船皇 (謝斐道) (已結業)

今日中午三個人去食，叫咗三個午餐， $78包一碗粉，一份小食同一杯嘢飲，勁抵。 之前未食過泰式船麵，所以唔識分係咪正宗，個人覺得幾有特色。配料落足功夫，牛肉夠淋、肉丸彈牙。豬潤係薄切，煮出出嚟老咗少少。湯底濃，重豉油味及甜味，個人喜好都係鍾意清少少，例如越南粉、港式粉面嘅湯底；不過有時轉下口味都係樂事。 跟餐送嘅小食有驚喜，炸蝦卷，春卷，雞翼全部都好好味。 服務亦都好周到有禮貌。清潔情況都合格。可以下次再嚟。

黎銅鑼灣睇完醫生，搵吓附近有咩食，竟然比我搵到一間船麵，好耐冇食過船麵啦幾時先可以去泰國呢。點左一碗船皇湯麵走豬潤$58 再加左杯龍眼冰有四個面可以選擇蛋麵、米粉、金邊粉、河粉。我就揀咗米粉因為好鍾意食泰國煙一種好幼嘅米粉。一嚟到當然試一試個湯底先，嘩超級濃味。分量大大碗，食落我係正宗嘅船麵味道，加埋辣椒粉正，完全啱晒我口味。佢加一蚊可以升級做和牛，加$5可以重量級和牛。龍眼冰龍眼肉粉量好多，又唔會太甜，佢個杯好有泰國風味。

呢間船麵去過兩次 一次好食 一次唔好食 今次專登避開咗lunch time 2點幾先黎🕑唔駛等位 直接有位但係.............佢唔夠人手 完全冇時間幫你落單😓到佢迅速落完單 後尾我2個朋友就黎食完 佢先發現漏咗我嗰碗😓但後尾好快就有🍜✨✨✨✨✨✨✨✨✨✨✨✨✨✨✨雞絲雞翼撈麵 (蛋麵）$36呢個價錢係好抵嘅 雞絲同雞翼都係正常常 冇乜特別 但撈麵汁好正 香濃 惹味 有種泰國風味🍋凍檸茶好難飲！下午茶冇得跟泰式奶茶 唯有揀檸茶 但係佢用返泰國茶底 另外甜到糖水咁 飲咗2啖放棄

想試尼間船麵好耐，朋友推薦話係銅鑼灣必食，因為係出名既黃店，而且係可以令人重溫泰國味道既地方啊今次下午茶時間去食唔太肚餓，一個人只係食左一碗船麵，揀左咩都有既船皇湯麵，麵底揀左河粉船皇湯河。 7/10湯底係唔錯，幾濃郁！其他配料都好食，可惜食唔到個豬潤（賣晒）而且份量有啲少，係唔太餓既情況去食都係啱啱好，如果餓既情況去食可能要再加小食先夠！ 整體黎講cp值唔太高（可能係泰國食既船麵太平啦）不過都會再去試，試埋其他菜式先！

無意間發現既一間平靚正泰國餐廳位於銅鑼灣世貿廣場對面，好就腳好方便～「牛腩+牛肉片+牛肉丸湯麵」（大碗）$52叫左金邊粉，好入味～ 因為個湯底係濃濃既牛肉湯令到人情不自禁飲幾啖湯麵都好足料，有豐富既牛腩，牛肉片同牛肉丸牛腩好入味好淋；牛肉片多好嫩；牛肉丸好彈牙總結而言：冇得彈！👍🏻另外，再叫左「青檸梳打」+$7果然食泰國菜，最岩就係配青檸梳打好解渴😌而且仲用左個好特別既器皿裝住更有泰國既味道😆

🤤 泰式船皇 @torcharmhk 🤤Geo條👅評分：⭐️⭐️⭐️⭐️ (5⭐️最高）泰式雞絲雞翼湯米粉 $48青檸梳打 +$15喺銅鑼灣做完gym去食嘢就去對面食泰國湯米，叫咗雞絲雞翼湯米！值得一讚米粉係用類似新竹米粉，米粉幼細好食😋泰式湯底都唔錯，雞絲都幾多同雞翼都有二隻👍🏻鍾意食辣嘅朋友仔可以落埋佢個自家製泰式酸辣醬，酸酸哋好開胃🤤杯嘢飲～啊應該係碗嘢飲，因為佢用個銀碗嚟裝😂青檸梳打都幾正，同埋銀碗夠晒凍👍🏻

湯底正有層次第一次試少辣牛腩x2彈牙、豬腩片x2、三粒小丸子、涮涮鍋牛肉、豬膶x1(溶化於湯之鬥)(下午茶+8 有小食串燒+一杯飲品)一定會翻食，要叫碗走辣(非常期待)二人埋單$120下午茶(船麵連湯底質素、小食、飲品)完全附合以上價錢味精應該有啲

🇹🇭船河雖然係泰國係細細碗 但勝在夠平香港晚市五六蚊黎講呢間船麵既份量算少。我地三個人好快食完大家都覺得食完仲係肚餓🙈要出去再食野我平時食譚仔會嗌少米但食完呢個麵都會覺得唔飽😂😂所以肚餓既朋友可能要再嗌啲小食滷水雞翼好入味，但個湯無乜香料同藥材味，湯底味道唔算好正宗。特別係佢杯奶茶係用碗裝 唔係用杯裝 幾別緻😆 個味就同泰國飲到個味差唔多，比較重奶味。晚市未必會再黎，因為性價比唔高可能下午茶黎會抵食啲

「船皇」新鮮白滑豬潤💛/Ordered:豬肉丸+豬肉+豬潤湯麵（$48）/話說我其實唔食豬潤既唔知點解興起一入到去見到佢話啲豬潤每日新鮮製造 售完即止就好想試下😂其實我係想叫佢個招牌撈麵 但我唔食得牛住🥲估唔到個豬潤比我想像中 好食 一般既豬潤都好「鞋濕濕」既口感 但佢好有彈性 難得令我接受到既豬潤麵既湯底就用咗牛骨湯做底 睇圖都知好濃郁啦🤤最最最好食係佢個舊炸豬皮 唔係講笑佢一上菜就聽到舊豬皮既 炸炸聲😱浸咗五分鐘都仲咁脆佢令到我諗起喺泰國local foodmarket食過既船麵泰國啲麵都好中意加幾舊好脆炸豬皮 好吸引🤤但overall缺點係份量有啲細份🥲可能一個大男人未必夠食#船皇

💛船皇 - Tiew Ruea Torcharm💛咁大個人，食果啲越式湯河就食得多，今次第一次食泰式嘅船麵，原來又好好咪㗎喎😂😂😂試咗個🍜船皇湯麵，咩餸都有啲，個湯底好濃郁，好好味😋再試埋泰式炸春卷同串燒牛舌，2樣都係我至愛，我真係好鬼鐘意食🤤🤤🤤加埋碗🍹柚子檸檬梳打，正😋係呀，係碗呀，我無打錯，佢地飲品係用碗裝㗎，好特別🤩大滿足🥰🥰🥰佢地有3間分店，有興趣食泰式船麵既朋友仔可以去試下，真係唔錯㗎💛👍🏻

係銅鑼灣一帶行街，經過船皇，見佢有下午茶，仲要$36起。因為自己鍾意食泰國菜，所以我就入咗去。船皇主打船麵，而因為一般嘅船麵都比較細碗，所以船皇提供咗細碗麵同大碗麵選擇。細碗單嗌一碗$12，真係好抵食。本身都唔知叫下午茶餐就會有齊曬三碗細碗麵，包括牛肉、豬肉同雞肉。每一碗細碗麵都可以畀你再揀辣唔辣，同埋可以揀返你想要嘅粉麵種類，例如河粉或者金邊粉。所以，你可以有好多個combination。三碗細碗麵(金邊粉&唔辣) ($36)牛肉細碗麵入面有肉片、牛腩同牛丸。 豬肉細碗麵就係有豬腩片、豬肉丸同豬潤。 雞肉細碗麵有雞絲同埋雞翼。湯底非常濃郁，佢主要用牛肉、豬紅熬成，除咗有濃濃肉味外，仲有唔少肉碎撈湯。雖然細碗麵份量比較少，一碗大概有兩三啖麵，但當你食曬三碗麵後，感覺上都幾飽。我最欣賞係豬潤，因為豬潤味道帶有薑味，質感爽口。過，我一食完，就聽到店員話賣曬豬潤。青檸梳打 (+$0 跟餐)梳打用金屬碗盛住，好有泰國風情。泰式炸豬皮 (+$8 跟餐)炸豬皮十分香口脆身，我食到「chop chop」聲，上碟時仲有係暖身唔咪即炸呢？!

太耐冇去泰國🇹🇭旅行，有d掛住泰國嘢野，今日黎到位於銅鑼灣既船皇食船麵❗️❗️先選擇要咩配料，今次要左1. 牛腩、牛肉、牛肉丸2. 船皇（牛腩、牛肉、牛丸、雞絲、雞翼、豬肉、豬潤、豬肉丸）跟住再簡要蛋麵、金邊粉、河粉、米粉，四簡一之後再簡辣度船麵最重要就梗係個湯底啦，個湯底又濃又入味，好好飲，個湯底都超值了❗️❗️❗️另外配料又多又高質，食完好飽🤪🤪🤪另外呢個泰仔奶茶都好好飲，好有泰國既味道，黎到必飲🥰🥰

由於除夕晚，攝取了過量嘅酒精😅😅第二日當然要飲番碗又熱又濃味嘅湯，先回到氣選擇左One of the充電神湯船皇當然依舊無得輸同埋用OpenRice外賣自取，係平到痴線最令我想打呢篇食評嘅原因係食咗咁多次，終於食到豬潤次次都售罄有驚喜，真係幾好食

一心諗住搵間黃店去食啦，我哋唔好喺繁忙時段入去，入去時隔離位有人坐迫迫地，見到另一邊梳化位嘅客人走咗諗住同佢哋講調過去坐舒服啲啦，到時我哋仲未叫嘢食，跟住個店員語氣唔係好好叫我哋等一陣，但係就去抹其他枱，然後抹完就同疑似店主講話我哋想搬過去坐，佢哋細細聲商量左之後，就拒絕我哋話嗰張枱佢哋要做野，但其後一直沒有客人入去，佢哋最後都冇用到張枱做嘢。送到你嗰啲嘢食又唔係好熱份量又少，味道唔算好突出我地埋單嘅時候都係黑口黑面，見到另一個店員執嘢亦都係大大聲好似揼野咁，呢個態度好似趕客走，唔會再幫襯喇！

如果我要揀一間餐廳，一去再去，我會揀銅鑼灣船皇喎，因為佢有好多我有誠意嘅嘢食。首先，佢喺一間米豬蓮嘅舖頭，有米芝蓮質素嘅舖頭。佢嘅越南河粉牛魔王好和味，加一蚊可以升級做和牛嘅。牛魔王，我覺得好抵食。我係下午茶時候食嘅，所以覺得都啱啱好。嘢飲方面就叫咗椰汁冰，但係佢嘅椰汁冰呢就同一般嘅椰汁冰唔同嘅，一般呢就係用高身嘅杯套裝嘅，咁你就攞住支飲筒喇就辛苦啦，篤下篤下篤。呢一度唔同喎，呢度呢就一個碗咁樣裝，可以拎上嚟飲，又可以走飲管添，真係好環保㗎。老闆娘同埋侍應都好nice。牛肉好入味架，個湯底都好濃烈。船王一間米芝蓮嘅集團隊，另外有兩間舖，一間叫做superdon，一間叫做熊本燒肉。呢兩間鋪頭都有幫襯，大家如果想懲罰唔同嘅舖頭，又搵唔到一啲啱嘅餐廳，可以揀呢一帶銅鑼灣嘅小區。