船皇 (謝斐道) (已結業)

🌃 食肆為過江龍船麵品牌，泰國當地有50間分店，湯底配方用上牛骨、豬血、斑蘭葉、枸杞、刺芹等熬成，每日新鮮熬製8個鐘頭， 食肆因應疫情關係推出了抗疫優惠，「牛魔王/船皇串燒拼盤」、「船皇車仔麵」，而細碗版船麵配上泰國空運到港炸豬皮，簡單滋味又抵食。.🌃 餐廳以橙色及木色為主調， 牆壁掛上漁夫帽，充滿濃厚嘅泰國漁村風味。 。🍝船皇撈麵💲 58👉 呢個可以試齊最多款配料， 有牛腩、牛肉片、牛肉丸、雞絲、雞翼、豬肉、豬肉丸、豬潤等， 麵類有四款選擇蛋麵、米粉、金邊粉同埋河粉， 呢碗選了蛋麵， 同埋係撈麵方式， 蛋麵十分彈牙， 配以調味醬汁、辣醬， 感覺很滋味。.🍝 澳洲和牛船面💲 68👉 68蚊食到澳洲和牛船麵真係好抵， 而且澳洲和牛分量都唔少， 和牛片肉質鮮嫩， 牛肉味濃郁， 牛骨湯底非常濃郁， 而且金邊粉超掛湯， 每啖都食到香濃嘅牛骨湯味。。🍢 牛魔王拼盤💲 88👉 有牛柳粒、牛舌同埋沙爹牛肉串各兩串， 燒得比較香口帶燶邊， 特別 惹味。.🍹另外叫了兩杯嘢飲， 叫咗龍眼冰 同埋 青檸梳打， 呢兩杯都好適合炎熱嘅夏天飲用， 都比較清熱。.📍船皇 @torcharmhk銅鑼灣謝斐道526號地

喺香港第一次食泰式嘅船粉，船皇就係我第一次去幫襯嘅，除咗有一次去咗尖沙咀分店，其餘咁多次我都係過嚟銅鑼灣呢一間。硬係覺得特別好食嘅☺️我好鍾意呢度嘅河粉，係粗身嗰一隻，好有咬口好煙韌🥢係我最鐘意嘅肥嘟嘟河粉啊😍而且呢度嘅湯底亦都係重點，味道好濃郁，不過又唔會太過喊，食完都唔會有口乾嘅👍🏻多數我都係叫呢款，有齊牛腩，牛肉片，同埋牛丸🫶🏻一開始嘅時候會食少辣，而家就會食中辣，好惹味🌶️仲有每次都必定飲嘅泰式奶茶，呢度嘅口味好啱攞，唔會太過甜，同埋用一個銀色嘅碗去裝，我覺得好特別。簡單嘅一餐都充滿泰國風味，又係時候期待去泰國旅行啦❤️

船皇 - 泰式麵食之最今日嚟到銅鑼灣一間泰國菜專門店，主打多款泰國特色粉面，例如泰式船麵，亦提供多款小食例如豬頸肉、炸雞髀等陣。澳洲和牛船麵餐 $88首先都係要試吓招牌既船麵喇，濃郁嘅湯底加上軟腍的澳洲船牛，麵底當然要選泰式金邊粉喇。泰式秘製炸雞髀 $32另一款人氣產品炸雞髀，大大隻，雞皮脆，雞肉多汁又滑，啖啖肉。泰式秘醬通菜 $14超級惹味嘅秘製醬汁炒通菜。泰式無骨鳳爪 $0套餐包括的小食，酸酸甜甜嘅泰式鳳爪，肉質爽口彈牙，非常開胃。泰式菠蘿冰 $8套餐+$8加配嘅泰式菠蘿冰，甜甜的，消暑解渴。

見openrice多好評，價錢又平就諗住同fd試下。3個人叫左N6, N3同N5,一開始見個湯底咁深色就以為好濃味，中辣冇料到之餘個湯底仲要冇乜味，而啲金邊粉食落仲要係有一陣生麵粉味（似係放左好耐啲米糠味），雖然唔係話好貴但真係細碗，男仔食係唔會夠。有位人兄話個炸脾冇得輸就諗住試下啦，即叫即炸所以等左十幾分鐘先黎，本身仲好期待點知啲肉又係冇味唔juicy，仲衰過連鎖餐廳，浪費哂我啲quota😒另外加左個春卷，炸粉又多，同食粉冇分別，唔會再黎

疫情前最後一個旅行就係去泰國，五日四夜全天候吃吃喝喝，諗返都覺得輕鬆寫意。真人未去得住唯有先滿足一下肚皮，是日行經銅鑼灣，想吃點簡單的，就來到收藏已久的船皇吃碗麵。入內始知這是過江龍船麵品牌，在泰國當地有50間分店，失敬失敬。香港分店選址地點便利，黃金地段地方不大，幸而光猛不焗促。單骨泰妹雞翼 $22雞翼醃得入味，熱辣辣香脆可口。船皇船麵 $58第一次光顧決定來碗大雜燴，配料有牛腩、牛肉片、牛肉丸、雞絲、雞翼、豬肉、豬肉丸、豬潤等，超豐富，適合貪心的小狗如我。深褐色的湯頭香濃，火候十足，足料惹味。泰式秘醬通菜 $14外出用膳大多較膩，盡可能點個蔬菜平衡一下。秘醬醬汁帶甜惹味，份量略少，寧願貴返幾甜俾多少少。水準不俗，價錢在地點來說也算相宜，應該俘虜到不少人心。

以前去親泰國都必定會食船粉，飛唔到去當地食，呢度嘅船粉都好味，可以止癮。Lunch Set 仲包埋小食同飲品✨船皇湯麵湯底無論視覺同味道都超濃郁正宗泰式牛骨湯底，唔係四圍都食到。河粉四四方方較闊身，比起平日港式河粉，更有口感有齊唔同配料，樣樣都想食唔洗左揀右揀牛腩．牛肉片．雞翼．牛丸．豬肉丸．雞絲．豬肉．豬潤✨ 泰式秘製炸雞脾即叫即炸雞脾外皮好香脆，炸粉唔厚，雞脾大大隻，肉質仲好嫩滑，真係超好食店員仲好貼心，附贈手套，用手拎住食先係最滋味✨串燒牛柳粒牛柳粒燒完唔乾又唔會靭，大大粒有口感✨泰式炸蝦卷網紋嘅外皮非常酥脆，炸完都好乾身，唔會油淰淰，中間包著原隻蝦，好味✨ 泰仔奶茶難以抗拒嘅泰式奶茶，比起港式味道更香濃，用呢個銀色碗仔 又幾有特式

銅鑼灣食泰國船麵無理由唔試下船皇，地點就腳，過江龍船麵品牌，泰國好似有好多間分店🇹🇭裝修唔係傳統泰菜，係新派簡約風，舒服自然既，餐廳當然係船麵，加入港式風情做「車仔麵」，亦有唔少泰國小食同串燒，幾啱口味😆牛筋腩冬菇泰國牛肉丸湯金邊粉x正宗船皇牛骨湯，加船皇海鮮醬，超豐富上枱，已經好香🤤先試湯底，正宗船皇牛骨湯，超濃，牛味好濃再加埋唔同既香料味，斑蘭葉、枸杞依啲，飲得出一定熬左好耐👍🏻如果想再牛啲就唔好加海鮮醬，但加左海鮮醬就會惹味啲😌泰國空運炸豬皮浸落湯，好似食邊爐炸魚皮咁，好濃好香好味🫶🏻柱侯牛筋腩，驚喜，完全唔使擔心同泰式牛湯唔夾，反而令個湯甜甜地，#牛筋腩 又夠晒腍超入味😻鮮冬菇，冬菇就無特別，不過車仔麵我一定食冬菇，吸晒啲湯變牛骨菇，爽滑好味😋#泰式牛肉丸 都好味，細細粒幾彈牙，我食船麵既首選🤪#金邊粉 軟硬幾適中，掛依個湯食正啦🤗🐻勞蘇食🐻推介 —— 牛魔王串燒拼盤👹，見到「牛魔王」就流口水，分別有牛柳粒、牛舌同沙爹牛肉各兩串，上枱香到爆😮‍💨牛脂同香料味都滿分，份量好多串串都好大串，揀左泰式辣汁去燒，完美選擇👍🏻😗牛柳粒勁大粒，外面焦香，溶左既牛油，肉質滑而有口感，高質😎牛

湯底點了正宗船皇牛骨湯 配金邊粉配菜方面試了陳皮魚蛋、雞腎、牛柏葉，所有配菜把牛骨湯的精髓都吸收了，特別想提及陳皮魚蛋是真的有非常香濃的陳皮味！ 而朋友就點了清雞湯配河粉，配菜點了炸豬皮及滷水豬大腸。他們闊河粉厚厚的很有口感！我們還額外加了小菜 泰式秘醬通菜及無骨鳳爪，實在太有去了泰國的感覺！飲品點了泰式紅豆冰及泰式菠蘿冰，他們的飲品都是用碗裝着，很可愛！

看見開飯有很多好評，星期六就嚟一試。點了一個四餸自選船麵加一個泰仔凍奶茶。奶茶味道還可以。船麵要中辣椒,湯底一點味道都沒有。餸點咗陳皮魚蛋，金菇，牛筋腩同埋美國安格斯肥牛片。陳皮魚蛋幾彈牙，牛筋腩冇牛筋，肥牛片好普通。一碗普通到不得了已沒有泰國船面味道。加上，辣椒一點都唔辣，湯係淡而無味走芫荽變做全走青。埋單時，同侍應講其實我要通菜加芽菜，佢話走芫荽代表全走因為所有嘢係撈埋一齊。但點菜紙唔係咁寫，所以以後都唔需要再嚟。

成日經過見到呢間「船皇」都想去食下尋日行完Sogo就去左食麵!船麵既牛骨湯底非常濃厚每條金邊粉都吸收到湯汁呢款招牌船麵啱哂選擇困難症嘅人餸料有雞翼、豬肉丸牛丸、豬潤、肉片、牛腩及炸豬皮非常豐富泰式車仔麵有幾款湯底選擇我就選咗清雞湯底比較清淡配料雞臀夠淋及雞翼醃到非常入味泰式無骨鳳爪酸酸甜甜幾開胃！飲品點左一凍一熱蜜糖柚子茶好鍾意佢個冰杯由頭凍到落尾保冷程度No .1 夏天飲啱哂！麵底除咗金邊粉或蛋麵外提仲有米粉及河粉

好想飛泰國🇹🇭我哋就去咗銅鑼灣船皇試試先！✦ 泰式車仔麵(四餸) 車仔麵湯底有五款選擇，有正宗船皇牛骨湯、泰式香濃沙爹湯、柱侯牛腩汁、清雞湯及秘製撈麵。湯底揀咗「正宗船皇牛骨湯」食船麵必食呢款湯底，牛骨味道濃郁，好有泰式風味。我哋叫咗兩碗四餸嘅車仔麵，試咗以下六款餸 ： 泰式豬肉丸：豬肉丸細細粒，豬肉丸好彈牙泰式牛肉丸：牛香味重，推介豬肉丸及牛肉丸係必食推介鹵水雞翼尖 : 鹵水味十足，雞尖好滑鹵水雞腎： 好有咬口，爽口彈牙魷魚鬚：同牛骨湯底好夾嘅魷魚鬚，配埋船皇特製辣醬，非常滋味。白蘿蔔：好清甜，同時又吸收牛骨湯底，好入味嘅白蘿蔔車仔麵餸選擇多達數十款，仲有好多款等緊大家去試試✦ 泰式秘醬通菜好惹味嘅泰式秘醬👍🏻✦ 凍柚子檸檬梳打清甜解渴😆

相約友人一齊去唔經常食嘅菜式 泰國船麵 🍜🍜船麵即係泰式風味嘅車仔麵。😊😊湯底有牛骨，沙嗲，牛腩，清雞湯底選擇相多配料包含豬肉和牛肉雞肉，牛腩豬潤內臟，丸類 鹵水都有好多款式，蔬菜等等款式相當豐富。 炸豬皮好爽😋😋😋😋泰式串燒有牛雞豬 魷魚同菠蘿 沙嗲味啱啱好唔會太鹹唔會太甜😋😋😋😋熱辣辣炸雞髀夠曬大隻又係皮脆爆汁辣嘴嘅 😋😋😋😋😋之後食完咁多熱氣嘅整番杯泰式奶茶 就very good😋😋😋😋

香港好少地方可以食泰國船麵，今次去到銅鑼灣，見到呢間原本開喺尖沙咀嘅泰國船麵，有一個新推廣嘅雞髀系列，即刻試吓炸雞脾湯麵 ($52)呢個餐嘅重點係有一個巨型炸雞髀，炸雞髀即叫即炸所以要等15分鐘嘅製作時間。炸完出嚟之後超級熱同埋Juicy，熱辣辣要等一陣間先可以食😋至於湯麵個湯底超級濃郁同埋惹味，上面有炸豬皮芫荽等等嘅配料，個湯底濃而不油膩，蛋面好有質感

下雨天，一個人在銅鑼灣食個快lunch，選了在世貿對面的船皇～～～～午市套餐（Hk$78 ）任選船麵，連小食及飲品！不用加一～～仲可以揀新推出的大大隻滷水雞髀或者炸髀船麵，睇相非常吸引…!!! 但係最後我唔想食得太狼狽😂，都係揀咗包羅萬有嘅船皇船麵！🍜船皇船麵只能說船皇的湯底賣相和味道都非常濃郁！據說是正宗泰式牛骨湯底來！呢款船皇船都咩都有，牛腩、牛丸、牛肉片、雞絲、雞翼、豬肉片、豬潤豬肉、炸豬皮，非常適合選擇困難者！所有船麵都可以4款麵其中1款：蛋麵/米粉/金邊粉/河粉，而我就揀左金邊粉，份量唔算好多但夠食。🐤單骨泰妹雞翼4件唔知係咪有隻雞翼細件d，所以佢俾咗多一條骨我，超有良心！🥹雞翼熱辣辣似乎係即炸嘅，配上甜酸雞醬。☕️泰式熱奶茶（午餐+$8）少甜版！今日落雨我有啲凍所以揀咗熱嘅，如果係凍飲呢，嗰個杯就會有泰式風情d，好似一個碗咁仲有泰式花紋。好掛住泰國呀呀呀呀。PS. 仲有車仔麵式船麵可以叫

呢兩隻咁既雞翼，虧佢好意思攞俾客食，好似俾人食過咁！睇到都反胃！換過兩隻新俾我都冇用！就算廚房睇到都唔應該放入碗啦！成間野啲侍應，發夢咁，漏單又唔知，啲麵煮好又睇唔到，擺兩三分鐘都唔攞俾客食！唔怪得知啲生意差左咁多啦！