臻味冰室豬扒酸辣米線

营业中

休息中

放工時間揸車到觀塘做少少野，四周圍都好多車，又見到有警車在附近，想違泊食餐飯先走有勁大可能會先食牛肉乾做前菜......左轉右轉，見到個時租$18的大廈停車場，即刻泊入去然後去醫肚，唔想行咁遠去一定有條人龍的阿元來了，就打算去剛才路過的米線店。此店晚上選擇其實好少，基本上都係店如其名，只賣米線。唔好內臟，唯有試試招牌秘製豬扒米線。一上枱見賣相可以，大大份咁。豬扒味道吃不出是有什麼特別秘製，只是普通半煎炸的，鹹度適中，米線軟硬得宜。整體不過不失，$38已是全店最貴一款了，算經濟實惠。

香港終於迎來遲來的冬天，天氣涼左就自然會想食D熱辣辣既野。呢間臻味冰室係肥鴿間中去到觀塘工廠區時會食既米線，貪佢三十幾蚊就有大大碗米線，食一碗就岩岩好。隨左招牌菜既豬扒酸辣米線之外，仲有其他餸菜呀，撈米線等既選擇。廚房好有效率，基本上落左單10分鐘內一定上菜 今日肥鴿叫既係豬扒酸辣米線，米線上面除左豬扒仲鋪滿左花生、酸菜，同埋肥鴿最鐘意既芫茜  湯底落左少少辣油，但食落都唔會太辣。有骨既豬扒大概有三四塊，預先醃到入味同煎香左，唯一既唔好係太多肥膏，但整體上都幾好食，鐘意啖啖肉既人會特別開心。雖然講唔上要專程要黎食，但在工廠區就可以食到大件夾抵食既米線，仍然值得寫番篇食評比佢 

今日在公司OT後，沒有什麼特別的東西想吃，經過觀塘工業區，便走進一間叫臻味冰室吃酸辣米線。這冰室的人不算多，只有五、六人在幫襯，而且食品價錢不算貴，比起一般冰室還要便宜，所以叫了一碗肥牛豬什酸辣米線（少辣)，同行的女朋友也叫了一碗秘製豬扒酸辣米線。對於不能吃得太辣的我，感覺這碗米線小辣也完全不辣和味道相當一般，於是叫了其他小食來配襯這米線。首先，蔬菜完全沒有味道，麻酸辣鮮蠔仔也令人失望。最後需付$142埋單，所以現在能在價錢能吃得飽，也不能太高要求！

同事介紹公司附近有一間很好食的酸辣米線所以今日下午便來食到達時已經12點半，門外也有10幾人在等候。。。不用5分鐘很快便到我哋一看餐牌便見到有很多選擇，最後叫了招牌豬扒酸辣麵，加了3蚊轉薯粉，再加$6雙拼配雞絲。本身有芫荽，芹菜。。今次走了。剩下酸菜，花生。這間店的酸辣麵有一種麻辣的味道和一般酸辣米線不同。因為是第一次吃所以叫了小辣，湯底配上薯粉，很有重慶的味道。在加了一碟雞翼，雞翼的質素一般。都是酸辣米線比較好味。

朋友介紹觀塘工廠區有間好好食嘅豬扒酸辣米線，今日路過，終於有機會一嘗。我的"豬扒干撈"，$38，2大塊🐷扒，色香味美，夠淋夠入味。酸菜都唔少，酸中帶甜，夠爽脆，有咬口。我家中的CEO 則order 了中辣的酸辣湯🐷扒米線，雖然食材一樣，但食落真係唔同風味。]小第一向怕食到身水身汁，有得揀，一定食冷盤。但今次居然湯米線勝出，湯讓米線變得更滑口，正。湯底麻辣味道做得恰好，適合食得辣的朋友。當快餐點都收四五拾 一個餐的年代，呢度加埋飲品才$42，真的值得推薦

一直都是光顧牛頭角總店，現在觀塘也開了分店，以冰室為名，除了米線外，還提供早餐及下午茶餐，分店乾淨企理，不過人流仍然一樣多，位置於office building附近，中午時分已經排滿上班族，要在外面等位，坐下來還是挺擠迫。鮮肉韭菜餃酸辣米線：餡料飽滿，韭菜及豬肉的比例平均，以薄薄的雲吞皮包裹著，份量很足；米線煙靭，有口感入味，吸盡酸辣湯底的精華；酸辣湯底依然是重點，令人吃得麻麻的，很過癮。整體來說，味道仍能保持水準，不過感覺還是總店美味。

又是OT 的晚上，夜了餓了，唯有自私食。行吓行吓，嚟左呢間，我最愛的豬扒米缐。夜晚都仲係燈光火著，都幾多捧場客。好多應該都同我一樣，附近的打工仔。平時 lunch 都有食開呢間，勁多人排隊，食飯食到打仗咁，雖然好味，卻毫不享受。晚餐時段，餐牌相同價錢一樣，卻係另一個世界。每人可以有一張枱架！可以慢慢食，冇壓力。餐牌，基本上已經唔使睇。叫返我的例牌，酸辣豬扒米缐$38。豬扒煎香的，已經有調味厚肉，都有成四件。豬扒真係招牌，好好味，唔會油膩。米缐係比較有韌性果種，係我鐘意果 type ，最怕米缐淋淋爛爛，一夾即散果D。湯底雖然叫酸辣，但實際上係有點麻辣的。有大量的花生芫茜蔥，好香好鬼正。凍奶茶$14 一杯，冇乜特別。純粹為豬扒米缐而來，冇得輸。

之前都係去開牛頭角果間臻味，最近先發現原觀塘有一間分店，就同同事去試下同學都叫米線，我就叫左個茄蕃豬扒泡飯試下，味道都唔錯嘅,蕃茄湯底唔會太過酸，但食多幾啖發現d飯一舊舊個底d飯又好林, 感覺真係唔係幾好成個飯得個豬扒係幾好味嘅，呢間分店比起牛頭角果間真係差D我同事係叫牛展酸辣米線，佢都話D牛展冇咁太塊，同埋D米線煮得唔夠林，我地最後都冇食曬d飯同米線，因為真係唔係太好食我諗大家都係去食返主店會比較好

打完風仲要返工 仲專登早左出門口返公司為左平衡返呢個不平衡心理 我決定拉埋同事食個早餐先再上去扮工。見臻味都好有誠意咁一早開左鋪 就坐低左 啲姐姐好忙但態度算好。我叫左沙嗲牛麵+煎雙蛋 個麵淡到似熱水煮咁 個麵包亦消失左啲牛油 不過不失啦 因為今日志在都唔係食好西 暴風雨過後仲可以慢慢嘆個早餐 已經值得感恩 辛苦晒各位香港打工仔。

十號風球除下後的上班天，上水彷佛是孤島一樣，火車暫停，上水人都坐唯一一架可以出到九龍區的巴士。我由上水出觀塘返工足足要2個小時🤢🤢🤢。男朋友知我辛苦了，約我吃晚飯慰勞一下😗♥️。觀塘有2間臻味，這間是新分店，裝修簡潔，坐位比較闊落。晚上7點半左右，不用等位。牛展酸辣米線牛展炆得夠味！淋身易咬口又不痴牙😋。米線軟硬度適中，扣分的地方是湯底比較油。魚肉肉碎泡飯估你唔到的湯飯！第一眼以為是啖而無味，怎料每啖飯加上芫茜和肉碎，加起來又幾好味喎！喜歡芫茜味的推介試試。魚肉中規中矩，但是健康之選。餐配涷檸茶。平靚正的晚飯

見佢開左新分店又近近地公司，所以俾左個機會佢之前食過裕民坊附近個間都唔錯幾好食！一行三人，除左叫米線，緊係會叫埋小食食啦。我地叫左炸雞翼，一碟5隻，雞翼無味又乾柴，雪藏味重雞翼唔好食唔緊要，仲有雜錦小窩米線酸辣，叫左個大辣，湯底十分清下，都算有幾滴辣油咁啦，我再三同服務員問呢個真係大辣？佢答我係，咁我只好信食第一啖就知一定搞錯，都算啦可能搞錯由佢，因為都食左，再整又要等好耐但個湯....即使係清湯都應該有返小小味吧？佢無味就好似滾水湯底無分別，米線半生熟，成碗米線得d配料花生係好食真係唔會再黎食呢間分店！

Lunch time 同同事黎左呢到同事推介🤤+3轉左食紅紅薯粉😍D豬扒炸得好好食 一碗有5件咁多 好扺食呀 如果酸菜多小小就perfect 了！覺得呢間同阿x豬扒酸辣米線 差吾多味 但呢間湯底就麻D！

最近正在追看韓劇，為了可以邊吃邊繼續追看，只好趕快買個外賣回公司慢慢食😜看到門口已經有一堆人，有的等位置，有的等外賣。還好我等候外賣的時間也不會很久。今天吃招牌豬扒米線，我點了小辣，因為他們家的辣太過癮我受不了🤣豬扒米線跟湯會分開盛載，為免湯跟米線泡得太久會不好吃，很貼心呀！豬扒啲份量挺多的，而且香口。米線比較粗，很滑口感好，配上秘制麻辣味跟酸菜，又酸又辣的，還有香脆可口的花生，層次口感豐富。

大半年有同事行到身水身汗去近牛頭角嘅臻味食過豬扒米線，知道係觀塘呢邊開咗間分店都未有機會食。呢日唔知同朋友食咩，近大家office就揀咗呢間，終於食到啦。我地係算早放晏嘅，拎飛都要排一陣，好彩得兩個人，都算快可以入去。睇完一輪餐牌都係決定食豬扒米線，飲品唔係叫佢套餐個種係另外加正價嘅。豬扒米線一上枱好香，超多葱同埋花生。豬扒都有成三塊，煎得好，好夠味（對我黎講有小小咸）。酸辣程度都ok，米線都煮得剛好。朋友係雞翼米線，佢話ok啦。整體黎講都唔差，不過忘記咗食完個口易有味，如果要見客就唔好點呢個。

有頭髮有邊個想OT，但老闆講到明項目好急，要盡快處理，你又點可以唔服從呢，同點好意思say no 呢。好彩公司樓下就有三大守護神與OT者常在，倫哥私房菜、臻味冰室同悠食餐廳。今次，我就簡簡單單簡左呢間臻味冰室，事關樓下嘅倫哥私房菜晚上就特別多大大班人去飯聚，相映之下，OT嘅我同同事就有點寂寞😢；而悠食餐廳呢就d野略貴同野食普普；而臻味就勝在性價比高同快、靚、正！是日與我同在嘅係什菌肉醉泡飯（$38），再加埋魚肉雲吞（$6），平時去開食嘅雲吞會啖啖肉，今次舊肉縮咗水，而湯底非常清淡，泡飯煮得未夠淋。同米線相比，以及同平時水準相比，泡飯今日有點失色失準。同事就簡左手撕雞酸辣米線（$38），佢嘅湯底就剛剛好，調味適中，而米線夠哂淋，手撕雞雖然有d老，但呢個價位，去觀塘邊搵到呀。總括，臻味嘅米線仍然係不錯嘅選擇，臻味繼續與我常在。呀們。