花園餐廳 (已結業)

同班朋友諗住慶祝下完成份JOB,,唔想食太貴又唔想太頹就入左去花園餐廳据扒,,据扒黎講呢間係抵食嘅,,個餐68蚊,,循例都包野飲餐包餐湯,,凍飲加錢,,個包即叫即叮,,熱熱地,,唔評論啦,,個湯循例都係紅湯白湯,,我自己叫左白湯,,個湯就無咩料,,係得D粟米粒咁,,杰杰地,,好似食緊D忌廉落肚咁到主菜我叫左肉眼扒,,叫7成熟,,塊扒都幾大塊,無飯無面嘅情況下都食得幾飽,,最後我連薯條都無食過,,飽飽地塊扒唔"un"但比較多筋,,食到邊邊位完全放棄狀態,D筋好難咬得開肉質有少少"鞋",,呢塊肉眼扒填肚就OK嘅,,以價錢黎講都抵食嘅,,但唔算真正好味

今日行過呢間冇花嘅花園餐廳諗住同件扒一齊行咁緊係鋸番塊扒自抽下入去嗌左碟牛扒 件豬扒就要左件魚柳其實好普通嘅扒 有啲筋位都有香口膠嘅口感不過叫做六十零埋到單就到接受到

唔知發生咗咩事，我嗰日竟然叫咗個最飽肚嘅雜扒餐＠＠上圖見到幅相都知我嗰日食到幾飽個鐵板餐有牛扒、雞扒、豬扒、雞翼、火腿、腸仔，仲有薯菜，真係飽死我！個waiter幾好人，淋鐵板汁嘅時候提我地要拎紙巾擋住廢事啲汁彈到我地身上！食完再飲埋杯凍朱真係超飽！

這晚來了想試了很久的花園餐廳, 試了久違的鐵板扒餐。我們點了兩個套餐, 一豬一牛。我們兩人都是點白湯, 忌廉味很濃, 餐包大大個是熱烘烘的。鐵板送上時, 店員貼心地指示我們拿起餐紙打開擋在身前, 之後才倒下我們點的蒜蓉汁。美國豬T骨扒很大塊, 不會很韌, 很容易就切開。美國肉眼扒大大塊, 要了5成熟, 很香的牛肉味, 脂肪和肉比例平均, 整體水平很理想。 

呢晚同好朋友行完街，熱愛食扒的我們係旺角，又驚一般餐廳的扒餐貴而質素無保證，所以決定去返花園餐廳呢D老店，買個安心。肉眼扒一向係筆者至愛，可惜呢度既扒卻令我覺得比以前遜色，Ａ級肉眼扒食落同普通食開的差別不大，而且有點硬，食落唔夠軟熟，亦都整得偏老，老實請有點失望。加上薯條方面少而老，油味粉味較重，薯蓉反而唔多。希望餐廳能作改進啦。

以前細個好鍾意來這裡食，有得食塊牛扒就已經好滿足，依家系返呢度食覺得不如以前，好似之前既牛同雞都有味同易咬啲，宜家就無咁好味，最好味係個餐包哈哈，可能因為自己都好鍾意食包，又暖又軟！牛扒就好似有啲難切，同小左牛味比較起以前，雞就挺好，又有雞味，調味料又適中唔會搶味，怕肥既我較雞皮都食埋

聖誕節，普天同慶的日子，小妹當然要鋸扒應節，來到旺角人山人海的地方，要找一個舒服寬闊的環境下用膳，都相當困難。我們都沒太諗去那裡鋸扒？總之來到花園餐廳點都有得鋸。最大問題就是小妹一個不吃牛的人走去鋸扒，有點可笑呢~當十個有九個客人鋸牛扒時，小妹係另類第十個鋸豬扒雞扒，哈哈！我要做另類人種。 忌廉湯x2客，例牌扒餐會包括埋餐湯及牛油餐包，如往常般要白湯。質感較稀，湯面起滿油光，內裡有幾片切片蘑菇。餐包用微波爐加熱過，配上獨立包裝牛油粒。剛飲完最後一口餐湯，侍應已準備好極速收拾湯碗，然後另一侍應極速放下二份鐵板。 沙樂美腸併豬扒配薯菜，侍應手拿著2杯鐵製器具分別載有黑椒汁和蒜蓉汁。小妹要了蒜蓉汁，攤開枱面上附有的大紙巾，倒下醬汁，鐵板頓時發出喳喳聲。沒想過腸是片裝形式，有2片，分了一片給友人。豬扒都幾淋身，唔錯！底下的波浪紋薯條索滿醬汁變淋了。 豬T骨鐵板配薯菜，加大碼份量，成塊面般大，誇張！中間有T骨位，試了一小件，質感偏un，比較起小妹的普通size豬扒，自覺自己那塊好食點。友人總要有飯落肚，加$10要了白飯一碟。最後才叫餐飲熱奶茶x2杯，正常，奶味偏重。正當我倆還喝著手中的奶茶

雖然唔貴，五十幾蚊個set lunch。叫左個牛扒午餐，塊牛扒外表睇都唔吸引，唔熟而且切都切唔開，強行食一舊真係唔熟，咬到牙胶都軟都咬唔碎，有咬橡根既感覺。賣相如相片般血紅色，好似得四、五成熟既半生牛扒一樣。結果牛扒只食了一口。

一個Dinner Set入面有主菜、餐湯、蒜蓉包，而價錢只系100餘元熱辣辣既蒜蓉包好脆身同香口，蒜蓉醬也放了不少沾上少少餐湯更顯滋味。但其實餐湯味道非常非常一般，跟普通罐頭湯的味道沒分別，還淡一點點吧西冷牛排都頗大塊，十分新鮮，完全食唔出有冰鮮既味道肉質亦非常嫩滑，但可惜肉味還是欠缺了一點點。如果食薯菜既話會適合細食D既女仔(好似我咁 )。最後餐廳既環境好，燈光比較浪漫，好適合二人世界。不過waiter waitress 既服務態度比較差，對顧客愛理不理。 所以除左服務態度低分外，其他都十分滿意

旺角, 香港人都知呢排發生緊咩事,所以人多既地方都要搵一個無咁多人既地方食飯入到去, 坐位都仲有, 唔洗等, 舒舒服服今天點了牛肉眼排很好呀夠熱的鐵板, 加汁落有鐵板開心的JAR JAR聲薯條因為汁既關係林曬而塊排約7成熟, 夠林, 有肉汁, 而且厚薄適中, 大約一吋厚好滿意, 所以加點了芝士蛋糕一件, 只加12蚊但係.. 件CAKE質地唔實, 而且入口無咩芝士味, 只有甜味, 認真是12蚊的質素由於係午餐, 所以件排只係65蚊, 尚算抵食

今天和朋友一起吃午餐，在旺角區眾多美食中，花園餐廳是我的首選。朋友要了一份鐵板東西冷牛扒跟黑椒汁，我則要一份鐵板肉眼跟黑椒汁，味道都很好。我和朋友都不喜歡太生的牛扒，因此要八成熟，厨師果然功夫了得，牛扒煎得鮮嫩可口，居然有Juicy的感覺。最要讚的是凍檸茶，在許多餐廳叫凍檸茶少甜仍十分甜，但這兒的凍檸茶少甜真正少甜，抵讚。花園餐廳的裝修頗舊，但價錢相宜，服務及食物水準都好，真擔心高租金會把這些平民餐廳趕盡殺絕。

係旺角做野果陣，行行下見到花園餐廳個招牌，真係好大個同好閃。之後做哂手上既野又差唔多6點。見有d 肚餓啦，諗住搵d野食，係旺角當然就掃下街食小食啦。點知睇到又好似唔多吸引甘。突然就諗返起花園餐廳。甘當然就走左去食啦。一入去就聞到陣舊式西餐廳既獨特味道。出面熱辣辣，入到黎好快就涼快返。當然坐底左就望下個餐牌有咩好食同擦汗啦，黎到花園餐廳，當然就集中望返有咩牛扒選擇啦。最後揀左個巨型T骨牛扒(5成熟)，點完之後就諗係唔係真係巨型架。羅宋湯係點餐後未夠一分鐘就到左，果然有速度。但個湯冇乜料係入面，味道都唔係好特出。標準西餐廳餐包加牛油。餐包暖暖地，牛油更容易溶合到餐包到。 唔會一咬落去就咬到舊凍冰冰既牛油。牛扒一黎到都嚇左下，塊牛扒仲大過塊鐵板 侍應哥哥放底左就問我要咩汁，我揀左黑椒汁。一落左汁就當然聽到炸炸聲啦。等左約一分鐘就開始個大餐啦，因為煎完加上落左汁，真係分唔到邊一邊係牛柳定西冷。最簡單既方法當然切一細舊試下啦。因為我中意食左西冷先，之後再食牛柳。老牌牛扒餐廳果然唔同，牛扒熟度掌握得好好，岩岩好5成熟。呢個值得一讚。不過可能塊牛扒太大，佢應有既薯條同配菜都比塊牛扒壓住左，到見到佢地

今日我帶表姐到朋友介紹的花園餐廳進餐。餐廳並沒有富麗堂皇的裝潢。沿旋轉樓梯上至一樓後，隨即有服務員問我們的人數，服務員清晰的指示我們座位。餐廳的環境不太嘈吵，予人一個談天的小空間，唯燈光不足，自來光太多。我與表姐因趕時間工作關係，只能叫普通的午餐。Menu中一共有4個餐，有牛扒、雞扒等。我與表姐都叫了一個牛扒餐，餐中包括例湯、主菜及餐飲。餐上枱後，我與表姐自行拍下幾張照。未幾，有店員主動為我們拍照，留下難忘的回憶，足見服務員的人情味！接著，開始進食我們的牛扒餐。碟中的菜分佈平均，碟邊的清潔度良好，可見有花心思！雖然牛扒的熟度得宜，肉嫩可口，但扒的脂肪未經處理掉，令我難以爽快地進食、必須先自行處理掉脂肪！而且伴飯的蒜汁略為不足，以致與白飯的比例不協調，難將蒜汁伴所有的飯吃。以上的不足都只是針對牛扒午餐中細節的不足，並不代表含有對整體食物質素的評論。最後由衷讚賞服務員主動協助食客的態度

上次晏就睇完戲覺得好肚餓諗唔到食什麼好(￣∇￣)慢慢果陣見到花園餐廳店外張貼既午餐好吸引，於是走到入去叫咗個8成熟西冷牛排食 個排黎到前，我先嘗試咗個在家中飲到既餐湯，不知是什麼原因覺得特別好飲 等咗5分鐘到個排到喇，哪位老伙計即刻問我要什麼醬汁，我即刻話要黑椒汁喇，這是基本常識喇，個黑椒汁都尚算辣幾惹味環境服務一流，滿足到客人需要。

是晚一家五人逛街，正當晚飯時間還猶豫該吃點什麼的時候，媽媽便提出了想到花園餐廳鋸扒，肥妹也曾聽過是家很出名主打牛扒的連鎖餐廳，也知道這間餐廳都在香港屹立良久，但肥妹卻未曾試過，既然年紀最小的妹妹都不反對，便一於到花園餐廳晚飯。餐廳的佈局有點像西式的茶餐廳，是次的這間位於豉油街的旺角分店則有兩層之分，進門後講出同行五人後店員便叫我們到最頂的二樓入座。餐牌款式尚算頗多選擇，除了主打的鐵板（豬牛扒大蝦等等）外，也有一些焗飯，飲品還有約三四款的普通雪糕甜品。光是牛扒便已有幾款不同供選，猶豫許久後肥妹決定點一個最貴的試試看。先來的永遠都是奉送的餐包及餐湯，餐包沒什麼特別的，夠暖夠軟便大致可以了，羅宋湯也未見特別，湯內的配料也很少，帶點微微酸，湯與麵包同吃作為鋸扒前的熱身是頗不錯的，但想不到這熱身竟然是全餐中最好吃的一環……接下來便是主角－－五成熟西冷牛扒的出場時間，以牛樣的鐵板奉上，然後店員會拿著一個盛裝蒜蓉汁及黑椒汁的鐵桶為你刷上醬汁。肥妹要了黑椒汁，醬汁一接觸到灼熱滾燙的鐵板便立馬冒出白煙「沙…沙…」作響，熱力逼人。為免熟度不對，肥妹都立馬要了只碟子把牛扒分開，不過可惜還是不對，牛扒除了熟度