臻味冰室豬扒酸辣米線

营业中

休息中

其實你地既秘製豬扒酸酸辣米線好好食，及羊肉但自從上次試過外賣自取就開始覺得麻麻啦！雖然你地好好會分湯，但D湯令外賣盒溶，由於係發泡膠盒，再盛熱湯，裹面膠溶了，我有反影過，但都係冇理會，從呢樣覺得麻麻，希望係到提出不要再用發泡膠盒了！

話說琴晚去左食另一間臻味 當我食過翻尋味之想今日晏就再食多次 諗唔到咁就中左伏了 真係食到我一肚氣 打去叫外賣 聽電話嗰個姨姨態度差到好似我欠左佢咁都算數 可能佢都真係好忙 不過我都係叫返我想食既野姐 咁都有錯咩 滿心歡喜攞到碗外賣返公司食 一打開 味道係好香 但d豬扒炸到乾曬好似放左好耐咁我都算 重點係豬潤 有大概6-7粒 但有4粒都係唔熟既 其實我雙拼 豬扒又比少左 錢又收多左 大佬呀 成碗野同我琴晚食既係完全2回事 可唔可以對食物認真d？今鋪真係請都唔敢再食

前幾日，有個舊同事約我食飯，因為佢呢家係觀塘返工，所以去左觀塘食飯，佢話有一間的酸辣米線好正，我地就去左臻味到食啦。不過因為我唔食得好辣，所以我無揀到酸辣，而揀左清湯，但係都好好食，佢仲會有一啲花生做配料，好好味，不過我相信酸辣的味應該會更加惹味，可惜我唔食得辣，唔係就可以食到。豬扒都幾正，可能又唔會話太硬，所以真係好正，而且米線都幾索湯，啖啖米線都好好味。總括來講，我舊同事呢個介紹真係唔錯，真係好味，而且又唔算貴，就算清湯都一樣好味。

這裏長期都有很多人排隊， 尤其是中午時間， 在觀塘區返工的朋友應該都知道。每一次來這裏都會吃豬扒酸辣米線$38， 今次還點了一碗豬潤酸辣米線$34和一杯凍檸樂$16。 我們要少少辣，豬扒非常大塊， 好入味啖啖肉，每次來到必吃的。豬潤有點硬，味道不太好，麻味反而太重， 食了兩啖已經成口麻痺了，平時食開的麻味沒有這麼強。 之前有試過清湯米線， 味道都很好， 但米線份量偏少的。 這裏除了有多款酸辣米線之外， 還有泡飯的， 下次一定要試下。

今次又再途經牛頭角，諗緊食乜好時經過就食佢啦，撞岩午飯時間，門口好多人等位，希望一個人等會快少少啦，等位期間落好大雨，又冇地方避雨，如果去隔離大廈避又驚聽唔到叫號，所以唯有擔住遮咁照等位啦，等左大約20分鐘終於有位啦，係最近門口果張枱，兩大個遮桶就放左後面，頂住左我張櫈要坐到好入，啲長遮柄又會靠住我張櫈，啲人放遮拎遮唔小心就會整到我，加上出面啲風係咁扯入黎吹住好凍，所以坐得唔舒服情況下拿拿聲食完就走啦今次食返中辣豬扒米線，等左8-10分鐘上枱啦，中辣係一啲都唔辣嘅，豬扒大約有4小件，好多花生都幾香口，今次一樣我一口湯都冇飲過，不過食完都係勁口渴飲左好多水都解唔到渴今次冇叫飲品啦，因為正價，熱飲12凍飲14，只係食碗豬扒米線38就幾抵嘅今次總總因素加埋扣左好多分，只怪自己運氣唔好啦，如果下次食要避開雨天啦

一直聽朋友說，這間專做猪扒酸辣米線很好吃。所以就一直想找機會吃。今天上完堂碰巧有時間就馬上去吃，結果是非常失望。菜牌寫明是猪扒酸辣米線，但來到的米線分明就是麻辣米線而非酸辣。食了兩三口，嘴脣就已經麻了！而碰巧我是十分討厭吃麻辣的，所以很反感與失望。做的明明是麻辣米線就該寫明⋯

係觀塘返工咁耐 真係未試過去呢間食因為地點唔太就腳 襯有日收工無飯食 二話不說就行黎黎米線諗都唔洗諗就點左個招牌 秘制豬扒酸辣米線 $38熱騰騰的米線好快就有得食要左個最細的酸辣 但聞落都已經好香湯底都唔係好似平時的米線咁紅當當 湯底就有如佢介紹一樣 酸辣中又帶點麻辣條脷係會痺痺地咁 酸菜亦唔會太咸豬扒的外皮焦焦的 但食落又唔會柴皮 有點驚喜最重點係佢的米線好滑 滑得來又唔會淋哂 唔怪得呢間野晏就咁多人食 而家再打返個食評都流口水必定會再翻食！

喺牛頭角返工嘅人一定識呢間米線 就算唔係個頭返工嘅你地都值得特登搭車入嚟試一試😍😍 雖然佢招牌係豬扒 但係如果你哋唔係特別好嘅話😂我推薦大家食韭菜餃米線😍😍😍 真心超正 韭菜餃大大粒多菜少肉 啲皮好似好好訓咁滑🙈🙈當然啦呢間餐廳最正嘅係佢嘅酸辣 🤤🤤 同其他餐廳唔一樣 佢嘅酸辣唔係一樣係有勁多酸菜嘅😌😌😌識食嘅一定係辣另上 咁嘅話你就可以自己調節辣度 酸菜又唔會因為浸落個湯度太耐而淋曬🍲🍲 重點係咩啊～係平呀師傅 韭菜餃米線係餐嚟 加埋凍飲都係$40～～～

都係fd介紹食呢間嘢 仲話每次黎開都一定覆食wor🤔咁最出名就一定係豬扒米線🍜所以就嗌豬扒米線我就比較食得辣既 通常都中辣大辣食左幾次既心得係鐘意酸既 記得叫多酸菜鐘意辣既 記得嗌大辣什至加辣 因為唔係好辣haha如果住附近or翻工 叫外賣食呀雖然唔環保 但係分左湯咁外賣唔知點解會好食過堂食haha😂😂😂不過咁既價錢 我覺得都有85分如果再熱d就好啦

對於酸味一向怕怕地既我，偏偏迷上呢間店既豬扒酸辣米線～ 已經幫襯左不下十次既我，終於的起心肝打番篇食評～一碗38蚊的豬扒米線，唔算特別平，但佢勝在足料夠份量～ 目測大約有一塊半至兩塊的豬扒，切開左黎烹調，豬扒唔會煮到鞋烚烚，咬落仲係嫩口的，肉質唔會係瘦到好似柴乾咁款，仲要醃到入晒味，難怪會係招牌菜了～而配料方面，有芫茜、香芹、蔥、花生同酸菜，當中酸菜為店家自家製的。如同起始所講，我好怕酸，但這兒我酸菜並沒有過份死實實的酸，而是帶有鮮味，酸得令人很開胃的味道之類，切成一小塊一小塊的，和著米線和豬扒吃，可以中和一下豬扒的肥膩～ 湯頭因為配料足，所以味都偏濃，加上滑嫩豬扒總帶著「肥油」，瘦身或愛吃清淡人士則未必咁啱食了～

This restaurant is known for hot and sour noodles and the pork chop here. Because I came early, and no need waiting for table, haaa. However when we left, long queue is waiting outsides, we so luckyWe both ordered the most famous pork chop noodles and mine is in hot and sour soup. I ordered less spicy one, and the taste is still endurable, haa. I like tasty pork chop with soft texture and soup ingredients such as peanut, they are really making the soup welloutsides:menu:Good pork chop and soup n

第二次到這間米線店舖幫襯，上一次試過覺得味道唔錯的。 今次叫了豬扒上湯米線$38，豬扒韭菜餃酸辣米線$44，凍檸茶$7，奶油多$14。一碗有兩大塊豬扒，醃得好入味又夠淋。 韭菜餃的餡料也非常新鮮。 今次點了一碗上湯米線，湯的味道唔錯，食完唔會口渴。 另一碗點了微酸辣，感覺這裏的湯底都做得比較出色。 但米線的質地就偏軟，份量也不夠多， 如果可以改良一下米線的質素會比較好。食完米線之後還想吃奶油多， 奶油的份量特別多，很好吃的！

由於落大雨原因，臻味米線就係我公司附近，所以就決定去食。雖然好多人，但都唔使點等位，咁即係我叫咗一個手撕雞麻辣湯米線加一罐可樂～一嚟到，我就見到我碗米線有酸菜，其實我就真係唔係好鍾意食酸菜，我就俾咗同事食。一試第一啖湯，雖然唔算辣啦，但個湯底真係一流，超級好食，個辣到不停係個口到回味。而個手撕雞亦都好滑，同埋佢比我嘅份量都算好多，食完之後好想再食～係碗米線度，佢包埋花生喺裏面，其實我都幾鍾意食花生，我就覺得呢一間嘅花生一般般。整體來講，呢一間米線喺牛頭角來講真係好好食，我會再返去食。

今次係第二次黎食，中午有事去牛頭角，辦完事後就午飯時間，附近唔太熟路，之前又食過，咁就呢間啦，既然豬扒係招牌菜咁就叫碗少辣豬扒米線啦，野飲冇跟餐只可以正價叫。食晏時間好多人，不過野食都好快上，豬扒夠淋身，我好怕好un嘅豬扒，仲要嚮店舖到食，成塊咬好難咬得開，呢到就冇呢個問題喇，豬扒好入味，不過我就覺得鹹左啲啦，花生好香口，份量都唔少有兩塊架，食完收碗速度都好快，午飯時間都明嘅，食完飲埋就走啦成個下午都好口渴(我冇飲過一啖湯架)，應該就係豬扒太鹹嘅原因啦

平日中午時份，呢間食店門外一定有一大堆人圍住，無論門市等位或者外賣，都最少要等半個鐘。豬扒麵係招牌同必食既，豬扒好諗亦好入味，湯底方面，我通常叫小辣，因為小辣已經好夠辣，同埋個湯本身有D麻辣汁，再配埋D酸菜，成件事真係好夾。如果唔食得辣，可以叫清湯，會配蘿白的。最後，加埋罐可樂，簡直係perfect.另一推介係肉碎蠔仔湯飯。D蠔仔又大又肥，而且都幾多，每啖湯飯，都可以食到蠔仔，冬天食最啱，真係食到暖笠笠。