臻味冰室豬扒酸辣米線

营业中

休息中

This place seems super popular, and is teaming with customers waiting outside for their takeaway order during a weekday lunch time. The service is fast though, and you are swiftly shown to a table and your order is taken within a minute of seating. Today's order was the famous Fried Pork Chop hot and sour rice noodle to which I added chive and pork dumplings as an add-on ($38+6).It came in a huge serving, perfect for my hungry appetite. The toppings were generous, with glistening pork chops and

我一向係臻味豬扒米線嘅捧場客，佢出名係豬扒🐷今日就再試吓啦。米線煙韌爽口，唔會淋。佢嘅酸辣湯底🫕好正架，配料有酸菜、葱、麻辣、花生，味道啱晒我要求。😉不過提提大家，酸辣都幾辣🔥㗎，所以如果食唔到辣，就要好似我咁叫小辣呀。😁至於佢出名嘅豬扒，都係大大塊，好好味😋，又唔會肥。份量都夠呀，配埋湯底就一流，haha😝整體黎講，keep到一貫嘅水準，俾個like佢🥰。

最近成日都去觀塘做野，呢日諗食lunch諗左好耐都諗唔到食咩好，記得之前食lunch時見到呢間鋪好多人等位，見呢日星期六朝無咩人，記就去左試下！咁睇番佢大招牌都係做酸辣豬扒米線，咁我順理成章就叫左個酸辣豬扒米線（中辣）同凍奶茶。咁樣上堂嘅時候叫佢見到嗰個賣相都好靚，豬扒岩岩上枱時仲係有少少脆身，不過當然都預左唔係咩特別好味既扒，不過佢個酸菜做成既酸辣湯真係食到我個咀都麻曬，但又唔會話辣得好緊要，我個人幾喜歡呢隻酸味，令我胃口大增！如果下次見唔多人既話都會入去再食過，不過就唔會再食豬扒了！完。

自己一個去諗住試試佢嘅酸辣豬扒米線，而入座發現被安排坐係一張二人枱，但右手邊有一張四人格坐緊兩位女食客，其實我同佢哋枱與枱之間相隔少得可怕，只有大約幾折手指折位，之間亦冇隔板阻隔😖反而左邊就有隔板，想手移隔板過右邊隔一隔，但原來係lock實咗。疫情期間咁樣進食，令成個進食過程令我好驚🤢同埋雖然室內有冷氣，但都幾熱下。我叫咗酸辣豬扒米線同凍檸茶，得知酸辣可以另上，所以唔係咗食得辣嘅我叫咗另上，而凍檸茶侍應姐姐亦會落單時提醒係單點，同埋酸辣會係有麻嘅，而出餐速度都幾快。酸辣豬扒米線會配有脆花生同芫茜蔥，湯唔係香濃個種，米線唔會係發脹晒，質地正常👌🏻三十尾嘅價錢嚟講其實都算幾抵，豬扒份量都幾多😯但作為豬扒命名同出名嘅專門店，可能令我有所期望，食落其實並冇特別，覺得同普通茶記冰室個啲豬扒冇咩分別，首先豬扒唔係好厚個啲，亦唔會咬到豬扒肉質纖維咬斷嘅質地，味道亦都一般，唔係好食到完全天然嘅醃製味同質地。反而個酸辣有驚喜，幾啱我口味👍🏻酸菜係莖位切粒，所以會有脆脆咬口，咬落亦會有啲啲酸菜菜汁，味道上比較偏酸啲啲，加上辣得嚟會有麻，有齊酸辣麻層次，有辣香唔會太辣攪到辣到咩味都食唔到。而凍檸茶正常水平。

這間「臻味冰室豬扒酸辣米線」在網上大熱，得到很多人大讚好食。其中一間分店就在筆者會出沒的地方附近，唯幾次經過都沒有餓意而過門不入，今天終於找到機會來一嚐究竟了。價錢相宜，約莫40元就有一碗酸辣米線。豬扒有4小塊，合起來應該就等於1塊大豬扒。豬扒煎得惹味，肉質鬆軟，本身都醃得好夠味。如果分開上會更好，因為豬扒表皮被湯浸到無咁香脆。米線湯底好夠酸，如果喜歡吃酸辣的人不妨來一試。反而即使筆者點了中辣，辣度還是被酸香味蓋過了。一碗份量都幾多，入面除了豬扒和米線，還會有蔥、芫荽、花生、酸菜。

呢間酸辣豬扒米線食完真係會上癮其實佢d辣係麻辣，加埋d酸菜所以變酸辣不過我本身係好鐘意麻嘅所以口味嚟講係啱晒我嘅米線比譚仔粗身d幾好咬口唔會一夾就斷嗰種配菜酸菜係偏酸唔甜嗰種我本身會好甜甜哋嗰種酸菜但呢隻食食吓都幾好味😋花生、葱、芫茜都好香增加到風味而主角豬扒係炸過嘅所以幾香口好淋應該係用咗好多鬆肉粉所以完全冇豬扒硬實嗰啲口感我本人就覺得淋咗d再實淨返少少就Perfect啦腌得都幾入味杯凍檸茶不過不失但食麻辣嘢係點都要飲返杯凍嘢嘅埋單38+7（下午茶飲品半價）

早排同朋友係附近睇完個樓盤示範單位(純粹想睇下人地新樓的裝修，無錢買的^^)，就開下openrice睇下附近有咩好食，跟住就搵到呢間米線的鋪頭。跟住睇下食評先發現原來呢間餐廳係觀觀塘都好出名，lunch 仲會排曬大隊tim !咁我地入到去就決定叫佢個招牌豬扒麵試下，咁我因為怕太辣，所以就叫左小辣，佢本身default就應該係中辣。碗麵一上台就見到佢個湯底唔會好似出面食麻辣咁紅卜卜，反而望落係比較清個種，跟住第一啖食落口就發現佢個湯個麻的程度真係唔會太弱，食完個嘴就仲有小小麻咁，好鬼過隱。另外，豬扒佢醃到好lum，而且份量都好足，有3塊左右，所以整體黎講呢碗麵好味之餘，份量亦都非常足夠，係觀塘晚餐$38黎講，真係CP值極高，絕對有下次!

第一次去食嘅時候只係因為路過食完就返唔到轉頭佢哋嘅酸辣米線係我最鍾意食嘅米線酸味同辣味都好足佢嘅賣相唔似得普通嘅酸辣米線咁紅賣相好似普通冇乜味嘅米線咁但係食落嘅酸辣味非常濃郁米線硬度偏硬有咬口每一次我都係叫手撕雞酸辣米線手撕雞嘅份量非常之多價錢便宜每次經過觀塘都會特登入去食

呢間米線好似有幾間分店，好似全部都係喺觀塘，見d食評好似都ok, 咁啱去嗰頭開會要食個快飯，就試試。第一次幫襯就緊係試佢哋最出名嘅招牌「臻味秘製豬扒酸辣米線$38，價錢都ok合理。 豬扒醃得好入味，份量都幾多，大大小小都有成5-6塊，米線ok無煮得太淋，個湯係超酸辣重口味，不過有d偏咸。如果勁like重口味米線嘅就一定要要試。另外叫咗個凍檸賓，盛惠$16，不過冰勁多又少利賓納，杯嘢都幾淡。不過地方乾淨，落單阿姐好醒目好好態度。

早幾日去開觀塘，醒起細佬之前推介我食呢間茶餐廳佢話個酸辣幾好食，所以今日去試下店都幾大，但是座位有點迫，可能因為要應付平日這邊的上班族放飯時間我當日是假期，就可以坐得鬆動d我地點左兩個麵我就點左招牌酸辣豬扒麵＊我幾鍾意個湯底，酸酸尾尾幾好食幾開胃，但至於辣就唔係好覺得。豬扒好腍，好入味好食。而我最中意都係個麵既質地，夠彈口，好有口感。整體呢個麵唔錯，又大碗好夠飽另一個就係麻辣腸仔撈麵＊呢款撈麵都可以揀麵條，唔會乾爭爭。麻辣真係幾夠麻味，又唔會辣到食唔到。又係大大碗，超飽！又好食整體呢間性價比不錯，又抵，質素唔差，午餐好去處！

呢間米線舖，每逢午餐晚餐時段，必定大排長龍，今次都唔例外。不過每次去牛頭角都會去食，因為好食又便宜，CP值高。今次叫咗招牌豬扒酸辣上海麵，同埋手撕雞上海麵。米線可免費轉上海麵。招牌豬扒水準穩定，入味又鬆化，分量亦很慷慨，有三塊之多。加上酸菜配麵條一齊食，很惹味。另外手撕雞亦不錯，但可以再調味多啲。總括來說，是一間平民好吃，CP值高的米線店。

記得第一次食臻味應該係差不多三年前，當時係有個住觀塘嘅朋友大力推薦，之後因為係牛頭角番工，一個月食兩三次係基本~🤓之後轉左番中上環就好少去，前排知道佢原來有兩間分店(雖然都係係觀塘區🤣，幾時開港島呀😭)，又激起左小編要食臻味嘅心❤️太掛住里度嘅味道，同朋友，兩個人叫左兩碗麵兩個小食🙈小編叫左豬扒拼韮菜餃酸辣上海麵而朋友就叫左雞翼拼豬耳酸辣上海麵🍜佢嘅湯底集合麻、酸、辣，但唔會油同咸，小編係叫中辣，都唔會岀現坊間一層辣油嘅場面👍🏻麵質係如圖嘅粗身上海麵，有咬口，唔粉😛本身小編唔好豬，但里度嘅豬扒有相當水準，醃得入味仲相當淋同juicy，韮菜餃亦聽聞係店內自己包，非常正❤️(另一重點係好抵食！就算雙拼都有3大塊帶骨豬扒同4隻餃😳)小食點左上湯咸豬手同麻香海蜇雞絲豬手行爽脆路線，帶咸香，減低膩感海蜇則爽口惹味，正啊~私心都推薦大家食鳳爪，都係高質作品黎🥰食下食下由舖頭滿坐食到得番一半人左右，(應該係老闆娘)走過黎問食物o唔ok，梗係相當ok🤤知道我地由舊舖食到里度，熱情嘅佢仲叫我地多啲幫襯🤣

這間茶餐廳格局的臻味冰室，主打食酸辣米線，但除了酸辣，還可以選麻辣或上湯，除了米線，亦可以選擇水間粉/紅薯粉/泡飯，除了湯粉，還可以選擇撈粉，餸既選擇亦多達三十多款，所以配搭十分之多。這裡的秘製豬扒是必點的，所以我點了豬扒酸辣米線拼九菜餃，每碗米線都會配上花生、酸菜、芫荽同蔥, 大大碗的。而秘製的豬扒肉質鬆軟，醃得入味，煎得香口。九菜餃更有四大隻，餡料爆滿，只是餃子皮略為厚一點。湯底酸辣適中，平時食開少辣的我都接受到。另一碗要了健康的紅薯粉配上雞絲魚肉酸辣，紅薯粉食落似粉絲，吸收了酸辣湯，味道更好。

大家呢排有無好頭痛去邊到食米線好呢？.今日收工經過觀塘既時候，發現之前喺宜安街食開的臻味米線，原來呢到都有分店！！🐟💬：阿魚同朋友分別叫咗手撕雞（34蚊）同招牌豬扒米線（38蚊）蕃茄🍅湯底！（加3蚊）臻味嘅蕃茄🍅湯底非常濃郁，重有蕃茄🍅肉喺入面，米線唔會過淋👍🏻.然後重叫左酥炸魚肉雲吞、炸雞翼！（各32蚊）魚肉雲吞食得出係即炸！撈落d湯到食，都好正！😍🐟FISH'S REMINDER🐟💡阿魚提醒💡.（1）食開宜安街分店注意🔈而家正在裝修，所以可以去其他分店：觀塘敬業街55號皇庭廣場地下3號舖.(2)米線會有啲芫荽、葱，唔要的話記得叫走青呀～.🐟📝：8 / 10.🍽🐟📝📌 臻味冰室豬扒酸辣米線📍 地址: 觀塘創業街15號萬泰利廣場地下B號舖📞電話: 27900578⏳營業時間：星期一至六：0700-2100星期日休息

有住觀塘既朋友介紹左間係觀塘一定要試既麻辣米線嗌左個手撕雞豬扒米線 大辣本身朋友話嗌大辣都少驚會太辣 但食落唔算好辣 但非常麻 豬扒炸過十分香脆 肉都好淋手撕雞相比下就無咁出色 個環境都幾熱 同唔包野飲