臻味冰室豬扒酸辣米線

营业中

休息中

諗住好耐無食，用網上外賣平台外賣自取米線。味道都無乜特別要提，食到一半見到有隻異物，認真一望，加料曱甴？😦係咪要慶幸係一隻，不是半隻？即刻上左網上外賣平台同打電話落去投訴，店員問我要唔要換過碗。又係搞笑！一上OpenRice就見到有人負評碗野有蜘蛛，大家都明食肆唔會乾淨得去邊，但呢間我就blacklist了。大家自己考慮要唔要食。以下係多角度寫真，慎睇。順帶一提，請問食環有無用？

早幾日用某網上外賣平台叫了鮮製韭菜餃酸辣米線，用筷子隨手撩了一下米線，一隻大蜘蛛浮了上面🤮🤮，立即打電話到臻味米線要求Void 單，他說不可以，要客人自己跟外賣平台客服投訴😡。 臻味米線只肯換過另一碗鮮製韭菜餃酸辣米線，不肯Void 單。 我相信所謂換過另一碗，只是他們替你夾起隻大蜘蛛，然後成碗比返你；又或者夾起隻大蜘蛛後，成碗留給下一位叫同款米線的客人，實在太恐怖了🤮！為了保障自己及其他食客的安全，最後還是丟掉了！至於味道方面，水準已不及從前了！

平時出街食得最多就係米線，入去之前，聽講間野幾出色。今次係我第一次食！嘩！估唔到米線質素差， 發脹晒。 仲難食過我自己煮😩😢秘製豬扒無咩特別，只係覺得落左好多鬆肉粉，完全食唔到有咩咁秘製， 請問秘製位在哪？ 可能我真係認真咗，秘製特別之處係佢個湯？友人叫左雜錦米線， 感覺無咁寡，施華力腸，韭菜餃，仿鮑片，對比起豬扒，佢哋就正正常常！但不得不讚佢嘅酸辣湯，友人話都保持到水準不過我永遠唔會再光顧。從來冇試過食一碗米線 一度食一度鬧😢

《製》臻味豬排米線《品》【豬排】♦️果真是臻味！色澤紅潤，油脂分佈平均，令人食指大動。♦️份量毫不吝嗇，一碗具四五塊厚肉豬排，極度滿足。♦️煎得焦香，邊位微脆，純豬排而言頗為惹味。♦️醃得入味，鬆化軟腍，口感上好。♦️肥瘦均勻，絕不時乾柴時油膩，皆！————————————————————————【麻酸辣撈．小辣．薯粉】$42 + $3▫️無湯，奉桌只是溫暖，但意外地不礙美味。▫️表面鋪滿酸菜、花生、麻辣調料、蔥，惹味之餘——▫️酸香開胃；微辣刺激；麻味過癮，尚算濃味。▫️下回可試中辣。▫️薯粉斷口性高，不夠嚼口、彈牙，頗為失望；▫️外型光滑，不掛汁、不入味，老饕更喜孿曲薯粉，口感更佳。————————————————————————【酸辣湯米線．轉薯粉】$38 + $3🔸雖承湯之溫熱，比撈粉滾燙，但味道被湯沖淡，無撈粉濃味。🔸整體口感配料，與撈薯粉相若，徒香、味較淡。————————————————————————🗂#老饕品_港式；#老饕喫_豬排📍#老饕赴_觀塘🗺️觀塘創業街15號萬泰利廣場地下B號舖

觀塘人類愈黎愈多，叫外賣都中過唔少伏係呢間外賣一直保持到水準完全滿足小弟👨🏻‍🍳配菜中嘅花生、芫荽同酸菜都剛剛好酸菜係v.good!👉🏻麻辣湯底微辣既帶麻又酸嘅湯底完全唔over過少少口癮又唔會食到成身大汗🥵 👉🏻配料勁有心💓製作必食之選係蘿蔔、羊肉同蠔仔蘿蔔冇渣啲湯又入晒味羊🐑肉百吃不厭滲出淡淡味蠔🦪仔大粒又新鮮 而且一碗份量係足足可以食飽兩口子當唔想諗食咩時候就一定想到佢😎

之前食過佢個酸辣湯米線已經覺得食過番尋味, 今次試唔住再試下另一款, 挑戰下撈薯粉先爽滑魚肉酸辣撈薯粉 $34一如以往, 份量真係超級多, 成個面頭都係酸菜, 多到遮住晒薯粉! 最鍾意佢酸菜酸得黎又夠辣! 除左酸菜, 仲有花生同芹菜, 所以成碗野係勁香口! 爽滑魚肉都有好多件, 味道唔錯, 啖啖肉, 爽口又彈牙! 而薯粉比起米線會更有口感, 會煙韌少少, 索住d酸辣汁食, 十分惹味!!! 加上臻味出左名d酸辣係有麻味, 食完之後個咀有陣麻味, 越食越過癮, 真係好爽! 喜歡食麻辣嘅朋友一定會鍾意呀!

點樣食推介✨⭐️酸辣米線推介⭐️⭐️觀塘好味豬扒⭐️臻味冰室酸辣米線地址: 觀塘創業街15號萬泰利廣場地下B號舖🍖秘製豬扒酸辣米線 $38 (7.5/10)大大塊勁抵食嘅豬扒米線🤤係觀塘食飯竟然有30幾蚊仲要幾好食嘅米線！佢嘅豬扒本身已經醃得幾入味，同埋幾腍，不過就唔算好香口，米線口感都係好普通🤣但我最鍾意食佢d酸菜，叫辣另上佢會俾一兜仔你自己落🤣一啖酸菜一啖米線都幾正，又酸又麻又辣🤤回頭指數: 🍧🍧🍧🍧 (滿分:🍧🍧🍧🍧🍧)好坐指數: 🧎🏻‍♀🧎🏻‍♀️️(滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️)

ғᴏᴏᴅɪᴇ ᴛɪᴍᴇ 今次食咗臻味冰室豬扒酸辣米線雖然好多人係門口，但係等左15mins 就有位！食咗秘製豬扒酸辣米線($38)黎到真係好大碗😆豬扒份量好多，少少脆咁，都好夠味😚佢既酸辣湯仲有好多花生、酸菜，夠哂酸，唔會太辣🥳仲可以免費轉上海麵，淋淋地咁，同埋每一條都好長🤣另外朋友個碗係肥腸同韭菜餃($34+6)雙拼加$6, 肥腸佢洗得唔係好乾淨，有啲苦🥺韭菜餃都唔錯，雖然皮有啲厚同多，但係勝在餡料夠多🤪

同事返工途中經過見到，帶我地來食，以為系平平無奇一間米線舖，來到居然超多人排隊，爆曬場😂 睇下餐牌，價錢都相當平民，大約30零蚊就有1餸米線成交👍🏻 第一次緊系試下招牌豬扒啦，但見到有肥腸，所以就叫雙拼。份量可見系相當足料，唔似外面有啲碗大大，入面得丁丁😂😂豬扒略嫌蘇打粉味重左少少，肥腸以為系滷水肥腸點知上來顏色上有點兒不太美觀。入口豬扒味道鹹淡都適宜，肥腸白Sai Sai，食落原來都幾入味，都無騷味嘅。米線值得一讚，系我最愛的爽口口感，配菜有花生，酸菜。花生食得出系新鮮炸，好香口，同米線一齊入口，好爽！仲有個湯底，話系酸辣湯底，但撲鼻而來系偏麻辣味，酸味就唔太食得出啦。總體來講，呢個Lunch都幾滿意，呢個價錢呢個味道系無得投訴，離公司又近，都會想再返來食

係公司附近, 其實間唔中都會幫襯, 不過之前疫情, 見佢地都係好HEA, D檯又密, 又冇隔板, 又要搭檯...所以都冇去一排! 之前經過, 見佢地有返隔板, 就揀個冇乜人的時間去食啦~ 其實都好掛住佢D豬扒~HAHA叫左個豬扒, 九菜餃米線+凍檸茶! 依然係好大份, 豬扒有3-4中小塊, 九菜餃有成4粒, 真係好有誠意~平時叫佢多花生, 因為好鍾意佢地有落花生! 真係錦上添花 XD~ HAHA BY THE WAY, 佢多人時, 都係要搭檯...但冇隔住...下次都係買返外賣算~~

叫左呢間鋪最出名豬扒酸辣米，今次轉咗「上海麵」睇下同米線有乜唔同，但一上枱先知原來上海麵=烏冬 有啲失望，不過個啲配料依舊好食！加$3 仲可以轉水晶粉/薯粉 喜歡滑嘟嘟嘅人可以試吓！

我同老公係臻味豬扒鐵粉雖然米線嚟講佢唔算平但勝在湯底同材料同好好味不過我好妙更似乎鍾意同招牌人氣菜式作對首度試chatterbox 我唔揀海南雞而我去親臻味 亦基本上唔嗌豬扒及而我會叫蚵仔羊肉聽落個配搭係咪好amazing 呢？咁嘅 麻辣香同羊肉好夾所以嗌羊肉絕對冇衰而且臻味啲羊肉又甜又香 只係少少羶至於蚵仔 雖然同羊肉感覺9唔搭8但完全冇遺和感而且粒粒鮮甜又爆醬另外 佢個鹹豬手都係我同我老公至愛Q彈之餘相當入味不過嗰日嗰碟啲毛實在太多令我食欲有少少被影響平時我哋幫襯開牛頭角嗰間基本上冇乜唔滿意但呢間就有嘢一定要講就係個湯底竟然唔夠熱都真係幾殺風景！

平時食開腩肉酸辣米線 但原來配大大塊豬扒 食落口感仲正囉😛🔖 秘製豬扒酸辣米線秘製豬扒醃得好入味 份量又多仲要勁有心機預先煎一煎 食落更加香口❤️湯底方面 酸味較輕 辣味則偏向麻感配料方面 都係酸菜、花生、芫荽、蔥嗰啲喇餸方面 心水推介豬扒❕手撕雞❕另外 餐廳坐位唔算寬敞 所以有定心理準備通常都要同人搭枱😝

最近加入左米線關注組，見到有好多各有特色好食嘅米線店，牛頭角呢間亦都係一試愛上，因為真係好麻，同埋個湯唔會好油！小菜叫咗麻香雞絲海哲，呢個涼拌比較爽身同重味，或者叫做入味，唔會黐住好多汁，生菜分隔得好好，底下比較多汁，手撕雞同海蜇都好啱用嚟送面。鮮蠔仔米線，你會見到湯底望落比較清淡，全靠酸菜同辣醬，呢個就係入去牛頭角食米線嘅原因😛比起其他米線未必有鮮蠔仔食，同埋相對冇咁油膩，而食落更加麻。韭菜餃米線套餐，送一杯熱飲。Addressss:臻味冰室豬扒酸辣米線 觀塘創業街15號萬泰利廣場地下B號舖

呢間舖頭嘅酸辣豬扒米線應該唔洗我介紹都好多人識，佢哋嘅酸菜花生配料正到爆～ 加埋炸過啖啖肉嘅牛展簡單係平民美食咁樣只係$35！ 仲有飲品！ 如果有嚟觀塘嘅又鍾意食米線嘅你一定一定要嚟試！