至尊重慶雞煲 (堅拿道西) (已結業)

午市 $98 一位任飲任食, 真係超級抵到爛呀至尊雞煲食過n咁多次, 一向都係我食雞煲既首選, 個麻辣味係最香, 最吸引, 最惹味架 夠麻夠辣, 最鐘食啲芹菜同洋蔥, 超香超甜, 主角既雞肉仲好滑, 雖然食完雞可以任食其他打邊爐既配料配菜同任飲, 但每次都覺得唔夠雞食, 好彩而家只要 download 個app 做會員仲要送多半煲, 抵到不得了兩個人, 食左成隻雞都仲好想雞 但唔想加錢就食下肥牛, 花膠, 菜丫, 丸丫, 一定一定飽$98 又飽又好食

今日又放假,難得平日,就去食就近嘅🍺至尊重慶雞煲食個晚餐,係我自己最鍾意食嘅雞煲,佢哋煮嘅雞煲🍲色香味俱全,火鍋料又有好多款式,但環境呢樣都唔係最大問題一個人去食都講緊係158蚊,咁抵嘅價錢,仲要喺銅鑼灣呢啲旺區,都可以搵到啲咁高cp值嘅餐廳😁

星期六午市嚟食發現全餐廳只得一台客，其實都驚驚哋會唔會係伏，但係印像中以前係一間唔錯嘅任食雞煲，所以最後都係入咗去。落咗單，廚房有個阿叔拎嘢食出嚟比我地，發現佢完全冇戴口罩。我朋友已經好擔心， 過咗冇耐仲有另一個廚房阿叔冇戴口罩出咗嚟睇電視。樓面另一個哥仔都唔戴口罩行嚟行去。最後真係頂唔順就同經理講話想埋單，話見到你哋唔戴口罩好唔放心。經理話佢哋有做檢疫嘅，但係我心諗 "咁冇關係㗎嘛，檢疫完唔代表唔會中招，同埋有口罩令喎。"最後我唔想理論太多，所以畀咗錢就即刻走咗。好唔衛生好失望，唔會再去。

至尊重慶雞煲{抵食仼飲仼食雞煲}#kong_girl_foodie出街食#至尊重慶雞煲.❣️成人任飲任食$158.天氣開始凍就想打邊爐但係又想食雞煲，呢間可以滿足晒我兩個願望，呢間其實已經食過好多次，$158任飲任食好坁，仲有啲小食喺出邊可以自己攞添！兩個人就有半隻雞，食晒啲雞就可以加水打邊爐！食物都有好多選擇，牛肉雞肉，羊肉，豬肉，超級多蔬菜類，遠慮等等嘅食物！.📝總結呢個價錢黎講好抵食，過下打邊爐雞煲引非常唔錯，唔知係唔係因為疫情生意冇咁好食物質素比之前爭緊少少！.❣️食完俾分時間❣️🌟食物: 7/10🌟環境: 7/10🌟服務: 7/10🌟打卡: 7/10🌟推介: 7/10.📍 至尊重慶雞煲 銅鑼灣堅拿道西10號冠景樓2樓B舖（鵝頸橋底）#香港 #香港美食 #美食分享 #香港吃貨 #hkfoodie #hkfood #hongkong #hkig #銅鑼灣美食 #銅鑼灣

以前食雞煲每人無$300都落唔到樓，不過隨住雞煲愈來愈平民化，終於都有任食雞煲啦！今次食嘅雞煲，只係$118一位！仲要係係銅鑼灣近鵝頸橋，地鐵站行過嚟5分鐘就到，非常方便易搵。價錢係按時段分幾款，最抵嘅係平日7:30離座，只係$118/位，啱晒我地早食人士。如果想無限添加雞煲，只係每位加$10就得，不過我地唔想食太飽，所以無加。雞煲我地揀咗小辣，唔洗十分鐘就上枱。雞煲醬汁偏甜，辣味剛剛好唔會有種死辣嘅過刺激味，少少辣好過癮，即使唔太食辣嘅都可以一試！鹹味適中，鹽味唔會太過搶，相反有種蠔油嘅鮮味，配合蒜頭、洋蔥、西芹及芫荽，香味濃郁。雞件份量十足，二人份大約有半隻大雞，有雞味，肉質偏滑，入口唔會鞋唔會軔，好食。枱上有介紹雞煲食法，食完雞煲唔係即刻打邊爐；建議加湯前用雞煲汁煮水魷魚及牛柏葉，開頭都唔明白點解，跟住整，原來係咁驚喜！用雞煲汁煮嘅牛柏葉同水魷魚好似平時香港人街邊小食咁，沾滿咗濃濃的辣汁，好惹味，比用打邊爐湯底去煮更加好食。推介大家要跟住呢個方法去煮！打邊爐配料我地揀咗美國肥牛、雞子、芋絲、豬紅、午餐肉等等。推介美國肥牛及雞子，雞子粒粒肥嘟嘟，新鮮無腥味。美國肥牛肥瘦適中，薄薄地

至尊重慶雞煲 銅鑼灣係樓上鋪 出咗地鐵站都要行大概5分鐘左右兩小時任飲任食 最平低至$118 (5:00-7:30)仲不設加一服務費我哋兩個人去食 一坐低佢就會問你雞煲要咩辣 咁我哋就揀咗小辣 而佢出邊有小食同醬料可以自己拎 有豬紅 雞腳 豬手 酸青瓜同酸蘿蔔 豬手都幾好食雞煲2人就得半隻 但份量都唔少㗎 雞唔會煮到好鞋 又入味 不過一開始會有啲啲咸 食到差唔多之後 就可以加水打邊爐配料就可以喺枱面兩張紙到畫 比較推介嘅有金針菇 魚皮餃 芝士卷 肥牛 牛柏葉 醬汁配蔬菜類都好食 肥牛嘅質素比想像中好 唔會好似出邊咁油脂分開 而且上菜速度好快 飲品就有唔少嘅罐裝飲品同啤酒 仲有可樂 甜品都有5 6種雪糕雪條以呢個價錢任飲任食呢講 性價比一流👍🏻👍🏻🤩

至尊重慶雞煲（$118）個味道幾濃下，的雞肉幾好，同出外的雞吾同好食😋 仲係食雞有D鹹 一定要加D水先食到 .食咗啲雞先打邊爐呀 唔係D雞就唔好食.可能平時食得清淡啲 打邊爐吾係鹽都夠味

揀左少辣既雞煲雞煲份量係半隻雞左右2個人食完都已經半飽如果唔夠既可以加少少錢就可以任食雞雞肉超滑而且好入味食到停唔到口食完雞煲就可以加湯啦～打邊爐點可以冇美國肥牛？肥牛切得好薄所以好快就食得唔會太肥而且肉味好濃完全唔硬除左肥牛仲食左蟹柳，獅子狗，廚師腸，花膠等等質素唔差㗎除左火鍋配料出面仲有小食俾大家選擇推介豬紅同豬手當然唔少得汽水啤酒任飲啦飲品選擇勁多放滿左4個雪櫃最後記得食雪糕呀估唔到2個人食左咁多野只係$31x 會唔會太扺？😍😍

銅鑼灣堅拿道西鵝頸橋底附近樓上鋪，有家至尊重慶雞煲，交通非常方便，在香港開有兩家連鎖分店。每天PM5點~7點半，歡樂時光成人$118/人，任食任飲，非常超值。雞煲的辛辣度，可以按照自己的口味選擇，有多款餐前小食，雞瓜好好吃。雞煲重口味幾過癮，雞肉惹味滑嫩，食完雞肉後，加湯可以開始打邊爐了好爽。食材新鮮，品種多樣化。肥牛肉質幾好，牛肉味濃。炸魚皮松脆香口，魚丸鮮甜彈牙，蔬菜新鮮，飲料啤酒有多種選擇，最后還有雪糕。

好開心又去打邊爐食雞煲平時都覺得啲雞煲好油膩而至尊雞煲不嬲係我嘅不二好選擇銅鑼灣鵝頸橋呢度就有一間我成日去佢嘅位置比較隱蔽 但係都冇阻我去食嘅決心👏🏻👏🏻叫咗個雞煲小辣 味道還可以接受職員開咗細火以防煲底燒焦🤫😂有張點餐只可以瘋狂點菜俾我留意到佢有任食花膠真係睇見都興奮花膠配雞煲係一個好選擇呢度啲雞都幾大件 食落去好滋味呀！當然仲要叫其他火鍋配料食咗芋絲魚皮餃生菜同埋腐皮加埋雞煲嘅汁醬 零舍好味 味道濃郁不過記得食得唔好嘥唔好叫太多浪費嘢食另外仲有任飲嘅飲品 即刻想飲多幾罐可樂最正嘅地方係比我發現到呢度有我最鍾意食嘅懷舊紅豆樂冰棍兒😋😋下次要再同朋友幫襯囉(⁎⁍̴̛ᴗ⁍̴̛⁎)

永不再光顧，收銀男職員態度好差，比錢仲要受個職員氣，咁既態度炒得啦，出面大把食雞煲的餐廳服務態度好多多聲，食物又一般，會叫埋朋友唔好幫襯，送$比我都唔會再幫襯嘅啦

至尊雞煲，全城最抵$118，$118，$118。這個價錢，可以說是抗疫價。沒有最抵，只有最抵。餐廳位置位於銅鑼灣鬧市，雖然有點難找，但還是覺得十分方便。食物方面點了一個少辣雞煲，雞件尙算足夠，花了不少時間在配菜身上。十分豐富，濃味道！長知識了，原來這個世界是有雞煲醬的，十足十大鄉里。從此以後就再不需害怕加水後沒有味道了！其他配料就麻麻地，但勝在性價比高，可接受。服務方面沒有服務可言，不過，有時覺得沒有服務還好，倒不如花多一點點時間在食物身上。日期：2020.10.19

之前一直都好鍾意食雞煲，可惜疫情關係已一段時間沒除外吃雞煲，看到公司附近有間食雞煲而且lunchtime時間只是$98位任食，好抵！餐廳入面環境亦很舒服，1.5小時絕對夠和朋友邊食邊傾。店員很快會為準備好一個香噴噴的雞煲，一上碟已聞到好香蔥蒜味 ，平常喜歡吃辣的我，點了小辣但都覺得味道剛剛好。雞煲內好足料，而且雞肉很嫩很入味😋尤其是那種辣味，越吃越過癮🌶️雞肉也有很多，熱辣辣的吃下去好滿足好滋味。如果想送飯的話餐廳也有提供。雞煲內配料也不錯，洋蔥煲得好淋，連平日不多吃洋蔥的我也忍不住吃了很多。吃過雞煲後到邊爐時間，餐廳的邊爐配料款式也很多呢🌟第一round當然點了自己平常最喜歡吃的，有青口、金菇、豬紅、豬肚、脆皮腸、凍豆腐等，好豐富。想不到青口也挺甜的，豬肚淕了後口感很好。🌟黑豚腩片：肉質好新鮮，肥瘦剛剛好，打邊爐的肉來說算是高質。因為青口好吃，所以第二round encore了😜再點了響鈴、金菇、魚皮、生菜等，雞煲要配點菜🥬才夠入味和滋味飲品是自助任取的，款式也有很多😋

平到笑，午市雞煲任飲任食只係$98連加一。一坐低，店員就會問你雞煲要什麼程度的辣， 然後很快便會端出一大鍋香噴噴的雞煲。 先品嚐雞煲，然後店員便會加湯，造成火鍋。除了火鍋配料任點任叫之外，還有白飯和湯， 湯的配料很多，味道香濃，還算不錯。點了美國肥牛、鵝腸、魷魚、響鈴、花膠、豬潤等等， 食材都尚算新鮮， 比較推介的有美國肥牛和豬潤， 肥牛肉味濃，雖然說是肥牛， 但也不太肥。除了飲品任飲之外，還有甜品， 有雀巢雪糕，雪條。

第一次嚟呢間餐廳度食，最強烈嘅感覺就係好夠平，喺銅鑼灣食雞煲食到新界嘅價錢，真係好少見！成人晚上每位$200有找，食足90分鐘，環境都坐得幾舒服，雞煲兩個人食嘅雞件係夠嘅～咁當然價錢平，食物質素就要犧牲一啲啲，但我個人覺得性價比好高，因為牛肉幾靚。另外，配料選擇亦都算有好多，蔬菜類別應有盡有，我就嗌咗粟米、蓮藕片都唔錯。響鈴、丸類、芝士腸呢啲都係我打邊爐必不可少嘅！呢度亦都有平時打邊爐最愛嘅紅薯粉，吸晒啲雞煲嘅味，正呀！嘢飲方面，都有一小小嘅驚喜就係竟然有Apple Cider！平時食放題嘅地方都好少見會有，呢個好加分！其他飲品就同其他餐廳嘅都差不多，都有樂天嗰隻檸茶，但就冇忌廉溝鮮奶。甜品係雪條～熟食方面，有魚蛋同埋鳳爪，但係因為我哋主要想食雞煲，就冇特別試～醬料佢都有好多選擇，醬類係比較多嘅～仲有特製雞煲醬！可以拎嚟撈麵食，滿足晒雞煲迷嘅心！