芝脆雞 (已結業)

之前食咗一間勁難食嘅 Pizza, 所以就去番 Cheese Pizza 補償一下先...hehe環遊世界 - 個 PIZZA 真係好好味...上次果間真係勁難食 炸雞 - 好多汁又夠熱 --- 正呀百里香燒豬排骨 - RIBS 醃得 VERY GOOD...薯條又好食...香辣海鮮焗飯 - 焗得好香. 味道都 OK.

個日我女朋友生日 之前聽朋友講好正 甘我就同女朋友去試下我買左個2人餐a pizza食櫻之花,炸雞,著王唔錯唔錯pizza好香,餅邊好脆 薯王好正 之前聽人講薯王唔掂 但點知食落出奇地好食 炸雞更加唔洗講啦 好juice服務態度方面亦都好好!收銀個妹妹好好笑容傳菜個妹妹亦好有禮貌 次次都同我地講小心熱不過見到有個妹妹成日系門口照鏡=.=''今次食完唔夠皮 下次一定再黎過!!

個 Friend 今日搵我食 tea...招牌肉醬意粉 + 雞 + 汽水 - 意粉一般..麻麻地.....不過雞仍然正正正粟米烤雞焗飯 + 雞 + 汽水 - 焗飯焗得好好味....雞好味到不得了Pizza + 雞 + 汽水 - Pizza 好好味 + 雞真係好好味

今日去剪頭髮. 經過 "芝脆雞 Cheese Pizza", 見佢地嘅下午茶至到 6:00pm. 所以就食 tea 當晚餐 我叫咗一件炸雞 + 香草烤雞焗飯, 我今次係特登叫飯. 因為想試下好唔好食丫嘛..****件炸雞真係好好味, 好 juice... ****個焗飯都唔錯, 好多汁, 啲飯唔太干. 不過啲雞就咸咗少少. 不過整體都係 good 嘅

說真的 這次食的食物 挺不錯, 但薯王依然係最差的一項依然係太林 可能真係放得好耐今次叫左白汁煙三文魚長通粉, 白汁依然最正信心保證, 另外仲叫左pizza餐, 食物都算令人心滿意足可惜的事就在等待食物的時候發生了...果個侍應 居然唔小心跌左件雞槌落地跟住我以為佢會丟番落垃圾桶, 但佢可能唔知有人望住佢佢執番起件雞槌放番上碟 行到廚房同垃圾桶既交界時望一望垃圾桶跟住停左一停, 居然拎住件雞槌入左廚房 我成台人就即刻低聲討論究竟佢係拎去丟左佢定係點, 點知岩岩開始討論佢就拎住件雞槌出番黎送去俾另一台 眼都凸埋點知另一台又唔要, 佢拎黎拎去終於有一台係爭d 炸雞未到既就接收左...有時真係要小心 去到食野要留意下d 侍應做咩先得...害我即刻叫佢 爭我果件雞轉做上脾 (PS 免生意外 )

呢次已經係第三次去 Cheese Pizza 食. 真係次次都咁好味. 而且佢地啲服務態度又 good...真係百去不厭架...我下次一定耍試下佢地啲意粉 & 飯先得...呵呵

今日帶狗仔去寵物美容 跟住就係等既時間上開openrice 搵到附近既食店 諗住去試點知執左再行多兩行係頌安居然發現呢間野起初以為齋食 pizza 跟住望兩望有其他野食就入去試下叫完野食坐低 哇 d位真係唔多掂 周地都係炸雞既碎望多兩望 d職員係將d 台面既野掃落凳度再求奇撥落地 <---我個樣當時就變左咁了不過算喇 食左野先講嘛 當去左大排檔吧5-10分鐘左右, 職員送餐來了, 賣相討好, 意粉既白汁好好味, 老婆話炸雞無咩味得個辣字輪到我黎試喇, 薯皇... 好失望是林芝芝的 同埋無味...魷魚圈一樣....不過 pizza 同炸雞 我反而幾欣賞, 可能老細以前係兩大連鎖快餐做過廚房製法好相似-.-""""飲品方面, 唔另加錢就有罐裝飲品, 美連達橙汁 百事可樂+多$1 , 維他系列罐裝+多$2 , 凍飲茶啡總括來說 開係屋村商場 有咁既食品質素係唔錯的了, 價錢亦唔貴以30元以下茶餐有咁多野食算係咁的了係環境比較污糟同埋比較少座位, 食食下已經有人等你坐緊既位可以一試的餐廳 (但別抱著去大型食肆的心態來, 不然會!@#%@)

這是我的飯堂, 如果係個邊做野一定去個度食, pizza及焗飯, 意粉一流, 其他都好ok. 不過我自已就多數食千島熱情厚批同肉醬意粉同三文魚焗飯. 炸雞都ok, 不過我怕熱氣同肥膩, 好少叫.環境有時很擠湧, 但員工服務都好好, d妹妹仔又年輕, 又勤力, 服務態度又好, 非常滿意!! 我覺得佢地全線工作人員服務態度都好好, 包括送外賣的肥佬阿叔及一d年紀稍長的阿姐. 掂!!

今日lunch去食呢間,三個人食咗一份三人餐,包括一個pizza,四件炸雞,一客排骨,三個嘢飲,首先我地叫咗個環遊世界pizza - 夠熱及新鮮,個邊夠脆亦唔會硬 炸雞 - 超熱,非常脆,非常滑及多汁 排骨 - 可能今日比較多客, 燒得比較燶,同埋唔夠入味,我地今日飲汽水,無咩特別見到個下午茶好抵食,最平$18,下次要去試吓

平時行經過幾次，聞到都覺得好香今晚專登行去試下~$43香蒜肉絲意粉 7/10, oily左少少, pizzahut 既始終係unparalleledPIZZA 1 塊, 香口足料 芝士味濃 8.5/10, 唔差過PIZZAHUTFRIED CHICKEN 1件, 香口多汁雞味濃, 9/10, 唔差過KFC餐湯 1 碗, 普通餐湯 6/10禁既價錢 我覺得就真係好抵食

見佢優惠時段就嗌左兩個大批同炸雞外賣,,送到黎見佢仲係幾暖,好似都ok。但係一食落口炸雞層皮媲美橡筋,一d都唔脆。連麥當勞都好食過佢!諗住pizza會好d啦,食左個千島海鮮。食落仲算暖暖地,但係餡料散到不得了,食一舊跌一堆個批邊油淋淋,好似拎過去炸咁,好重油味。普通人就算唔係減肥食一件都飽!***價錢又唔係平好多,,質素可以會冇咁好,但係都未至於連麵包鋪個pizza包都好食過你ge程度丫?!呢間野食一次就夠,絕對唔使食第二次。

2009年最後一日, 呀媽話唔煮飯, 咁就話落街買2個pizza外賣番屋企食點知八點鐘落到去佢話要等 60 分鐘, 60 分鐘後 call 我拎但點知九點二都未 call 我跟住落樓吹佢佢左搵又搵, 搵唔到我訂果份就話漏左單點知五分鐘後又話搵番 呢間野員工就多但分工分得唔好個收銀收收下又走左入廚房唔出黎員工又四圍走搞到好亂講番食物,如相片所見, 芝士沙津醫海鮮pizza 極多汁同料咬開 d 芝士拉到一條條同埋 d 芝士都好香, 好正 另外果個pizza叫做環遊世界, 一樣多汁多料, 又夠味即使叫左厚批依然外脆內軟如圖所見, 條邊唔似得出現既pizza咁闊真係落足醫汁價錢方面, $139 兩個大批一家四口飽到行唔郁超抵

　　數月前，因為星期日晚無人煮飯，所以決定試下屋企樓下開o左幾個月果間『芝脆雞』。好記得果次我夜晚 18︰ 已經o係鋪頭落 Order，叫o左個 $35 (自取 +$1) 焗闊條麵套餐。落完 Order，收銀員叫我行下先，四個字 (20 分鐘) 後返o黎拎。於是我就o係商場逛o左四十分鐘先再返去打算拎o野。點知，我行完八個字後返到去，店員話仲未焗好，叫我等多五分鐘。點知我等o左十分鐘，仲未有得拎。期間，我見有好多灶食o既焗闊條麵都焗起，咁我再問店員到底係唔係漏單啦，店員堅稱唔係，死都話係焗緊。但我問點解堂食係咁出，外賣就無，佢就只係話『做緊喇做緊喇﹗』﹗最後等到 19︰10，仍然乜都等唔到，最後，叫收銀 VOID 單，去大家樂買個燒味飯都唔使等五分鐘﹗　　今日，再一次屋企無人煮飯。始終唔信邪，再去多次呢間『芝脆雞』度再叫外賣。今次同樣係叫果個 $35 o既焗闊條麵套餐。今次落單時間係 18︰50 左右，今次落完單，收銀無話幾耐先有得拎，我已經醒目問定佢，佢就答我五個字左右。咁我就o係商場行一陣，再返去佢門口打住機等拎o野啦﹗等到 19︰20，都未叫 Number，所以就問問店員仲要等幾

原本諗住近近地, 嗌佢個外賣唔駛出街食, 已經預早時間call , 5:00 正落order, 講一句, 條友話等陣, 唔知行q左去邊, ok, 有耐性, 再等, 到個人再接電話, 講唔夠兩句又行開左, 好似完全唔當你存在咁, 再講, 又同隔離個人係到傾計, 點講呀?大佬呀, 我落個order, 講兩句姐, 駛唔駛等你咁q耐呀...都算, 叫完, 佢話45mins - 1hrs 送到, 6:00 未見人, 再等..到6:30, 自己行過去先15mins, 唔駛個半鐘都唔到呀嘛...諗住打返去問, 睇下會唔會漏左單定係其他問題啦..打極都打唔通, 好明顯係"long" 高條線啦,諗住試下打其他分店, 間間都唔通, 連粉嶺總店都打唔通, 點做生意架?都算鬼數, 即時嗌返pizza huts, 就算唔好食, 起碼人地一定準時囉, 最後7:20 先黎, 個人仲要濕晒身, d野食等左兩個幾鐘+濕晒, 點食呀? 死都要佢拎返走

估唔到會係呢個角落開一間鋪頭同女朋友入去搵到位，就開始唸食乜都望到有好多員工無野做有個就掃地，但睇落去佢唔多似識掃地...叫左2個餐1個係波羅雞肉意粉1個係pizza餐覺得個pizza真係好有水準D炸雞都唔錯，1D都唔唔"鞋"價錢都唔算貴不過，我地食完，個湯都仲未黎我問佢追啦，佢比我果時，仲問我，有無咩野食漏左呢比我既感覺好似呢間野成日漏單咁...........不過，唔緊要啦，黎呢度係食pizza同炸雞為主講起炸雞，如果同大型快餐店黎比，佢地既排名分別係咁1.哈迪斯2.芝脆雞3.KFC4.M記哈迪斯真係取代唔到，同埋因為已經無得食，所以覺得係最好既~~以前返學一個星期點都起碼一日會去新港城間哈迪斯~~不過講返呢間先，overall都唔錯10分入面有8.5分1分扣左太多員工，個個係度吹水0.5分扣係漏左個湯，同埋掃地既技巧............