肉餅哥小炒料理 (已結業)

作為肉餅愛好者，一個直想上肉餅哥的肉餅。早前終於有機會😋一打開餐餅眼花撩亂，數十款肉餅任君選擇。本身想試花膠肉餅，可惜未有。惟有轉食第二心水的「金沙煎肉餅」配菜飯😍煎肉餅香脆可口，入面鎖住肉汁，熱辣辣，好好食☺️ 上面的金沙醬入面有粒粒鹹蛋黃，增加口感。而且金沙醬唔會過鹹，配上肉餅，撈飯絶配👍🏻而菜飯亦有驚喜! 茶粒清甜爽口，飯亦粒粒分明，係食邪惡煎肉餅嘅健康之選。送嘅老火湯較淡，但飲得岀冇味精。提提大家，星期六日如果想食，記得1點前去到，1點後就好大機會要等位啦🙈

記得一年多前第一次來，雖然感到食物尚可，但由於服務不佳，所以也沒再光顧。直至今午，看見店家推出素肉餅，大感興趣，便決定再給它一次機會，怎料比上次更失望。首先跟上次光顧一樣，該店是沒有水供應的，要飲水，請科水，三蚊枝礦泉水，不貴，但旁邊有張呼籲大家食素肉餅減少碳排放的海報旁，是否有點偽善？免費提供水，成本真的那麼高嗎？為何入間餐廳食飯，想飲水，都要逼人買膠樽水，三蚊枝，又唔係賺好多，但製造垃圾，但又呼籲減排，想點？點了麻辣東菇素肉餅，熱奶茶不到五分鐘便來了，然後奶茶凍了，涼了，沒了，望錶，差不多半個鐘，問伙計，他指著我身後的女士說:"佢果份都未到！" 那位女士無奈地說:"等咗半個鐘喇！" 結果，再等五份鐘，兩份一齊到。我唔知係咪素所以等耐啲，但如果係，係咪應該同個客講聲？另，等份午餐要半個鐘是否合理？最後講到個餐，對唔住，等半個鐘，我會好有期待，但結果如圖，一碗飯加一塊薄如紙的肉餅，連兩條青菜點綴吓都冇，第一個感覺，好寡，再望餐牌，噢，原來菜要加8蚊，唔加就真係一條都冇，都啱既，同水既道理一樣。素肉餅味的確不像肉，但量真的太少，加上辣味太重，除了辣味外根本吃不出其他味道，整碟很乾，加上奶

今日因事又造訪美林邨，想再去壹級用餐，惜內部裝修没有營業。唯有選擇去其他餐廳吃飯，最終挑了肉餅哥。內部装修頗有格調，座位也尚算舒服。雖然餐廳主打肉餅，但也提供不少其他的小菜，滿足不同街坊的要求。點了柚子醬煎肉餅，肉餅以猛油煎香，外層香脆，而内裏保存了肉汁，柚子醬淋在肉餅面頭同吃，酸甜的清新中和了油膩的煎肉，是不錯的配搭。美中不足的是猪肉的調味未能辟去肉騷味，令人有少許卻步。跟餐可選白飯或南瓜粥，粥稀沒有南瓜的甜味，如選菜飯，或較有特色。隨餐跟一杯熱飲，但是我對新品黑糖薑蜜很感興趣，所以加錢要了一杯。薑蜜是甜的，但是辣勁很够，黑糖又令餘韻帶點酸，是很奇特的味道。食物有創意，味道尚可，埋單45蚊，不算便宜。有興趣可一試。

星期六，晚飯時間，有九成滿座。肉餅哥改進後，除左肉餅，還有小菜，連羊腩煲，辣雞煲都有，唔食肉餅都ok. 我地兩個人點左一個蒸肉餅套餐，一個小菜。潮洲肉餅入面有花生，好硬，要挑晒出來先食到。荳腐魚腩煲，驚喜位係有火腩😆。套餐有飯，湯，另加七蚊有一枝支裝椰青水，抵飲！食物到左之後完全忘記影相，當時只想盡快食完離開。原因係衛生情況唔係咁好，有待改善，枱面比較油，亦有細細的蟻仔🙈現場有三個樓面，人手明顯不足。

肉餅哥點解會去食：2018-12-10 今晚約一對識左好耐的夫婦朋友，同埋佢個好得意的小朋友，因為我地都好鍾意食肉餅，所以一齊去肉餅哥試下，佢d肉餅的創意，好吸引我地去！食物新鮮程度：⭐⭐⭐️⭐️食唔出佢d肉究竟新唔新鮮？！件肉餅唔算好大塊，想像下，佢嘅直徑係銀色嗰d盅頭飯既盅頭咁大！墨魚汁肉餅：餅質彈牙，仲有少少墨魚膠嘅質感，相信墨魚的成分都充足！素豬肉肉餅：素豬肉即係本身唔係肉黎架啦！但佢嘅口感同調味，好配合，仲真係好似豬肉添！不過同真豬肉比較，仲差少少肉香！食物合適溫度：⭐⭐⭐️全部即叫即整，上碟時，仲有煙飄出黎添！食物驚喜程度：⭐⭐️⭐️柚子肉餅：柚子茶製造而成的汁醬，調得還好，唔會太搶味，平衡左肉的油膩感。—————————————————服務員態度：⭐️⭐️⭐️只能講簡單兩句，佢哋太忙啦，同埋佢哋對眼成日帶到睇過龍，完！—————————————————最重要系。。。我會唔會再去？重遊指數：⭐⭐⭐️

一心諗住去食特別的肉餅八點半入坐 但一坐低就聽到佢地話肉餅買晒所以最後叫咗晚餐 特價套餐 4人餐一個湯加四個餸 $348 =蟲草花花膠雞腳湯=都幾足料 入面有四隻雞腳=鹹魚雞粒豆腐煲=黎到嘅時候好香好有香咸香味但其實啲鹹魚熔晒 唔係好見到雞嘅分量比豆腐少好多但勝在幾香口幾好餸飯=涼瓜炆倉魚=用咗豆豉汁 涼瓜有味但又唔會太苦倉魚都唔會太老哩個都係一個好好餸飯嘅餸=啫啫炒通菜=份量很多啲一個菜煲啫啫炒變得好惹味=豉椒炒蜆=其實同炆倉魚個汁係一樣 加咗洋蔥青紅椒炒分量正常味道都可以大致上環境味道都可以係無晒肉餅哩吓有啲失望其實睇返餐牌發現好多餸都比較重味好適合餸飯

大圍分店！我用外賣平台買外賣，落單前專登打電話問分店【包唔包埋飯】，接電話個個呀姐話包，我叫左4個餐，等左差唔多40分鐘，送到黎，竟然無飯，有老有嫩，有無搞錯！打電話去問，個呀姐竟然理直氣壯話自己無錯，係我自己唔清楚，真係想講粗口！！自己未搞得好就唔好學人join 外賣平台啦！重話我無係個app度按要飯，我只見到飯要收$10，禁電話度你話包埋，禁我無按$10飯，係咪好正常呀?離晒譜！！！！！！！！！得餸點食呀？過份！！

自小喜愛由小食到大的蒸肉餅，可以說是百吃不厭😋，因為有親戚住在附近經常路過，終於可以到來一試。於是點了一個咸魚蒸肉餅飯😍，比我預期快的蒸肉餅約不到10分鐘便上枱了，但發覺一點滴的肉汁也沒有🙄，便將已預設枱上的醬油加上，當吃了第一口，感覺令人失望😞，肉餅完全沒有質感，沒有鮮香味道，咸魚更硬得不能用筷子夾開，要直接將咸魚放入口咬開，但也硬得如剛剛晒好的咸魚😳，比牛肉乾還要硬，唯一給一個讚的就是白飯夠熱😊，不知是否我晚上9時半才到來，食物質素如此，但以肉餅哥為招牌，應該好好處理這招來食物，更希望不是我心所估計的番蒸肉餅吧！

去得肉餅哥，肯定係肉餅控。每次都會試吓唔同款式嘅肉餅 今次試咗個黑椒薯仔加鹹蛋黃兩款黑椒嗰款有少少辣辣地都ok鹹蛋黃嗰款有驚喜😬 食落你會以為自己食緊黃金蝦。咸香好正，不過預咗唔健康😅見到佢有個素食肉餅🤔下次再試下

Today I had dinner with my friend in this restaurant. Luckily, there was some vacancy and we could find a sit immediately. I ordered 芝士肉餅 and 蝦膏蟹棒肉餅 with rice but without drinks. 芝士肉餅 was delicious but give me an excessively full feeling afterwards.There seems no shrimp paste found in蟹棒肉餅 

夜晚男友放工後👦🏻決定去大圍食晚飯。男友翻工地點每日不同但佢話 如果個日係去大圍放lunch就必定要去食 肉餅哥！佢講到咁就算啦跟佢去本來中途想放棄唔食👀因為由大圍站🚈行去都自少10分鐘路程👣不過都繼續去 因爲佢話真係超好食。去到第一樣吸引到我係舖頭既外觀😍由於我地係夜晚去佢既位置附近又唔太光猛加上舖頭既設計 & 開咗暖色既光🌟感覺好似翻屋企咁温暖🏠。而餐廳內既設計應該係以木色系🌴為主好帶到温馨蝸居既feel比客人🌻。坐定定點餐本來煩惱緊食咩肉餅餐❔❓我又怕咁夜食太肥點知見餐牌有 新豬肉！亦即係 素・肉。餐牌介紹新豬肉 既主要成分為米，豌豆，冬菇🍄&非基因改造大豆而且卡路里Cal減低65%我👧🏻就點咗個 糖醋汁素肉餅 配辛辣麵男友👦🏻試流心芝士肉餅飯。終於食得啦！個肉餅色澤均勻仲有溶化中既芝士超吸引😍素肉餅 質感 同真肉餅相似度有9成！男友仲食落問：「有分別咩？」🤣其實係有少少既但如果唔係試咗一個真，一個假可能真係feel唔到 原來有分別🤣。第一次 嘗試確實好有 驚喜無諗過會有 素食無論 餐廳設計，整潔度，員工服務態度，食物味道都很好👍🏻。但唯獨有點美中不足係個辛辣麵辣過頭👉🏻👈🏻平時

之前係其他平台見過人推薦肉餅哥。今日去開附近唸住黎試下，係地鐵站出發行差不多十分鐘就到肉餅哥所在既冬菇亭，叫咗蒸流心芝士肉餅同蒸金沙蛋黃肉餅。一落左單，伙記就送上湯同野飲。等左大約15分鐘就上埋肉餅。金沙蛋黃肉餅 （$62）流心芝士肉餅（$62）開始食都冇咩特別。肉餅唔算好熱，雖然我哋有影相，但係其實都係一兩分鐘嘅事情。朋友仲話流心芝士比蛋黃要好食。但係我食咗一啖流心芝士肉餅落口，發現唔知點解啲肉咬唔開。即刻切開，發覺有一半嘅肉餅中間仲係 “粉紅色”！“仲未熟”！“生既”！咁就即場攞去問伙記，伙記就係回應左一句 “哦”，然後就交比佢老闆 阿榮，同問左我地邊張枱。結果我地之後等左25分鐘，佢哋都冇作出一啲乜嘢跟進，亦都冇上過一碟新既比我。我地立即比錢離開，同收銀講左，佢講左句唔好意思同剩係收左金沙蛋黃肉餅的錢。希望其他去食嘅朋友唔會遇到啲咁嘅 “肉餅” 同 “服務” 啦！

今日終於食到好出名嘅肉餅哥喇！好耐之前已經聽過呢到d肉餅好有創意，今日親身去到見到個menu，見到有好立克肉餅，咖啡煉奶肉餅等，真係幾難想像會係咩味，雖然我都好想試下，但就勇氣唔夠，所以最後都係保守d，揀咗個蝦膏蟹棒肉餅。每款肉餅都可以選擇蒸或者煎，配白飯或者菜飯。我就揀咗香口d嘅煎肉餅！等食物嘅時候望到餐廳內d廣告，寫住每塊豬肉經人手捶打二萬六千八百幾次，想像個畫面令我諗起周星馳食神電影入面剁瀨尿牛丸！即叫即煎，所以都等咗一陣，好期待究竟係咪真係咁好食！食咗一啖，的確係煎得幾脆口，唔錯。食落呢其實覺得蝦膏味可以再濃d，咸香味再多少少！蟹棒原來係蟹柳，混入肉餅到都算配合嘅。

肉餅哥係十月上旬推出四款植物肉餅,包括麻辣香菇煎新豬肉肉餅 (素)、蓮藕蒸新豬肉肉餅(素) 同埋潮式家鄉蒸新豬肉肉餅 (素)；餐廳由冬菇亭改建，有風味。.蓮藕蒸新豬肉肉餅 $59蒸蓮藕肉餅口感同真嘅最相似；混入大量蓮藕粒，爽口.糖醋煎新豬肉肉餅 $59糖醋肉餅蒸6分鐘再煎3分鐘左右至金黃，淋上糖醋汁，味道同口感似素咕嚕肉，少少厚實，口感實在；糖醋汁酸酸甜甜開胃，令煎過嘅肉餅唔乾，下飯菜推介.麻辣香菇煎新豬肉肉餅 $59主要記混入左辣椒 香菇 甘荀絲 菜甫，唔食得辣嘅唔好叫，會受不了加上係煎就更乾，建議配南瓜粥/米粉會濕d易入口.芝士炸薯波 $28/ 6粒一口一粒嘅大小食落幾方便，薯餅變波形包使芝士，香口得黎濃得過癮涼拌青瓜 $22清爽多汁，有解辣作用，嚴格素食者記得走蒜！.芥香木耳 $22微咸和酸中間滲出芥末味 木耳爽口，開胃.芥末四季豆 $20芥末味比木耳更強，直情滲入豆中，唔辣但攻鼻；唔係開胃小食，但係拌飯小食一流肉餅可配白飯/菜飯/南瓜粥/米粉，+$2嘅菜飯更加係健康之選

大圍肉餅哥，我間中都會到訪。幾年前，因為宗教信仰，開始初一，十五食齋，雖然今日唔係初一或者十五，但係坐低左係肉餅哥發現有一個叫做植物肉餅嘅新款式，標榜不含任何豬肉成份，但係口感同真嘅豬肉好相似，於是我就試咗一個麻辣香菇煎素肉餅，一放入口，的確係有點驚喜，可能因為有少少辣味覆蓋左，味道的確與真豬肉十分相似，細味下你會發現有少少黃豆的味道，感覺幾得意。食完之後我再望一望餐牌，原來這款植物肉餅標榜低脂肪，低卡路里及低膽固醇，決定買一個外賣返去比我阿爸食，話俾佢聽呢個係真肉餅，唔知佢信唔信呢？