花見月 (已結業)

朋友搬家，就在科學園旁的天賦海灣，貪其清靜，這裡的生活環境的確非常清優，旁邊是白石角海濱長廊，適合黃昏跑步，放狗，散步等。因為自成一角，晚上很多單車發燒友在這里踩單車，海風吹拂，很是涼爽。餐廳裝潢簡潔大方，燈光分明，兩邊全落地玻璃，外面的風景一覽無遺，全部收納眼簾。餐枱四方為主，張張都大大張，夠晒寬敞，座位之間空間十足，令人坐得舒服。北海井定食套餐，包括：炸雞野菜沙律、刺生、北海井定食和野菜滑子菇味噌湯。份量一點都不少，足夠一個人食有餘。套餐之炸雞野菜沙律，沙律菜新鮮得很，添加了車厘茄、栗米，還加了炸雞，吃起上來口感層次豐富多些，沙律菜爽口清新。套餐之北海井定食，我特別欣賞當中的海膽，甘香而綿密，與飯一齊食，特別滋味。海膽熔入白飯內，簡直是完美的結合。套餐之刺生。因為套餐組合的其中之一，所以份量不要求多，但又不能沒有，於是做到點到即止的效果。金黃色的雞翼外表看起來分數很高，雞翼上沾滿了芝麻，經炸香後食起來果然由想像中般脆香美味，咸度剛好，不論單食雞翼還是與飯一齊食都同樣適合。刺身拼盤有三種，分別為花、見、月三種，價錢由＄198始。亦有單獨供應的刺身，這是我們單獨點餐的，分別為三文魚剌生

呢排日日都落雨，難得今日出咗小小太陽，即刻拎咗部塵封已久嘅單車踩下先。少少哋去科學園食個晏晝就返屋企啦。科學園都幾多餐廳，雖然星期六，但lunch time都人山人海，想食日本野，見呢間花見月環境唔錯，而且有位就入去試吓先。餐牌都幾多唔同款式嘅食物，我就叫左一個全日早餐，朋友仔就叫咗魚生飯，好吸引呀！花見月全日早餐呢個全日早餐豐富到呢～腸仔都有三款，仲有炒蛋、粟米、野菌、沙律、多士，竟然仲有牛肉薯餅同埋明太子雞翼，啱晒我呢啲選擇困難症嘅人。其中最欣賞嘅就係個牛肉薯餅，外脆內軟，入邊熱辣辣而且餡料豐富，另外野菌都非常唔錯，超級濃味，啱晒我呢啲重口味人士。築地三色丼定食有吞拿魚腩蓉、海膽同埋三文魚子，三樣都係朋友仔至愛，魚生飯最緊要用料新鮮，撈少少豉油同埋芥辣就變得超級yummy。海膽味道唔算太濃，但唔會一陣腥味，三文魚子夠新鮮，粒粒脆卜卜，撈埋一齊食真係人間極品啊！另外可以半價Menu上面嘅飲品，我要左一個玫瑰牛奶咖啡，朋友仔要咗玫瑰朱古力，兩杯味道都唔太甜，但係玫瑰味十足夠晒清新。踩完單車攰到死，可以坐喺呢度咁舒服嘅環境食個午餐，真係好享受啊～而且餐廳三面都係玻璃，出邊有山有水，美景配

朋友係科學園返暑期實習 佢話科學園餐廳算多 有間佢想食既日本餐廳叫 花見月🌕 佢返工經過見餐單睇落幾岩食就約我一齊食🤤餐廳裝修得幾靚 燈光夠哂強💡可能算係平日夜晚未夠7點 所以人唔算多 之後慢慢開始多返人入黎食飯☺️ 我地好快睇完餐牌就簡好咗要食乜同飲乜 所以等一陣就食得👍🏻我諗住一場黎到就嗌個高級魚生丼 賣相我地比滿分👍🏻 望見就已經好想食 佢有齊九款配料 樣樣都睇落好新鮮 成個丼既亮點係海膽 唔腥有甘甜既味道 感覺新鮮 海水味亦唔會太重 所以配埋飯食就好有幸福感😚 大頭甜蝦都夠哂鮮甜 爽口 蝦肉肉質算係肥美🤤朋友簡咗蒲燒鰻魚飯定食☝🏻 鰻魚油脂非常豐富 肉質亦十分細緻滑嫰 而且沒有骨🍖 幾乎係不用咀嚼 特製的鰻魚醬汁鹹甜不膩口 吸收醬汁的鰻魚味道更加提升 搭配日本的珍珠米飯食用非常岩配飯食🍚嗌咗兩條串燒 一串係牛舌 牛舌唔係薄切 偏厚身 雖然唔係嫩但係烤得好脆好香 騷味唔多 可以加埋旁邊既檸檬汁落去 會幾清新💁🏻 另一串係燒冬菇 唔算太乾身 上面鋪滿咗柴魚配料 好有口感同幾入味😋朋友嗌既定食會跟刺身前菜同沙律 同我嗌既刺身丼刺身有重覆所以我地就平均分咗去 大家都覺得夠新鮮之餘都好肥

一直聽聞科學園環境唔錯，有得玩有得食，於是即管去睇下。6點幾見肚餓，選咗呢間日式餐廳，環境整潔，全落地玻璃好吸引我。睇餐牌好多嘢都想試，於是點咗照燒澳洲牛扒定食、燒牛舌串、紫菜芝士年糕、67度溫泉蛋雞肉凱薩沙律、花見月特上魚生定食和苦瓜海葡萄沙律：照燒澳洲牛扒定食選料好正，牛扒煎得剛剛好，入面少少粉紅色好嫰唔會乾。牛舌軟硬剛剛好，配上黑椒碎超惹味。紫菜芝士年糕好得意，啲芝士味好濃，咬時要小心，流心架，會唧出嚟。67度溫泉蛋雞肉凱薩沙律，隻溫泉蛋入口好濃蛋味，半流心感覺質感好豐厚，雞扒加上好多菜絲，份量勁大，一上菜就心諗死啦，今次實食唔晒。花見月特上魚生定食啲魚生好靚，有金槍魚腩，三文魚子，海膽，吞拿魚腩蓉，蟹肉，有隻大蝦，蟹柳，玉子，金槍魚腩入口好滑，淡淡油香，其他用料都好正好鮮味，海膽都好多，絕對物超所值。最後一味苦瓜海葡萄沙律屬於清新類，苦瓜微甘，海葡萄偏咸，配上口味清淡嘅菜絲同沙律醋，幾種味道調和得剛剛好。望住窗外風景一路慢慢食，絕對係非常寫意嘅選擇。

星期日到海邊吃個悠閒午餐，於是選擇在人煙稀少、位處科學園的花見月。一說到科學園，馬料水那邊，大家一定覺得非常偏遠吧。事實上，大學站巴士272K，車程不用10分鐘，巴士10-15分鐘一班，還不算遠呢！今天點了「海膽特上什錦刺身定食」、「油甘魚刺身」、「澳洲和牛定食」、「明太子雞翼」，整體不俗，加上用餐環境很好，落地玻璃透光，環境明亮舒適。海膽富有強烈的海水鮮味，顆粒雖小，但風味十足。甜蝦刺身蝦頭鮮甜，蝦身口感扎實，沒有雪藏解凍不完全之霉味。三文魚腩極肥美，滿滿魚油脂肪香，大滿足。吞拿魚赤身沒有劣貨之筋，吞拿魚腩甚肥美！魷魚口感明朗，吃下去爽口，沒有漿糊感。帆立貝不過不失，尚有咸鮮味。油甘魚刺身肉質有適當彈性，不是濃密的味道，濃密度介乎赤身魚與白身魚之間，口味非常平衡，吃罷有淡淡魚香，好味。澳洲和牛定食，份量可不少啊！澳洲和牛燒得半熟，濃濃肉香，非脂肪油花和牛路線，是濃濃扎實的牛肉味，半熟使其更軟腍，雖非入口即化之口感，而是個性強烈的牛肉香。明太子雞翼，雞翼外皮有明太子小顆粒，內裡釀得滿滿。內裡盡是可口、風味強烈的明太子呢，很惹味喔！桂花梨茶，檸茶加上桂花、梨底，很柔和的感覺。水裡有著木星

放假踩單車路經科學園先發覺好多餐廳食肆, 有日響火炭做完野, 索性近近地黎呢邊食.日本野我最啱, 落地大玻璃唔焗促, 位多夠闊落, 環境寧靜舒適.有定食晚餐, 揀左照燒和牛定食, 外表燒至微焦, 好香, 但入面肉質保持7成熟, 少許脂肪, 入口特別軟嫩, 肉味濃香, 好juicy, 配埋燒汁仍蓋唔住本身既和牛肉味.朋友另外要左七色魚生定食, 即係有帶子, 甜蝦, 三文魚, 魚子, 油甘魚等, 魚生鮮味, 魚油脂豐富, 特別軟嫩, 帶子同甜蝦都好彈牙.另外要左鹽燒牛舌, 牛舌唔會太薄, 入口有質感, 唔韌好爽口, 表面仲加左黑椒一齊燒, 夠晒惹味, 好香口.跟餐仲有刺身三款, 同樣新鮮, 肉質肥美.炸雞沙律都唔錯, 炸雞即炸夠熱, 外脆內嫩, 又唔會太油, 沙律健康.麵豉湯都唔HEA, 唔係得水, 有豆腐, 紅蘿蔔, 昆布等, 唔會太咸.由於呢邊始終人流唔多, 所以9點半左右就last call, 不過近近地我又覺得唔錯, 下次會再黎.

最近忙於視察婚禮場地，一場黎到科學園當然要hea下，經過見到呢間餐廳好光猛舒服，樓底高又有落地玻璃，仲有白色同埋木色為主裝潢，好日式muji感覺，之前仲見到朋友post過呢度可以搞午間婚禮添!本身想叫all day breakfast，見佢幾特別，材料係西日式食物都有，可惜冇哂...所以好是旦揀左兩個拉麵1.東京黑醬油豬軟骨拉麵($82)豬肉、湯底同拉麵不過不失，反而配菜沖繩苦瓜同木耳都有驚喜。2.菠菜豚骨湯炸雞叉燒拉麵($98)豚骨湯底加入菠菜汁，賣相好清新又好濃味，我幾鍾意，叉燒肥左D，個人鍾食瘦叉。麵鼓湯有好多洋蔥，好飲~睇黎呢間餐廳都係主力sell魚生多d，拉麵質素唔算太高而且價錢唔算平，不過環境relax加返分!

與老死晚上來了科學園食晚飯。他挺熟悉這地方的，說這餐廳算是園內比較好吃，性價比可以的一家。那我當然是聽他的！我們點了蒲燒鰻魚飯定食和三文魚親子飯。最值得一讚的，必定是定食跟餐的炸雞沙律，那雞塊真的炸得很好，新鮮炸起、皮也薄，一流！至於刺身和魚生飯，我覺得一般般啦，以它的價錢來說，我不會用抵吃來形容。鰻魚飯也好吃，但普遍來說兩客飯魚的份量也比較少，大食一點可能都覺得不太夠呢。晚上這餐廳（其實其他園內的食肆也是）人流真的好少，所以環境很靜，坐和聊得也好舒服。但也因為這樣，八時多的時間，餐廳的員工已經用趕著打佯回家的眼神看著我們。我們還是得合作，繼續在科學園附近漫步一下好了。

周末不想在油尖旺區，得閒可以去科學園hea下都唔錯，今日天陰陰又唔熱，就孖老友黎走走食個brunch。行左一轉，覺得呢間餐廳比較好座，又唔係大型連鎖店，所以就選定了。店內環境真的不錯，座落於在森林之中，高高的透明的玻璃牆，十分清優。剛好走的時候就辦婚禮，佈置得非常美麗，感覺像置身於日本。除左食定食，仲想食刺身，我的sashimi selection，有Toro、甜蝦和帶子，朋友就食三文魚刺身、甜蝦和帶子。本來想要油甘魚，由於食材供應關係沒有油甘魚，所以師傅改了帶子。三文魚肥美、帶子鮮甜、吞拿魚油脂高、甜蝦色澤鮮豔，整體賣相也十分吸引，非常有質量的刺身，值得追加。加$10和風野菜沙律，好fresh!定食附味噌湯，湯料豐富，有好多海帶。照燒澳洲牛扒定食($128)，看樣子不怎麼樣，但是真的很好吃喔！牛扒肉質嫩滑，没有煎到全熟，鎖住肉汁。照燒汁都好夾，令到牛扒更滋味！西京銀鱈魚定食($138)也要推薦一下，魚肉燒得很美味，食得出很有品質，果真是要配日本白米飯食，大滿足。追加了Lemon tea，茶味和檸味配合得不錯，檸檬味不會太淡。

沙田真係越黎越多人, 是但搵間餐廳食飯閒閒地等個幾鐘, 諗諗下科學園有好多餐廳都開夜市, 所以響沙田火車站搭程小巴, 10分鐘左右就到, 好快.睇水牌都以西餐多, 但唔想食咁多肉類, 好彩仲有間日式, 一於呢間"花見月".晚市唔多人, 不過間斷都有客, 反而覺我仲舒服, 環境大又唔嘈, 夠晒開揚. 晚市有散叫亦有定食套餐, 定食餐包沙律, 刺身, 味噌湯等.要左兩客定食套餐, 北海道定食有海膽, 帆立貝, 甜蝦, 三文魚, 魚生有光澤, 海膽食落鮮甜滑溜, 魚子又多, 份量十足.仲有鰻魚飯定食, 鰻魚肥美, 肉質嫩滑夠厚, 鋪面既鰻魚汁鮮甜惹味, 配飯食一流.配套餐既炸雞野菜沙律, 炸雞都幾大件, 脆口唔油膩, 沙律菜夠大碟, 清新夠fresh.套餐既三品刺身, 配料同北海DON差唔多, 帆立貝同樣厚肉肥美, 鮮甜, 甜蝦彈牙蝦味濃, 三文魚正常無雪藏味.另外要多碟銀鱈魚, 外表煎到金黃色, 好香口, 魚質夠嫩滑, 唔多骨, 魚脂豐富.呢度環境同食物都好好, 起碼無時限又唔迫, 靜靜地邊食邊傾輕鬆下, 食完搭返小巴出沙田, 或者有巴士去大學站, 大埔, 馬鞍山, 幾方便.

同朋友踩單車途經科學園，係時候去食個午餐，依間餐廳就喺科學園裏面，放左部單車喺餐廳出面單車停泊位，就入咗去呢間食日式煎雪魚，煎得夠香，肉質柔軟，色澤不錯，特別嘅地方係不是鹹味，而是甜雜錦壽司，10件壽司都係分量十足，海膽壽司上嘅海膽數量一d都唔少，都係鋪度密麻麻，海膽都好鮮甜同香濃海膽三文魚飯，三文魚有五片，都切得都幾厚吓，上面鋪左多件海膽，海膽係我至愛，海膽味道香濃鮮甜，香甜海味十足，我就會先品嚐海膽，然後至食埋其他

香港這個人多車多乜都多嘅地方，想搵個空氣好啲環境好啲嘅親子地方都很難，朋友介紹假期去科學園是一個不錯的選擇。門口見到呢張餐牌，覺得食物種類都很多，所以就入去試一試。叫了個海鮮拉麵，湯底是豬骨湯底很濃郁很甜，有很多不同嘅海鮮，例如大蝦、帆立貝、蜆等樣樣都很新鮮值得一吃。叫咗個豬扒定食比個仔，豬扒外層炸至金黃色，咬落口很趣很啱小朋友吃，再加埋個小沙律，上枱都靚啲吸引力更高。牛肉薯餅，牛肉碎加在薯蓉裏，再加埋麵包糠一起炸至金黃色，吃時點埋沙律醬一起吃，更加冇得頂。榛子咖啡，食完飽飽地飲杯咖啡嘆下先另外叫杯熱榛子朱古力俾阿仔，一見到上枱時杯朱古力拉花咁靚小朋友已經興奮莫名，再加上朱古力很滑很香，甜度適中，果然係小朋友最愛。

今日約咗個朋友黎到科學園沿海踩單車，踩完單車咁梗係要食返個下午茶，咁我哋就去到最近嘅商場裏邊見到呢一間花見月餐廳，見佢最多人食，咁就試吓一定冇死。花見月全日早餐早餐好豐富，好大碟，炒蛋半生熟不怕老，食落好香蛋香，草菇係汶過嚟的，鹹鹹的可配雞蛋加麵包片一齊食，咬落麵包鬆脆加入一點牛油令到麵包更有牛油香，再配上雞蛋草菇，食落會有點鹹香蛋味。明太子雞翼咬落有少少辣辣地，雞翼個皮炸得香脆。牛肉薯餅係用薯蓉加牛肉再加麵包糠炸出來的，識落不太鹹，非常脆口。木瓜雪耳牛奶牛奶比較水的，再加上木瓜雪耳蓉，小小條友有咬口牛奶不太結，所以任內都比較清新。

陰天到處都不想去，午餐也不想動手煮所以男朋友提議話揸車到科學園食午餐去果邊走走都的確係唔錯，就當遊下車河泊好車後，我地上左去上面果層見到都郁好多餐廳，我地就入左去其中一間食日本菜環境好開揚，空間感充足我們點了「北海丼定食」$128入面包括有海膽，帆立貝，甘海老，三文魚海膽顏色鮮明，帆立貝好軟身三文魚都大塊，啖啖肉「火炙三色丼定食」$112分別有火炙油金魚腩，火炙帆立貝，火炙左口魚邊每樣刺身經火輕輕燒過，外面燒到好香左口魚邊同油金魚腩經燒完之後油脂帶點熔化，好吸引「築地佃權魷魚餅」 $28見到個名幾特別所以點黎食黎到先知原來係燒餅日式燒餅之前每次去日本都會食我同男朋友都好鍾意食無諗過係度食午餐都食到「明太子雞翼」 $38/2隻雞翼入面釀左明太子再去炸外面炸到好香，拎住雞翼尖咁食，都好方便見到有手工果醬綿綿奶泡所以都點左杯黎飲木瓜雪耳牛乳(Iced) $46木瓜雪耳既醬放在牛乳當中，估唔到味道幾夾榛子牛乳珈琲(Hot) $42

於科學園跟朋友晚膳定食有鰻魚肉類刺身等選擇我們點了七色魚生丼和北海丼定食套餐含味噌湯沙拉刺身味噌湯單純入口順滑無甚特別炸雞沙津味道偏酸櫻桃茄新鮮多汁兩件炸雞十分出色放在沙津中仍保持外皮香脆內裡肉汁比油份多刺身新鮮有嚼勁三文魚略嫌味道油脂不夠濃厚芥末清新內有有顆粒可是上桌時已稍為收水變得有點難沾上刺身定食丼七色刺身大半跟刺身拼盤重複主角落左米飯上粒粒珍珠米飽滿糯口飯粒帶甜味份量也出奇地多配以生薑和鹽漬三文魚籽相當好送飯大蝦和海膽刺身鮮甜帶子鮪魚也是合乎水準追加了串燒和天婦羅串燒沒加太多調味而且偏乾身牛舌愈嚼愈有味秋葵烤得恰到好處沒烤焦且裡面夠乾身不會吃到滿口滑捋捋天婦羅是今次最驚艷的菜式麵衣大片而薄可是略硬外層香脆不油膩蝦天婦羅是經典炸物南瓜和蕃薯天婦羅沒多餘水份口感甚佳能食出澱粉的香甜味環境也值得一提坐落於科學園的開闊環境全玻璃外牆和高樓底令空間感大增除了自然光進入餐廳內的燈光也因玻璃顯得柔和食之餘又多份享受在不同天氣下進餐都別有一番滋味