船皇 (謝斐道) (已結業)

💛 船皇（銅鑼灣） 💛.記得科勞  ٩(˃̶͈̀௰˂̶͈́)و些些！..............................聽聞呢間船皇都幾高質咁啱去開銅鑼灣又諗唔到食咩黃店好所以就去試試佢😋.🔅想知黃店原因請Dm💛..............................🍽 船皇湯麵 (米粉) 少辣 $53（👏🏻9/10）🔸 +$5 升級 重量級和牛船重湯麵.見到個湯底嘅顏色同啲浮浮下嘅嘢就知道唔！！！！呢個湯係我想要嘅重口味！😈湯底好濃 帶微微酸 再加啲辣 好正呀😍米粉方面係用幼米粉 所以超級索湯而且米粉份量都算幾多 唔會話食完唔夠飽+$5轉咗重量級牛 變咗成碗都係和牛🤤都幾建議大家轉 因為佢個和牛都幾正即使個湯好濃都食到好重牛味😋😋.🍽 豬肉丸+豬肉片+豬膶 (金邊粉) 少辣 $48（👏🏻6.5/10）.湯底就同上面一樣 所以唔多講餸方面就有少少孤寒 基本上每款得2嚿😅不過好在味道方面都算高質(⁎⁍̴̛ᴗ⁍̴̛⁎)豬皮就本身有跟到 仲有條豬毛痴住🧐🧐豬肉丸咬開有少少汁爆出嚟 不過就好細粒豬肉片無咩特別 似就咁烚熟 不過都幾爽口反而個豬膶係煮得最好 火候啱啱好😍入面仲帶丁點粉紅 食落唔粉無臭味

既然而家夜晚6點只可以嗌外賣，晏就盡量爭取坐低享受呢一個鐘放飯時間。我記得係年半前「船皇」岩岩開張就試過一次，果陣印象唔錯。因為我都好鍾意泰式濃湯呢d重口味，唔知隔左咁耐，水準有無保持到呢？👇📌和牛 x 船麵 -▪ 和牛·船皇·湯麵 - $58(+1)▫ 而家做緊最新升級優惠，只需要嗌一碗招牌船麵湯麵，加1蚊雞就有和牛既終極體驗，作為新鮮感派系既我當然唔會錯過啦。一碗裡面有齊和牛、牛丸、雞翼、雞絲、豬肉、豬肉丸、豬潤，每樣食材有唔同口感，的確幾過癮。雞翼夠濃味，質感軟滑；豬潤夠鮮甜，唔會淡而無味；和牛有咬口，口感夠彈性；加埋成碗牛骨濃湯同蛋麵既配搭，的確係無得輸！📌飲 品 -▪ 泰仔·奶茶 - (+$8)▫ 加多8蚊就有杯飲品送埋，幾抵玩，飲返杯泰仔奶茶即刻變成正宗泰仔！入口幾順滑，奶香味又夠，唔錯。

泰國過江龍船麵專門店終於由新界開到港島確保原汁原味，價錢與泰國物價一樣至抵推廣優惠+$1可升級和牛或者+$5可升級重量級和牛分別在於一塊及五塊牛肉麵底本身份量亦不算多和牛船皇湯麵(小辣) - $59包括：和牛、牛丸、雞翼、雞絲、豬肉、豬肉丸、豬潤，勝在樣樣可以試和牛口感有彈性帶嚼勁，脂肪味道濃郁雞翼醃得入味，肉質飽滿，口感軟滑豬潤沒腥味，滑嫩又補血牛丸和豬肉丸均是自家手打，爽滑彈牙豬皮炸得蓬鬆酥脆秘製醬汁加上大量牛骨所製成牛骨湯底，鮮香濃郁

去親泰國都食好多船麵，又平又好食好有特色，但香港食到嘅泰式船麵質素都幾參差，但我最鍾意一定係去 #船皇。 首先最重要係佢個牛骨湯同我係泰國食到嘅相似度好高！麵有四種揀，例如金邊粉同蛋麵等等，然後麵係會送小小炸豬皮，酥脆香口好高質～今次嚟見到有新推廣，就係食$58嘅船皇湯麵可以加$1將肥牛變和牛，雖然只係一塊，但真心好食，成件事有種泰越日三國fusion感覺，好搞鬼～唯一係份量算偏少，男仔未必夠飽～。而佢哋嘅泰式奶茶都係超正宗，同埋係預先雪左，唔落冰，所以全程唔會變淡，由頭好飲到尾

以前都成日食呢間，因為好鍾意食船麵。但香港好多地方嘅船麵湯底都整得唔好食，而可以做到貼近泰國口味嘅又通常都好貴。不過呢間嘅湯底都算幾似可以喺泰國食到嘅味道，價錢又抵，所以就成日食啦。今日去開銅鑼灣，就再食呢間。🍜重量級和牛船皇湯麵 $63本身船皇湯麵就$58嘅，但加$5就可以升級做淨和牛片，所以就$63啦。年底我揀咗金邊粉，大辣。和牛都有五六片，幾抵。湯底濃郁，好味。不過唔知點解我成日覺得尖沙咀分店嘅份量大碗過銅鑼灣分店好多。不過食完飲啖水之後都算夠飽嘅。

當你好想去泰國，黎食碗船河啦😋😋好掛住係曼谷行jj market行到攰時，坐底食碗船河、飲杯凍野既感覺🥺所以經過呢間就試一試🤔貪心的我叫左船皇湯麵🤤乜都有得試！！佢既麵底仲有得揀粗既河粉，比較少見~緊係要試下！黎到啲料係每樣一舊，最愛脆脆既炸豬皮🙈🙈雞翼、手腩都好入味，其他都正正常常咁~~個湯底味道幾好，但係偏甜既，可能可以少返啲甜好啲🤔而粗既河粉有啲厚實，無想像中咁滑~我另外自己加左枱面放住既辣油，加左更好食😋😋叫左凍檸檬柚子蜜，用呢個杯？碗？裝夠晒特別🤣🤣當你每次掂佢，都會發現凍到傻😂😂😂

船皇湯麵🍜 跟著foodie朋友去覓食😋happy friday一齊喺銅鑼灣做完eye treatment 見到openrice附近有間「船皇」朋友食過尖沙咀分店，講到好惹味我成日聽呢間，終於試咗平靚正！$58/大碗 船皇湯麵 本身已經濃味，仲有得加辣味，超正🤤🤤朋友平時唔食辣，都加左辣如果夜晚野飲有埋跟餐價就好喇😝😝+$1 有得加片和牛😳‼️抵到呢有蛋麵、河粉、金邊粉、米粉有湯麵、有撈麵大家亦可以選擇每一款麵叫碗細碗 $12/碗試盡唔同款式🤩日後經過尖沙咀厚福街分店都試下先！

平日大概夜晚八點去到，唔使排隊可以直入。心思思想試船皇湯麵，因為乜都有齊可以試晒。不過豬潤同河粉已經賣晒，唔緊要啦蛋麵我都啱食。加咗一蚊升級做和牛船皇湯麵。唔使5分鐘就有得食，配料豐富，有和牛，牛丸，雞翼，豬腩肉同豬肉丸。味道濃郁帶少少甜，都幾好味。不過我個蛋麵捲埋一Pat，好難分開，食起上嚟有啲困難。同埋份量唔多，男仔未必夠飽。另外跟餐嗌咗泰式奶茶，奶味比較濃郁，偏甜。不過泰式奶茶大部份都係比較甜，佢係算比較少甜嗰隻。

銅鑼灣食lunch之選😋見咁多人食，今次嚟食下呢間黃店先💛第一次食當然試下佢個招牌船皇😚·💛船皇湯麵(大碗) $58 加$1升級和牛餸有和牛片、牛肉丸、雞絲、雞翼、豬肉、豬肉丸、豬潤，仲有條豬皮添！湯底係用牛骨湯底，加入攪碎嘅豬紅☺️麵底有得揀蛋麵、河粉、米粉同埋金邊粉，我揀咗金邊粉碗麵味道好夠濃郁，餸嚟講和牛有兩片，食落ok嫩滑嘅，其他餸就每款一舊，個人認為豬潤同豬皮都幾出色，豬潤唔會腥到我食唔落🤪丸就比我想像中細粒不過佢嘅大碗唔係真係好大碗，唔知細碗會幾細碗呢😂份量食落偏少呀🙃店員服務態度幾好，比紙巾我攝衫，話怕彈到我件白色衫，同埋都細心向客人解釋餐牌·💛泰仔凍奶茶 +$8 用個杯好得意😍飲落冇泰國咁甜嘅，雖然都係甜嘢😂·🌟湯麵味道唔錯，湯底加入豬紅碎都幾正，但係大碗湯麵份量都係偏少，我要飲哂杯泰奶先夠飽😅

同事推介，Lunchtime就去咗銅鑼灣食船皇。湯底絕對係個精粹所在 好濃郁 🤤🤤 麵底有幾款唔同嘅選擇，我試咗河粉，係好寬大嘅一條條，亦都好滑。有同事叫咗金邊粉味道都不錯。而叫咗蛋麵嘅同事就話唔單只彈牙，份量亦都好多，睇嚟下次我都應該叫蛋麵。豬皮亦都好脆，浸落湯食或者就咁當小食都好好味。有同事叫咗和牛船麵，只係加一蚊，佢哋對和牛讚不絕口，下次再嚟一定要加。飲品方面我叫咗熱奶茶，其他人就叫咗凍奶茶、水果茶、龍眼冰，凍飲會用一個金屬碗裝，可以保持到個溫度冰涼而又唔會溝淡，個金屬碗都幾特色，又有泰國嘅味道，下次一於唔好咁養生飲下凍飲😂

船皇湯麵（$58）加$1就可以升級至和牛船皇湯麵，有埋和牛比你，滿足晒想試所有配料嘅慾望船皇湯麵理應有：牛腩、牛肉片、牛肉丸、雞絲、雞翼、豬肉、豬肉丸、豬潤。但當日好多野都賣晒，店員稱可以加多D其他有嘅餸。雖然有D失望，但眼見只有船皇湯麵有得升級加和牛，就無辦法嘅情況下揀咗船皇湯麵🍜鍾意食和牛嘅你更可以加$5升級至重量級和牛船皇湯麵好抵食～和牛船皇湯麵🍜Cost: $59有四種麵揀，來到緊係食平時少食嘅蛋麵～一定要加辣先好食鍾意食辣唔好揀少辣，完全無料到小編要後期加辣。辣辣地好正～泰式龍眼冰($15)用傳統碗盛載，味道同一般龍眼冰有差，味道相當特別

去過咁多次泰國🌴都未試過泰國船麵🛶估唔到第一次食竟然係喺香港😛😛😛裝修有特色👒標榜正宗泰國船麵🛶可以嘆住冷氣咁食可能仲正過係泰國🤩🤩可以揀湯麵或者撈麵🍜再配豬牛雞系列🐷🐮🐥如果想貪心啲一次過試晒咁多款🙈可以揀船皇湯/撈麵🤤🤤共有四款麵底(蛋麵、米粉、金邊粉、河粉)🍜同三種辣度選擇🌶🌶🌶🍜船皇湯麵(下午茶$52)總共有八款餸(豬肉、豬肉丸、豬膶、雞絲、雞翼、牛腩、牛肉片、牛肉丸)🐷🐮🐥湯麵採用牛骨湯底🐮味道香濃😍😍帶酸甜味🤤🤤一試愛上🥰🥰河粉同平時食開既唔同🤪係一塊塊長方型，幾特別🤣可以更加吸收湯底😋下午茶免費送一款飲品或小食(+$8就可以兩樣都要晒🙈🙈)飲品會用個好靚嘅鐵碗裝住😍味道正常發揮，有泰式奶茶，可以一解泰國情懷😋😋

味道一般  豬膶冇乜味  豬肉丸比想像中細粒份量都幾少 肚餓嘅話會唔夠飽我揀咗蛋麵，睇相以為係粗嘅面，但其實係幼面，似係蝦子麵嗰種面，但問題係佢啲面煮完都係黐埋一齊，好難夾到一「住住」咁食。可能下次食第二種面會好啲

味道:⭐️⭐️⭐️⭐️之前剛剛去完泰國返到香港就好掛住泰國嘅船麵❶船皇湯麵🛶$59 （加一蚊就可以升級做和牛🐮🐮）對於有選擇困難嘅我來講梗係揀船皇湯麵 呢碗係有齊所有既嘅配料又有豬又有雞又有牛 仲配埋少量脆卜卜嘅炸豬皮湯底既味道好正宗同濃郁但又唔會太鹹仲有少少嘅香茅味今次我就揀咗金邊粉 金邊粉吸晒湯底嘅精華每一啖都滿滿泰國嘅風味雖然有大碗同細碗 兩個size 不過食完一碗大既好似唔係好夠喉😂❷泰仔奶茶 $18呢度既奶茶比較特別嘅係用碗盛載🍵茶味同奶味配合得剛剛好甜度適中比起泰國嗰啲跟符合香港人嘅口味👍🏻PS:大埔同尖沙咀都有分店啊😋

唔會有下次，請都唔會再去，服務差，味道差，不知所謂嘅店！企門口長頭髮紋左條假眉果個瘦女人，態度超級差。諗住今日出銅鑼灣去試下。去到門口我見到有3個人排隊，我就開門話唔該2位，因為我以為要攞飛，跟住佢語氣好差話，行去過邊排隊。因為等時已係門口睇左食咩，座抵後我諗住同佢講唔該落埋order，跟住佢唔出聲就行開左，態度十分差，落單時叫左2個船粉，跟住佢問要咩粉！我問佢有咩粉選擇，跟住佢非常唔想答加西曬面嘅語氣講，反轉餐牌自已睇😤😡🤬🤬同埋我其中一個係加底，嚟到時其實同無加底果碗一樣份量，錢就俾左，點知同無加一樣囉😡泰式奶茶完全唔掂，好難飲。碗粉超味精，唔好食，呢個價錢完全唔值！唔係間間黃店都值得撐，呢間都算係黃店之中嘅最差一間。