肉餅哥小炒料理 (已結業)

今天放假所以要到大圍找女朋友吃晚飯，因為女朋友說很累所以便到附近的冬菇亭找東西吃。我們選擇了肉餅哥。原來他們最近推出了小菜系列，這樣最好了因為我和女朋友也喜歡吃這些大排檔的食物。我們點了三個菜，椒鹽牛仔骨，瑤柱海鮮豆腐羹和菜圃炒蛋。我第一次嘗試椒鹽牛仔骨，因為很少大排檔會有這個菜式所以我想試一試。果然沒有令我失望，因為真的有鑊氣，非常值得推介椒鹽牛仔骨。至於另外兩個餸我覺得還是不錯的因為我很害怕有非常多味精的東西。瑤柱海鮮豆腐羹我覺得很清和足料，菜圃炒蛋也有一定的水準。以後會多來大圍找女朋友吃晚飯了。

上網見到肉餅哥既推廣，就被多款肉餅吸引住，心思思好想食，所以夜晚特登入大圍美林幫襯下。因為晚市真係好多人幫襯既關係，都要等左好耐，大概廿分鐘，就唯有一邊等一邊睇住餐牌先。點知而家個餐牌應該之前調動過，結果晚市已經無左勁多款肉餅，咩椒鹽肉餅、好多特色既都無左，好失望。得翻三四款最貴既，掛住肉餅個名但客人黎到無肉餅食，都唔知似咩⋯⋯唯有叫芝士流心肉餅同老干媽肉餅。芝士流心肉餅飯，四方形既肉餅，有相當既厚度，中間夾住芝士，煎完岀黎就流心，肉味岀！老干媽肉餅係蒸既，肉味一樣十分夠。老干媽既汁都好好味，撈飯一流。總括而言，肉餅質素係好既，奉勸各位想試肉餅既朋友午市去會多好多肉餅揀！

其實都食過肉餅哥都多次但係因為佢肉餅款式多所以總會周不時再黎一次今次叫左未試過既龍蝦煎肉餅當然都係食煎肉餅啦食過呢到既蒸肉餅簡直就係不堪回首既黑歷史非常吸引既外型令我諗起有個說法係如果同老細食飯佢將個雞頭指住你就代表你係咁先如果用龍蝦頭又會點呢肉餅本身係食到有龍蝦肉既但可能因為本身隻龍蝦都細隻,所以其實龍蝦唔多,亦都食唔到太多龍蝦香味本身諗住食埋個龍蝦頭點知一拎個龍蝦頭先發現入面原來已經冇晒肉同膏同腳只係裝飾既自護號相反,呢味龍蝦肉餅飯既頭只係裝飾黎龍蝦鉗就有肉啦但唔知係縮水定係咩原因龍蝦肉比龍蝦鉗細好多另外佢應該係用鹽水黎煮龍蝦而且似乎放得太多鹽令到只能食到鹽味,龍蝦味只有少量霸王雞, 一個字,差！以前我地會笑atv一個飲食節目話食雞有雞味係講廢話但係只要諗真d,其實唔係廢話黎因為雞唔靚到一個地步既話食雞真係可以無雞味成隻雞毫無雞香,淡到要另外再加豉油食落口似食纖維咁軔之餘仲要煮到未熟真係唔知點做到成餐野食到一半直頭我都忘記左有呢隻雞因為真係完全唔想食食口水雞,佢冇雞味都仲可以用辣味黎遮住食材既缺點但霸王雞呢d咁需要食雞既原味既菜色佢用隻咁低質素既雞,是咪想趕客?老實講雖然黎食過好多

之前與朋友倾計，讲開哪里有美食，朋友推薦大圍肉餅哥，话味道不錯。今日與先生有事來到大圍，辦完事都想試吓大圍的特色菜。一埸來到，就试吓朋友推薦的肉餅哥。苳菇亭大排檔在我的感覺中是不錯的選擇。之前食過感覺够㶽氣，够味道。肉餅哥都有很多港味小菜及精美小炒。紅燒青衣柳$108，配老火湯白飯。青衣魚柳份量十分足，魚柳有魚味及经過微炸後显得比較香口。例湯带奶白色，比較清淡。足三两花膠肉餅$108。配老火湯及白飯。花膠三两份量足夠。厨師用红烧汁燴花膠，不過花膠原本就無味，红烧汁又比較淡，所以味道來説一般。還有我覺得花膠再淋㸃好少少。花膠很大件，盖着下面的一層就是肉餅，肉餅同样份量也不小，肉餅可選煎或蒸，因這段日子，覺得比較熱氣，所以我们要了蒸肉餅。肉餅肉味够濃。飲品方面，我要了個椰青水$6。，食完肉类再飲冰冰凍凍的椰青水，𤔡這一餐加了不少分。

記得在上年夏天，我跟男友慕名而來吃龍蝦肉餅和花膠肉餅，它們的豐富跟足料的程度簡直超班。數月後的今天，我倆重遊舊地，也打算試新肉餅。星期六的六點多，天未黑齊，所以還可以一到埗就入座。這餐廳到現在都好受歡迎，七點多已開始有人排隊了！餐牌好像轉了，肉餅的選擇好像沒之前多，沒了甜味的那些款式。還好，不用讓我們選擇困難就選新的廣島蠔跟之前沒試過的流心芝士~~今日的老火湯是合掌瓜紅蘿蔔豬骨湯。不要看它透明奶白色像米水的樣子，它的瓜味重又清甜，豬骨吊出香味，也使湯更滑更濃郁。因為想吃一蒸一煎，流心芝士這款就選了蒸的。怎麼了，怕蒸出來水汪汪嗎？看，沒甚麼倒汗水之餘，全件都平均受熱的，上中下任何地方都充滿著芝士熔漿一切開簡直不得了，原來中間那層夾著大量芝士，從哪邊切都有爆漿及拉絲的效果，超邪惡芝士熔漿又香又滑又軟，奶味重，黏著口腔的感覺好幸褔因為是蒸的關係，這肉餅的質感好軟好軟，基本上都不用怎咬。原來，芝士除了跟牛肉夾外，跟豬肉都可以那麼夾識食一定是食菜飯。吃那麼多肉，怎能沒有菜？菜粒還可以增加爽爽的口感和清新的味道，何樂而不為？然後到砵酒廣島蠔配煎肉餅上桌~ 其實在點菜時我沒有留意"配"這字，一直還以

肉餅哥呢個名真係好正！深入民心！係大圍美林邨熟食亭，聽到一定聯想起好舊式既冬菇亭大排檔，呢度仍然保留到舊有特色，外型還有像日式風格好特別！估唔到肉餅款色多樣化，有辣有唔辣仲有甜甜的台式柚子、特色果醬肉餅！非常特別！有4頁選擇，超多呀！最經典的金沙蛋黃肉餅，肉餅有得簡煎或蒸，煎又香又脆，肉餅特別調製，味道的確與家裡的有所不同，很香口，金沙蛋黃超級多！真的是滿足了我呢個咸蛋怪，除左一片厚厚的金沙蛋黃還有一顆咸蛋黃鋪在肉餅上，而且不咸味道不會很濃，但確實很邪惡！我會跟朋友一起分享！

之前分別到過荃灣和大圍店都覺得出色，肉餅種類很多，是令人花多眼亂的多，感覺一星期來7天都可以不同款。但今次去就極度失望，一間以肉餅出名的店舖，居然肉餅款式只餘下十款，而且價錢偏貴，過百蚊肉餅居然不包白飯，要另加10蚊，晚餐只有5款，選擇極少，煮法亦已改變，味道只是普通，但菜牌反而加了接近6頁的小炒，，完全摸不著頭腦，只能說要吃小炒不用來肉餅哥。不知道是否經營改變而令客源變小，晚市時段只有半滿，是否每間食店紅了後質素都會變差，還是領展下適者生存？我相信再以此經營模式下去，很快就會關門大吉

之前有聽聞過有間破格做肉餅既餐廳，今日就揸車去大圍品嚐一下！附近有個美林停車場，響肉餅哥度消費夠$200就可free泊車一個鐘（其實商場最多都係free一個鐘，星期日就$19一個鐘）同我想像中的確不同，以為試係茶餐廳，一去到不論外面裡面，都明顯有花心思裝潢過！環境都大、乾淨整齊！我大約7點到，坐左陣就開始見到要排隊等位，除左附近住客，應該都有好多好似我慕名而來！員工們都著上印有肉餅哥字樣的制服，感覺整齊！先黎兩碗足料老火湯，湯水好夠味無油面！用黑瓦鍋盛載，別有一番風味！鮮味蟹粉肉餅，肉餅可選擇蒸/煎，我喜歡香口揀左煎，餅面鋪滿了蟹粉肉餅都可以外脆內軟，肉層次好分明，咬落厚感剛好！飯量好足夠！可+$要支裝奇異果汁！玩手機=落單中，沒有加一=依然有服務！相信係一間照顧員工，接受意見既餐廳！餐廳來講，服務的確加分

花膠有骨膠原，我真是太喜歡了，之前已經在肉餅哥食過足三两的花膠肉餅，真是想食就去食，我們土瓜灣坐車到大圍又真是好方便。我們又要了一個足三两花膠肉餅$118，餐配老火湯及白飯。今次的花膠也與之前食過的一樣，三两份量足夠，大大件，軟軟滑滑，帶少少嚼勁，還有最重要的骨膠原，這是最值得我一食再食的理由。花膠大大件，蓋着下面的一層就是肉餅，肉餅同様也大大件，肉餅可選煎或蒸，今次我們揀了蒸肉餅。肉餅没有其它餐廳的一样肥瘦各一半，而都是瘦肉呢，最適合不想食得太肥膩的人，肉餅有瘦肉的鲜甜，不用㸃調味已很够味。原來肉餅哥轉了餐牌，並非全部都是食肉餅的菜式，還有很多港味小菜及精美小炒菜式。紅燒青衣柳$108，配老火靚湯白飯，青衣魚柳份量也十分足，魚柳經過過調味十分入味，魚味鲜甜濃郁，我第一次食青衣，原來如此好味呢，青衣煲𥚃面有輕微炸過的豆腐，入口够滑，吸收了鲜甜濃郁的湯汁，味道真是值得一贊。我今次與先生一起都是要了個椰青水$6，椰青水很清甜，帶着新鮮椰青的味道，食一口肉餅，花膠，青衣柳，再喝一口清凉的椰青水。真是够消滯又心满意足。

11/3朝大約11點左右幫襯這間所謂既肉餅專門店。其實都唔係第一次食，不過知佢價錢貴，都好少入去食，果日唔係隔離個間大飯榶未開門，我根本唔會去。入到去，比平時多人，可能因為星期日吧。坐低叫左一個雞排麵同摩菇奄列，由11:04坐到近11:35都未有野食，其實唔止我一個，其他客都好不滿，因為等碗麵都半個鐘。泥到個雞排麵，冧都死，仲衰過自己整出前一丁食，個奄列，唉，唔好提，我唔明佢整半小時，整左啲咩。其實仲有叫一個椒鹽肉餅加多士，所謂既輕食餐，唔好意思，我無食到，因為45分鐘都未泥，我取消左走人。總括而言，收到50-60蚊一個肉餅，唔該，用下心啦，擺出一道扮專業既款，其實咪又係一塊平平無奇既肉餅。順帶一提，伙計質素低劣，無表情，服務態度差，不食也罷。

今晚同朋友去屋邨樓下晚飯，見到呢間『肉餅哥』，單單聽個名都覺得勁。我地一行4人，一坐低，店員好快就送上例湯，非常有效率。我地點咗以下菜式：金沙蛋黄肉餅 - 肉餅上有咸蛋黄蓉，令本來傳統平凡嘅肉餅生色不少。邪惡嘅咸蛋黄蓉，我相信無人不愛，同肉餅一齊食，雙重質感，更添美味。原隻波士頓龍蝦肉餅 - 上菜即刻要『嘩!』一聲，隻龍蝦放係個肉餅上面，非常霸氣，果然係肉餅哥! 呢個龍蝦肉餅，比傳統肉餅多咗一份鮮味。霸王雞半隻 - 普普通通。海皇雜菜煲 - 都幾大煲。芥香四季豆 - 清清地，醒胃小菜，幾好食。肉餅係佢地主打，果然無令人失望。佢地除咗配白飯之外，仲可以配菜飯，而個菜飯嘅菜都幾青嫩。下次可以試下其他款式肉餅。

今次第一次去肉餅哥食晚餐，未食過這間鋪頭前，以為只是跟平日的茶餐廳差不多。今次叫了黃金咸蛋肉餅同一個黑松露的帶子肉餅飯。其中比以往食過的肉餅飯足料更多，厚厚的肉餅，而且口感也不會過硬。其次兩款肉餅也是以煲仔的形式，肉餅下的飯也沾上肉汁，菜飯也變得更好食（飯好似有得選白飯或菜飯）。黑松露帶子肉餅飯是我第一次食，帶子比我想像中大得多，味道也算是不俗。但我還有其他很多其他種類的肉餅飯未試，下次一定要再試試其他小食及肉餅。

閒日最好就係食肉餅哥，地方夠闊落坐得又舒服！今次我們點了小菜及兩個肉餅飯。由於之前嚐過口水雞味道不錯，今次就試嚐霸王雞半隻。比起重口味的口水雞，霸王雞味道相對比較清淡。適合喜歡原汁原味的朋友。雞肉嫩滑且肥美，啖啖肉，真係分量十足。對於食慣重口味的我們還是一致投了口水雞一票。朋友未試過原隻波士頓龍蝦肉餅，對於我這個老食客當然極力推薦。龍蝦肉已混合入肉餅中，每口肉餅亦可嚐到龍蝦肉，正！當中的龍蝦鉗更可以原隻取出，真的啖啖肉！而且龍蝦斤兩十足，噱頭十足！！而我就獨愛鮮味蟹粉肉餅！ 這道肉餅差不多成了我到肉餅哥的必食推薦！當中的蟹粉整整鋪了一整層肉餅上。推介大家選煎的肉餅。這樣才可將肉餅當中多餘的肥脂去掉。肉餅哥真的成為我在大圍必食的推介食店！地方大，環境衛生亦很整潔，服務員又有禮貌。最重要是食肉餅當然要選肉餅哥啦~

網上好似好出名，特登慕名來試試，叫自己肉餅咁西利，果然名不虛傳！首先步入店鋪覺得裝潢寬敞舒適，有格調。唔洗食餐飯都同隔離枱痴到實一實！一睇餐牌係相當有創意，肉餅哥整肉餅已經去到出神入化嘅境界，連好立克肉餅都諗得到！不過忠於傳統嘅小弟都係嗌返咸蛋蒸肉餅好啦 唔該！心呢度嘅肉餅大部分都可以煎、蒸都得！呢味肉餅哥招牌金沙蛋黃肉餅，我地試下蒸嘅版本，食落好有肉汁但唔會太林，金沙蛋黃做到好似流沙嘅感覺，雖然好高膽固醇養小肚腩都忍唔住食多幾啖！足三両花膠肉餅一泥到，心裡「哇」左聲，真係好足料呀！花膠仲要炆得好林又入味，出乎意料的好味！👍🏻餐牌上仲好貼心又不吝嗇地話你聽點整嫁喎！但步驟咁繁複都係得閒泥食下滋潤下啦！睇返張單，「沒有服務費，所以沒有服務？當然不可能！」呢句窩心嘅話令我地下次都一定要繼續泥支持！食完仲想腥左whatapps 贊下老闆做得好好味添！**唯一美中不足的是，肉餅肉溝埋左少量碎薑絲，而完全唔食得薑嘅小妹都想一一挑出泥！如果可以點走薑肉餅就最好啦！**

約外國來香港的朋友品嘗地道美食，其實都係一大難題，不過諗起大圍以肉餅為主題既肉餅哥又真係幾啱今次既目的，因為肉餅真係佢先做得有特色！餐廳環境寬敞，細檯到大檯都有，適合一家大細或朋友共聚！我哋坐低無耐，餐廳非常窩心地送上例湯俾我哋，入面非常足料，有大大隻雞腳同香甜既蘿蔔同冬瓜！由於我哋都幾肚餓，我哋都好快落好單，餐廳以肉餅為主打菜式，仲有d小食同小菜！佢哋上菜既速度都幾快，落完單無耐，我哋叫既芥香四季豆已經送到！ 本來清甜既四季豆，加入日式芥末後更加開胃，少少辣，多多香！除了小食外，我哋亦叫左佢哋推介既霸皇雞！濃郁既葱滿滿鋪在雞上，雞肉嫩滑，份量十足，足夠我哋share! 而今晚既主角，肉餅亦都好快送到嚟！ 我哋都選擇配菜飯，因為喜歡菜飯既鮮甜味，而佢哋都做到呢一點！而且菜飯既份量都十分足夠！我哋分別叫左兩款肉餅，包括金沙蛋黃煎肉餅同埋原隻波士頓龍蝦蒸肉餅！金沙蛋黃煎肉餅做得十分惹味，面頭鋪滿流沙既咸蛋黃漿，肉餅煎得香脆，夾埋d咸蛋黃漿嚟食，非常滋味！跟住有原隻波士頓龍蝦蒸肉餅，真係用上成隻龍蝦去做，龍蝦肉混在肉餅內，蒸得軟稔，龍蝦肉就令肉餅更有咬口同多左一份鮮甜味，比起平時既蒸肉餅更