船長意法日餐廳 (已結業)

啱啱去完換身分證，就喺附近搵吓有咩食，結果見到呢間爐端燒，有爐端燒先$188 ， 就決定係佢啦！我哋揀咗食豚肉、雞肉嘅套餐，可以食足兩個鐘！兩種肉類都幾好味，食得出比較新鮮同靚料，不過每份只有2塊，要不停叫店員幫忙refill！兩位以上仲會送一份海鮮拼盤，鍾意打邊爐又得，鍾意攞嚟燒又得！另外仲有兩隻雞翼同埋豬牛雞串燒！佢會另外比多個爐你，咁就可以同一時間打邊爐同燒烤!食物種類算係好多款式，熱食都有好幾款，仲有炒河，雞翼等等，丸類蔬菜類都唔少得，不過都係大路款式，唔算好特別。雪糕櫃好吸引，除咗有haagen daze之外，仲有雀巢同韓國牌子雪條！而且有甜品同豆腐花！相比之下，邊爐唔算好特別，但爐端燒就正好多，我之後將邊爐既料都放上去燒一燒，碳火燒出黎既煙熏味好香！以呢個價錢有咁多類型野食，cp值爆曬燈！

有個住元朗的閨蜜生日，特意入去元朗食生日飯，西菁街很多食肆比較多選擇，今日朋友仔想打邊爐就選擇船長意法日餐廳試一試，入到去已經見到有好多火鍋配料選擇，如果肚仔餓還有熟食餸菜可供選擇響螺竹絲雞煲選擇火鍋湯底就選擇響螺竹絲雞湯底，湯底配料澎湃，大大件響螺及烏雞分量十足牛頸脊肉$258牛頸脊肉，牛頸脊肉沒有多餘肥膏，再配合埋多種火鍋配料醬油，味道更佳，而且七點前結帳有七折海鮮盤套餐包括一盤海鮮配料，蝦好新鮮無雪味，鮑魚軟身易入口，脆魚鯇彈牙爽脆，夾都不會散開海陸空磯燒拼盤自己串燒自己燒，不用調味醬都已夠味，黑椒牛肉串燒牛肉柔嫩不老不韌，黑椒辣辣很惹味甜品Häagen-Dazs雪糕任食，咖啡味濃，除咖啡味外，還有士多啤梨味可供選擇

經過見到呢間餐廳任食，睇落幾抵食，於是入去一試。兩人以上會送海鮮拼盤爐端燒，即係邊啊你價錢，就可以有兩種食法，因為我係愛我之人，所以有叫埋牛肉，先要讚嘅係牛每片好薄，又易熟又唔會好難咬。而雞同豬肉既份量都唔少，讚！另外，爐端燒海鮮種類好多，有鮑魚、蜆、海蝦、魚仲有青口甜，而且仲有雞肉同牛肉串燒，同埋雞翼， 10分多元化。而且，出面既甜品同飲品選擇都充足，最緊要係任食Haagen Dazs 雪糕！正呀！！

心思思想放底雞煲，但最後選擇了火鍋加爐端燒，一至五非繁忙時段，不同肉類放題不同價錢，我們點了牛肉，$198一位，合理價錢，值得推介一下。醬料區好齊全，衛生！胡麻醬加沙茶醬是我的最愛～火鍋配料超級多選擇！某些配料用來作爐端燒也是很不錯的，有另一番風味！蔬菜區夠新鮮，另外還有沙律菜，新鮮生果，熟食，甜品，飲品（連花茶都有！）等等，多得不能盡錄。湯底有五款左右選擇，我們要了沙嗲，不算太重沙嗲味，不過個人覺得還可以，因為我好怕 太重口味的味精湯。爐加熱夠快火力平均，放題來說這種節奏很重要嘛（笑）至於牛肉，每次點一碟有四片，牛味不俗，屬於中上貨色，唯獨是太薄太薄，薄得夾不起。我猜是為了可以容易燒熟？不過因為每次一夾就斷，所以我們沒有拿去燒，只是用作火鍋，味道很好。送海鮮拼盤，用作火鍋或是燒來吃也可以。我見有食客精心炮製生蒜燒青口，看似很美味，下次可以試一試！（非任食菜式）還附送串燒併盤，調味得非常好！牛豬雞肉串，款款都很好味！極力推介！記得去水果區拿菠蘿來燒唷，酸酸甜甜，帶點焦香，非常惹味！甜品區有各式中式糖水，哈根大師等雪糕，還給我找到這款幾乎絕版的雪糕三文治，好懷念唷！不過實在太飽了，吃不下

元朗 船長意法日餐廳 Captain Restaurant入開元朗朋友介紹有間唔錯嘅火鍋放題店，見到價錢都OK ，就一於試吓。除左食爐端燒火鍋放題仲晚市Menu，可以普通食個晚餐，又或者雞煲放題爐端燒加火鍋兩種食法惠顧滿2位就送個海陸空機燒，同埋HAAGEN- DAZS任食已經係個賣點菜類都幾多選擇，仲要兩小時火鍋放題，成人每位二百蚊都唔洗上台送既海陸空機燒有蝦、鮑魚、蠔、蜆、魚腩等等，食材都唔差阿海鮮都算為新鮮，份量都多除左揀肉類主食，出面仲有超級多野食火鍋配料正路嘅都有超過10款丸類熟食菜式都幾吸引，餓底可以食住先除左HAAGEN- DAZS，飲品選擇應有盡有，旁邊仲可以選花茶推介⭐️⭐⭐️⭐⭐ 

平時齋打邊爐有少少悶，今次間餐廳就推出埋爐端燒，可以一邊打邊爐一邊燒野食，滿足兩個願望。湯底嗌左番茄湯，唔算特別，正正常常咁。除左牛肉之後，其他都可以自己出去拎。種類選擇唔算多，但要有嘅野，都有齊。打邊爐必食嘅丸類、蔬菜、麵、魚皮都有。牛肉每碟分量唔多，但可以一次嗌多幾碟，而且出嘅速度都幾快。以家滿2位食，仲送埋海鮮拼盤。當中有蝦、蜆、魚片、鮑魚等，都幾豐富。雖然佢係話用黎燒嘅，但其實都係可以照兩食。另外提供嘅燒肉串，係驚喜之作。入味得黎又幾嫩。飲品方面，選擇好多，甚至有多款啤酒可以揀，呢個係其他餐廳冇嘅，如果鍾意飲酒嘅人，應該會好鍾意。最後係餐廳嘅一大賣點，Haagen-Dazs任食！不過我去果時得返兩隻味，咖啡同雲呢拿。

又到左喺元朗搵食嘅時候啦，今日經過千色嗰頭，咁啱又到午餐嘅時間就入咗呢間叫船長嘅餐廳試吓佢嘅午餐，睇到餐牌佢樣樣嘅價錢都好平。我就同朋友每人帶左一碗湯麵然後再加幾款小食share。我見到佢晚市仲好似有做火鍋嘅添。叫咗一個炸蝦天婦羅烏冬，湯底轉咗做蕃茄湯底，加$3。我朋友呢就叫咗一個炸豬扒烏冬，個豬扒一上嚟超大塊，性價比好高。個餐每人仲包一杯飲品，我就叫咗一杯熱檸水。小食方面我哋亦都揀咗幾款小食嘅，首先就有沙嗲雞肉串燒，串燒啲肉質好好食呀，食到停唔到咀。另外仲叫咗日式煎餃、瑞士汁雞翼。雞翼煮得入味，煎餃亦都整到皮係外脆嘅。環境方面係坐梳化位嘅，枱同枱之間亦都唔會好迫，同朋友傾吓計食個午餐都係一個唔錯嘅選擇。

兔子因工作關係來到元朗，難得係元朗收工又早放，不如吃完晚餐才回家吧！經過船長餐廳見地方闊落就坐低了。朋友落order的叫咗3個小菜，跟老火湯、飯及飲品。先來的係蓮藕豬骨湯勁正，同阿媽煲嘅一樣咁足料，我飲咗兩碗！小菜係即叫即做，所以等食嘅時候四圍望望，先發現依度做有得邊爐放題同爐端燒，兩個人仲送海陸空機燒拼盤，好抵！火鍋配料、蔬菜熟食，應有盡用。甜品除咗有生果，Häagen-Dazs雪榚之外，竟然仲有黑牛、甜筒、脆皮雪條、彩虹雪條、懷舊冰條同雪榚三文治，款式多到最少要黎3次先試得晒。但今次我地只叫咗小菜，所以要下次再黎了！終於上菜 : 蔥頭醬油雞，蔥頭好香雞夠嫩滑，份量慷慨，送飯一流。蝦仁炒蛋，第一次食超過20隻蝦嘅蝦仁炒蛋，真係足料到你唔信！蛋夠滑無得輸！野菌扒西蘭花，夠鑊氣影相都睇到出晒煙！呢個菜相對清少少，可以化油膩。三個小菜即叫即住夠鑊氣份量足，有質素又抵食，下次黎再試埋火鍋爐端燒！

星期一至四晚$198加一豚肉雞肉美國肥牛火鍋加爐端燒。首先食肆環境好舒服，啲枱好大張好長，一張長枱坐兩組人都唔會聽到隔離講咩🤣 冷氣都好夠，一路食住爐端燒同埋打邊爐都feel到好大冷氣，唔會食到出晒汗。食物方面，一坐低就放低兩碟牛肉，牛肉切得好薄打邊爐好易熟。雞肉同埋豬肉都唔錯，一雞兩味可以拎去爐端燒😂出面自己拎火鍋配料，有丸有蔬菜應有嘅都有。熟食都有七八款，瑞士雞翼正☺️惠顧兩位爐端燒會送一個海陸空機燒拼盤，鮑魚大大隻，蜆肉都好鮮味，特別欣賞串燒，醃得好入味。飲品方面都幾特別，特別推介台灣製造荔枝烏龍茶同埋幾種唔常見嘅啤酒牌子。最後當然唔少得Häagen-Dazs任食，有士多啤梨同朱古力味，打邊爐食到好飽都要食返兩杯先走！😆😆

今日去到元朗覓食 見到有任食邊爐 即刻比佢吸引左入去我地揀左個美國肥牛 睇落啲紋理都唔錯食落口都有牛味 同埋可以一直refill 抵食之選另外仲有個海鮮盤 好新鮮！有蜆 魚片 蝦 蠔 仲有四隻鮑魚我地決定放上去燒燒完之後 更加香口個鮑魚又唔會太難咬蝦肉鮮甜 餐廳仲有好多熟食可以夾例如炒蜆同貴妃雞雞肉嫩滑 蜆肉都好入味打邊爐唔少得丸啦呢度有好多種類 仲要整齊乾淨即刻放晒落去打我地個湯底係壽喜燒 甜甜地 不錯 最值得一提係有好多雪糕食！仲有哈根大 好抵食一大班人都可以去試下

外表一間以打邊爐為主既餐廳，平常都有小食，飯麵類可點，今日就同朋友一齊黎食午餐。一入餐廳，左邊好多餐枱，最右邊全部係打邊爐既格局，原來午巿都有邊爐可以打，好似69蚊1小時，但我地最後決定散叫算瑞士汁雞肶蕃茄烏冬雞肶有埋沙律菜跟，而且好入味，啖啖肉，真係食得好開心。烏冬不過不失，若果蕃茄湯可再濃啲就好。炸雞翼一碟5隻，夠火喉得黎又唔太燶，食落卜卜脆好好味呢，亦有沙律菜跟啊特長吉列豬扒配薯條上枱真係嘩然，好大塊吉列豬扒呀，炸得好香脆，肉質入口亦嫩滑。薯條亦係新鮮炸，但唔油膩，呢個要share先食得晒船長秘製炒米粉 (台灣腸，蝦，魚片頭)見到配料有台灣腸就點了，因為好鐘意食，上枱時見賣相不錯，味道不濃烈，所以腸，蝦 同 魚片頭味道不會比搶光呢沙嗲雞肉串雞肉燒得剛好，肉質不靭，配上沙嗲醬好味，亦有沙律菜跟，健康的小食辣肉醬薯角薯角剛炸起，配上微辣肉醬作topping做法，味道不錯，如果肉醬可以傑點，多點就更好，因為唔係每條薯角都有肉醬呢食到捧住個肚走，都唔洗200蚊埋單，真係好抵呀

今日入左元朗行街，行到咁上下都肚餓喇，眾所周知元朗一帶都有好多好野食，其實真係好難揀架！ 咁岩經過呢間船長餐廳，見到menu幾得意咁wo，有得打邊爐，又有得爐端燒，價錢唔算貴，就決定食呢間啦！叫左個嚮螺竹絲雞湯底，個爐火力超猛，幾分鐘就滾海鮮同串燒會送一盤。同一時間另一邊廂，就開始燒串燒我地叫左$258果plan，牛肉係牛頸脊，呢個部位比較少脂肪，好重牛味除左肉類要由侍應落單，其他配菜都可以自己出去bar台拎最後點少得我最鍾意既Haagen daz，仲要係任食添整體黎講，食物質素唔差，同埋都幾抵食

以前就食開午餐西式的船長，估唔到依家晚上就搖身一變，做左一間放題式餐廳睇返價錢就係正常價，而且係爐端燒加火鍋兩種食法惠顧滿2位就送個海陸空機燒，同埋HAAGEN- DAZS可以任食呢2個就已經係個賣點吧前菜就可以自己可以出去拎既唔怕要等服務員送上黎，等好耐同樣有一點就係佢地有提供菠蘿，咁我地就可以燒菠蘿，有種BBQ的感覺除左HAAGEN- DAZS皇牌之外，仲有提供雀巢、阿華田甜筒、韓國冰棒等等種類都幾多下，只可惜相信HAAGEN- DAZS的吸引力大於一切~~ HAHA生根、韓國拉麵、烏冬岩曬班食極都唔飽的人菜類有娃娃菜、生菜、金針菇....除左肉食，都有其他選擇我地因為叫左沙爹湯底，當然就拎左D比較索湯汁的響鈴、炸魚皮同埋各種類的丸類，竟然有鮮淮山其實鮮淮山都幾正，少少地索到湯汁，又唔會好似薯仔同南瓜咁，好快就散左呢個就係海陸空機燒，當中有蝦、鮑魚、蠔、蜆、魚腩估唔到起元朗食放題送既野都唔差喎~~第一次放題會有埋燒物，自己睇火慢慢燒海鮮都算為新鮮，份量都多燒物由於有店家醃製，所以味道都一定有保證重點的肉類，叫左三轉都依舊咁多，絕對無HEA你LAST，有雪糕外，更有我地大愛的燒菠蘿

位於西菁街的船長火鍋餐廳，長期都滿座，所以今天和住元朗的朋友，嘗試火鍋放題。今天比較早到，坐了一會就全場滿座了。兩小時的放題一張枱只可以選擇一種肉類，我們點了肥牛，另外就附送了豚肉和雞肉。另外點了花膠湯底，花膠湯底另外加$38。放題每枱配上一盤海鮮，不能另外。 新鮮蝦好有驚喜，沒有想過放題會附上新鮮蝦，肉質彈牙又鮮甜。除了海鮮另配有自助串燒，串燒醃製得入味，又打破一個以為是伏的想法。這碟串燒及燒物是會令你再追加的。肥牛放題的，可以請服務員加肉，就可以無限追加了。除了肉類，丸類可以隨便追加，而且種類也不小。蔬菜種類也很齊全，我都是以吃菜為主的，自取吧的哥哥很好，幫我洗好生菜才遞給我。給他一個讚。最後便是雪糕任食，櫃內的雪糕並不是廉價貨。也是放題式供應。整體來說，性價比很高，本來以為中伏的餐廳但每個細節都充滿驚喜，可以推介一試。

今日難得放假 ，一行四人，去 元朗行街街跟住去食好西西菁街好多食肆， 咁我哋就去咗船長餐廳， 食火鍋加爐端燒任飲任食兩個鐘😍呢間餐廳都算幾大， 分幾個區域有熱葷區， 蔬菜區， 炸物， 甜品， 飲品區， 沙律吧……😚火鍋配埋一個海鮮拼盤， 有海蝦，鮑魚，蜆 ，同埋脆肉鯇 ，仲有生蠔👍材料十分新鮮， 仲加埋四個牛里脊肉爐端燒方面 ，有不同串燒 ，有雞， 豬肉，牛肉 ，同埋雞翼😋甜品方面 ， 有不同類型雪條，哈根大雪糕🍦仲有啫喱，布甸，豆腐花， 全部都係夏天必食之選😍👩‍⚖食物種類多， 一餐包兩個食法