茶寮 京都仁王門

营业中

休息中

平日6:00pm 入座完全冇人，7:00pm開始多人，幾乎滿座！兩人點了1款小食、1款主食、1款甜品和兩杯咖啡，份量剛剛好，一份甜品的份量等同一份主食，所以建議主食叫一份就足夠了！🐟味醂魚乾 😋食後感：-燒得好香，甜甜地鹹鹹地好好咬好好味👍🏻🍛咖喱吉列豬排蛋包定食 😋食後感：-味道正常一般，普普通通唔係特別出色☕️Caramel Latte 😋飲後感：-少少甜，少少苦，少少奶香，幾好飲👍🏻🌟必試招牌菜🌟🍵宇治抹茶梳乎里班戟🥞 😋食後感：-賣相唔錯，非常適合相機食先😋-梳乎里班戟好鬆軟，蛋味好重，抹茶味反而唔係太重，只係上面少少粉同後期加上少少抹茶汁-抹茶味雪糕同類似啫喱嘅和菓子都好食😋-整體味道都唔錯👍🏻最後個人覺得這裡的甜品比較出色，所以建議兩份都點甜品😂😂

梳乎厘等左35分鐘（店員落單時會提醒你要等幾耐）但味道係好一般同埋冇梳乎厘個種空氣感如果好味唔介意等 但味道實在令人失望環境一般啦 唔算多位 應該下次唔會黎食同價錢有其他選擇

吾好食，又慢，仲要個個樓面都西口西面。。。 價錢絕對吾平，仲要睇樓面面色。。。男友已經講左，吾洗$都吾會再黎😡😡😡入單到上餐，等足超過35分鐘，追單呢。。。先話要起碼30分鐘先做到個 pancake梳乎厘。。。頂，仲要完全係難食，好勁油煙味，同係日本食，係2回事囉！

去咗海之戀搵野食經過哩間日式餐廳被menu入面既pancake吸引左入黎食推薦：3.5/5🍴抹茶煉乳奶昔抹茶同奶balance得幾好，岩哂唔鐘意飲太濃太甘既朋友面頭既紅豆亦好甜同好夠冧🍴培茶奶昔培茶加奶有d似豆粉味奶昔，唔太飲到培茶味，不過都係好飲既🍴咖喱吉列豬扒蛋包飯定食吉列豬扒炸得好脆，不過咖喱汁少左d，唔夠撈飯（我鐘意多汁），蛋亦唔夠香，有點失色🍴芝士奶蓋pancake芝士奶蓋味好芝士，芝士咸味調得岩岩好，唔會太咸👍🏻配上一塊芝士味Nachos幾得意。不過主角係pancake，pancake唔係太鬆，岩一d鐘意口感實在既朋友

喺肚餓同唔肚餓之間，同男朋友睇啱左呢間甜品好似幾正，就入左呢間食啦，啱啱過左下午茶時間，唔算好忙叫左個咖喱飯同梳乎厘，職員話如果一齊叫就有可能會一齊上，咁就話食飽飯咁上下先叫啦飯嘅份量1個人就啱啱好，炸吉列廣島蠔都熱嘅脆嘅當食到咁上下，就叫個「雜果梳乎厘班戟」啦，菜牌寫【新鮮即製，需時約30分鐘】，職員都話「要等約20分鐘」，結果2分鐘就出左黎，飯都未食完就上左甜品，重點係個班戟，唔熱唔好食，唔會再黎呢度😤😡

噚日(26-12-2022 Mon)聖誕節翌日假期冇出街,由於唔想煮晚飯,就提議出街食,我引誘埋爸爸一齊出去食,終於成功,就同老公,爸爸友人一行四人出去,老公search到呢間,我覺得唔錯,於是走嚟.由於爸爸行得慢,所以我叫老公嚟等位先,我哋搭車時,老公攞到位喇,佢同店員講未人齊,店員都ok話俾佢坐低,真好.我哋嚟到喇,由於驚爸爸唔餓我,老公就幫佢叫咗個餐先,就係$118.00加$28.00成為特級吉列豬扒定食,要烏冬,再以半價$18.00要黑蜜椰奶紅豆豆乳,然後我哋再睇要咩嘢食.特級吉列豬扒定食到嚟,沙律方面,老公喺煙鴨胸沙律同雞肉胡麻醬沙律中,揀咗前者.定食有兩款前菜,麵豉湯,時令水果同日本茶,飯團/烏冬同麵豉湯都可能免費加添一次,都幾好.我哋試咗爸爸一片特級吉列豬扒,外脆內裡唔算太嚡,ok 嘅.而前菜係醃墨魚.吉列豬扒味道係3分   而我哋都叫咗:$36.00嘅煙三文魚沙律呢個正常冇問題.味道:3分我嘅定食加$40.00要原價$52.00嘅黑蜜紅豆奶昔呢個味道唔太甜,同幾好味,紅豆又好味,唔知係咪十勝紅豆呢?味道:5分$26.00嘅章魚燒一客四粒,內面熱騰騰同軟腍腍,有兩舊章魚肉

第一次幫襯，體驗一般般。員工不是很積極下單，甜品遺漏了整 追單嗰陣時候先記得要整。另外，日本來的餐廳竟然餐具可以不乾淨。疏乎厘班班戟（點解要加Tostitos 在cake 上？）和蛋包飯味道中規中矩，飲品OK。

約左朋友仔係荃灣食飯，但唔知食咩好，咁岩經過，見到有梳乎厘班戟，好吸引，就決定食呢間。28 辛京都風咖哩牛肉 - 升級：前菜x2 + 飯團 + 時令水果 + 日本茶牛肉燉到好淋，有洋蔥同紅蘿蔔，肉既份量偏少。前菜沙律係意式沙律醬，酸酸地，好開胃。另一款係八爪魚，好爽口彈牙。汁燒雞扒- 升級：前菜x2 + 飯團 + 時令水果 + 日本茶雞扒焦香嫩滑，加上椰菜絲，清爽而不膩。焦糖鳳梨班戟班戟軟綿綿，好香蛋味。菠蘿有加糖火炙，有一陣甜甜的焦香味，加上班戟，幾特別既配搭。 仲有菠蘿啫喱同菠蘿醬，但菠蘿醬偏甜。完熟清甜密瓜班戟密瓜香甜加上原塊啫喱，多一層口感。環境黎講，因為係商場再extend 部份黎坐位，所以會比較嘈。如果食個快飯同想有甜品都係唔錯既選擇。

Ordered the curry omurice with fried prawn. It was beautiful to look at, smell but just fair to taste. The egg is smooth creamy and scrumptious. But the curry sauce was ordinary with a few ingredients. The prawns were big but a bit oily. Overall, The food is ok but wouldn’t rush back. 點了咖哩炸蝦蛋包飯，賣相很美，聞起來也很好，但味道普通。蛋包飯嘅蛋好滑奶油香很重和美味。但是咖哩醬就很普通，配料少。 蝦雖然很大但有點油。 總的來說，食物還可以，但不會太快再來。

今日係週末，menu 唔係平日。 野食選擇少左啲，叫咗2個咖喱蛋包飯，一個係配吉列炸蝦，另外一個係配漢堡扒。真係好好食😋😋😋連小朋友都食唔停口！最後我地覺得唔夠！仲叫咗個抹茶疏乎厘，疏乎厘中間嘅蛋唔會好生😍😍小朋友都可以食。

今日與舊朋友相聚，想吃簡單輕食！又要喺荃灣西鐵站附近….. 結果選咗呢間～茶寮京都仁王門 ！主要係比佢哋嘅日式招牌班㦸吸引咗！由於我鍾意焙茶味道，所以我哋今次點咗焙茶班㦸（焙茶醬👍🏻）、熱焙茶黑蜜豆乳、豆乳香蕉奶昔。D賣相好吸引，整體味道也不錯！

經過見到啲圖好似靚靚地，點知食完極之失望🍟黑松露沾醬薯條炸完之後十分油淋淋既薯條唔夠乾身，所以唔係話好脆個醬都無咩特別，沙律醬味比較重😂🐟特盛鰻重即係鰻魚飯套餐，配有2款時令配菜，麵豉湯，時令水果，日本茶個鰻魚就幾厚肉，味道正常，但明顯好似係啲急凍鰻魚加熱之後就咁出菜，飯粒都煮得麻麻地，口感淋淋地咁😶飯量唔係好多，女仔食薄薄地都夠既個配菜係頹頹沙律菜同海帶沙律水果就普通蜜瓜，提子同藍莓日本茶味道普通🥞宇治抹茶班戟 此餐最差食品，首先個樣已經怪怪地，果幾粒疑似蕨餅既物體同圖片不一（雖然人地無話係蕨餅），食落都唔係蕨餅軟糯既口感，無抹茶味，似食緊一粒好甜既糕，班戟唔係想像中既空氣口感（雖然人地都無話係空氣口感），比較實在既口感，但個班戟有陣怪怪既味道（膠味？），加左抹茶粉都無抹茶味，連個雪糕都無咩抹茶味😵‍💫 都唔知用左咩抹茶粉黎整，成份班戟都無茶香😂仲要賣到咁貴啲紅豆就甜上加甜，唔知點解佢啲紅豆食落同呢份pancake可以咁唔夾🫖蘋果薑果粒茶甜甜地既果粒薑茶，無特別話好好飲😂總之體驗就十分差，見隔離枱食果個蛋包飯都勁頹，食物品相，味道同口感都令人極之失望，無下次😤

之前經過左無數次嘅一間餐廳，男友生日終於試咗😈肥佬太中意食蛋包飯，唯有陪佢試吓啦🤪·🍛28辛京都風咖哩蛋包飯定食唐揚炸雞ʜᴋ$88 · 吉列大蝦ʜᴋ$10828辛京都風咖哩，顧名思義係用左28種香料製作而成既京都風咖哩，搭配唔同嘅炸物、加埋滑蛋整成嘅蛋包飯。價錢都唔算貴，唔係太驚喜不過味道都唔錯，起碼唔係海港城嗰間排隊又貴但又唔算超好味🙈呢款咖哩唔會好辣，夾埋個蛋包飯都唔錯，炸雞整得幾好、不過好似肥咗少少🫢吉列大蝦就中規中矩啦。·焦糖鳳梨班戟ʜᴋ$118本身係想食蜜瓜班戟，不過嗰日冇貨，轉左焦糖鳳梨。賣相好靚，好彩都唔錯，焦糖鳳梨好甜好好味，班戟都幾鬆軟，兩個人share食啱啱好☺️·焙茶黑芝麻奶昔·雜莓沙冰兩杯飲品都夠哂足料，而且都調配得宜，忍唔住清哂成杯😆飲完勁飽！

📍食咗咩？- 28辛京都風咖喱 吉列豬扒定食 $88- 28辛京都風咖喱 吉列廣島蠔定食 $88先講跟餐有咩啦。定食會有一杯冷茶同埋味增湯。裡面加咗兩片蘿白，但個湯咸到腎虧，飲咗1/3就無飲，跟餐嘅茶都幾唔好飲，口渴嘅話建議都係應該加錢飲特飲。黎到主角28辛咖喱：無咩特別。聲稱用咗28種香料烹調嘅咖喱——完全食唔出個種層次係印象中個種日式咖哩，開粉，唔辣唔辛有咸有甜，兼有紅蘿蔔。蛋包飯：係蛋蓋白飯。蛋本身炒得ok，非常滑身，不過蛋本身無咩調味（可能預你撈味增湯食😂），白飯嫌過濕，食唔到粒粒嘅口感。朋友仔係食吉列廣島蠔，個蠔好食過吉列豬扒，起碼有蠔味。個吉列豬扒完全無豬味，個炸漿同肉係分開兩層，口感麻麻地。總結：坐得算舒服，可能甜品會比較吸引，但想食咖哩吉豬嘅話，分分鐘茶餐廳整得仲好味，唔會特別再幫襯。

鋪頭係荃灣西地鐵站出口行幾步就見到，見到門面主力推緊班戟同甜品，不過因為未食午餐，最後都係選擇左定食，下次有機會要試下佢啲甜品。🔴辛京都風咖哩唐揚炸雞定食 $78🍛定食附送一碗麵鼓湯同凍日本茶。麵鼓湯清清地，加上白蘿蔔令碗麵鼓湯更清甜。咖哩味唔太辣，偏向日式咖哩口味，啲咖哩就有小小稀，配料偏少，一碟得兩三舊薯仔。炸雞炸得唔夠脆，味道普通。整體感覺一般。🔴抹茶煉乳奶昔 $26🍵定食加配豆乳特飲可享半價。可能真係做開和菓子，成杯飲品偏甜。杯野一上檯真係忍唔住哇一聲，個樣好靚，睇落好豐富。抹茶蕨餅夠咬口，連埋飲品一齊飲幾夾。🏠 茶寮 京都仁王門 📍 荃灣大河道100號海之戀商場地下G22-G23