得，炸得剛好，外脆內嫩，非常多肉汁！煙肉就有煎香，吃起來是脆脆的！吉列豬柳（２０元）這個真的是性價比滿分！才２０元，就可以吃到日本宮崎快樂豬，而且還是有兩塊大大的豬柳！吉列豬柳炸得非常好，外脆內嫩，吃起來完全不會覺得油膩，而且肉汁非常多！非常推薦吃這個！特別提醒可以叫店員不要倒汁進去，那就可以保持到豬柳一直都是脆的！生炸雞翼（５隻）（３２元）這個簡簡單單的生炸雞翼，炸得挺不錯的，肉質嫩滑，而且雞翼有預先醃過，所以吃起來不會太單調！套餐（＋２２元）這個套餐真的挺划算的，不單止有基本的湯，餐包，白飯／意粉／薯條和飲品，還配有甜品，這性價比也是挺高的！我就選了忌麻湯，挺多料，

今日同朋友去試吓食扒餐，朋友介紹呢間大件又抵食，就一於去下啦！餐廳位置相當方便，長沙灣地鐵站行幾分鐘已經到咗👍佢主打就係同款式嘅鐵板餐，餐單非常易睇😆另外再加$22 就會包埋餐湯🥣、牛油餐包丶飲品及甜品所以強烈推薦大家要加！我哋兩個叫咗兩個鐵板扒餐～首先送上餐湯，一紅一白，羅宋湯相當足料，有好多牛肉～好多蔬菜🥬，白湯忌廉味濃厚 ，相當不錯配上熱辣辣嘅餐包，非常正跟住送上朋友叫嘅西冷牛扒，配上蒜蓉汁牛扒有兩大塊，五成熟剛剛好 ，非常Juicy，以$100來說可以交足貨 ！另外要咗薯條🍟，熱辣辣好好食跟住我嘅美式什扒餐都嚟咗，非常大份！有私話力腸煙肉 丶雞翼丶豬扒 同埋牛扒，配上意粉夠飽肚朋友話呢度嘅手打牛肉漢堡都好正，所以要左一個🍔，果然牛肉漢堡勁厚，啖啖肉，肉質鮮嫩，配上熱辣辣嘅麵包🥯，生菜同蕃茄，正呀！最後仲有甜品雪糕🍦，非常之滿足的一個晚餐🥰

長沙灣真不愧是美食天堂，這家港式鐵板餐廳收費好親民，還不收加一服務費。店內的裝修好寬敞，座位沒有平常鐵板餐廳那種笠痴痴的感覺，好衛生。肉眼 - $100有兩塊超大塊的肉眼扒好抵食。肉眼位置的油花特別豐富，有明顯的牛脂香，入口超軟腍。可選黑椒汁、蒜蓉汁或洋蔥汁，還附送惹味的蒜蓉。有幾片翠玉瓜、蘿蔔仔和粟米等平衡肉膩感。西冷牛扒 - $100西冷的肉質較厚實一些，入口很有嚼勁，外沿有一條白色的肉筋，牛肉味較濃郁。扒餐+$20餐湯可選忌廉湯或者羅宋湯，較喜歡酸酸甜甜的羅宋湯，帶微微辣，還有牛肉碎材料十足；另外，再加飯、意粉或薯條，當然不少得港式的波浪薯條，吸收多餘的扒汁；牛油餐飽有加熱過，帶微微柔軟，牛油還冰凍的。芝士漢堡包 - $48想不到有如此厚度的牛肉漢堡，入口好柔嫩不易散，又充滿肉汁；還有半溶化的芝士和芝士醬；加上經典配料蕃茄和生菜平衡膩感。凍朱古力+$5凍飲需要加$5，朱古力粉好濃郁可口。熱阿華田有香甜濃郁的麥芽香。甜品本地品牌CocoBerry出品的低脂小糖雪糕，雖然只有雲呢嗱味選擇，但好重香草味，一點也不甜膩。另外，或可以選擇啫喱。

之前聽朋友講，長沙灣有間平民扒室，今日放工就黎試下。叫一個扒+$22就可以變成套餐，有湯（紅湯/白湯），白飯、意粉、薯菜擇一，牛油餐包、飲品同甜品，真係好抵。黑椒汁牛柳🥩（五成熟）配薯條 $140一上枱，店員會靜待你打開餐巾，之後先會係熱辣辣既鐵板上淋上黑椒汁，鐘意食鐵板既人，會好享受聽到渣渣聲既感覺，證明個鐵板烘得夠熱。牛柳一切落去就知佢質地嫩滑，咬落口完全唔會有鞋既感覺。蒜茸汁🐥雞扒 配意粉 $70雞扒係好大塊，而且好滑，配埋汁好Juicy，仲有一塊煙肉🥓同一隻煎蛋，超級豐富。佢伴菜都唔少，有瓜、有🥦西蘭花、粟米粒。意粉係分開上，因為本身塊雞扒太大塊，我食左一半先落意粉係個鐵板到撈埋d汁黎食。食飽之後可以叫佢上甜品，有雪糕同啫喱簡，啫喱就係平時食開個個大品牌既味道，上面淋埋淡奶，既簡單，又好食。見到佢餐牌有佢個招牌限量吉列豬柳$20，下次有機會一定要試❗️

肉肉強食 by 鋒膳 地址: 長沙灣東京街31號1樓電話: 23610031====================#肉肉強食 #肉肉強食 by 鋒膳出到去深水埗及長沙灣，一會是看電腦相關產品，二是去看二奶電單車膳買周邊配件。每之行完完成指定任務，就要補血補體力啦，呢區架餐廳大多便宜抵食，cp值甚高鐵板餐 +$22 有湯，餐包，飲品同租品，呢份豬$80跟蒜蓉汁同炸薯條塊豬好大塊，一個人都食唔曬，本身真已是多肉汁，$45 牛肉漢堡包，手打肉滿juicy,夾著蕃茄青瓜生菜同熱溶左架芝士，漢堡扒又厚身加埋配料要折開幾層來食。我好鐘意$28 肉丸5粒，用真豬肉做成肉丸 ，唔怕食到滲好多粉，個蕃茄醬肉太多，所以加了$22 salad 同$28 芝士焗西蘭花食左好多野，連明天早餐同午餐架quota 都用埋啦。

首先恭喜你撳入嚟睇 已經避免左自己中伏 :0) 食飯嘅時候聽到隔離枱喺度左度右度 講有300幾蚊quota :0) 所以正評點得黎你就自己諗啦 :0) 呢度嘅肉全部都係一樣味 即係 冇! 味! 基本上除咗西冷牛扒係食得出分別之外其他肉係全部一樣味樂觀啲睇都叫開咗關好似返咗深圳東門咁🤑我係比佢$20吉列豬柳吸引入去嘅 但我會奉勸你如果想俾$20體驗食_嘅話都幾抵食🤗介紹返我舊豬有血水嘅 食左一半都冇就唔敢再食 同埋都幾可笑 我哋八點半左右入去食 都仲有所謂限量供應30件嘅吉豬🤔諗返其實應該一早聞到伏味成餐飯除咗個羅宋湯同埋雪糕啫喱之外冇野係好食全部正評重點推介嘅吉利豬柳同埋漢堡包都係冇味嘅 直頭佢個漢堡扒係好似肉丸咁嘅質地 有啲黏住同埋係軟身嘅 冇肉汁 個包冇醬 基本上除咗佢嗰舊所謂芝士完全冇味 最緊要係你個芝士都!可!以!無!味!我相信牛扒無論你嗌幾多成熟最後都係全熟 都幾肯定同個鐵板無關 因為一上菜我就即刻切開睇 已經係well done到灰色 但佢係唯一一樣有肉味嘅嘢瑞士雞翼就剩係得顏色咬落全部都係白色 都係冇味 好彩係都冇雪藏味個個都話抵食 但其實諗深一層 佢都賣得幾貴除咗個吉列

曾經路過呢間餐廳見到個名幾得意，於是即刻marked+約咗班無肉不歡嘅朋友去食dinner。#頭湯我哋二白一紅，覺得羅宋湯好飲啲，起碼多料過粟米忌廉湯，味道再濃返少少。#餐包普通面包一個。沾湯或搽牛油也可。#肉眼可配黑椒汁、洋蔥汁。可能鐵板太熱關係，叫五成熟，嚟咗7成熟，叫7成熟，變咗全熟😓韌到咬唔開。#深海魚扒嚟到嘅時候先知係吉列，本身麻麻哋炸嘢…不過賣相係ok 嘅、味道不如所料。有西蘭花、薯蔔，冇調味，白灼生生哋，會食淨嘅嘢。#cocoberry杯仔雪糕佢個set dinner包咗甜品，有雪糕或啫喱，揀咗雪糕，味道冇得揀，幸好焦糖餅乾味都唔錯。#環境佢張枱布幾有野餐feel。

如果要數全港至平嘅鐵板餐，你會諗起邊度呢？香港三大連鎖快餐店？定係港式懷舊冰室餐廳呢？今日我哋就嚟到位於長沙灣嘅肉肉強食by鋒膳，驚喜見到呢度嘅鐵板餐價錢超震撼，價值$20就嘆到吉列豬柳鐵板餐，絕對係衝擊視覺同味覺呀！吉列豬柳鐵板餐每日限量發售嘅吉列豬柳鐵板餐只係$20，想食嘅一定要預早時間，因為賣晒就無架喇！至於呢份鐵板餐價錢咁平，唔好以為份量同味道會偷工減料呀！呢度嘅吉列豬柳上枱已經有2大塊，仲要係厚切，但炸粉唔會太厚，食嘅時候啖啖肉，夠晒香脆，好好味呀！什扒鐵板餐除咗至抵價嘅吉列豬柳鐵板餐之外，仲有其他鐵板餐，我哋另外叫咗什扒鐵板餐，份量同樣超多，有牛扒、豬扒、炸雞翼、煙肉同司華力腸。特別驚喜係什扒鐵板餐出現嘅牛扒都勁大塊，好抵食！西冷牛扒鐵板餐食鐵板餐又點少得西冷牛扒呢，餐廳標榜唔落鬆肉粉，所以食得夠晒健康。至於牛扒肉味juicy，我哋叫5成熟，生熟度啱啱好。配菜仲有粟米、甘筍、西蘭花同翠玉瓜，整體份量夠豐富。另外，如果升級做套餐，就包埋餐湯、牛油餐包、白飯/意粉/薯條、餐飲同甜品（雪糕或啫喱）。我哋特別鍾意佢哋嘅餐湯，羅宋湯配料有薯仔、紅蘿蔔、椰菜、蕃茄、牛肉等等，材料豐富；

長沙灣・肉肉強食又發現長沙灣附近香港味濃食懷舊香港扒餐的好地方以前人窮，每到大時大節especially 聖誕節吃個港式 鋸扒 西餐已經是最好的過節大餐，所以長沙灣深水埗一帶有幾家老字號的餐廳，金x, 愛x, 飛x等等。但時代進步，你點都唔會再上食用鬆肉粉嗱到D肉好難食的肉吧。咁如果又想懷舊一下食 港式扒餐又點好？ 宇宙商場對面的肉肉強食可能係唔錯的選擇。東京街肉肉強食，餐廳環境大坐得舒服。 而且餐桌上的一塊紅白格仔布，更加是吸睛。 不過最讓人食得安心的是，餐廳標榜唔落鬆肉粉， 食得健康，比錢食飯也比得心甘。每份鐵板餐也已經包括了餐湯餐包飲品及甜品， 主菜款式也多， 豬牛羊雜扒魚也有得選擇。粟米忌廉湯夠杰身，羅宋湯味濃夠足料。比目魚扒煎得外酥內嫩的 比目魚， 魚肉雪白 柔嫩，外皮 煎得金黃香脆 ，配菜薯條 炸得條條金黃， 好吃到讓人忍不住想再叫多一份。紐西蘭羊架柔嫩的 紐西蘭羊架，醃得 入味，而且件數多，也煎得香口，搭配 西蘭花、 粟米 ，意大利粉，淋上香濃夠味的 蒜蓉醬，好吃又有飽足感，手打牛肉漢堡唔夠飽仲另外叫多咗個手打牛肉漢堡 ，咬下去肉汁四溢， 牛肉漢堡鬆軟 有肉香 ， 配搭半