肉餅哥小炒料理 (已結業)

今天放假回到大圍找家人吃晚飯，走著走著便到附近的冬菇亭找東西吃。我們選擇了肉餅哥。其實之前都吃過他們的肉餅，真有水準的！但今次不同的是看到餐廳門外餐牌，發現他們最近推出了小菜系列，這樣最好了！因為我和家人也喜歡吃這些大排檔的食物。我們點了三個菜，胡椒海蝦煲、白花肉蘭、豉油皇吊片和啫啫雞煲。三款小菜都很好吃，很有鑊氣，色香味俱全。我第一次嘗試胡椒海蝦煲，因為很少大排檔會有這個菜式所以我想試一試。非常值得推介胡椒海蝦，海蝦夠大隻，蝦殼沾滿胡椒的香辣味。個人建議用口把蝦殼剝掉，因為蝦身的醬汁是精髓所在！想不到肉餅哥不只肉餅有水準，小炒也很出色，家人也很喜歡，看來會成為我們的長期飯店了！

Went over to my friend’s home to chill on a Saturday. Ordered take out from the shop which is famous for eating many different types of pan fry pork cakes.I asked the staffs for recommendation, and they told me to try the salty egg yolks pan fry pork cake, and so I ordered that. You’ll get to choose either vermicelli and plain rice for free. They also have oil rice and veggie rice as well, but you’ll have to pay additional $2, which I think it’s quite ok. Overall I’ll rate the restaurant 4/5

肉餅哥位於大圍美林邨的冬菇亭，以不同類型的傳統或新式肉餅作主打菜。我以前在外面吃飯很少點肉餅，因出面餐廳啲肉餅通常都一陣霉味。曾聽過有一些流言說外面很多餐廳，都是以一些豬皮或廢棄的豬肉用來打肉餅，什至嚴重的聽說過是用豬頸那些打針位置的肉打肉餅。所以在外很少點。但肉餅哥所用的豬肉肯定是新鮮豬肉，並且不會是一些廢棄豬皮。因一吃下去已感到肉質新鮮。肉餅可選擇蒸或煎，我點的是最傳統的土魷肉餅，感覺像家的味道。飯可以選擇菜飯或白飯。

聽朋友講依間鋪頭幾有特色，有好多款唔同嘅肉餅，所以專登過去試下，點知一試就出事。同老婆去到唔使等位，埋位先上咗兩碗雞腳湯，感覺幾好飲，不過老婆話啲湯好咸。二個套餐要$188，我覺得偏貴，所以最後散嗌。之後叫咗一個金沙蛋黃肉餅餐，同一個涼瓜煎蛋小菜。個小菜先上，賣照似芙蓉蛋，食落好厚粉漿，好咸，有部分非常咸，好似打唔勻咁。接住個肉餅到埋，睇落唔錯好足料，不過食落無我想像咁香，味道比較淡，最大問題係唔知點解我會食到有幾條魚骨，重要插咗落我啲牙肉度🙎🏻‍♂️之後我有向店員反映同查詢，佢話啲肉餅加咗魚膠，可能係無清乾淨啲骨🙎🏻‍♂️，另外啲飯好硬，好明顯係落唔夠水🤦🏻‍♂️整體嚟講都幾失望，唔會再試。

入到去叫左個金沙蛋黃蒸肉餅，d飯食落並非香港人食慣的泰國香米，食落應該係越南嘅下價米又硬又鞋又冇飯未，噉嘅價錢我寧願去太興，我朋友叫咗個椒鹽煎肉餅，我朋友話超淡味椒鹽，同普通蒸肉餅冇乜分別，加一蚊有碟菜都算抵，我第一次去抱住好大期望，又貴又唔抵食兼冇水準，真係冇下次

知道肉餅哥0係樂華開左, 已經急不及待去食啦~ 點知寫食評時先發現openrice 仲未有資料, 所以寫住0係度先啦~order左黃金肉餅同埋XO醬帶子肉餅番屋企食, 等左大概15分鐘左右啦~黃金肉餅係以大量既咸蛋黃鋪0係彈牙濃味既肉餅上面, 好正好邪惡呀~~ 我order 左菜飯好似健康番D, 個心過意少少! 而且份量都好多, 一個人唔係好食得哂~ 但係真係好好食另外一個係XO醬帶子肉餅, 以為佢會冇蛋黃咁濃味, 點知佢仲正過蛋黃0個個, 佢有D海鮮既鮮甜味, 配埋個XO醬, 係勁好送飯, 最後兩個飯都食哂冇淨呀~期待試更加多肉餅哥既作品。

之前見到肉餅哥既報導都已經好吸引，揀左個吉日就同同事係沙田踩單車去到大圍食左轉肉餅哥！左揀又揀，其實特別貴既鵝肝啊花膠肉餅都想試，但此終第一次試，就試個相宜啲架啦！我就試左黃金肉餅，即係咸蛋肉餅啦！而我就揀左煎既！飯有菜飯、油飯同白飯可以揀，我比較怕油，所以揀左白飯。係野食未黎之前，先有碗西洋菜湯，飲落無味精！唔錯唔錯！座位都夠闊落，係等野食黎既時候同同事們吹吹水都坐得舒服！肉餅到！可以見到肉餅好足料！好厚身，飯都好大碗！咸蛋黃好香，肉餅咬落直情係口入面feel到佢有幾厚身，食得出肉餅真係用心做，唔會實的的，亦唔會太多粉！煎得好好，只係比較多油！同事們都好滿意！下次再試其他！

花先生話想食啲住家feel，諗起肉餅哥，便再來。嘩！餐牌變哂，主打不再係肉餅，而係小炒！我見炒牛柳粒要過百蚊，價位媲美酒樓喎🤔🤔 叫左「特價」套餐，之後先知唔包白飯⋯ 😑 食肉餅唔配飯？「套餐」唔包飯？明，要另叫，白飯$10碗。蟲草花花膠雞腳湯，叫得「特價」套餐，唔期望係老火湯不加味精，我明白一分錢 一分貨既道理。蒜茸炒菜心，土魷肉餅正正常常。肉餅已經無得揀蒸定煎？肉餅驚喜不再送汽水兩罐/支叫左雀檸同椰青水，埋單先知椰青水要加$7！餐牌上，雀檸同椰青水都係$10，諗唔明點解椰青水要加錢，收錢位姨姨話「係架，都係$10架，但椰青水既來貨價係貴啲，所以要加錢囉！」🤯🤯 黑人問號！我諗唔明！究竟係我「補差價」概念有問題定係個餐牌定價有問題？同埋點解係補$7而唔係$5？點解餐牌唔寫清楚要補幾多錢同埋落單時店員又唔講聲？最後埋單$205，相比之前好唔抵食！

肉餅哥剛開業時與家人試過晚餐，感覺麻麻因為當時食物選擇少只有肉餅類及另有小插曲，點了蒸墨汁肉餅但肉質變了，雖然有轉其他肉餅餐，但印象當然不好！最近走過肉餅哥發現食物選擇多了，有小炒、冷盤小食及酒。還有早餐及下午茶供應。搬屋後又忙於執屋想簡單方便就算，就給多次機會它！午餐提供多款小炒選擇， 連餐湯及熱飲，(免加一) $49 價錢算親民。揚州炒飯獲氣不多但勝在不油膩。配料多，有蝦 、火腿、叉燒、生菜。味道還可。中式餐湯味道清清地，不是味精例水。唐醋汁肉餅肉餅兩面微微煎香，感覺像漢堡扒。肥、瘦肉配合均衡，入口鬆化。加上唐醋汁，惹味也中和了肥膩感。另加了$2轉菜飯，多吃菜感覺健康點。今次感覺好得多，味道不錯， 始終招牌菜肉餅比較出色。另外等候食物時食比較長，大約要等十多二十分鐘，有待改善。

突然想吃肉餅，就近近的走到區內的肉餅哥吧。肉餅以外好像多不少食物選擇呢，這次可以嚐嚐。開了都一段時間，還是這麼多人，看來街坊捧場客、回頭客也不少。肉餅以外，多了些小食小炒，更多元化了。還有美林邨手工啤酒，有趣啊。當然，不點手工啤酒，也有其他的選擇。我們便跟餐點了可樂和西柚汁，總是覺得支裝可樂別有風味。跟餐的例湯味道不錯，不會太味精感。原隻波士頓龍蝦蒸肉餅 $128 (配辛辣麵加$5)原隻龍蝦真的很浮誇，而且是真的有把龍蝦肉混合在肉餅內，鬆軟的肉餅內有紮實的龍蝦肉，口感豐富。而龍蝦頭、鉗和尾部則另上，因為已經處理，故很易拆開，肉質紮實沒雪味，算是合格有餘。乾土魷煎肉餅 $58 (配菜飯加$2)煎肉餅本身已經很香，加上乾土魷便是香上加香，而且和肉餅混在一起增加了咬感，味道很搭也更突出。而男人頗喜歡這裡的菜飯，說菜的份量不少，飯亦不會太鹹太油。這次除了肉餅，還點了半隻雞試試。霸王雞半隻 $88用上的雞不會太細小，所以份量很足，蔥油很香，雞肉部分位置不夠嫩滑，但整體味道口感不錯。畢竟是區內的食肆，喜見這裡變得更多選擇，希望可以兼顧到各款食物的水準，讓我們可以多個近便的地方開飯。

每次想食肉餅都會諗起肉餅哥無論係最初嘅荃灣總店， 抑或係現在嘅美林邨分店， 我都覺得佢哋嘅肉餅煎得非常香口外面脆卜卜，裏面非常嫩滑。👍今次叫左蓮藕煎肉餅，當然能夠保持一貫水準，做得外面脆，內裏嫩，中間的蓮藕粒亦非常爽口 。 肉餅雖然有一點油膩，但配合菜飯，好像健康一點。 今次見到美林邨分店多咗好多晚餐嘅小菜，應該係因應美林邨不同嘅需求,當肉餅哥遇上小炒小菜，下次一定要試試

之前聽聞荃灣肉餅哥很出名，常大排長龍，一直未有時間試，現在肉餅哥在大圍原來也開了分店，終於有機會試試。先來一碗老火湯，生津健脾，沒有味精，好有阿媽煲湯既感覺。主食點了兩款肉餅飯：1）流沙蛋黃肉餅飯，最大驚喜是肉餅上鋪滿鹹蛋黃蓉，配合每口肉汁鮮嫩的肉餅，鹹香惹味。這創新製法有別一段餐廳只將蛋黃放在肉餅上蒸。2）帶子黑松露肉餅飯，帶子像平日食的北海道帶子一樣大大粒，鮮味嫩口，肉餅配合黑松露，出奇地配合，令肉味提鮮，更有層次。飲品方面選舉多元化，我點了手工啤，啤酒上的招紙是寫著美林邨，充滿本土特色，非常有誠意。

唔可以話好好食，但係態度真係唔多掂，去到明明個場唔係好多人，我地六個人叫左四個飯，但係由1點等到1.30都未有得食，本人係學生個到都好多學生，我地放lunch得1粒鐘，行過去用左三個字，等成半個鐘都未有，吹左幾次都係咁，仲要見到啲廚師行出去打牙交，都最后真係冇時間，同佢講取消，佢即刻黑面，過左五分鐘，個飯出左，佢就隔硬塞過尼，我話唔要佢話都出左你要埋佢唔收你錢，但其實唔係錢嘅問題，係冇時間食，后尾佢叫我打包，我話真係唔使啦唔該，因為拎到返學校跟本都食唔到，佢就秒啤住我，又大大聲話我浪費食物，我心諗，你估我唔餓唔想食咩，到最后我冇出聲，9秒9跑返學校先冇遲到。。

自從上次吃到改良版的足三兩花膠肉餅飯之後，念念不忘，今晚終於又來到美林邨了。坐下來第一件事，就是叫足三兩花膠肉餅飯，不過打開餐牌，才發覺肉餅哥已經換上了新衣，除了最好賣的肉餅飯外，增加了港菜小菜，有幾拾款之多。足三兩花膠肉餅飯$118，菜飯加$2。花膠足足有個煲面這麼大，厚身又腍，份量十足。肉餅煎得香脆送飯一流。口水雞半隻$88，菜飯加$2。雞肉嫩滑帶有雞味，另以辣肉醬鋪面，辣味不算太辣，帶少許酸味，酸酸辣辣用作佐膳滋味非常。Asahi生啤 $38，hoegaarden生啤$38，大大杯又冰凍，今餐真的飲飽食醉了。

今日又約左我個好朋友D，聽朋友介紹大圍有間肉餅哥幾好食，於是我收工就去左大圍等D黎~黎到肉餅哥，唔食肉餅又點得呢？我地叫左足三両花膠肉餅（$108）跟菜飯（+$2）個花膠我地揀左煎，食落又香口又爽口，而且同肉餅味道出乎意外地夾！因為叫左肉餅，所以我地叫個菜平衡返-瑤柱扒時蔬（$98）一上枱真係好驚喜，出面見到嘅瑤柱扒時蔬，通常有幾條瑤柱絲已經好好，有d直情食完成碟都搵唔到一條瑤柱絲XD但呢到係佈滿全碟，而且個芡汁又夠濃郁、西蘭花夠新鮮翠綠，食到我地唔停口！可能真係佢d食物煮得太惹味開胃，我地仲叫多個小食-迷你一口炸餃子（$28八粒）咬落脆卜卜，唔錯！飲品方面，我地叫左罐裝可口可樂同雪梨茶（各$10）~~價錢唔貴、環境唔錯嘅餐廳，住附近嘅話可以同屋企人食晚飯。